JƐRƖMAAYA 42:18 - WƖA TENIŊ

¹⁸ Wɩɩ-la La TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: ‘A nagɛ mɩ sɩ na baanɩŋ a dɔgɩsɛ nɩalɩŋ sɩ hɛ Jerusalɛm lɛ ŋɩɩ, ŋɩɩ tɩtɩa nɛ mɩ jaŋ na baanɩŋ a ŋaa ma lɛ, dɩ ma nɛ mʋ Ijipiti tinteeŋ. Mɩ jaŋ leŋ dɩ ma kɛŋ nyɛsɩŋ nɩaa sɩaa lɛ. Nɩaa jaŋ sisieri ma lɛ, a kɛŋ ma yɩrɩŋ ŋmɩɛsa hɩhɛ nɩaa lɛ, a joŋ cheeriŋ pɩpɩma. Ma bɩra bɩ jaŋ kɔ dɩ ma na leriŋ deeŋ.’

JƐRƖMAAYA 42:18 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 34:25

bɛɛ wɩaa ba vɩamɛ nɛ aŋ nyɩgɛ kʋsʋɔrʋsʋŋ pɩpɩ vesiŋ, a leŋ mɩ baanɩŋ sii kɩalɩŋ ba tɩtɩa sɩ ŋaa lɛ. Mɩ baanɩŋ chaasa sii ba nyuŋ nɛ, ʋ bɩ jaŋ fɩɛlɛ.’

AZAAYA 30:3

Ijipiti tinteeŋ kuoro saa bɩ dol kala kɛnɛ dɩ ʋ pɛ ba lɛ. Ijipiti tinteeŋ kuoro pɔnɔ-la jaŋ mɩɩra leŋ dɩ hɩɩsɩŋ diiba.

AZAAYA 65:15

Ma yɩrɩŋ jaŋ ŋaa ŋmɩaŋ nɩalɩŋ mɩ sɩ lɩɩsa teeŋ. Mɩ-na Wɩɩjarɩbakɔ jaŋ kpʋma, ama mɩ jaŋ hɛ yɩrɩ-falɩŋ a pɩ mɩ tɩntɩnnaa-na.

JƐRƖMAAYA 18:16

Ba tinteeŋ jaŋ pɩŋ pɛɩ, dɩ nɩaa mʋmɔŋ ʋ lɛ a kaa mʋ wuu. Ʋ wɩaa jaŋ kperi nʋʋkala sɩ to nɩmɛ a bɩbal, dɩ ba vivigisi nyuŋ.

JƐRƖMAAYA 22:27

Ma bɩra bɩ jaŋ mɩɩra kɔ tintee-la ma sɩɩ hɩɛnʋ.”

JƐRƖMAAYA 23:40

Mɩ jaŋ leŋ dɩ hɩɩsɩŋ diima a kaa mʋ wuu. Ma bɩ jaŋ kɔ dɩ ma yʋ hɩɩsɩŋ deeŋ wɩaa.”

JƐRƖMAAYA 24:9

Mɩ jaŋ lɛrɛ wʋlɔrʋŋ kʋ hɛ ba lɛ, dɩ ba nagɛ kʋŋ sɩɩ sʋɔrʋ dʋnɩa tinteyee nɩaa kala teeŋ. Hɩɩsɩŋ jaŋ diiba dɩ nɩaa sisieri ba lɛ. Nɩaa jaŋ kɛŋ ba yɩrɩŋ ŋmɩɛsa hɩhɛ nɩaa lɛ lee na-kala mɩ sɩ kɛmba pɩsa hɛ.

JƐRƖMAAYA 25:9

mɩ jaŋ yɩrɛ nɩaa kala sɩ hɛ wɩɩpɔsʋŋ nagʋa arɩ mɩ tɩntɩnna Babɩlɔŋ kuoro Nebukadineza a hɛ dɔŋɔ, a kɛmba kʋ hɛ tinteeŋ deeŋ arɩ ʋ nɩaa arɩ tinteye-la kala sɩ gollu lɛ. Mɩ-na ma TƖƖNA nɛ bʋla. Mɩ jaŋ chei ba kala gbelem gbelem dɩ ba ŋaa mɔmɩa dɩ nɩaa sisieri ba lɛ, nɩaa jaŋ naba dɩ fawʋllʋŋ kɛmba dɩ ba hihirigi. Ba jaŋ pɩŋ jikpeeŋ a kaa mʋ wuu.

