JƐRƖMAAYA 44:7 - WƖA TENIŊ

⁷ Lɛɛlɛ, wɩɩ-la mɩ-na ma TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: Bɛɛ nɛ tɩɩ ma lɛrɛ wʋlɔrʋŋ deeŋ sɩ bɩ bana kɛnɛ hɛ ma tɩtɩa lɛ? Maa chɛ dɩ ma chei baalaa arɩ haalaa, hambiisiŋ arɩ bii-mulluŋ dɩ ma doho nʋʋ bɩra sɩ́ ka nɛɛ?

JƐRƖMAAYA 44:7 ပူးပေါင်းရင်းမြစ်များ

NAMAGABA 1:18

Nɩdosunuŋ deemba faa a gbɛrɛ dɩ ba kpʋ ba tɩtɩa nɛ, ba tɩtɩa mɩɩsɩŋ nɛ ba jaŋ lɩɩsɛ.

NAMAGABA 15:32

Nɩɩ-la sɩ bɩ chɛ dɩ ba kɛnʋ tʋra kɩɩ sɩɩŋ bɩ ʋ tɩtɩa ka su, ama nɩɩ-la sɩ sɛyɛ ba kɛnʋ bil wombiiŋ lɛ jaŋ gʋnnɛ wʋjɩmɩŋ pɛ.

NAMAGABA 5:22

Nɩbɔmʋŋ wʋŋaalaa gʋra kɛŋ ʋ tɩtɩa nɛ. Ʋ wʋbɔŋŋɔɔ vɔbʋ.

NAMAGABA 8:36

Ama nɩɩ-la kala sɩ vɩa dɩ ʋ chɛmɛ, ʋ dɔgɩsɛ ʋ tɩtɩa nɛ. Nɩalɩŋ sɩ bɛrɩmɛ cho sʋʋŋ nɛ.”

JƐRƖMAAYA 25:6

Má sɩ́ vesiŋ to a kpʋkpaarɛba. Má sɩ́ kɩalɩŋ ma sɩ ŋaa, kaa ŋaa dɩ mɩ baanɩŋ sii. Dɩ ma nɛ vɩa wɩaa deemba, mɩ bɩ jaŋ ŋaama wʋbɔŋ kala.”

JƐRƖMAAYA 25:7

La TƖƖNA sɩ, “Ama ma bɩ jegile nɩɩ mɩ teeŋ, aŋ kɛŋ kɩalɩŋ ma sɩ kɛŋ ma nɩsɩŋ ŋaa, a ŋaa a leŋ mɩ baanɩŋ sii a lɛrɛ wʋbɔŋŋɔɔ kʋ hɛ ma tɩtɩa lɛ.”

JƐRƖMAAYA 26:19

Juda tinteeŋ kuoro Hezikaaya koo Juda nʋʋ dɔŋ fa kpʋʋ nɛɛ? Hezikaaya fá La TƖƖNA nɛ, a sʋlʋ dɩ ʋ pɛ ʋ lɛ. Ʋ sɩ ŋaa ŋɩɩ, La TƖƖNA leŋ wʋlɔrʋnʋ-la ʋ fa sɩ sɩ ʋ jaŋ ŋaa ba lɛ nɛ. Laa chɛ dɩ la lɛrɛ wɩɩ sɩ chaasa lɔrɛ nɛ a kʋ hɛ la tɩtɩa lɛ.”

JƐRƖMAAYA 3:24

A chɩŋ la hambiriŋ kala lɛ a kaa kɔ, vʋɩyaa sɩ ŋaa hɩɩsɩ kɩaa dii la naabalɩmaba lɔlʋŋ kala a ta nɛ: ba piesee, nɛsɩŋ, ba hambolibiisiŋ arɩ hantolibiisiŋ.

JƐRƖMAAYA 38:17

Ŋɩɩ nɛ Jɛrɩmaaya bʋla pɩ Zedikaaya, “Wɩɩ-la La TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: Dɩ ŋ nɛ joŋ ŋ tɩtɩa hɛ Babɩlɔŋ kuoro tɩntɩnna-la nɩsɩŋ lɛ, ŋ jaŋ laa ŋ mɩɩsɩŋ, ba bɩ jaŋ nyɩgɛ tabalɩŋ deeŋ ma, ŋ dɩ ŋ dɩa nɩaa jaŋ kɛŋ mɩɩsɩŋ.

