JƐRƖMAAYA 44:10 - WƖA TENIŊ

¹⁰ Arɩ jɩnɩŋ kala ba ha bɩ ba tɩtɩa kaa muuri koo a zilmi, koo a to wombii-la mɩ sɩ bile dɩ ba tuto, arɩ mɩ wʋdagaa mɩ sɩ bile pɩ ma dɩ ma naabalɩmaba.

JƐRƖMAAYA 44:10 ပူးပေါင်းရင်းမြစ်များ

1 KUOROO 21:29

“Ŋ na ŋɩɩ Ahab sɩ kɛŋ ʋ tɩtɩa muuri mɩ sɩpaaŋ? A tɩŋ ŋɩɩ wɩaa, mɩ bɩ jaŋ ŋaa wʋlɔrʋ-la ʋ mɩɩsɩŋ lɛ, ama mɩ jaŋ ŋaa wʋlɔrʋ-la ʋ dɩa lɛ bʋa-la lɛ ʋ nanʋala sɩ jaŋ dii kuoruŋ.”

2 KUOROO 22:19

A tɩŋ ŋ tʋɔŋ sɩ cheye ŋ kɛŋ ŋ tɩtɩa muuri mɩ-na ma TƖƖNA sɩpaaŋ, ŋ sɩ nɩa arɩ mɩ jaŋ chei Jerusalɛm arɩ ʋ nɩaa, ka dɩ lee-la pɩŋ jikpeeŋ, ŋ kɛŋ ŋ gɛnnɩŋ kɩɛsɛ a yel mɩ sɩpaaŋ, ŋɩɩ wɩaa mɩ jegile nɩɩ ŋ sʋla nɛ. Mɩ-na ma TƖƖNA nɛ bʋla.

2 IZIRAL TƖŊŊAA NAABARƖŊ 32:26

Ŋɩɩ nɛ Hezikaaya bɩrɩma lɩɩ ʋ babii-ballɩɩ-la lɛ, Jerusalɛm nɩaa ma kɛŋ ba tɩtɩa muuri. La TƖƖNA baanɩŋ fɩɛlɛ, ʋ bɩra bɩ ba dɔgʋsɔ Hezikaaya kuoruŋ bʋa lɛ.

2 IZIRAL TƖŊŊAA NAABARƖŊ 33:12

Ʋ sɩ hɛ nɩmɛ a nɩna hɛɛŋ, ʋ leŋ ʋ sɩaa tuu tinteeŋ ʋ nyɩmmaba Wɩa teeŋ, aŋ sʋl ʋ TƖƖNA Wɩa dɩ ʋ pɛ ʋ lɛ.

2 IZIRAL TƖŊŊAA NAABARƖŊ 33:19

Ʋ sɩ sʋl Wɩa arɩ ŋɩɩ Wɩa sɩ laa ʋ sʋla, ʋ sɩ vɩa Wɩa aŋ ŋaa wʋbɔmɔ-la kala aŋ bɩrɩma lɩɩ ba lɛ, ʋ sɩ ŋaa veŋ-kpaarɛ lere-la, a joŋ Asɩra daasɩŋ pɛ, tɔmɔ-la ʋ sɩ kpaara lɛ, ba kala nɛ ba ŋmʋnsa hɛ Wɩa wʋlaabʋllaa tenniŋ tʋɔŋ.

2 IZIRAL TƖŊŊAA NAABARƖŊ 34:27

A tɩŋ ŋ tʋɔŋ sɩ cheye ŋ kɛŋ ŋ tɩtɩa muuri mɩ sɩpaaŋ, ŋ sɩ nɩɩ wɩalɩŋ mɩ sɩ bʋla arɩ mɩ jaŋ chei Jerusalɛm arɩ ʋ nɩaa, ŋ tɩŋ ŋɩɩ wɩaa a kɛŋ ŋ gɛnnɩŋ kɩɛsɛ a yel mɩ sɩpaaŋ, mɩ jegile nɩɩ ŋ sʋla nɛ. Mɩ-na ma TƖƖNA nɛ bʋla.

WƖA YƖƖLAA 34:18

La Tɩɩna kpagɛ nɩalɩŋ nandaasɩŋ sɩ yʋɔra nɛ. Ʋ laa nɩalɩŋ bɩra sɩ bɩ yɩɛlaa kɛnɛ ta nɛ.

