JƐRƖMAAYA 44:3 - WƖA TENIŊ

³ a tɩŋ wʋbɔmɔ-la ba sɩ ŋaa wɩaa. Ba leŋe mɩ baanɩŋ sii ba nyuŋ nɛ ba sɩ nyɩgɛ kʋsʋɔrʋsʋŋ a kpʋkpaarɛ vesiŋ, ba-na koo ma-na koo ma naabalɩmaba sɩ bɩ jɩŋ.

JƐRƖMAAYA 44:3 ပူးပေါင်းရင်းမြစ်များ

NƐHƖMAAYA 9:33

Wɩalɩŋ kala sɩ ŋaa la lɛ, ŋ to wʋtɩtɩɩ lɛ nɛ ka la-na bɩ woruŋ ŋaa.

AZAAYA 3:8

Jerusalɛm tinteeŋ bɩ chɩna, Juda ma titel, bɛɛ wɩaa ba wʋbʋlaa arɩ ba wʋŋaalaa kala bɩ La TƖƖNA tʋɔŋ ka tɔrɛ, ba vɩaʋ nɛ, ba bɩ kaa faʋ arɩ ʋ sɩ kɛŋ tʋla ma kala.

JƐRƖMAAYA 11:17

Mɩ-na ma TƖƖNA, doluŋ kala Tɩɩna sɩ leŋe ma hɛ nɩmɛ, bʋla arɩ wʋlɔrʋŋ jaŋ jʋʋma, bɛɛ wɩaa ma Iziral arɩ ma Juda nɩaa ŋaa wʋbɔŋŋɔɔ nɛ a nyɩgɛ kʋsʋɔrʋsʋŋ pɩpɩ vene-la ba sɩɩ yɩrɛ Baal a ŋaa mɩ baanɩŋ sii.”

JƐRƖMAAYA 16:10

Dɩ ŋ nɛ bʋl wɩaa deemba kala pɩ nɩaa deemba dɩ ba pɩɛsɩŋ, ‘Bɛɛ nɛ tɩɩ La TƖƖNA bʋl wʋlɔrʋŋ deeŋ a tɩgɛ la lɛ? Wʋbɛɛ nɛ la chei? Wʋbɔŋ bɛɛ nɛ la ŋaa La TƖƖNA Wɩa lɛ?’

JƐRƖMAAYA 22:9

Wɩɩ-la ba sɩ jaŋ bʋla pɩba nɛ: ‘A tɩŋ ba sɩ vɩa nii-la sɩ hɛ ba dɩ ba TƖƖNA Wɩa pɛgɛ aŋ tuto vesiŋ a kpʋkpaarɛba nɛ tɩɩ.’ ”

JƐRƖMAAYA 29:19

Mɩ jaŋ dɔgɩsɛba ŋɩɩ a tɩŋ ba sɩ bɩ jegile nɩɩ mɩ niiŋ wɩaa, wɩalɩŋ mɩ sɩ to mɩ wʋlaabʋllaa lɛ a bʋla pɩba bʋlɩa bʋlɩa. Ma nɩalɩŋ ma sɩ hɛ yoŋ-baga lɛ, ma ma bɩ jegile nɩɩ. Mɩ-na ma TƖƖNA nɛ bʋla.

JƐRƖMAAYA 32:30

Iziral tɩŋŋaa arɩ Juda nɩaa hambiiriŋ kala lɛ a kaa kɔ ŋ-la, ba bɩ wʋzɔŋ kala ŋaa mɩ sɩɩŋ lɛ, see wʋbɔŋ. Wʋtɩtɩɩ, Iziral tɩŋŋaa bɩ wʋzɔŋ kala ŋaa, ba mɩɩra kɛŋ vesi-la ba tɩtɩa sɩ ŋaa nɛ a leŋ mɩ baanɩŋ sii. Mɩ-na ma TƖƖNA nɛ bʋla.

JƐRƖMAAYA 44:23

A tɩŋ ma sɩ nyɩgɛ kʋsʋɔrʋsʋŋ a ŋaa wʋbɔmʋŋ La TƖƖNA teeŋ, a bɩ ʋ niiŋ to koo wombii-la ʋ sɩ bile dɩ la tuto arɩ ʋ wʋdagaa, ŋɩɩ nɛ tɩɩ wʋlɔrʋŋ deeŋ ŋaa ma lɛ, ʋ nɛ ma nɩna ŋɩɩ lɛɛlɛ.”

JƐRƖMAAYA 44:8

Bɛɛ nɛ tɩɩ ma kɛŋ kɩalɩŋ ma tɩtɩa sɩ ŋaa a leŋ mɩ baanɩŋ sii, ma sɩ nyɩgɛ kʋsʋɔrʋsʋŋ a pɩpɩ Ijipiti vesiŋ lee-la ma sɩ kʋ hɔŋ? Ma jaŋ chei ma tɩtɩa, dɩ dʋnɩa tinteyee kala nɩaa sisieri ma lɛ, a kɛŋ ma yɩrɩŋ ŋmɩɛsa hɩhɛ nɩaa lɛ.

