JƐRƖMAAYA 44:1 - WƖA TENIŊ

¹ La TƖƖNA bʋl wɩaa a pɩ Jɛrɩmaaya a mʋ tɩgɛ Juu tɩmma-la kala sɩ hɛ Ijipiti tinteeŋ leree deemba lɛ, Ijipiti sɛmɛ-la sɩ hɛ bʋbʋɔŋ dɩɩrɩŋ, Mɩgɩdɔl, Tapanhɛs arɩ Memfis a pɛ Ijipiti sɛmɛ-la ma sɩ hɛ nyuŋ dɩɩrɩŋ.

JƐRƖMAAYA 44:1 ပူးပေါင်းရင်းမြစ်များ

WƖAA DƖ-SUOMUŊ 10:14

Pafurusi tɩŋŋaa, Kasilu tɩŋŋaa arɩ Kafɩtɔ tɩŋŋaa. Fɩlɩsɩtɩa tɩŋŋaa lɩɩ nɩaa deemba tʋɔŋ nɛ.

MOSIS KƐŊ IZIRAL TƖŊŊAA LƖƖ 14:2

“Bʋla pɩ Iziral tɩŋŋaa dɩ ba mɩɩra mʋ hɔŋ a kpagɛ lee-la ba sɩɩ yɩrɛ Pɩ-Hahɩrɔf, a hɛ Mɩgɩdɔl arɩ mʋgʋ-balɩŋ pɛgɛ a chaasɛ Baal-Zɛfɔŋ.

AZAAYA 11:11

Dɩ bʋa-la nɛ yie, La TƖƖNA jaŋ tiire laa ʋ nɩkaanaa a lɩɩ Asiiria arɩ Ijipiti sɛmɛ-la sɩ hɛ bʋbʋɔŋ arɩ Ijipiti sɛmɛ sɩ hɛ nyuŋ arɩ Kus, Ɛlam, Babɩlɔŋ, Hamaf a pɛ tinteye-la kala mʋgʋ-balɩŋ sɩ gollo chu lɛ.

AZAAYA 19:13

Zʋaŋ tɩntɩnnɩ-hɩasɩŋ bɩrɩmɛ nɩyaara nɛ, nɩaa nyɩsɛ taŋ-la ba sɩɩ yɩrɛ Memfis sɩpaalaaraa nɛ. Ijipiti tinteeŋ sɩpaalaaraa kala leŋe Ijipiti tɩŋŋaa yeŋŋi nɛ.

JƐRƖMAAYA 2:16

Memfis arɩ Tapanhɛs baalaa fʋŋ ma nyu-gbansɩŋ nɛ a hɛ ma hɩɩsɩŋ.

JƐRƖMAAYA 24:8

Ama a nagɛ tutogi-nambɩlɩa-la sɩ cheye, a lɔrɛ ŋɩɩ a bɩ ba dii kɛnɛ, mɩ-na ma TƖƖNA sɩ: Ŋɩɩ tɩtɩa nɛ mɩ jaŋ joŋo ŋaa Juda kuoro Zedikaaya lɛ, ʋ tɩntɩnnɩ-hɩasɩŋ arɩ nɩalɩŋ sɩ bɩ sʋba a lɩɩ Jerusalɛm lɛ, dɩ ba hɛ tinteeŋ deeŋ lɛ koo dɩ ba mʋ hɛ Ijipiti tinteeŋ lɛ nɛ.

JƐRƖMAAYA 43:13

Ba wɩɩpɔsʋŋ vene-la dɩa sɩ hɛ Ijipiti lɛ, ʋ jaŋ ŋmoo ʋ jebie-la lo aŋ nyɩgɛ Ijipiti tinteeŋ vesi-la dɩɩsɩŋ.’ ”

JƐRƖMAAYA 44:15

Ŋɩɩ nɛ baala-la kala sɩ jɩma dɩ ba haalaa ka nyɩgɛ kʋsʋɔrʋsʋŋ pɩpɩ vesiŋ arɩ haala-la kala sɩ hɛ nɩmɛ, ba fa yʋga nɛ woruŋ, arɩ nɩalɩŋ kala sɩ hɛ Ijipiti sɛmɛ-la sɩ hɛ bʋbʋɔŋ arɩ sɛmɛ-la sɩ hɛ nyuŋ bʋla pɩ Jɛrɩmaaya,

JƐRƖMAAYA 46:14

“Má heele bʋl wɩɩŋ deeŋ Ijipiti arɩ Mɩgɩdɔl lɛ. Má heele bʋlʋ Memfis arɩ Tapanhɛs ma lɛ: ‘Má chɩŋ ma dɩchɩnaa a ŋaa siri, bɛɛ wɩaa laalɩŋ ka dii nɩalɩŋ sɩ gollima nɛ.’

