JƐRƖMAAYA 41:1 - WƖA TENIŊ

¹ Chɛŋ-pɛɩ lɛ nɛ Nɛtanɩa nanʋala Ɩsɩmɛl sɩ ŋaa Ɛlɩsama ma nihiŋ a ŋaa kuoro doho nʋʋ, aŋ ŋaa kuoro tɩntɩnnɩ-hɩasɩŋ dɔŋɔ ma sii kɛsɛ baalaa fii ba kɔ Ahɩkam nanʋala Gedalia teeŋ Mɩzɩpa lɛ. Ba kala hɔŋ a didii kɩaa.

JƐRƖMAAYA 41:1 ပူးပေါင်းရင်းမြစ်များ

2 SAMƲƐL 3:27

Abɩna sɩ mɩɩra kɔ Hɛbʋrɔŋ, Jʋab kɛnʋ a bal boi-baalɩŋ niiŋ a nagɛ ʋʋ chɛ ʋ dɩ ʋ dʋndʋŋa bʋl wɩaa nɛ. Nɩmɛ nɛ ʋ joŋ ʋ naambie Asahɛl, Abɩna sɩ kpʋa chɩmɩŋ a tiŋ ʋ lɛ, a tɔɔ ʋ luoruŋ lɛ ʋ sʋʋ.

2 KUOROO 11:1

Ahazɩa naaŋ Atalɩa sɩ kʋ jɩŋ arɩ ʋ nanʋala Ahazɩa sɩ ŋaa Juda kuoro sʋba nɛ, ʋ wʋwalɩmɛ dɩ ʋ kpʋ nʋʋkala sɩ jaŋ wuo dii kuorii-la ba dɩa lɛ.

2 KUOROO 25:22

Ŋɩɩ nɛ Nebukadineza lɩɩsɛ Ahɩkam nanʋala Gedalia sɩ ŋaa Safaŋ nihiŋ dɩ ʋ bibeŋ nɩkaana-la fa sɩ ka Juda tinteeŋ lɛ.

2 KUOROO 25:25

Chɛŋ-pɛɩ lɛ nɛ Nɛtanɩa nanʋala Ɩsɩmɛl, sɩ ŋaa Ɛlɩsama nihiŋ a ŋaa kuoro doho nʋʋ kɛsɛ baalaa fii ba kɔ Mɩzɩpa, a kpʋ Gedalia arɩ Juda nɩaa arɩ Babɩlɔŋ tɩmma-la kala fa sɩ hɛ ʋ teeŋ.

2 IZIRAL TƖŊŊAA NAABARƖŊ 22:10

Ahazɩa naaŋ Atalɩa sɩ kʋ jɩŋ arɩ ʋ nanʋala Ahazɩa sɩ ŋaa Juda kuoro sʋba nɛ, ʋ wʋwalɩmɛ dɩ ʋ kpʋ nʋʋkala sɩ jaŋ wuo dii kuorii-la ba dɩa lɛ.

WƖA YƖƖLAA 109:5

Ba joŋ wʋbɔŋŋɔɔ nɛ a tiŋ wʋzɔŋŋɔɔ chɩmɩŋ mɩ lɛ. Mɩ-na cho ba nɛ, ka ba bɛrɛmɛ.

WƖA YƖƖLAA 41:9

Mɩ nandɔŋ-fɩɛmɩŋ mɩ sɩ laa dii, mɩ dɩ ʋ didii kɩaa, ma paala vɩamɛ nɛ.

NAMAGABA 13:10

Nɩalɩŋ sɩɩ dagɛ ba tɩtɩa kɛŋ yuosuŋ nɛ kʋkɔ, ama nɩalɩŋ sɩ sɛyɛ dɩ ba dagɛba yie kɛŋ wʋjɩmɩŋ nɛ.

NAMAGABA 27:4

Baanɩŋ ŋaa kʋbɔŋ nɛ a chichei wɩaa, ama yarɩ-bieri ma nɛ bɩra bɔmɔ kɩɩʋ.

JƐRƖMAAYA 36:12

ʋ sii mʋ teŋ ŋmʋnsʋrʋ-la dɩa sɩ hɛ kuoru dɩa lɛ, lee-la tɩntɩnnɩ-hɩasɩ-la kala sɩ hɔnɔ: Ɛlɩsama sɩ ŋaa teŋ ŋmʋnsʋra, Sɛmaaya nanʋala Delaaya, Akɩbɔ nanʋala Ɛlɩnataŋ, Safaŋ nanʋala Gɛmarɩa, Hananaaya nanʋala Zedikaaya arɩ tɩntɩnnɩ-hɩasɩ-la dɔnsʋŋ kala.

