JƐRƖMAAYA 42:20 - WƖA TENIŊ

²⁰ arɩ ma chaasa chei wɩɩ nɛ ma sɩ tɩmmɛ La TƖƖNA Wɩa teeŋ a bʋl, ‘Sʋl La TƖƖNA Wɩa a pɩla, aŋ bʋl wɩɩ-la kala ʋ sɩ bʋla a pɩla, la jaŋ ŋaa.’

JƐRƖMAAYA 42:20 ပူးပေါင်းရင်းမြစ်များ

WƖA YƖƖLAA 18:44

Dɩ mɩ nɛ bʋl wɩɩ, ba yie nɩɩ nɛ a to mɩ niiŋ. Tintee-wogusuŋ nɩaa ka kpirimi mɩ sɩpaaŋ nɛ.

WƖA YƖƖLAA 65:3

La wʋbɔŋŋɔɔ fa sɩ nyagɛla bil, ŋ joŋo chɛla nɛ.

JƐRƖMAAYA 17:10

Mɩ-na ma TƖƖNA nɛ yie beŋ nɩa tʋɔŋ a magɩsʋ na wɩalɩŋ sɩ hɛ ʋ nyuŋ lɛ aŋ timu a mʋ tɩgɛ ʋ mɛlɛ, arɩ ʋ wʋŋaalaa sɩ nagɛ ŋɩɩ lɛ.”

JƐRƖMAAYA 3:10

Arɩ wɩaa deemba kala ba sɩ ŋaa ma, ama ba naambie Juda sɩ bɩ wʋtɩtɩɩ kɛnɛ bɩ mɩɩra kɔ mɩ teeŋ arɩ ʋ tʋɔŋ kala. Ama ʋ fa fugo nagɛ ʋ cheye nɛ. Mɩ-na ma TƖƖNA nɛ bʋla.”

JƐRƖMAAYA 37:3

Ama kuoro Zedikaaya mɩɩra tɩŋ Sɛlɛmaaya nanʋala Jehukal arɩ Maasɛya nanʋala Zefanaaya sɩ ŋaa Wɩɩsʋllɩ sɩpaalaara dɩ ba kɛŋ tɩndaarɩŋ deeŋ mʋ pɩ Jɛrɩmaaya: “Laa sʋlʋŋ, sʋl La TƖƖNA Wɩa pɩla.”

JƐRƖMAAYA 38:14

Kuoro Zedikaaya tɩŋ ba mʋ yɩrɛ Wɩa wʋlaabʋlla Jɛrɩmaaya kɔ La TƖƖNA dɩɩ-bal-la boi-nii-tori-la leriŋ. Kuoro bʋla pɩ Jɛrɩmaaya, “Mɩɩ chɛ mɩ pɩɛsɩŋ wɩɩ nɛ, pʋpɔ ŋ sɩ́ wɩɩkala joŋo faamɛ.”

JƐRƖMAAYA 42:2

kala mʋ Wɩa wʋlaabʋlla Jɛrɩmaaya teeŋ a bʋla pʋ, “Laa sʋlʋŋ, jegile nɩɩ wɩɩ-la la sɩ kɛnɛ, a sʋl ŋ TƖƖNA Wɩa a pɩ la nɩkaanaa deemba. Ŋ tɩtɩa sɩɩŋ na la nɛ lɛɛlɛ, la fa yʋga nɛ woruŋ, ama lɛɛlɛ la baŋmɛnɛ nɛ ka.

JƐRƖMAAYA 42:5

Ŋɩɩ nɛ ba bʋla pɩ Jɛrɩmaaya, “La TƖƖNA nɛ kɛŋ wʋtɩtɩɩ, ʋ nɛ jaŋ ŋaa nʋʋ sɩ pɛ na wɩɩ-la a dɔgɩsɛla dɩ la nɛ bɩ wɩalɩŋ ʋ sɩ tɩmɩŋ dɩ ŋ kʋ bʋla pɩla to.

JƐRƖMAAYA 43:2

ŋɩɩ nɛ Hosaaya nanʋala Azarɩa arɩ Karɩa nanʋala Johanaŋ arɩ nɩalɩŋ kala sɩ kɛŋ sɩɩ-duoŋ bʋla pɩ Jɛrɩmaaya, “Ŋŋ nyɩɛ wɩaa nɛ. La TƖƖNA Wɩa bɩŋ tɩma dɩ ŋ kʋ bʋla pɩla arɩ la sɩ́ mʋ hɔŋ Ijipiti tinteeŋ lɛ.

ƐZƖKƖƐL 33:31

Mɩ nɩaa jaŋ yʋgɛ a kɔ ŋ teeŋ dɩ ba jegile nɩɩ ŋ niiŋ wɩaa, ama ba bɩ jaŋ kɛmba tɩŋ. Ba niiree yie bʋbʋl wʋzɔŋŋɔɔ nɛ, ama ba tʋɔŋ bɔmɔ a gɩrɩma lɩlaa nɩaa kɩaa.

NAMBABA 16:38

Paa nɩalɩŋ sɩ ŋaa wʋbɔŋ-la a sʋʋ kɩalɩŋ hɛ dɔŋɔ lɛ, a kaa libi pɩrataba a joŋo tɔ koru-la, ʋ ŋɩɩ jaŋ ŋaa chagɩlɩna a pɩ Iziral tɩŋŋaa. Ba sɩ kɛŋ kɩalɩŋ lɛ ba sɩ yie hɛ nyiniŋ aa nyɩgɛ kʋsʋɔrʋsʋŋ kɔ mɩ sɩpaaŋ a nyɩgɛ kʋsʋɔrʋsʋŋ a ŋaa Wɩɩsʋlʋŋ ŋɩɩ, ba bɩrɩmɛ kʋzɔmɔ nɛ mɩ teeŋ.”

NAMBABA 17:3

Levi doho nɩaa dantɩga lɛ, ŋmʋnsɛ Arɔŋ yɩrɩŋ hɛ. Doho na-kala sɩpaalaarʋ maga dɩ ʋ kɛŋ dantɩgɛ bala nɛ.

Matiu 22:35

Ŋɩɩ nɛ Wɩa teniŋ kerichiba dɔŋɔ wʋwalɩmɛ dɩ ʋ magɩsɛ Yesu a pɩpɩɛsʋ wɩaa.

Galiisia Nɩaa 6:7

Má sɩ́ ma tɩtɩa nyɩsʋ. Nʋʋkala bɩ Wɩa wuo mɔŋ. Kʋ-la ŋ sɩ duo, ʋ tɩtɩa nɛ ŋ jaŋ kʋŋ.

Jeems 1:22

Ʋ maga dɩ ma ŋɩŋaa wɩalɩŋ Wɩa sɩ sɩ ma ŋɩŋaa nɛ. Ʋ bɩ maga dɩ ma nɩnɩɩ wɩalɩŋ dʋndʋŋ. Dɩ ma nɩ́ɩ nɩɩ wɩalɩŋ aŋ bɩbaa ŋaa, maa nyɩsɛ ma tɩtɩa nɛ.