JƐRƖMAAYA 42:11 - WƖA TENIŊ

¹¹ Má sɩ́ Babɩlɔŋ kuoro fá, nɩɩ-la ma sɩɩ fá lɛɛlɛ. Má sɩ́ ʋ fá, mɩ-na ma TƖƖNA nɛ bʋla, bɛɛ wɩaa mɩ hɛ ma teeŋ nɛ, mɩ jaŋ laama ta ʋ nɩsɩŋ lɛ.

JƐRƖMAAYA 42:11 ပူးပေါင်းရင်းမြစ်များ

2 KUOROO 25:26

Ʋ ŋɩɩ harɩŋ, fawʋllʋŋ kɛŋ laalɩyuori-hɩasɩ-la arɩ nɩalɩŋ kala sɩ hɛ Mɩzɩpa lɛ, nɩbiisiŋ arɩ nɩbalaa kala, a tɩŋ Babɩlɔŋ tɩŋŋaa wɩaa. Ba lɩɩ fá mʋ Ijipiti tinteeŋ.

WƖA YƖƖLAA 118:6

La Tɩɩna chɩŋ mɩ harɩŋ nɛ, mɩ bɩ fawʋllʋŋ ka fá. Bɛɛ nɛ nuhuobiine jaŋ wuo ŋaamɛ?

WƖA YƖƖLAA 46:11

La Tɩɩna doluŋ kala Tɩɩna hɛ la teeŋ nɛ, Jekɔb Wɩa nɛ la dɩ-duoŋ.

WƖA YƖƖLAA 46:7

La Tɩɩna doluŋ kala Tɩɩna hɛ la teeŋ nɛ. Jekɔb Wɩa nɛ la dɩ-duoŋ.

AZAAYA 41:10

Má sɩ́ fawʋllʋŋ fá, mɩ hɛ ma teeŋ nɛ. Má sɩ́ leŋe dɩ ma tʋɔŋ vʋgʋmɛ, mɩ nɛ ma Wɩa. Mɩ jaŋ pɛ ma lɛ a pɩma doluŋ, mɩ jaŋ pɔma a laama ta.

AZAAYA 43:2

Dɩ ma nɛ hɛ lɩɩŋ tʋɔŋ ma, mɩ jaŋ hɛ ma teeŋ, lɩɩ-la bɩ jaŋ wuo pɛllɛ paama. Dɩ ma nɛ hɛ nyiniŋ tʋɔŋ ma, ʋ bɩ jaŋ nyɩgɛma, ʋ bɩ jaŋ wuo diima.

AZAAYA 43:5

Má sɩ́ fawʋllʋŋ fá, mɩ hɛ ma teeŋ nɛ. Mɩ jaŋ kɛsɛ ma biiriŋ a lɩɩ wɩɩpɔsʋŋ dɩɩrɩŋ a kɛmma lɩɩ wɩɩjʋʋlʋŋ dɩɩrɩŋ kʋ hɛ dɔŋɔ.

JƐRƖMAAYA 1:19

Ba jaŋ yuoŋ, ama ba bɩ jaŋ wuo yuo diiŋ, bɛɛ wɩaa, mɩ hɛ ŋ teeŋ nɛ, mɩ jaŋ laaŋ ta ba nɩsɩŋ lɛ. Mɩ-na ma TƖƖNA nɛ bʋla.”

JƐRƖMAAYA 1:8

Sɩ́ ba fá, mɩ hɛ ŋ teeŋ nɛ, mɩ jaŋ laaŋ ta ba nɩsɩŋ lɛ. Mɩ-na ma TƖƖNA nɛ bʋla.”

JƐRƖMAAYA 15:20

Mɩ jaŋ leŋ dɩ ŋ nagɛ jeeŋ nɩaa deemba teeŋ, ŋ jaŋ nagɛ kɔlɩɩŋ ba sɩ kaa saa jeeŋ gollo chu. Ba jaŋ yuoŋ, ama ba bɩ jaŋ wuo yuo diiŋ, bɛɛ wɩaa mɩ hɛ ŋ teeŋ nɛ, mɩ jaŋ pɔŋ a laaŋ ta. Mɩ-na ma TƖƖNA nɛ bʋla.

JƐRƖMAAYA 27:11

Ama dɩ tintee kala nɩaa nɛ jaŋ joŋ ba tɩtɩa hɛ Babɩlɔŋ kuoro nɩsɩŋ lɛ a tɩma pʋpʋ, mɩ jaŋ leŋ dɩ tintee-la nɩaa hɔŋ ba tɩtɩa tinteeŋ lɛ a pɩpɛrɛ nɩmɛ. Mɩ-na ma TƖƖNA nɛ bʋla.’ ”

JƐRƖMAAYA 27:12

Wɩɩŋ deeŋ tɩtɩa nɛ mɩ-na Jɛrɩmaaya fa bʋla pɩ Juda tinteeŋ kuoro Zedikaaya. Mɩ sɩ, “Joŋ ŋ tɩtɩa hɛ Babɩlɔŋ kuoro nɩsɩŋ lɛ a tɩma pɩ ʋ dɩ ʋ nɩaa, ŋɩɩ nɛ ŋ jaŋ kɛŋ mɩɩsɩŋ.

