Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




JƐRƖMAAYA 44:6 - WƖA TENIŊ

6 Ŋɩɩ wɩaa, mɩ chaasa na baanɩŋ ba nyuŋ, a chei Juda tasɩŋ arɩ Jerusalɛm womporunuŋ, a leŋ ba cheye pɩŋ hoi arɩ ŋɩɩ ba sɩ naga jɩnɩmba.

အခန်းကိုကြည့်ပါ။ ကော်ပီ




JƐRƖMAAYA 44:6
34 ပူးပေါင်းရင်းမြစ်များ  

Maa beŋ nɛ ka nɩwogusuŋ kʋ yuo dii ma tabalaa a nyɩgɛ ma dɩɩsɩŋ, nʋhʋɔraa dii ma bagɩsɩŋ nɛ, ka ma tinteeŋ pɩŋ jikpeeŋ.


Jerusalɛm nɩaa, má sii chɩŋ, ma na hɛɛŋ nɛ woruŋ La TƖƖNA nɩsɩŋ lɛ. Ʋ na baanɩŋ a dɔgɩsɛma kɩŋkɛŋ nɛ, ma kala vɔgɛ a gɩgɛrɛ.


La TƖƖNA Wɩa chaasa na baanɩŋ nɛ ma nyuŋ. Ma biiriŋ yiege nɛ a pɩŋ wombiiŋ niiŋ loŋgoru kala lɛ, a nagɛ bɛrɛ sɩ kɛŋ bagɩla.


Ŋɩɩ nɛ mɩ pɩɛsɛ, “La TƖƖNA ɛɛ nɛ ŋɩɩ jaŋ diene magɛ?” Ʋ bʋl, “See dɩ ba tabalaa cheye a pɩŋ jikpeeŋ, dɩ nɩaa tuo ba lɛ dɩ ba dɩɩsɩŋ kala wuoli, dɩ ba bagɩsɩŋ ma kala pɩŋ kʋŋkʋlʋŋ.


Devit doho nɩaa, wɩɩ-la mɩ-na ma TƖƖNA sɩ bʋla nɛ ŋ-la: Má to wʋtɩtɩɩ tapʋlɩɩ na-kala. Má lorigo laa nɩɩ-la ba sɩ nyaga bil ta, nɩɩ-la sɩɩ gʋrʋ nɩsɩŋ lɛ. Dɩ ŋɩɩ dee, mɩ baanɩŋ jaŋ pusi a nagɛ nyiniŋ, a tɩŋ wʋbɔmɔ-la ma sɩ ŋaa wɩaa. Nʋʋkala tuo sɩ jaŋ leŋ dɩ mɩ baaŋ-la fɩɛlɛ.


Mɩ-na tɩtɩa nɛ jaŋ tɩɛnɛ mɩ naduoŋ a yuoŋ arɩ baanɩŋ. Mɩ baanɩŋ jaŋ chaasa sii woruŋ.


Mɩ-na ma TƖƖNA nɛ bʋla, mɩ jaŋ pa wombiiŋ, a kɛmba mɩɩra kɔ tabalɩŋ deeŋ. Ba jaŋ yuo laaʋ a nyɩgʋ dɩ ʋ dii tel. Mɩ jaŋ leŋ dɩ Juda tasɩŋ chei a pɩŋ, dɩ nʋʋkala sɩ́ wuo hɔŋ nɩmɛ.”


Kapo ba jaŋ kɔ La TƖƖNA sɩpaaŋ a sʋlʋ aŋ bɩrɩma lɩɩ ba wʋbɔŋŋɔɔ lɛ, bɛɛ wɩaa La TƖƖNA sɩ na baanɩŋ a bʋl wɩalɩŋ tɩgɛ nɩaa deemba lɛ bɩ bana kɛnɛ.”


Wɩɩ-la mɩ-na ma TƖƖNA sɩ bʋla nɛ ŋ-la: “Tintee-la kala jaŋ pɩŋ jikpeeŋ, ama, mɩ ta bɩ jaŋ chei ʋ kala gbelem gbelem.


Má joŋ ma tɩtɩa hɛ mɩ-na ma TƖƖNA nɩsɩŋ lɛ. Má Juda arɩ Jerusalɛm nɩaa, má pʋllɛ ma tʋɔŋ, dɩ ŋɩɩ dee, mɩ baanɩŋ jaŋ sii ma nyuŋ a nagɛ nyiniŋ a diima a tɩŋ wʋbɔmɔ-la ma sɩ ŋaa wɩaa. Dɩ nyiŋ-la nɩɩ diima, nʋʋkala bɩ jaŋ wuo dɩsʋ.


