JƐRƖMAAYA 40:11 - WƖA TENIŊ

¹¹ Juu tɩmma-la kala sɩ hɛ Mʋab lɛ, Amɔŋ lɛ, Ɛdɔm lɛ arɩ tinteye-la dɔnsʋŋ sɩ nɩa dɩ Babɩlɔŋ kuoro leŋe ba dɔnsʋŋ ka nɛ Juda lɛ aŋ lɩɩsɛ Ahɩkam nanʋala Gedalia sɩ ŋaa Safaŋ nihiŋ, ʋ chɩŋ ʋ naasɩŋ lɛ a bibeŋ nɩalɩŋ,

JƐRƖMAAYA 40:11 ပူးပေါင်းရင်းမြစ်များ

WƖAA DƖ-SUOMUŊ 36:8

Ŋɩɩ nɛ Ɛsɔ (ʋ ha Ɛdɔm) mʋ hɔŋ Sɛɛ tintee-la lɛ peelee sɩ yʋga.

AZAAYA 11:14

Ba jaŋ sii a to lere-la sɩ chulloo tuu a kʋ yuo Fɩlɩsɩtɩa tɩmma-la sɩ hɛ wɩɩjʋʋlʋŋ dɩɩrɩŋ. Ba jaŋ gbaara yuo dii nɩalɩŋ ma sɩ hɛ wɩɩpɔsʋŋ nagʋa dɩɩrɩŋ aŋ laa ba kɩaa. Ba jaŋ yuo dii Ɛdɔm arɩ Mʋab nɩaa. Amɔŋ tɩŋŋaa-na jaŋ sɛɩ wɩɩ-la kala ba sɩ bʋla.

AZAAYA 16:4

Má leŋ dɩ la Mʋab tɩmma-la sɩɩ fá la laa la tɩtɩa hɔŋ ma tʋɔŋ. Má laala ta la dʋndɔŋŋɔɔ nɩsɩŋ lɛ.” Nɩalɩŋ sɩ nyagɛba bil jaŋ dɛrɛ, wɩalɩŋ kala sɩɩ cheiba jaŋ birigi, nɩalɩŋ sɩ kɛŋ baanɩŋ aa nʋɔsɛba jaŋ dɛrɛ tintee-la lɛ.

JƐRƖMAAYA 24:9

Mɩ jaŋ lɛrɛ wʋlɔrʋŋ kʋ hɛ ba lɛ, dɩ ba nagɛ kʋŋ sɩɩ sʋɔrʋ dʋnɩa tinteyee nɩaa kala teeŋ. Hɩɩsɩŋ jaŋ diiba dɩ nɩaa sisieri ba lɛ. Nɩaa jaŋ kɛŋ ba yɩrɩŋ ŋmɩɛsa hɩhɛ nɩaa lɛ lee na-kala mɩ sɩ kɛmba pɩsa hɛ.

JƐRƖMAAYA 41:10

Ŋɩɩ nɛ Ɩsɩmɛl kɛsɛ nɩkaana-la kala sɩ hɛ Mɩzɩpa lɛ ba ŋaa yosi, kuoro toloo arɩ nɩalɩŋ kala sɩ ka lee-la, nɩalɩŋ Nebuzaradaŋ sɩ ŋaa laalɩyuoro-la sɩɩ pɔ kuoro nɩhɩaŋ sɩ lɩɩsɛ Ahɩkam nanʋala Gedalia ʋ bibeŋ. Ŋɩɩ nɛ Nɛtanɩa nanʋala Ɩsɩmɛl kɛsɛba ba ŋaa yosi dɩ ba cholo mʋ Amɔŋ tinteeŋ.

JƐRƖMAAYA 43:5

Ama Karɩa nanʋala Johanaŋ arɩ laalɩyuori-hɩasɩ-la sii kɛsɛ Juda nɩkaana-la kala sɩ mɩɩra lɩɩ tinteye-la, lere-la kala lɛ ba fa sɩ pɩsa hɛ a kɔ dɩ ba hɔŋ Juda tinteeŋ a kaa mʋ Ijipiti tinteeŋ.

JƐRƖMAAYA 43:6

Ba fa pɛ kɛsɛ baalaa, haalaa arɩ hambiisiŋ ma mʋ nɛ, a pɛ kuoro tolie-la Nebuzaradaŋ sɩ ŋaa laalɩyuoro-la sɩɩ pɔ kuoro nɩhɩaŋ sɩ joŋo hɛ Ahɩkam nanʋala Gedalia sɩ ŋaa Safaŋ nihiŋ nɩsɩŋ lɛ, a pɛ Jɛrɩmaaya Wɩa wʋlaabʋllʋ-la arɩ Neria nanʋala Baruk lɛ.