JƐRƖMAAYA 27:17

Má sɩ́ ba teeŋ jegilu. Má tɩma pɩ Babɩlɔŋ kuoro, ŋɩɩ nɛ ma jaŋ kɛŋ mɩɩsɩŋ. Bɛɛ nɛ tɩɩ tabalɩŋ deeŋ jaŋ pɩŋ ji-kpee?

JƐRƖMAAYA 41:18

dɩ ba fori Babɩlɔŋ nɩaa nɩsɩŋ lɛ. Fawʋllʋŋ fa kɛmba nɛ a tɩŋ ba wɩaa, bɛɛ wɩaa Nɛtanɩa nanʋala Ɩsɩmɛl fa kpʋ Ahɩkam nanʋala Gedalia nɛ, nɩɩ-la Babɩlɔŋ kuoro sɩ lɩɩsa ʋ chɩŋ ʋ naasɩŋ lɛ a bibeŋ tintee-la.

NAMBABA 14:9

Má sɩ́ La TƖƖNA wɩɩkala vɩa, a sɩ́ nɩalɩŋ sɩ hɛ tintee-la lɛ ma fá, la jaŋ yuo diiba. La TƖƖNA hɛ la teeŋ nɛ, ba bɩra bɩ kʋŋkala kɛnɛ dɩ ba kaa pɔ ba tɩtɩa, má sɩ́ ba fá.”

Matiu 10:28

Ŋɩɩ nɛ Yesu bɩra bʋl, “Má sɩ́ nɩalɩŋ sɩ jaŋ wuo kpʋ ma yaraa fá, nɩaa deemba bɩ ma dɩma wuo kpʋ. Ama má fá Wɩa. Ʋ nɛ kɛŋ doluŋ dɩ ʋ wuo joŋ ma yaraa arɩ ma dɩnsɩŋ kala a hɛ Wɩa nyiniŋ tʋɔŋ. Mɩ bʋlaa pɩma, má fɩfáʋ.

Matiu 28:20

Má dagɛba a leŋ dɩ ba to wɩalɩŋ kala mɩ sɩ bʋla pɩma dɩ ma to. Mɩ jaŋ hɛ ma teeŋ bʋa na-kala lɛ a kaa mʋ dʋnɩa dɩdɛrɩŋ.”

Tɩntɩŋŋaa 18:10

Mɩ chɩŋ ŋ harɩŋ nɛ. Nʋʋkala bɩ jaŋ wuo kɛnɩŋ a ŋaaŋ wʋbɔŋ kala, bɛɛ wɩaa mɩ nɩaa yʋga taŋ deeŋ lɛ.”

Rom Tɩŋŋaa 8:31

Dɩ la nɛ jɩŋ wɩaa deemba kala, bɛɛ nɛ bɩra ka dɩ la bʋl? Dɩ Wɩa nɛ chɩŋ la harɩŋ, kʋbɛɛ ma nɛ bɩra kɛŋ doluŋ a kɩɩla?

MOSIS BƖRA WULLI WƖA WOMBIIŊ 20:4

Ma Tɩɩna Wɩa nɛ kɛmma vɩvɛŋ, ʋ jaŋ yuo dii ma dʋndɔŋŋɔɔ a pɩma.”

2 Timoti 4:17

Ama Wɩa chɩŋ mɩ harɩŋ nɛ a pɩmɛ doluŋ mɩ wuo bʋl Wɩa niiŋ wɩalɩŋ kala. Mɩ bʋl wɩalɩŋ a pɩ nɩalɩŋ sɩ bɩ Juu tɩŋŋaa ŋaa nɛ. Wɩa lɩɩsɛmɛ nɛ nɩbɔŋŋɔɔ nɩsɩŋ lɛ.

JOSUA 1:5

Josua, ŋ mɩɩsɩŋ kala lɛ, nʋʋkala bɩ jaŋ wuo yuo diiŋ. Mɩ jaŋ hɛ ŋ teeŋ arɩ mɩ fa sɩ hɛ Mosis teeŋ ŋɩɩ. Mɩ bɩ jaŋ kɔ dɩ mɩ vɩaŋ ta koo a lɩɩ ŋ harɩŋ.

JOSUA 1:9

Mɩ bʋla pɩŋ arɩ ŋ nyɩrɛ bɔyɛ a kɛŋ tʋɔ-doluŋ. Sɩ́ leŋe dɩ fawʋllʋŋ kɛnɩŋ dɩ ŋ nandaasɩŋ yʋɔrɛ, mɩ-na ŋ TƖƖNA Wɩa jaŋ hɛ ŋ teeŋ lee na-kala ŋ sɩɩ mʋ.”