JƐRƖMAAYA 40:3 - WƖA TENIŊ

³ Lɛɛlɛ La TƖƖNA leŋe wɩɩ-la ŋaa nɛ. Ʋ ŋaa ŋɩɩ tɩtɩa ʋ sɩ bʋla nɛ. Wɩaa deemba kala ŋaa a tɩŋ ma sɩ ŋaa wʋbɔŋŋɔɔ La TƖƖNA teeŋ a bɩ ʋ niiŋ to nɛ.

JƐRƖMAAYA 40:3 ပူးပေါင်းရင်းမြစ်များ

NƐHƖMAAYA 9:28

Ama ba sɩ kʋ na wiese, ba bɩra ŋaa wʋbɔŋŋɔɔ nɛ ŋ lɛ. Ŋ bɩra jomba hɛ ba dʋndɔŋŋɔɔ nɩsɩŋ lɛ ba bibemba. Ba bɩra sɩ yele pɩŋ, ŋ hɛ ŋ jaŋ lɛ nɛ aŋ nɩɩ ba yele, a tɩŋ ŋ sɩɩ fá nɩaa nenige wɩaa, ŋ vɛnɛ laaba ta a yʋgɛ nɛ.

NƐHƖMAAYA 9:33

Wɩalɩŋ kala sɩ ŋaa la lɛ, ŋ to wʋtɩtɩɩ lɛ nɛ ka la-na bɩ woruŋ ŋaa.

JƐRƖMAAYA 11:17

Mɩ-na ma TƖƖNA, doluŋ kala Tɩɩna sɩ leŋe ma hɛ nɩmɛ, bʋla arɩ wʋlɔrʋŋ jaŋ jʋʋma, bɛɛ wɩaa ma Iziral arɩ ma Juda nɩaa ŋaa wʋbɔŋŋɔɔ nɛ a nyɩgɛ kʋsʋɔrʋsʋŋ pɩpɩ vene-la ba sɩɩ yɩrɛ Baal a ŋaa mɩ baanɩŋ sii.”

JƐRƖMAAYA 22:8

Nɩaa jaŋ lɩɩ tintee daŋ a kʋ to tabalɩŋ deeŋ bɩbal a pɩpɩɛsɛ dɔŋɔ, ‘Bɛɛ nɛ tɩɩ La TƖƖNA ŋaa wʋdoho deeŋ tabalɩŋ deeŋ sɩ faasa yʋgɛ lɛ?’

JƐRƖMAAYA 39:16

“Mʋ bʋla pɩ Ɛbɛd-Mɛlɛk sɩ ŋaa Kus tɩɩna, ‘Wɩɩ-la mɩ-na ma TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: Mɩɩ chɛ mɩ ŋaa wɩalɩŋ mɩ sɩ bʋla tɩgɛ tabalɩŋ deeŋ lɛ nɛ: Wʋlɔrʋnʋŋ nɛ, wʋzɔŋŋɔɔ dee. Bʋa-la lɛ wɩalɩŋ kala jaŋ ŋaa ŋ sɩɩŋ lɛ.

JƐRƖMAAYA 44:23

A tɩŋ ma sɩ nyɩgɛ kʋsʋɔrʋsʋŋ a ŋaa wʋbɔmʋŋ La TƖƖNA teeŋ, a bɩ ʋ niiŋ to koo wombii-la ʋ sɩ bile dɩ la tuto arɩ ʋ wʋdagaa, ŋɩɩ nɛ tɩɩ wʋlɔrʋŋ deeŋ ŋaa ma lɛ, ʋ nɛ ma nɩna ŋɩɩ lɛɛlɛ.”

JƐRƖMAAYA 50:7

Nʋʋ na-kala sɩ naba yie kpʋba nɛ. Ba dʋndɔŋŋɔɔ sɩ, ‘La bɩ cheeriŋ kɛnɛ, bɛɛ wɩaa ba ŋaa wʋbɔŋ nɛ ba TƖƖNA teeŋ, Nɩɩ-la sɩɩ pɩba kʋdiilee. La TƖƖNA lɛ nɛ ba nyɩmmaba fa joŋ ba yɩɛlaa hɛ.’

JEMBIEE 2:17

La TƖƖNA ŋaa wɩɩ-la ʋ sɩ bɩɩna dɩ ʋ ŋaa nɛ. Ʋ leŋe wɩɩ-la ʋ sɩ bʋla kʋ ŋaa nɛ, wɩɩ-la ʋ sɩ bʋla faafaa kala. Ʋ cheyiŋ nɛ Jerusalɛm a bɩ ŋ nɩaa nenige fá. Ʋ leŋe ŋ nɩaa dʋndɔŋŋɔɔ jʋɔsɛ ma nyuŋ nɛ. Ʋ leŋe ba laa doluŋ nɛ.

Rom Tɩŋŋaa 2:5

Ma tʋɔŋ dolie. Ma vɩa dɩ ma bɩrɩma lɩɩ ma wʋbɔŋŋɔɔ lɛ nɛ. Ma wasa ŋaa Wɩa baanɩŋ faasa sisii nɛ. Tapʋlɩɩ-la ʋ sɩ jaŋ dii dʋnɩa nɩaa sarɩya, ʋ jaŋ dii sarɩya arɩ wʋtɩtɩɩ dɩ nɩaa na.

Rom Tɩŋŋaa 3:19

La jɩma arɩ wɩalɩŋ Mosis sɩ ŋmʋnsa bil dɩ nɩaa tuto, dɩ ʋ nɛ dagɛ wɩɩkala, nɩalɩŋ sɩɩ to wɩalɩŋ nɛ ʋ daga pɩpa. Ŋɩɩ wɩaa nʋʋkala bɩra bɩ jaŋ wuo bʋl wɩɩkala dɩ Wɩa nɛ dii dʋnɩa nʋʋkala sarɩya.

MOSIS BƖRA WULLI WƖA WOMBIIŊ 29:25

Ba jaŋ bʋl, ‘Ba vɩa dɩ ba to nii-la La TƖƖNA sɩ bile nɛ, nii-la ʋ sɩ bile ʋ dɩ ba naabalɩmaba pɛgɛ bʋa-la lɛ ʋ sɩ kɛmba kaa lɩɩ Ijipiti tinteeŋ lɛ.