JƐRƖMAAYA 26:6

ŋɩɩ-na mɩ jaŋ leŋ dɩ mɩ dɩɩ-balɩŋ deeŋ ma nagɛ taŋ-la ba sɩɩ yɩrɛ Sɩlɔ, dɩ dʋnɩa tinteyee nɩaa kala kɛŋ tabalɩŋ deeŋ yɩrɩŋ ŋmɩɛsa hɩhɛ nɩaa lɛ.’ ”

JƐRƖMAAYA 29:18

Mɩ jaŋ joŋ laalɩŋ, losuŋ arɩ nyanyal-bɔmʋŋ a kire to ba harɩŋ. Mɩ jaŋ leŋ dɩ ba kɛŋ nyɛsɩŋ dʋnɩa kuori-gentisiŋ nɩaa kala teeŋ, dɩ nɩaa kɛŋ ba yɩrɩŋ ŋmɩɛsa hɩhɛ dɔŋɔ lɛ. Nɩaa jaŋ naba dɩ fawʋllʋŋ kɛmba dɩ ba hihirigi. Tinteye-la kala lɛ mɩ sɩ kiriba hɛ, nɩaa jaŋ sisieri ba lɛ a mʋmɔmba.

JƐRƖMAAYA 29:22

A tɩŋ ba wɩaa, nɩalɩŋ kala ba sɩ kɛsɛ lɩɩ Juda a kaa mʋ yoŋ-baga Babɩlɔŋ lɛ jaŋ kɛŋ wɩɩŋ deeŋ a ŋmɩɛsa hɩhɛ nɩaa lɛ: ‘La TƖƖNA jaŋ dagɩŋ arɩ ʋ fa sɩ dagɛ Zedikaaya arɩ Ahab ŋɩɩ, nɩalɩŋ Babɩlɔŋ kuoro sɩ nyɩga.’

JƐRƖMAAYA 33:5

bʋa-la lɛ Babɩlɔŋ tɩŋŋaa sɩ yuo diiba nɛ ŋ-la: Dɩɩsɩ-la jaŋ su arɩ sʋʋnʋŋ nɩalɩŋ mɩ sɩ jaŋ faasa na baanɩŋ a kpʋ. Mɩ jaŋ lɩɩsɛ mɩ sɩaa tabalɩŋ deeŋ lɛ a tɩŋ wʋbɔmɔ-la kala ba sɩ ŋaa wɩaa.

JƐRƖMAAYA 44:12

Mɩ jaŋ kpʋ Juda nɩkaana-la kala sɩ ŋaa siri a kɔ Ijipiti tinteeŋ a hɔŋ nɩmɛ. Ba kala jaŋ sʋʋ Ijipiti tinteeŋ lɛ. Ba jaŋ sʋʋ laalɩŋ lɛ koo losuŋ kpʋba. A chɩŋ ba nɩbiisiŋ lɛ a kaa jɩl ba nɩbalaa, ba jaŋ sʋʋ laalɩŋ lɛ koo losuŋ lɛ. Ba jaŋ kɛŋ nyɛsɩŋ nɩaa sɩaa lɛ. Nɩaa jaŋ sisieri ba lɛ, a kɛŋ ba yɩrɩŋ ŋmɩɛsa hɩhɛ nɩaa lɛ, a joŋ cheeriŋ pɩpɩba.

JƐRƖMAAYA 44:22

La TƖƖNA sɩ kʋ magɛ ŋɩɩ a bɩra bɩ ma wʋbɔŋŋɔɔ arɩ ma wʋkɩsɩa-la lɛ wuo nyalɩmɛ, ʋ leŋe ma tinteeŋ pɩŋ hoi nɛ, nʋʋkala tuo nɩmɛ arɩ ʋ sɩ nagɛ ŋɩɩ jɩnɩmba, nɩaa kɛŋ ʋ yɩrɩŋ ŋmɩɛsa hɩhɛ nɩaa lɛ.

JƐRƖMAAYA 44:6

Ŋɩɩ wɩaa, mɩ chaasa na baanɩŋ ba nyuŋ, a chei Juda tasɩŋ arɩ Jerusalɛm womporunuŋ, a leŋ ba cheye pɩŋ hoi arɩ ŋɩɩ ba sɩ naga jɩnɩmba.

