JƐRƖMAAYA 41:9 - WƖA TENIŊ

⁹ Vil-la lɛ ʋ sɩ joŋ nɩalɩŋ ʋ sɩ kpʋa a pɛ Gedalia lɛ a yuo hɛ fa ŋaa kuoro Asa kʋa nɛ. Ʋ nɛ luo bʋa-la lɛ Iziral kuoro Baasa sɩɩ yuou dɩ ʋ kaa pɔ laa ʋ tɩtɩa. Ŋɩɩ nɛ Nɛtanɩa nanʋala Ɩsɩmɛl paa nɩsʋʋnʋŋ a su ʋ kala.

JƐRƖMAAYA 41:9 ပူးပေါင်းရင်းမြစ်များ

2 SAMƲƐL 17:9

Magɛ ŋ-la ʋ paala jʋʋ faa bʋ-bʋa lɛ koo lee dɔŋ. Dɩ nʋʋ nɛ nɩa dɩ Devit kpʋ ma laalɩyuoroo dɔnsʋŋ, nɩaa jaŋ bɩɩnɛ laalɩyuoro-la kala sɩɩ to Abɩsalɔm harɩŋ nɛ ba kpʋ ŋɩɩ.

AZAAYA 14:19

Ama, ba joŋ ŋ-na kʋsʋʋŋ yuo ta nɛ, a nagɛ tɩa naakeliŋ ba sɩ vɩa ta. Nɩalɩŋ ba sɩ kpʋa laalɩŋ lɛ a paa yuo hɛ bʋɔsʋŋ lɛ, ba kʋsʋʋnʋŋ pilime tɔ ŋ kʋsʋʋŋ nɛ. Ŋ nagɛ kʋa sɩ sʋba nɛ ba joŋo ta a nʋɔsa bɩbal.

Hiburu TƖŊŊAA 11:38

Dʋnɩa deeŋ fa bɩ zɔmɔ pɩ nɩalɩŋ. Ŋɩɩ nɛ ba lɩɩ a gɔllɔɔ tintee-hɩlɩŋ lɛ arɩ peelee nyuŋ, a fáa bʋ-bʋɔsʋŋ arɩ bʋɔsʋŋ tʋɔŋ nɛ.

SƖPAALAARAA 6:2

A tɩŋ Midiaŋ tɩŋŋaa sɩ kɛŋ doluŋ aa dɔgɩsɛ Iziral tɩŋŋaa, ba fá jɩl peelee nyuŋ a faa bʋ-bʋɔsʋŋ arɩ leree dɔnsʋŋ.

1 SAMƲƐL 13:6

Ba sɩɩ yuo laalɩŋ, Iziral tɩŋŋaa na dɩ ba tɔ ba laalɩyuoroo hɛ nɛ, leriŋ lɩma pɩba, ba dɔnsʋŋ jʋʋ faa bʋ-bʋɔsʋŋ lɛ, tɩɩ-lugunuŋ tʋɔŋ, bʋ-pɛgɩsɩŋ lɛ, buotuonuŋ tʋɔŋ, arɩ vilee tʋɔŋ.

1 SAMƲƐL 14:11

Ŋɩɩ nɛ ba kala balɩa leŋ Fɩlɩsɩtɩa tɩmma-la sɩ hɔŋ sɛmɛ-la dɔŋɔ naba. Ba sɩ naba, ba bʋl, “Bee na, Iziral tɩmma-la nɛ gbiene lɩɩ bʋɔsʋ-la lɛ ba sɩ faa a kʋʋ lɩɩ ŋɩɩ.”

1 SAMƲƐL 14:22

Iziral tɩmma-la dɔnsʋŋ fa sɩ faa Efirem tintee-la peelee sɩ yʋga lɛ sɩ nɩa dɩ Fɩlɩsɩtɩa tɩŋŋaa ka fá nɛ, ba kala kʋ lɩɩ pɛ Iziral tɩŋŋaa lɛ. Ba chaasa kire to Fɩlɩsɩtɩa tɩŋŋaa harɩŋ.

1 SAMƲƐL 24:3

Sɔɔl sɩ kʋ yi piesee dɩɩsɩ-la sɩ kpagɛ wombiiŋ, bʋ-bʋa kʋbala nɛ hɛ nɩmɛ, ʋ jʋʋ nɩmɛ dɩ ʋ togili, dɩ Devit arɩ ʋ nɩaa ma jʋʋ faa bʋ-bʋa-la tɩtɩa tʋɔŋ sɩpaaŋ dɩɩrɩŋ.