WƖA YƖƖLAA 51:17

Wɩɩsʋlɩɩ-la ŋ sɩɩ chɛ nɛ, dɩ la leŋ la tʋɔŋ faasa chei la wʋbɔŋŋɔɔ lɛ, dɩ la kɛŋ la tɩtɩa muuri. Wɩɩsʋlʋŋ deeŋ doho nɛ ŋ-na Wɩa chɩchɛ.

WƖA YƖƖLAA 78:10

Ba fa bɩ nii-la Wɩa sɩ bile ʋ dɩ ba pɛgɛ ka to a vɩa dɩ ba to wombii-la ʋ sɩ bile dɩ ba tuto.

MOSIS KƐŊ IZIRAL TƖŊŊAA LƖƖ 10:3

Ŋɩɩ nɛ Mosis arɩ Arɔŋ mʋ Ijipiti tinteeŋ kuoro teeŋ, a bʋla pʋ, “La TƖƖNA, Iziral tɩŋŋaa Wɩa sɩ, ‘Ɛɛ nɛ ŋ chɛ dɩ ŋ vɩa mɩ niiŋ diene magɛ? Leŋ dɩ mɩ nɩaa mʋ a chʋɔlɛmɛ.

MOSIS KƐŊ IZIRAL TƖŊŊAA LƖƖ 9:17

Ŋ ha kɛŋ ŋ tʋɔŋ nɛ a bɩ chɛ dɩ ŋ leŋ dɩ mɩ nɩaa mʋ,

MOSIS KƐŊ IZIRAL TƖŊŊAA LƖƖ 9:30

Ama mɩ jɩma arɩ ŋ dɩ ŋ nɩhɩasɩŋ ha bɩ La TƖƖNA Wɩa ka fá.”

NAMAGABA 14:16

Wʋjɩnnaa yie fɩɛlɛ ba sɩaa nɛ dɩ ba sɩ́ wʋbɔmʋŋ ŋaa, ama nɩyaaraa-na bɩ chɛ dɩ ba kɛŋ ba tɩtɩa, ba yie ta jɩa nɛ.

NAMAGABA 16:6

Dɩ ŋ nɛ cho La Tɩɩna a kɛŋ wʋtɩtɩɩ, ʋ jaŋ joŋ ŋ wʋbɔŋŋɔɔ kala chɛŋ. Dɩ ŋ nɩɩ fá La Tɩɩna, ŋ yie vɩa wʋbɔŋŋɔɔ ŋaanɩŋ nɛ.

NAMAGABA 28:14

Nɩɩ-la kala sɩɩ fá La Tɩɩna bʋa-kala, ʋ tʋɔŋ jaŋ tɔrɛ, ama nɩɩ-la kala sɩ kɛŋ tʋɔ-doluŋ jaŋ jʋʋ wɩaa.

NAMAGABA 8:13

Dɩ ŋ nɩɩ fá La Tɩɩna, ŋɩɩ-na ŋ jaŋ bɛrɛ wʋbɔŋŋɔɔ ŋaanɩŋ. Mɩ bɛrɛ nʋʋ sɩɩ dagɛ ʋ tɩtɩa nɛ, sɩɩ-duoŋ tɩɩna, wʋbɔŋŋɔɔ ŋaara arɩ wʋnyɩɛra.

AZAAYA 42:24

Kʋbɛɛ nɛ leŋe ba yuo dii Iziral tɩŋŋaa a paa ba kɩaa ŋɩɩ? La TƖƖNA nɛ, Nɩɩ-la harɩŋ la sɩ lɩa a ŋaa wʋbɔmʋŋ. Ba vɩa dɩ ba to ʋ wombiiŋ nɛ, a bɩ wɩalɩŋ ʋ sɩ dagɛba sɛyɛ.