JƐRƖMAAYA 42:20

arɩ ma chaasa chei wɩɩ nɛ ma sɩ tɩmmɛ La TƖƖNA Wɩa teeŋ a bʋl, ‘Sʋl La TƖƖNA Wɩa a pɩla, aŋ bʋl wɩɩ-la kala ʋ sɩ bʋla a pɩla, la jaŋ ŋaa.’

JƐRƖMAAYA 44:14

Juda nɩkaana-la sɩ kɔ dɩ ba hɔŋ Ijipiti lɛ, ba kʋŋkala bɩ jaŋ fori koo a kɛŋ mɩɩsɩŋ a mɩɩra mʋ Juda tinteeŋ, lee-la ba sɩɩ hɩɛnʋ dɩ ba mʋ. Ba kala bɩ jaŋ mɩɩra mʋ, see nɩaa baŋmɛnɛ.”

JƐRƖMAAYA 44:8

Bɛɛ nɛ tɩɩ ma kɛŋ kɩalɩŋ ma tɩtɩa sɩ ŋaa a leŋ mɩ baanɩŋ sii, ma sɩ nyɩgɛ kʋsʋɔrʋsʋŋ a pɩpɩ Ijipiti vesiŋ lee-la ma sɩ kʋ hɔŋ? Ma jaŋ chei ma tɩtɩa, dɩ dʋnɩa tinteyee kala nɩaa sisieri ma lɛ, a kɛŋ ma yɩrɩŋ ŋmɩɛsa hɩhɛ nɩaa lɛ.

JƐRƖMAAYA 51:22

Ŋ nɛ mɩ kaa ŋmoo baalaa arɩ haalaa pɩsɛ, ŋ nɛ mɩ kaa ŋmoo banɩhɩasɩŋ arɩ bapʋɔsaa a pɩsɛ, ŋ nɛ mɩ kaa ŋmoo hambolibiisiŋ arɩ hantolibiisiŋ pɩsɛ.

JƐRƖMAAYA 7:19

Mɩ-na baanɩŋ lɛ dee ba didii. Ba tɩtɩa nɛ ba dʋdɔgɩsɛ, a hɩhɩɩsɛ ba tɩtɩa ma. Mɩ-na ma TƖƖNA nɛ bʋla.

JƐRƖMAAYA 9:21

Sʋʋŋ to tokoroba nɛ a jʋʋ la dɩɩsɩŋ a jʋʋ la dɩɩ-duoruŋ. Ʋ kpʋ hambiisiŋ nɛ womporunuŋ lɛ, aŋ kpʋ bapʋɔsaa ma biliiŋ lɛ.

JEMBIEE 2:11

Mɩ yele, mɩ sɩaa bɩra bɩ na, mɩ tʋɔŋ kala chei. Mɩ kala nɛ bɛsɩmɛ arɩ tʋɔ-cheeŋ a tɩŋ ba sɩ chei mɩ nɩaa wɩaa. Hambiisiŋ arɩ bii-mulluŋ yiege nɛ a pɩŋ tabal-la womporunuŋ lɛ.

JEMBIEE 2:22

Ŋ yɩrɛ mɩ dʋndɔŋŋɔɔ hɛ mɩ lɛ a nagɛ ba sɩ yie yɩrɛ nɩaa ba kɔ gbiele nɛ, a leŋ ba joŋ fawʋllʋŋ hɛ mɩ lɛ sɛmɛ kala. Tapʋlɩɩ-la ŋ-na La TƖƖNA sɩ na baanɩŋ, nʋʋkala bɩ foro fá, nʋʋkala bɩ ka. Hambiisi-la mɩ sɩ dɩɛsa a beŋ ba nyuŋ woruŋ, mɩ dʋndɔŋŋɔɔ kpʋ ba kala nɛ.

