JƐRƖMAAYA 41:2 - WƖA TENIŊ

² Ŋɩɩ nɛ Nɛtanɩa nanʋala Ɩsɩmɛl arɩ baala-la fii sii a kpʋ Gedalia arɩ tokobiiŋ, nɩɩ-la Babɩlɔŋ kuoro sɩ lɩɩsa ʋ chɩŋ ʋ naasɩŋ lɛ a bibeŋ tintee-la.

JƐRƖMAAYA 41:2 ပူးပေါင်းရင်းမြစ်များ

2 SAMƲƐL 3:27

Abɩna sɩ mɩɩra kɔ Hɛbʋrɔŋ, Jʋab kɛnʋ a bal boi-baalɩŋ niiŋ a nagɛ ʋʋ chɛ ʋ dɩ ʋ dʋndʋŋa bʋl wɩaa nɛ. Nɩmɛ nɛ ʋ joŋ ʋ naambie Asahɛl, Abɩna sɩ kpʋa chɩmɩŋ a tiŋ ʋ lɛ, a tɔɔ ʋ luoruŋ lɛ ʋ sʋʋ.

2 KUOROO 25:25

Chɛŋ-pɛɩ lɛ nɛ Nɛtanɩa nanʋala Ɩsɩmɛl, sɩ ŋaa Ɛlɩsama nihiŋ a ŋaa kuoro doho nʋʋ kɛsɛ baalaa fii ba kɔ Mɩzɩpa, a kpʋ Gedalia arɩ Juda nɩaa arɩ Babɩlɔŋ tɩmma-la kala fa sɩ hɛ ʋ teeŋ.

WƖA YƖƖLAA 109:5

Ba joŋ wʋbɔŋŋɔɔ nɛ a tiŋ wʋzɔŋŋɔɔ chɩmɩŋ mɩ lɛ. Mɩ-na cho ba nɛ, ka ba bɛrɛmɛ.

WƖA YƖƖLAA 41:9

Mɩ nandɔŋ-fɩɛmɩŋ mɩ sɩ laa dii, mɩ dɩ ʋ didii kɩaa, ma paala vɩamɛ nɛ.

JƐRƖMAAYA 40:14

a bʋla pʋ, “Ŋ bɩ jɩŋ dɩ Amɔŋ tɩŋŋaa kuoro Baalɩs tɩŋ Nɛtanɩa nanʋala Ɩsɩmɛl nɛ dɩ ʋ kʋ kpʋŋ?” Ama Ahɩkam nanʋala Gedalia bɩ laa dii.

JƐRƖMAAYA 40:16

Ama Ahɩkam nanʋala Gedalia bʋla pɩ Karɩa nanʋala Johanaŋ, “Sɩ́ wʋdoho-la ŋaa. Wɩɩ-la ŋ sɩ bʋla tɩgɛ Ɩsɩmɛl lɛ bɩ wʋtɩtɩɩ ŋaa.”

JƐRƖMAAYA 40:5

Ama Jɛrɩmaaya sɩ bɩrɩma dɩ ʋ mʋ, Nebuzaradaŋ bɩra bʋl, “Mʋ Ahɩkam nanʋala Gedalia sɩ ŋaa Safaŋ nihiŋ teeŋ, ʋ nɛ Babɩlɔŋ kuoro lɩɩsɛ dɩ ʋ bibeŋ Juda tasɩŋ a hɛ ʋ teeŋ ŋ nɩaa tʋɔŋ, koo ŋ mʋ lee-kala ŋ sɩ cho.” Ŋɩɩ nɛ laalɩyuoro-la sɩɩ pɔ kuoro nɩhɩaŋ-la pʋ kʋdiilee arɩ kɩaa dɔnsʋŋ aŋ leŋ ʋ mʋ.

JƐRƖMAAYA 40:7

Juda laalɩyuori-hɩasɩ-la kala arɩ ba nɩaa sɩ hɛ gɩrɩŋ lɛ sɩ nɩa dɩ Babɩlɔŋ kuoro lɩɩsɛ Ahɩkam nanʋala Gedalia ʋ ŋaa tintee-la kʋhɩaŋ a bibeŋ baala-la arɩ haala-la arɩ hambiisi-la sɩ ŋaa summoo tintee-la lɛ, nɩalɩŋ ba sɩ bɩ kɛsɛ mʋ yoŋ-baga Babɩlɔŋ lɛ,

JƐRƖMAAYA 40:8

ba sii kɔ Gedalia teeŋ Mɩzɩpa lɛ. Nɩalɩŋ sɩ kɔ yɩraa nɛ ŋ-la: Nɛtanɩa nanʋala Ɩsɩmɛl, Johanaŋ arɩ Jonataŋ sɩ ŋaa Karɩa hambolibiisiŋ, Tanhʋmɛf nanʋala Sɛraaya, Ɛfaɩ sɩ ŋaa Netofa tɩɩna hambolibiisiŋ, arɩ Jazanɩa sɩ ŋaa Maka tɩɩna nanʋala arɩ ba nɩaa.

JƐRƖMAAYA 41:3

Ŋɩɩ nɛ Ɩsɩmɛl kpʋ Juu tɩmma-la ma kala fa sɩ hɛ Gedalia teeŋ Mɩzɩpa lɛ, a pɛ Babɩlɔŋ nɩaa laalɩyuoro-la ma sɩ hɛ nɩmɛ lɛ.

Jɔɔŋ 13:18

Ma kala dee mɩ bʋl arɩ ma jaŋ kɛŋ tʋɔtɔrʋŋ. Mɩ jɩŋ nɩalɩŋ mɩ sɩ lɩɩsa nɛ. Wɩɩ-la ba sɩ ŋmʋnsa Wɩa teniŋ tʋɔŋ sɛnɛ jaŋ ŋaa wʋtɩtɩɩ. Ba bʋla arɩ la dɩ nɩɩ-la kala sɩ pɛ dɔŋɔ lɛ dii kʋdiilee nɛ jaŋ mɩɩra sii chɩŋ mɩ lɛ.