JƐRƖMAAYA 42:3 - WƖA TENIŊ

³ Sʋl ŋ TƖƖNA Wɩa dɩ ʋ dagɛla lee-la la sɩ jaŋ mʋ arɩ wɩɩ-la la sɩ jaŋ ŋaa.”

JƐRƖMAAYA 42:3 ပူးပေါင်းရင်းမြစ်များ

1 KUOROO 8:36

ŋ hɛ ŋ jaŋ lɛ nɛ, jegile nɩɩ a joŋo chɛba. Iziral tɩŋŋaa ŋaa ŋ tɩntɩnnaa nɛ, ŋɩɩ wɩaa dagɛba dɩ ba ŋɩŋaa wɩaa ba bʋa lɛ, aŋ leŋ dɩ duonuŋ bɩra nɩɩ tintee-la lɛ ŋ sɩ joŋo pɩba ʋ ŋaa ba kʋŋ.

ƐZƖRA 8:21

La sɩ hɛ Ahava lɩɩ-libe-la ba sɩ kpɛrɛ leriŋ, mɩ leŋ la vɔɔ niiŋ, dɩ la kɛŋ la tɩtɩa muuri la Wɩa sɩpaaŋ dɩ la dɩ la biiriŋ vɛŋ la wombiiŋ woruŋ arɩ la kɩaa kala.

WƖA YƖƖLAA 27:11

La Tɩɩna, dagɛmɛ ŋ wombiiŋ. Kɛmmɛ to wombii-la sɩ tʋʋla, a tɩŋ mɩ dʋndɔŋŋɔɔ wɩaa.

WƖA YƖƖLAA 86:11

La Tɩɩna, dagɛmɛ ŋ wombiiŋ, dɩ mɩ toŋ arɩ wʋtɩtɩɩ. Leŋ dɩ mɩ kɛŋ tʋɔ-bala a fɩfá ŋ-na Wɩa.

NAMAGABA 3:6

Leŋ dɩ ʋ nɛ laa ŋ sɩpaaŋ wɩɩkala ŋ sɩɩ ŋaa lɛ. Ʋ jaŋ leŋ dɩ ŋ wombiiŋ tʋʋlɛ.

AZAAYA 2:3

Nɩ-daŋ jaŋ kɔ a bʋl, “Má kɔ dɩ la jɩl La TƖƖNA peel-la nyuŋ, a mʋ Jekɔb Wɩa dɩa. La TƖƖNA jaŋ dagɛla ʋ wombiee, dɩ la tuto. Wɩa jaŋ dagɛla ʋ wombii-la ʋ sɩ bile dɩ la tuto a lɩɩ Zaayɔŋ lɛ. La TƖƖNA niiŋ wɩaa jaŋ lɩɩ Jerusalɛm nɛ.”

JƐRƖMAAYA 6:16

Wɩɩ-la La TƖƖNA sɩ bʋla nɛ ŋ-la: “Má chɩŋ wɛŋ-chɛŋŋɛɛ lɛ aŋ beŋ, má pɩɛsa chɛ a jɩŋ wombii-bɩnɩa-la, má pɩɛsa na lee-la wombii-zɔŋ-la sɩ hɛ, a tou, dɩ ma dɩnsɩŋ na wiese. Ama ma sɩ, ‘La bɩ jaŋ tou.’

MƖKA 4:2

Tintee daŋ nɩaa jaŋ kɔ a bʋl, “Má kɔ dɩ la jɩl La TƖƖNA peel-la nyuŋ a mʋ Jekɔb Wɩa dɩa. La TƖƖNA jaŋ dagɛla ʋ wombiee, dɩ la tuto. Wɩa jaŋ dagɛla ʋ wombii-la ʋ sɩ bile dɩ la tuto a lɩɩ Zaayɔŋ lɛ. La TƖƖNA niiŋ wɩaa jaŋ lɩɩ Jerusalɛm nɛ.”

MOSIS BƖRA WULLI WƖA WOMBIIŊ 5:26

Nuhuobiiŋ bɛɛ nɛ hɛ nɩmɛ Wɩa sɩ weye hɛ nyiniŋ tʋɔŋ aŋ bʋl wɩaa pʋ, ka ʋ bɩ sʋba arɩ la sɩ nɩɩ ŋɩɩ?

MOSIS BƖRA WULLI WƖA WOMBIIŊ 5:29

Dɩ ba nɛ jaŋ kɛŋ ŋɩɩ naaŋ lɛ a zizilmi, aŋ tuto wɩalɩŋ mɩ sɩ daga, ŋɩɩ fa jaŋ leŋ dɩ wɩaa vɛŋ woruŋ a pɩ ba dɩ ba biiriŋ kala a kaa mʋ wuu.