JƐRƖMAAYA 44:8

Bɛɛ nɛ tɩɩ ma kɛŋ kɩalɩŋ ma tɩtɩa sɩ ŋaa a leŋ mɩ baanɩŋ sii, ma sɩ nyɩgɛ kʋsʋɔrʋsʋŋ a pɩpɩ Ijipiti vesiŋ lee-la ma sɩ kʋ hɔŋ? Ma jaŋ chei ma tɩtɩa, dɩ dʋnɩa tinteyee kala nɩaa sisieri ma lɛ, a kɛŋ ma yɩrɩŋ ŋmɩɛsa hɩhɛ nɩaa lɛ.

JƐRƖMAAYA 6:11

La TƖƖNA, baaŋ-la ŋ sɩ na ba nyuŋ chaasa tʋgʋmɛ nɛ. Mɩ bɩ jaŋ wuo nyagʋ bil. Ŋɩɩ nɛ La TƖƖNA bʋla pɩmɛ, “Joŋ ŋ baaŋ-la fɩɩsɛ ba biiriŋ sɩ hɛ womporuŋ lɛ, arɩ bapʋɔsɩa-la sɩ hilime. Sɩ́ baalaa arɩ ba haalaa ma lɩɩsa ta. Sɩ́ nɩalɩŋ sɩ faasa hɩɛsɛ ma lɩɩsa ta.

JƐRƖMAAYA 7:20

Ŋɩɩ wɩaa, wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Mɩ na baanɩŋ ba nyuŋ kɩŋkɛŋ nɛ, mɩ jaŋ joŋ mɩ baaŋ-la sɩ faasa sii fɩɩsɛ Juda nɩaa lɛ, ba pʋsʋŋ arɩ ba tɩɩsɩŋ arɩ ba kʋpɛrɛɛ lɛ. Mɩ baaŋ-la jaŋ nagɛ nyiŋ-la sɩ bɩ dɩsɛ a diiba.

JEMBIEE 2:4

Ʋ bɩrɩmɛ ʋ dʋndɔŋ nɛ a lɛrɛ ʋ toŋ hɛ a kɛŋ ʋ nadiiŋ ŋaa siri. Ʋ nagɛ dʋndɔŋ nɛ a kpʋ nɩalɩŋ kala sɩ su sɩɩŋ. Ʋ baanɩŋ sie a nagɛ nyiniŋ nɛ a joŋ Jerusalɛm dii.

JEMBIEE 2:6

Wɩa chei ʋ dɩɩ-balɩŋ a nagɛ ba sɩ kɛŋ lɩga churi nɛ, ʋ chei lee-la ba sɩ yie hilimi ʋ yɩrɩŋ lɛ nɛ. La TƖƖNA leŋe Zaayɔŋ nɩaa yʋ ba gbielee tapʋlaa arɩ chɛ-wiesie-la wɩaa nɛ. Ʋ baanɩŋ sɩ faasa sii, ʋ vɩa kuoro arɩ ʋ Wɩɩsʋllɩ sɩpaalaaraa kala nɛ.

JEMBIEE 4:11

La TƖƖNA chaasa na baanɩŋ nɛ, ʋ baanɩŋ chaasa sii nɛ ʋ pɔsɛ. Ʋ fuuni nyiniŋ hɛ Zaayɔŋ lɛ nɛ, ʋ joŋ ʋ kala kɔlɩmɛ a tuu yi gentine.

ƐZƖKƖƐL 20:34

Mɩ jaŋ na baanɩŋ a kɛmma lɩɩ tinteye-la arɩ tinteye-la kala lɛ mɩ sɩ kɛmma pɩsa hɛ a kʋ hɛ dɔŋɔ. Mɩ jaŋ kɛmma kʋ lɩɩ arɩ mɩ dol-balɩŋ.

ƐZƖKƖƐL 22:22

A nagɛ ba sɩ yie joŋ hɔpʋla hɛ nyiniŋ lɛ ʋ ŋmɩɛrɛ ŋɩɩ, ŋɩɩ tɩtɩa nɛ ma ma jaŋ ŋmɩɛrɛ Jerusalɛm lɛ. Ŋɩɩ nɛ ma jaŋ jɩŋ arɩ mɩ nɛ ma TƖƖNA sɩ na baanɩŋ ma nyuŋ.”