ƐZƖKƖƐL 33:11

Bʋla pɩba arɩ mɩ-na ma TƖƖNA Wɩɩjarɩbakɔ ŋmɩɛsa arɩ mɩ tʋɔŋ bɩ nɩbɔmʋŋ sʋʋŋ lɛ ka tɔrɛ. Mɩ tʋɔtɔrʋŋ nɛ dɩ ʋ bɩrɩma lɩɩ ʋ wʋŋaalaa lɛ a kɛŋ mɩɩsɩŋ. Iziral tɩmma, má leŋ wʋbɔmɔ-la ma sɩɩ ŋaa. Bɛɛ nɛ tɩɩ ma chɩchɛ dɩ ma sʋʋ?

ƐZƖKƖƐL 9:6

Má kpʋ banɩhɩasɩŋ, bapʋɔsaa, hatoloo, naamba arɩ hambiisiŋ. Ama má sɩ́ nʋʋkala sɩ kɛŋ magɩl-la digu. Má suomi mɩ dɩa lɛ.” Ŋɩɩ nɛ ba suomi sɩpaalaara-la sɩ hɛ Wɩa dɩɩ-bal-la sɩpaaŋ.

HABAKU 2:10

Ŋ bɩɩna dɩ ŋ chei nɩ-daŋ nɛ, aŋ mɩɩra hɩhɩɩsɛ ŋ dɩa nɩaa a joŋ ŋ tɩtɩa mɩɩsɩŋ tɩta.

NAMBABA 16:38

Paa nɩalɩŋ sɩ ŋaa wʋbɔŋ-la a sʋʋ kɩalɩŋ hɛ dɔŋɔ lɛ, a kaa libi pɩrataba a joŋo tɔ koru-la, ʋ ŋɩɩ jaŋ ŋaa chagɩlɩna a pɩ Iziral tɩŋŋaa. Ba sɩ kɛŋ kɩalɩŋ lɛ ba sɩ yie hɛ nyiniŋ aa nyɩgɛ kʋsʋɔrʋsʋŋ kɔ mɩ sɩpaaŋ a nyɩgɛ kʋsʋɔrʋsʋŋ a ŋaa Wɩɩsʋlʋŋ ŋɩɩ, ba bɩrɩmɛ kʋzɔmɔ nɛ mɩ teeŋ.”

MOSIS BƖRA WULLI WƖA WOMBIIŊ 32:25

Laalɩŋ jaŋ diiba womporuŋ lɛ. Ba dɩɩsɩŋ ma lɛ fawʋllʋŋ jaŋ kɛmba. Ba bapʋɔsaa arɩ ba hatoloo, bii-mulluŋ arɩ banɩhɩasɩŋ kala jaŋ sʋʋ.

JOSUA 6:21

Ba chei taŋ-la kala nɛ, a kpʋ kʋŋ na-kala sɩ weye: baalaa, haalaa, hambiisiŋ arɩ nɩhɩasɩŋ, nɛsɩŋ, piesee arɩ kakusuŋ kala.

SƖPAALAARAA 21:11

Ba sɩ, “Má kpʋ baalaa kala arɩ haala-la kala sɩ bɩ hapumo ŋaa.”

1 SAMƲƐL 15:3

Mʋ a yuo Amalɛk tɩmma-la a chei kʋŋ na-kala ba sɩ kɛnɛ. Sɩ́ leŋe dɩ kʋŋ ka. Kpʋ baalaa, haalaa, hambiisiŋ arɩ bii-mulluŋ, nɛsɩŋ arɩ piesee, bʋntaŋŋaba arɩ kakusuŋ kala.’ ”

1 SAMƲƐL 22:19

Dʋɛg bɩra mʋ Wɩɩsʋllɩ sɩpaalaaraa taŋ-la ba sɩɩ yɩrɛ Nɔd a kpʋ nɩalɩŋ dɔnsʋŋ arɩ pʋsʋ-la kala sɩ hɛ nɩmɛ, baalaa arɩ haalaa, hambiisiŋ arɩ bii-mulluŋ, nɛsɩŋ, kakusuŋ arɩ piesee kala.