JƐRƖMAAYA 42:19 - WƖA TENIŊ

¹⁹ Ma-na Juda nɩkaanaa, La TƖƖNA bʋla pɩma, ‘Má sɩ́ Ijipiti mʋ.’ Ma jɩŋ wɩɩŋ deeŋ lɛ: Mɩ kpʋrɩsɛ ma dɩgɩlaa nɛ jɩnɩŋ

JƐRƖMAAYA 42:19 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 24:19

La TƖƖNA tɩŋ ʋ wʋlaabʋllaa dɩ ba kpʋrɩsɛ nɩalɩŋ dɩgɩlaa dɩ ba mɩɩra kɔ ʋ teeŋ, ama ba vɩa dɩ ba nɩɩ.

NƐHƖMAAYA 9:26

Ama ba vɩa ŋ niiŋ nɛ a lɩɩ ŋ harɩŋ, a joŋ harɩŋ yɩa ŋ wombiiŋ ŋ sɩ bile dɩ ba tuto. Ba kpʋ ŋ wʋlaabʋllaa nɛ, nɩalɩŋ sɩ bʋl wɩaa kpʋrɩsɛ ba dɩgɩlaa dɩ ba mɩɩra kʋ toŋ. Ba chaasa tʋʋsɛ ŋ joŋoo nɛ.

AZAAYA 21:12

Nɩɩ-la sɩ pɔ a bibeŋ leriŋ sɩ, “Taŋ jaŋ pʋl, dɩ taŋ bɩra biri. Dɩ ŋ nɛ ha cho dɩ ŋ pɩɛsɛmɛ, ŋ jaŋ bɩra wuo kʋ pɩɛsɛ.”

JƐRƖMAAYA 38:21

Ama dɩ ŋ nɛ vɩa dɩ ŋ joŋ ŋ tɩtɩa hɛ ba nɩsɩŋ lɛ, wɩɩ-la La TƖƖNA sɩ kaa dagɛmɛ nɛ ŋ-la:

ƐZƖKƖƐL 17:15

Ama Juda kuoro nɩɩ-la kʋ magɛ ŋɩɩ, a vɩa dɩ ʋ to Babɩlɔŋ kuoro niiŋ aŋ tɩŋ nɩaa dɩ ba mʋ Ijipiti tinteeŋ a kɛsɛ janɩŋ arɩ laalɩyuori-daŋ kɔ. Kuoro deeŋ jaŋ wuo na wɩɩ-la ʋ sɩɩ chɛɛ? Ʋ jaŋ wuo fori wɩaa deemba lɛɛ? Ʋ jaŋ wuo chei nii-la ba sɩ pɛ aŋ fori?

ƐZƖKƖƐL 2:5

Ba ŋaa nɩa sɩ bɩ dagɩŋ ka sɛɩ nɛ. Dɩ ba jegile nɩɩ koo dɩ ba vɩa, ba jaŋ jɩŋ arɩ mɩ wʋlaabʋlla fa hɛ ba tʋɔŋ nɛ.

ƐZƖKƖƐL 3:21

Ama dɩ ŋ nɛ kpʋrɩsɛ tʋɔpʋl tɩɩna-la dɩgɩlaa dɩ ʋ sɩ́ wʋbɔŋŋɔɔ ŋaa, ʋ nɩɩ a bɩ wʋbɔŋŋɔɔ ŋaa, ʋ jaŋ kɛŋ mɩɩsɩŋ, ŋ ma laa ŋ tɩtɩa nɛ ŋɩɩ.”

NAMBABA 14:3

Bɛɛ nɛ tɩɩ La TƖƖNA kɛnla kɔ tinteeŋ deeŋ dɩ ba kpʋla laalɩŋ lɛ aŋ kɛsɛ la haalaa arɩ la biiriŋ? Ʋ bɩ jaŋ kpɩa dɩ la nɛ mɩɩra mʋ Ijipiti tinteeŋ?”

Tɩntɩŋŋaa 2:40

Pɩɩta sɩ bʋl ŋɩɩ, ʋ sʋlba a paala chaasa bʋl wɩaa dɔnsʋŋ yʋgɛ a bʋl, “Má lɩɩsɛ ma tɩtɩa nɩbɔŋŋɔɔ deemba tʋɔŋ.”

Ɛfɛsɩs Nɩaa 4:17

La Tɩɩna yɩrɩŋ lɛ mɩɩ chɛ dɩ mɩ bʋl wɩɩ nɛ pɩma arɩ sɩɩfɩɛsɩŋ. Má sɩ́ leŋe dɩ ma wʋŋaalaa nagɛ nɩalɩŋ sɩ bɩ Wɩa jɩŋ. Wɩalɩŋ kala ba sɩɩ bɩɩnʋ ŋaa wʋpɛɩba nɛ.

MOSIS BƖRA WULLI WƖA WOMBIIŊ 17:16

Kuoru-la bɩ maga ʋ kɛŋ janɩŋ yʋgɛ. Ʋ bɩ maga ʋ chɩchɛ dɩ nɩaa mɩɩra mʋ Ijipiti tinteeŋ a yɔɔ janɩŋ kaa kʋ pʋ, bɛɛ wɩaa La TƖƖNA Wɩa sɩ, ʋ bɩ chɛ dɩ ʋ nɩaa bɩra joŋ ba sɩaa chaasɛ lee-la.

MOSIS BƖRA WULLI WƖA WOMBIIŊ 31:21

Dɩ wʋlɔrʋnʋŋ arɩ wʋwalɩmaa nɛ jʋʋba, yɩɩlɩŋ deeŋ nɛ jaŋ liliisiba, bɛɛ wɩaa ba dɩ ba doho nɩaa kala bɩ jaŋ yʋ yɩɩl-la. Mɩ paala jɩŋ ba tʋɔbɩɩnaa kala nɛ aŋ-na kɛmba kaa kɔ tintee-la mɩ sɩ hɛ niiŋ dɩ mɩ joŋo pɩba.”

1 Tɛsalonaaka Nɩaa 4:6

Bɩra, nʋʋkala sɩ́ wɩɩ ŋaa chei ʋ dɔŋɔ tɩɩna a tɩgɛ ʋ haala lɛ. La chaasa bʋla pɩma nɛ faafaa kala a kpʋrɩsɛ ma dɩgɩlaa arɩ Wɩa jaŋ dɔgɩsɛ nɩalɩŋ sɩ ŋaa disiŋ wɩaa.