JƐRƖMAAYA 36:20

Ba joŋ teŋ-la a bil Ɛlɩsama sɩ ŋaa teŋ ŋmʋnsʋra dɩa lɛ, aŋ mʋ kuoro teeŋ kaala lɛ a bʋl wɩalɩŋ kala pʋ.

JƐRƖMAAYA 39:14

tɩŋ ba mʋ lɩɩsɛ Jɛrɩmaaya laalɩyuoro-la sɩɩ pɔ kuoro kaala-la tʋɔŋ. Ba joŋu pɩ Ahɩkam nanʋala Gedalia sɩ ŋaa Safaŋ nihiŋ dɩ ʋ kɛnʋ mɩɩra mʋ ʋ dɩa. Ŋɩɩ nɛ Jɛrɩmaaya ka Juda lɛ ʋ nɩaa tʋɔŋ.

JƐRƖMAAYA 40:13

Ŋɩɩ nɛ Karɩa nanʋala Johanaŋ arɩ Juda laalɩyuori-hɩasɩ-la kala sɩ hɛ gɩrɩŋ lɛ kɔ Gedalia teeŋ Mɩzɩpa lɛ,

JƐRƖMAAYA 40:5

Ama Jɛrɩmaaya sɩ bɩrɩma dɩ ʋ mʋ, Nebuzaradaŋ bɩra bʋl, “Mʋ Ahɩkam nanʋala Gedalia sɩ ŋaa Safaŋ nihiŋ teeŋ, ʋ nɛ Babɩlɔŋ kuoro lɩɩsɛ dɩ ʋ bibeŋ Juda tasɩŋ a hɛ ʋ teeŋ ŋ nɩaa tʋɔŋ, koo ŋ mʋ lee-kala ŋ sɩ cho.” Ŋɩɩ nɛ laalɩyuoro-la sɩɩ pɔ kuoro nɩhɩaŋ-la pʋ kʋdiilee arɩ kɩaa dɔnsʋŋ aŋ leŋ ʋ mʋ.

JƐRƖMAAYA 40:6

Ŋɩɩ nɛ Jɛrɩmaaya mʋ Ahɩkam nanʋala Gedalia teeŋ Mɩzɩpa lɛ a hɛ ʋ teeŋ a guoli ʋ nɩalɩŋ sɩ ka tʋɔŋ.

JƐRƖMAAYA 40:7

Juda laalɩyuori-hɩasɩ-la kala arɩ ba nɩaa sɩ hɛ gɩrɩŋ lɛ sɩ nɩa dɩ Babɩlɔŋ kuoro lɩɩsɛ Ahɩkam nanʋala Gedalia ʋ ŋaa tintee-la kʋhɩaŋ a bibeŋ baala-la arɩ haala-la arɩ hambiisi-la sɩ ŋaa summoo tintee-la lɛ, nɩalɩŋ ba sɩ bɩ kɛsɛ mʋ yoŋ-baga Babɩlɔŋ lɛ,

JƐRƖMAAYA 40:8

ba sii kɔ Gedalia teeŋ Mɩzɩpa lɛ. Nɩalɩŋ sɩ kɔ yɩraa nɛ ŋ-la: Nɛtanɩa nanʋala Ɩsɩmɛl, Johanaŋ arɩ Jonataŋ sɩ ŋaa Karɩa hambolibiisiŋ, Tanhʋmɛf nanʋala Sɛraaya, Ɛfaɩ sɩ ŋaa Netofa tɩɩna hambolibiisiŋ, arɩ Jazanɩa sɩ ŋaa Maka tɩɩna nanʋala arɩ ba nɩaa.

ƐZƖKƖƐL 17:13

Ŋɩɩ nɛ ʋ lɩɩsɛ Juda kuoro dɩa nɩaa dɔŋɔ ba pɛ niiŋ, ʋ leŋ ʋ ŋmɩɛsɛ arɩ ʋ jaŋ tutou. Ʋ fa pɛ kɛsɛ tintee-la sɩpaalaaraa ma nɛ,

Jɔɔŋ 13:18

Ma kala dee mɩ bʋl arɩ ma jaŋ kɛŋ tʋɔtɔrʋŋ. Mɩ jɩŋ nɩalɩŋ mɩ sɩ lɩɩsa nɛ. Wɩɩ-la ba sɩ ŋmʋnsa Wɩa teniŋ tʋɔŋ sɛnɛ jaŋ ŋaa wʋtɩtɩɩ. Ba bʋla arɩ la dɩ nɩɩ-la kala sɩ pɛ dɔŋɔ lɛ dii kʋdiilee nɛ jaŋ mɩɩra sii chɩŋ mɩ lɛ.