Wɩɩ-la La TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: ‘A nagɛ mɩ sɩ na baanɩŋ a dɔgɩsɛ nɩalɩŋ sɩ hɛ Jerusalɛm lɛ ŋɩɩ, ŋɩɩ tɩtɩa nɛ mɩ jaŋ na baanɩŋ a ŋaa ma lɛ, dɩ ma nɛ mʋ Ijipiti tinteeŋ. Mɩ jaŋ leŋ dɩ ma kɛŋ nyɛsɩŋ nɩaa sɩaa lɛ. Nɩaa jaŋ sisieri ma lɛ, a kɛŋ ma yɩrɩŋ ŋmɩɛsa hɩhɛ nɩaa lɛ, a joŋ cheeriŋ pɩpɩma. Ma bɩra bɩ jaŋ kɔ dɩ ma na leriŋ deeŋ.’


La TƖƖNA sɩ kʋ magɛ ŋɩɩ a bɩra bɩ ma wʋbɔŋŋɔɔ arɩ ma wʋkɩsɩa-la lɛ wuo nyalɩmɛ, ʋ leŋe ma tinteeŋ pɩŋ hoi nɛ, nʋʋkala tuo nɩmɛ arɩ ʋ sɩ nagɛ ŋɩɩ jɩnɩmba, nɩaa kɛŋ ʋ yɩrɩŋ ŋmɩɛsa hɩhɛ nɩaa lɛ.


Ŋ bɩ wɩalɩŋ ba sɩɩ ŋaa Juda tasɩŋ arɩ Jerusalɛm womporunuŋ lɛ naa?


Ŋɩɩ wɩaa, wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Mɩ na baanɩŋ ba nyuŋ kɩŋkɛŋ nɛ, mɩ jaŋ joŋ mɩ baaŋ-la sɩ faasa sii fɩɩsɛ Juda nɩaa lɛ, ba pʋsʋŋ arɩ ba tɩɩsɩŋ arɩ ba kʋpɛrɛɛ lɛ. Mɩ baaŋ-la jaŋ nagɛ nyiŋ-la sɩ bɩ dɩsɛ a diiba.


Mɩ jaŋ leŋ dɩ tʋɔtɔrɛ goŋ-la ha-falaa arɩ ba balaba sɩɩ ŋaa dɛrɛ Juda tasɩŋ arɩ Jerusalɛm womporunuŋ lɛ, bɛɛ wɩaa ba tinteeŋ jaŋ pɩŋ hoi.”


Lee na-kala mɩ sɩ vɩa tintee-bɔmʋŋ deeŋ nɩaa ta, nɩkaana-la sɩ bɩ sʋba jaŋ cho sʋʋŋ a kɩɩ mɩɩsɩŋ. Mɩ-na ma TƖƖNA doluŋ kala Tɩɩna nɛ bʋla.”


Bee na Jerusalɛm tabal-la sɩ pɩŋ jikpeeŋ ŋɩɩ, taŋ-la nɩaa fa sɩ suo, ʋ mɩɩra nagɛ yo-haal nɛ. Ʋ fa ŋaa ta-zɔŋ nɛ tinteyee tʋɔŋ. Tinteyee tʋɔŋ, ʋ nɛ fa yʋga, ʋ nɛ lɛɛlɛ bɩrɩmɛ yoŋ ŋɩɩ.


Ʋ leŋe nyiniŋ lɩɩ wɩa-nyuŋ dɩ-bolii nɛ, a kʋ tuu jʋʋ mɩ haŋgbelee. Ʋ hɛ bɛrɛ́ a kɛmmɛ nɛ a kɛmmɛ mʋ harɩŋ. Ʋ vɩamɛ ta nɛ, mɩ nɩna hɛɛŋ tapʋlɩɩ kala.


Zaayɔŋ pɩŋ jikpeeŋ nɛ a ŋaa hoi jolluŋ jʋʋ aŋ lɩlɩɩ.


Mɩ-na ma TƖƖNA Wɩɩjarɩbakɔ ŋmɩɛsa: Mɩ jaŋ na baanɩŋ a bemma arɩ mɩ dol-balɩŋ.


Mɩ jaŋ na baanɩŋ a kɛmma lɩɩ tinteye-la arɩ tinteye-la kala lɛ mɩ sɩ kɛmma pɩsa hɛ a kʋ hɛ dɔŋɔ. Mɩ jaŋ kɛmma kʋ lɩɩ arɩ mɩ dol-balɩŋ.


Jerusalɛm, ŋ disiniŋ nɛ ŋaa hachɔrʋŋ wɩalɩŋ ŋ sɩ ŋaa. Mɩ hɛ doluŋ dɩ mɩ chɛsɛ disiŋ-la ta nɛ, ama ŋ bɩ sɛyɛ. Ŋ disiniŋ bɩra bɩ jaŋ lɩɩ, see dɩ mɩ joŋ baaŋ-la kala mɩ sɩ na ŋ nyuŋ a fɩɩsɛ ŋ lɛ ŋɩɩ deeŋ deeŋ dɩ ʋ mʋ fɩɛlɛ.


