JƐRƖMAAYA 42:15 - WƖA TENIŊ

¹⁵ Ŋɩɩ-na ma Juda nɩkaanaa, má jegile nɩɩ La TƖƖNA niiŋ wɩaa. Wɩɩ-la La TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: ‘Dɩ ma nɛ ŋaa siri arɩ ma jaŋ mʋ Ijipiti tinteeŋ, a sɛnɛ mʋ hɔŋ nɩmɛ,

JƐRƖMAAYA 42:15 ပူးပေါင်းရင်းမြစ်များ

WƖAA DƖ-SUOMUŊ 31:21

Ŋɩɩ nɛ ʋ kɛŋ ʋ dʋa kala fá a chol fuo-la ba sɩɩ yɩrɛ Yufireti a chaasɛ Gɩlɩad tintee-la peelee sɩ yʋga a mʋ.

JƐRƖMAAYA 27:8

Dɩ tinteeŋ koo kuoru-gentine kala nɛ vɩa dɩ ʋ tɩma pɩ Babɩlɔŋ kuoro Nebukadineza koo a bɩ ba tɩtɩa joŋo hɛ ʋ nɩsɩŋ lɛ, mɩ jaŋ joŋ laalɩŋ, losuŋ arɩ nyanyal-bɔmʋŋ dɔgɩsɛ tintee-la nɩaa, aŋ to ʋ lɛ a kpʋ ba kala. Mɩ-na ma TƖƖNA nɛ bʋla.

JƐRƖMAAYA 42:17

Wʋtɩtɩɩ, nɩalɩŋ kala sɩ ŋaa siri dɩ ba mʋ Ijipiti tinteeŋ a hɔŋ nɩmɛ, laalɩŋ, losuŋ arɩ nyanyalɩɩ jaŋ kpʋba. Ba kʋŋkala bɩ jaŋ kɛŋ mɩɩsɩŋ koo a fori wʋlɔrʋ-la mɩ sɩ jaŋ kaa kʋ hɛ ba lɛ.’

JƐRƖMAAYA 44:24

Ŋɩɩ nɛ Jɛrɩmaaya bɩra bʋla pɩ nɩalɩŋ kala, a pɛ haalaa lɛ, “Má jegile nɩɩ La TƖƖNA niiŋ wɩaa, ma Juda tɩmma-la kala sɩ hɛ Ijipiti lɛ.

DANƖƐL 11:17

Siiria kuoru-la jaŋ chɩchɛ ʋ kɛŋ ʋ laalɩyuoroo kala mʋ Ijipiti tinteeŋ kuoro leriŋ dɩ ba pɛ niiŋ. Ʋ jaŋ joŋ ʋ tolo pʋ dɩ ʋ jaa, dɩ ʋ wuo to ŋɩɩ lɛ a yuo dii ʋ tinteeŋ kala, ama ʋ tʋɔbɩɩna-la bɩ jaŋ chɩŋ.

Luuk 9:51

Ŋɩɩ nɛ tapʋlɩɩ-la kpagɛ dɩ ba joŋ Yesu a kaa jɩl Wɩa-jaŋ. Ʋ ŋaa siri a sii, a joŋ wombiiŋ a mʋmʋ Jerusalɛm.

MOSIS BƖRA WULLI WƖA WOMBIIŊ 17:16

Kuoru-la bɩ maga ʋ kɛŋ janɩŋ yʋgɛ. Ʋ bɩ maga ʋ chɩchɛ dɩ nɩaa mɩɩra mʋ Ijipiti tinteeŋ a yɔɔ janɩŋ kaa kʋ pʋ, bɛɛ wɩaa La TƖƖNA Wɩa sɩ, ʋ bɩ chɛ dɩ ʋ nɩaa bɩra joŋ ba sɩaa chaasɛ lee-la.