JƐRƖMAAYA 46:19

Má paa ma kɩaa a ŋaa siri dɩ ma mʋ yoŋ-baga, ma nɩalɩŋ sɩ hɛ Ijipiti lɛ, bɛɛ wɩaa, Memfis jaŋ pɩŋ hoi a cheye pɩŋ, nʋʋkala bɩ jaŋ hɛ nɩmɛ.

ƐZƖKƖƐL 29:10

Ŋɩɩ wɩaa mɩ chɩŋ ŋ dɩ ŋ fuonuŋ kala lɛ nɛ. Mɩ jaŋ leŋ dɩ Ijipiti tinteeŋ pɩŋ hoi a ŋaa jikpeeŋ, a chɩŋ taŋ-la ba sɩɩ yɩrɛ Mɩgɩdɔl a kaa mʋ taŋ-la ba sɩɩ yɩrɛ Asɩwaŋ, a kɛŋ ŋɩɩ mʋ yi Kus tinteeŋ bʋa.

ƐZƖKƖƐL 29:14

Mɩ jaŋ mɩɩra kɛmba lɩɩ lee-la ba sɩ yuo kɛsɛba kaa mʋ, a kɛmba mɩɩra kɔ Ijipiti tinteeŋ lee-la ba sɩɩ yɩrɛ Patʋrɔs, ba naabalɩmaba tinteeŋ. Nɩmɛ ba jaŋ ŋaa kuori-gentine nɩaa sɩ bɩ doluŋ kɛnɛ.

ƐZƖKƖƐL 30:13

La TƖƖNA Wɩɩjarɩbakɔ bɩra sɩ, “Mɩ jaŋ chei ba tɔŋŋɔɔ a leŋ dɩ vesiŋ sɩ hɛ taŋ-la ba sɩɩ yɩrɛ Memfis lɛ wɩaa dɛrɛ. Nʋʋkala jaŋ tuo sɩ jaŋ beŋ Ijipiti tinteeŋ, mɩ jaŋ leŋ dɩ fawʋllʋŋ kɛŋ nɩalɩŋ kala sɩ hɛ tintee-la lɛ.

ƐZƖKƖƐL 30:14

Mɩ jaŋ leŋ dɩ Ijipiti tinteeŋ wɩɩpɔsʋŋ nadiiŋ dɩɩrɩŋ kala pɩŋ hoi, aŋ joŋ nyiniŋ hɛ tabal-la ba sɩɩ yɩrɛ Zʋaŋ sɩ hɛ wɩɩpɔsʋŋ nagʋa dɩɩrɩŋ, aŋ dɔgɩsɛ tabal-la ba sɩɩ yɩrɛ Tɛbɛs tɩŋŋaa ma woruŋ.

ƐZƖKƖƐL 30:16

Mɩ jaŋ leŋ dɩ nyiniŋ dii Ijipiti, dɩ Pɛlʋsɩyʋm nɩaa na hɛɛŋ woruŋ. Mɩ jaŋ ŋmoo Tɛbɛs lo. Memfis nɩaa ma jaŋ kɛŋ tʋɔ-cheeŋ bʋa na-kala.

ƐZƖKƖƐL 30:18

Birimiŋ jaŋ hɛ Tapanhɛs lɛ dɩ mɩ nɛ chei Ijipiti doluŋ, a leŋ dɩ ba babii-ballɩŋ dɛrɛ. Duoŋ-bɩlɩmbaanaa jaŋ kʋ tɔ ʋ kala, dɩ ba kɛsɛ ba nɩaa ma kaa mʋ dɩ ba ŋaa yosi.

HOSIA 9:6

Dɩ ba nɛ paala foro fá ba bɩ ba kpʋa ma, Ijipiti nɩaa-na jaŋ dɛrɛba, dɩ ba hugiba lee-la ba sɩɩ yɩrɛ Memfis Ijipiti tinteeŋ lɛ. Lere-la ba sɩ bil ba warɩpʋla jaŋ lugi a bɩrɩmɛ tiiŋ aŋ ka dɩ sɔsʋŋ ma nyʋ tɔ ba dɩɩsɩŋ.