Mɩ baanɩŋ sɩ jaŋ sii dɩ mɩ ŋaa wɩaa tiŋ chɩmɩŋ ba lɛ nɛ tɩɩ, mɩ leŋ chal-la bʋ-taala-la nyuŋ ŋɩɩ, dɩ ba sɩ́ wuo gbaa tɔ.


Ŋɩɩ nɛ mɩ baanɩŋ jaŋ fɩɛlɛ, baaŋ-la mɩ sɩ faasa na ŋ nyuŋ ka dɩ mɩ yaraa pɛ dɔŋɔ lɛ. Dɩ mɩ nɛ ŋaa wɩaa deemba kala ŋ lɛ, ŋɩɩ nɛ ŋ jaŋ jɩŋ arɩ mɩ-na ŋ TƖƖNA yaraa nɛ biere, mɩ bʋl wɩaa deemba.


Nɩalɩŋ sɩ hɛ dɩ-bolii, nyanyal bɔŋŋɔɔ jaŋ kpʋba, nɩalɩŋ sɩ kpaga ma jaŋ sʋʋ laalɩŋ lɛ, nɩalɩŋ ma sɩ ka a bɩ sʋba, losuŋ jaŋ kpʋba. Ŋɩɩ nɛ mɩ jaŋ joŋ mɩ baanɩŋ a fɩɩsɛ ba lɛ.


Ŋɩɩ wɩaa, mɩ jaŋ dagɛba arɩ baanɩŋ, mɩ bɩ jaŋ fá ba nenige koo a lemba. Ba jaŋ faasa suri ba yikoro a sʋsʋlmɛ, ama mɩ bɩ jaŋ jegili ba teeŋ.”


Ŋ leŋe wɩalɩŋ ŋ sɩ bʋla tɩgɛ la dɩ la sɩpaalaaraa lɛ kʋ ŋaa wʋtɩtɩɩ nɛ. Ŋ sɩ joŋ wʋlɔrʋnʋŋ ŋaa la lɛ, dʋnɩa kala lɛ wʋdoho-la sɩ ŋaa Jerusalɛm lɛ ha bɩ ŋaa aŋ ka.


mɩ baanɩŋ jaŋ sii ma nyuŋ dɩ mɩ dɔgɩsɛ ma a kɩɩ ŋɩɩ naansɩɩŋ bʋlɩpɛ, a tɩŋ ma wʋbɔmɔ-la wɩaa.


Mɩ jaŋ leŋ dɩ ma tasɩŋ pɩŋ jikpeeniŋ aŋ chei ma vʋɩyaa dɩ-kpaaraa, ma kʋnyɩgaa Wɩɩsʋlʋŋ sʋɔra bɩra bɩ jaŋ sɩma pɩmɛ.


La TƖƖNA Wɩa ŋaa Wɩa sɩ bɩ hadɔrʋŋ ka chɛ nɛ. Dɩ ŋ nɛ bɩ ʋ sɛyɛ, ʋ jaŋ dɔgʋsʋŋ. La TƖƖNA baanɩŋ nɛ sie, ʋ yie ŋaa wɩaa tiŋ ʋ dʋndɔŋŋɔɔ nɛ dɩ ba nɛ ŋaa wɩɩ cheyu.


Ʋ sɩ, “Mɩ-na ma TƖƖNA fa chaasa na baanɩŋ nɛ woruŋ ma naabalɩmaba nyuŋ.


Ama mɩ niiŋ wɩaa arɩ mɩ niiri-la mɩ sɩ joŋo dagɛ mɩ tɩntɩnnaa sɩ ŋaa mɩ wʋlaabʋllaa dii ma naabalɩmaba nɛ. Ŋɩɩ nɛ ba bɩrɩma lɩɩ ba wʋbɔŋŋɔɔ lɛ aŋ bʋl, ‘La TƖƖNA doluŋ kala Tɩɩna joŋ la wombiee arɩ la wʋŋaalaa sɩ nagɛ ŋɩɩ chɩmɩŋ nɛ a tiŋ la lɛ, arɩ ŋɩɩ ʋ sɩ bɩɩna dɩ ʋ ŋaa.’ ”


Mɩ leŋe pel-duo nɛ kɛmba pɩsa hɛ tinteyee lɛ, ba ŋaa nʋhʋɔra. Tintee-la fa pɩŋ hoi nɛ, nʋʋkala bɩ nɩmɛ ka mʋ koo a lɩɩ nɩmɛ kʋkɔ. Wɩalɩŋ ba sɩ ŋaa a leŋ tintee-zɔŋ-la pɩŋ hoi nɛ ŋɩɩ.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