AZAAYA 57:15

Mɩ nɛ kɩɩ kʋŋkala a ŋaa Wɩa sɩ bɩ disiniŋ kɛnɛ. Mɩ hɛ nɩmɛ nɛ a kaa mʋ wuu. Mɩ hɛ wɩa-nyuŋ dɩ-bolii sɩ bɩ disiniŋ kɛnɛ nɛ. Ama mɩ ha yie guoli nɩalɩŋ sɩ kɛŋ ba tɩtɩa muuri a bɩrɩma lɩɩ ba wʋbɔŋŋɔɔ lɛ tʋɔŋ nɛ, a leŋ ba kɛŋ yɩɛlaa.

AZAAYA 66:2

Kɩaa deemba kala sɩ hɛ nɩmɛ, mɩ dee bɩ ŋaa?” La TƖƖNA sɩ, “Nɩɩ-la nyuŋ mɩ tʋɔŋ sɩ tɔrɔ nɛ ŋ-la: Nɩɩ-la sɩ kɛŋ ʋ tɩtɩa muuri, a leŋ ʋ tʋɔŋ faasa chei ʋ wʋbɔŋŋɔɔ lɛ, a kɛŋ mɩ niiŋ wɩaa tɩtɩŋ.

JƐRƖMAAYA 10:7

Ŋ nɛ tinteyee kala kuoru-balɩŋ kʋbɛɛ nɛ bɩ jaŋ fáŋ? Nʋʋkala maga dɩ ʋ ziliŋ nɛ. Ŋ dʋndʋŋa nɛ maga dɩ nɩaa fá. Tinteyee nɩaa wʋjɩnnaa arɩ ba kuori-gentisiŋ kala tʋɔŋ, nʋʋkala tuo a magɩŋ.

JƐRƖMAAYA 26:4

Bʋla pɩba, ‘Wɩɩ-la mɩ-na ma TƖƖNA sɩ bʋla nɛ ŋ-la: Dɩ ma nɛ bɩ jegile nɩɩ mɩ teeŋ a to wombii-la mɩ sɩ bile dɩ ma tuto, wombii-la mɩ sɩ joŋo bil ma sɩpaaŋ,

JƐRƖMAAYA 32:23

Ba kʋ jʋʋ tintee-la nɛ a tɩɩʋ, ama ba bɩ ŋ niiŋ sɛyɛ koo a to wombii-la ŋ sɩ bile dɩ ba tuto. Ba bɩ wɩalɩŋ ŋ sɩ daga dɩ ba ŋaa kʋŋkala ŋaa. Ŋɩɩ nɛ ŋ kɛŋ wʋlɔrʋŋ deeŋ kala kʋ hɛ ba lɛ.

JƐRƖMAAYA 36:24

Kuoro arɩ ʋ nanzɔɔba-la kala sɩ nɩɩ wɩaa deemba, fawʋllʋŋ bɩ ba kɛnɛ koo ba ŋaa wɩaa a dagɛ arɩ ba tʋɔŋ cheye.

JƐRƖMAAYA 44:23

A tɩŋ ma sɩ nyɩgɛ kʋsʋɔrʋsʋŋ a ŋaa wʋbɔmʋŋ La TƖƖNA teeŋ, a bɩ ʋ niiŋ to koo wombii-la ʋ sɩ bile dɩ la tuto arɩ ʋ wʋdagaa, ŋɩɩ nɛ tɩɩ wʋlɔrʋŋ deeŋ ŋaa ma lɛ, ʋ nɛ ma nɩna ŋɩɩ lɛɛlɛ.”

JƐRƖMAAYA 5:3

La TƖƖNA, wʋtɩtɩɩ dee ŋ chɩchɛ dɩ ŋ naa? Ŋ ŋmooba nɛ, ama ʋ bɩ ba lɛ wɩa. Ŋ wʋrɩgɛba nɛ, ama ba bɩ ŋ dagɩŋ sɛyɛ. Ba leŋe ba nyuŋ dol nɛ a kɩɩ tabɩɩŋ, aŋ vɩa dɩ ba bɩrɩma lɩɩ ba wʋbɔŋŋɔɔ ŋaanɩŋ lɛ.

JƐRƖMAAYA 6:15

Wʋkɩsɩa-la ba sɩɩ ŋaa, hɩɩsɩŋ kɛmba nɛɛ? Aɩ, ba paala bɩ hɩɩsɩŋ ka fá. Ba paala bɩ jɩŋ ŋɩɩ ba sɩ jaŋ kɛŋ sɩaa chei. Ŋɩɩ wɩaa ba jaŋ sʋʋ, a pɛ nɩalɩŋ sɩ sʋba lɛ. Mɩ jaŋ dɔgɩsɛba a kɛmba muuri. Mɩ-na ma TƖƖNA nɛ bʋla.”