JƐRƖMAAYA 5:19

Dɩ ŋ nɩaa nɛ pɩɛsa, ‘Bɛɛ nɛ tɩɩ La TƖƖNA Wɩa ŋaa wɩaa deemba la lɛ?’ Ŋ jaŋ bʋla pɩba, ‘Ma sɩ vɩamɛ aŋ to vʋɩyaa ma tinteeŋ lɛ nɛ tɩɩ. Ŋɩɩ wɩaa, ma jaŋ tɩma pɩ nɩwogusuŋ tintee-la sɩ bɩ ma kʋŋ ŋaa lɛ.’

JƐRƖMAAYA 5:29

La TƖƖNA pɩɛsa, “Bɛɛ nɛ tɩɩ mɩ bɩ jaŋ dɔgɩsɛba a tɩŋ wɩɩŋ deeŋ wɩaa? Bɛɛ nɛ jaŋ tɩɩ mɩ bɩ jaŋ joŋ mɩ baanɩŋ fɩɩsɛ tintee doho deeŋ nɩaa lɛ?

JƐRƖMAAYA 7:19

Mɩ-na baanɩŋ lɛ dee ba didii. Ba tɩtɩa nɛ ba dʋdɔgɩsɛ, a hɩhɩɩsɛ ba tɩtɩa ma. Mɩ-na ma TƖƖNA nɛ bʋla.

JEMBIEE 1:8

Jerusalɛm nɩaa ŋaa wʋbɔŋŋɔɔ kɩŋkɛŋ nɛ, ŋɩɩ leŋ ʋ kɛŋ disiniŋ. Nɩalɩŋ kala fa sɩɩ zilu mɩɩra kɛnʋ gbigbesi nɛ, bɛɛ wɩaa ba na ʋ bʋbʋɔŋ kala nɛ. Ʋ tɩtɩa hʋʋnɛ aŋ gʋrɛ nyuŋ.

JEMBIEE 4:13

Ama ŋɩɩ ŋaa nɛ, a tɩŋ Wɩa wʋlaabʋllaa arɩ Wɩɩsʋllɩ sɩpaalaaraa sɩ ŋaa wʋbɔŋŋɔɔ wɩaa, ba kpʋ tʋɔpʋl tɩmma-la sɩ hɛ Jerusalɛm lɛ nɛ.

ƐZƖKƖƐL 9:9

Ŋɩɩ nɛ Wɩa bʋl, “Iziral arɩ Juda nɩaa chaasa ŋaa wʋbɔŋ bal nɛ, ba kpʋ nɩaa yʋgɛ nɛ tintee-la lɛ, ka Jerusalɛm kala su arɩ wʋbɔŋŋɔɔ ŋaanɩŋ. Ba yie bʋl, ‘La TƖƖNA vɩa la tinteeŋ ta nɛ, ʋ bɩ laa na.’

DANƖƐL 9:5

La ŋaa wʋbɔŋ nɛ a ŋaa wɩaa sɩ bɩ ba bʋa lɛ ŋaa. La ŋaa nɩbɔmɔ nɛ a vɩa ŋ niiŋ, la joŋ harɩŋ yɩa wɩalɩŋ ŋ sɩ daga arɩ wombie-la ŋ sɩ bile dɩ la tuto nɛ.

MOSIS BƖRA WULLI WƖA WOMBIIŊ 13:6

Dɩ ŋ naambie tɩtɩa koo ŋ bie koo ŋ tolo koo ŋ hachooluŋ koo ŋ nandɔŋ-fɩɛmɩŋ nɛ lʋara nyɩsɩŋ a bʋl, “Leŋ dɩ la mʋ a to vesiŋ a pɛ La Tɩɩna lɛ,” vesi-la ma dɩ ma nyɩmmaba kʋŋkala ha sɩ bɩ to aŋ ka,

MOSIS BƖRA WULLI WƖA WOMBIIŊ 29:25

Ba jaŋ bʋl, ‘Ba vɩa dɩ ba to nii-la La TƖƖNA sɩ bile nɛ, nii-la ʋ sɩ bile ʋ dɩ ba naabalɩmaba pɛgɛ bʋa-la lɛ ʋ sɩ kɛmba kaa lɩɩ Ijipiti tinteeŋ lɛ.

MOSIS BƖRA WULLI WƖA WOMBIIŊ 29:26

Ba vɩa nɛ aŋ kpʋkpaarɛ vesiŋ a kpikpirimi ba sɩpaaŋ, vesi-la ba fa sɩ bɩ jɩŋ, vesi-la ʋ sɩ bɩ joŋo pɩba.

MOSIS BƖRA WULLI WƖA WOMBIIŊ 32:17

Ma vɩa Wɩa nɛ aŋ tuto jɩŋ-bɔŋŋɔɔ, a kpʋkpaarɛ veŋ-falɩa-la ma sɩ bɩ jɩŋ, Vesi-la ma naabalɩmaba sɩ bɩ fá.

Hiburu TƖŊŊAA 3:16

Kʋbɛɛba nɛ nɩɩ Wɩa yikoro aŋ lɩɩ Wɩa harɩŋ ŋɩɩ? Ba nɛ nɩalɩŋ Mosis fa sɩ kaa lɩɩ Ijipiti tinteeŋ lɛ.