DANƖƐL 9:11

Iziral tɩŋŋaa kala chei wombii-la ŋ sɩ bile dɩ ba tuto nɛ a joŋ harɩŋ yɩaŋ a vɩa dɩ ba to ŋ niiŋ. Ŋɩɩ wɩaa kalɩbɩna-la arɩ ŋmɩaŋ-la ŋ-na Wɩa tɩntɩnna Mosis sɩ ŋmʋnsa bil ŋ wombiiŋ teniŋ tʋɔŋ mɩɩra wurisila nɛ, bɛɛ wɩaa la ŋaa wʋbɔŋ nɛ ŋ teeŋ.

DANƖƐL 9:27

Sɩpaalaara deeŋ arɩ nɩ-daŋ jaŋ bil niiŋ pɩ dɔŋɔ jɩsɩŋ balɩpɛ, ama jɩsɩ-la kpaa magɛ dɔŋɔ lɛ, ʋ jaŋ giri pʋsʋŋ kpʋ ŋaa Wɩɩsʋlʋŋ arɩ kɩaa joŋo ŋaa Wɩɩsʋlʋŋ ta. Ʋ jaŋ joŋ disiŋ kʋŋ sɩɩ chei leriŋ bil Wɩa dɩɩ-bal-la tʋɔŋ, koruŋ leriŋ dɩ ʋ chɩŋ nɩmɛ halɩɩ, a kaa mʋ bʋa-la lɛ Wɩa sɩ daga dɩ ʋ cheyu yie.”

HOSIA 7:16

Ba bɩ mɩɩra kɔ mɩ-na Wɩa sɩ kɩɩ kʋŋkala teeŋ, ba nagɛ toŋ sɩ golibo nɛ. Ba jaŋ kpʋ ba sɩpaalaaraa laalɩŋ lɛ, a tɩŋ nii-jɩgɩ wɩalɩŋ ba sɩɩ bʋl. Wɩɩŋ deeŋ wɩaa, ba jaŋ mɔmba Ijipiti tinteeŋ lɛ.”

NAHUM 1:6

Kʋbɛɛ nɛ jaŋ wuo chɩŋ ʋ sɩpaaŋ dɩ ʋ baanɩŋ nɛ sie? Kʋbɛɛ nɛ jaŋ wuo waa, dɩ ʋ baanɩŋ nɛ hoso? Ʋ baanɩŋ yie pusi a nagɛ nyiniŋ nɛ, bʋsʋŋ yɩyɛrɛ ʋ sɩpaaŋ.

ZƐKARƖYA 8:13

Tinteyee nɩaa fa kɛŋ ma-na Juda arɩ Iziral nɩaa yɩrɩŋ a ŋmɩɛsa hɩhɛ nɩaa lɛ nɛ. Ama lɛɛlɛ mɩ jaŋ laama ta a to ma lɛ a pɛ ba lɛ. Má sɩ́ leŋe dɩ fawʋllʋŋ kɛmma, má nyɩrɛ bɔyɛ.

NAMBABA 5:27

Dɩ ʋ nɛ bɩ wʋtɩtɩɩ kɛnɛ ʋ bala teeŋ, aŋ ŋaa disiniŋ, ʋ sɩ nyʋa lɩɩ-la ba sɩ kaa kalɩbɛ ŋɩɩ, kalɩbɩ-na-la jaŋ diiu ʋ nɩaa sɩɩŋ lɛ, dɩ ʋ chaasa na hɛɛŋ, ʋ luoruŋ jaŋ su, dɩ ʋ lʋla kʋʋrɛ.

Jɔɔŋ Wʋnaalaa 14:10

Wɩa jaŋ na baanɩŋ kɩŋkɛŋ ʋ tɩɩna nyuŋ. Wɩa jaŋ faasa na baanɩŋ ʋ nyuŋ a dɔgɩsʋ woruŋ dɩ ʋ na hɛɛŋ a nagɛ nɩa sɩ nyʋa sɩ-duoŋ a bugi. Ba jaŋ joŋ jiribiiŋ nyiniŋ a dɔgɩsɛ tɩɩna. Ba jaŋ ŋaa ŋɩɩ Wɩa tɩndaara-la sɩ bɩ disiniŋ kɛnɛ arɩ Pie-bie-la sɩpaaŋ.