JƐRƖMAAYA 8:12

Wʋkɩsɩa-la ba sɩɩ ŋaa, hɩɩsɩŋ kɛmba nɛɛ? Aɩ, ba paala bɩ hɩɩsɩŋ ka fá. Ba paala bɩ jɩŋ ŋɩɩ ba sɩ jaŋ kɛŋ sɩaa chei. Ŋɩɩ wɩaa ba jaŋ sʋʋ, a pɛ nɩalɩŋ sɩ sʋba lɛ. Mɩ jaŋ dɔgɩsɛba a kɛmba muuri. Mɩ-na ma TƖƖNA nɛ bʋla.

ƐZƖKƖƐL 9:4

a bʋla pʋ, “Gɔllɛ Jerusalɛm tabal-la lɛ a tuuri magɩlɩŋ hɛ nɩaa tilliŋ lɛ, nɩalɩŋ tʋɔŋ sɩ cheye ba yiyel a tɩŋ wʋkɩsɩa-la kala nɩaa sɩɩ ŋaa taŋ-la lɛ wɩaa.”

MALAKAƖ 4:2

Ama, ma nɩalɩŋ sɩɩ zilmi, mɩ doluŋ jaŋ hɛ ma lɛ a nagɛ wɩɩpɔsʋŋ dɩ ma duori. Ma jaŋ lɩɩ fɩla jʋɔsɛ a nagɛ ba sɩ kɛŋ nɛ-biiriŋ suro ta ba lɩɩ jʋjʋɔsɛ.

Matiu 27:54

Laalɩyuoroo zɔlɔ kʋhɩaŋ arɩ laalɩyuoro-la fa sɩ chɩŋ nɩmɛ a bibeŋ Yesu a na tinteeŋ sɩ zigili ŋɩɩ arɩ wɩalɩŋ kala sɩ ŋaa, fawʋllʋŋ kɛmba. Ŋɩɩ nɛ ba bʋl, “Wʋtɩtɩɩ, baala deeŋ sɛnɛ ŋaa Wɩa Bii nɛ.”

Luuk 23:40

Ŋɩɩ nɛ nɩbɔŋ-la dɔŋɔ kpɩa ʋ lɛ a bʋl, “Ŋ bɩ Wɩa ka fáa? La dɩ ʋ kala nɛ jʋʋ wʋbala.

Rom Tɩŋŋaa 11:20

Wʋtɩtɩɩ nɛ, Wɩa keri Juu tɩŋŋaa ta a tɩŋ ba sɩ bɩ Wɩa wɩaa laa dii wɩaa nɛ. Ama ma-na nɩalɩŋ sɩ bɩ Juu tɩŋŋaa ŋaa, ma sɩ laa Wɩa wɩaa dii dʋndʋŋa wɩaa nɛ tɩɩ ma chɩŋ kpaŋ kpaŋ. Ŋɩɩ wɩaa má sɩ́ ma tɩtɩa lɛ bigisu, aŋ kɛŋ ma tɩtɩa woruŋ.

1 Pɩɩta 5:6

Ŋɩɩ wɩaa, má kɛŋ ma tɩtɩa muuri Wɩa teeŋ. Ʋ nɛ kɛŋ doluŋ aa bemma. Dɩ bʋa-la ʋ sɩɩ chɛ nɛ yie, ʋ jaŋ leŋ dɩ ma ŋaa nɩbalaa.

Jɔɔŋ Wʋnaalaa 15:4

La Tɩɩna Wɩa, kʋbɛɛ nɛ bɩ jaŋ fáŋ, aŋ dɛnnɛ ŋ yɩrɩ-balɩŋ? Ŋ dʋndʋŋa nɛ bɩ disiniŋ kɛnɛ. Dʋnɩa nɩaa kala jaŋ kʋ chʋɔlʋŋ, bɛɛ wɩaa ŋ ŋaa tʋɔpʋl wɩaa nʋʋkala na nɛ.”