JƐRƖMAAYA 9:26

Nɩalɩŋ nɛ ŋaa: Ijipiti nɩaa, Ɛdɔm nɩaa, Amɔŋ nɩaa, Mʋab nɩaa arɩ nɩalɩŋ kala sɩ hɛ tintee-hɩlɩŋ lɛ dɩ-boloo. Tinteyee deemba kala nɩaa bɩ ba tʋɔŋ pʋlla. Iziral tɩŋŋaa kala ma paala bɩ ba tʋɔŋ pʋlla.”

ƐZƖKƖƐL 25:12

“Wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Ɛdɔm nɩaa sɩ ŋaa wɩaa a tiŋ chɩmɩŋ Juda nɩaa lɛ ŋɩɩ, ba laa cheeriŋ nɛ.

ƐZƖKƖƐL 25:2

“Nuhuobiiŋ, joŋ sɩaa chaasɛ Amɔŋ tɩŋŋaa tinteeŋ a bʋl wɩalɩŋ sɩ jaŋ ŋaa ba lɛ a pɩba.

ƐZƖKƖƐL 25:6

Wɩɩ-la mɩ-na ma TƖƖNA Wɩɩjarɩbakɔ bɩra sɩ bʋla nɛ ŋ-la: A tɩŋ ma tʋɔŋ sɩ tɔrɔ ma porisi nɩsaa a fɩla jʋɔsɛ Iziral tinteeŋ sɩ cheye wɩaa,

ƐZƖKƖƐL 25:8

“Wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: A tɩŋ tinteye-la ba sɩɩ yɩrɛ Mʋab arɩ Sɛɛ sɩ sɩ, ‘Má bee na, Juda dɩa nɩaa ma nagɛ tinteyee dɔnsʋŋ nɩaa kala nɛ,’

ƐZƖKƖƐL 34:6

Mɩ piesee gɔllɔɔ baarɛ peelee arɩ dundolluŋ nyuŋ kala nɛ. Ba fá pɩsa su dʋnɩa lee-kala nɛ, ka nʋʋkala bɩ bee chɛba.

ƐZƖKƖƐL 35:15

bɛɛ wɩaa, ma ma faa jʋɔsʋ nɛ mɩ nɩaa Iziral tɩŋŋaa tinteeŋ sɩ pɩŋ hoi. Ŋɩɩ nɛ mɩ jaŋ joŋo to ma ma lɛ. Ɛdɔm peelee arɩ ʋ tinteeŋ kala jaŋ pɩŋ hoi. Ŋɩɩ nɛ ma jaŋ jɩŋ arɩ mɩ nɛ ba TƖƖNA.”

ƐZƖKƖƐL 35:5

Ma joŋ Iziral tɩŋŋaa ba ŋaa ma dʋndɔŋ-bɩnɩa nɛ, ma fa leŋe ba kpʋba nɛ bʋa-la lɛ wʋlɔrʋnʋŋ sɩ jʋʋba, mɩ dʋdɔgɩsɛba a tɩŋ ba wʋbɔŋŋɔɔ wɩaa.

ƐZƖKƖƐL 5:12

Nyanyalaa arɩ losuŋ jaŋ kpʋ nɩalɩŋ dɔnsʋŋ sɩ hɛ ŋ lɛ, ba jaŋ kpʋ dɔnsʋŋ ma laalɩŋ lɛ taŋ-la harɩŋ, ka mɩ kɛŋ ba dɔnsʋŋ ma pɩsɛ lee-kala, aŋ kire to ba harɩŋ arɩ laalɩŋ.

ƐZƖKƖƐL 5:3

Lɩɩsɛ pʋna-la mʋa a gul ŋ gɛrɩŋ niiŋ.

NAMBABA 22:1

Iziral tɩŋŋaa bɩra sii a mʋ hɔŋ Mʋab tinteeŋ dɩ-taalɩsɩ-la sɩ hɛ Jɔdaŋ fuo-la wɩɩjʋʋlʋŋ dɩɩrɩŋ a chaasɛ Jeriko.

NAMBABA 25:1

Bʋa-la lɛ Iziral tɩŋŋaa fa sɩ hɔŋ lee-la ba sɩɩ yɩrɛ Sɩtɩm, ba baala-la suomo chɩchɛ Mʋab tɩŋŋaa toloo a kɛmba pɩpɩŋ.

NAMBABA 25:2

Tolie-la yie kɛmba mʋ ba vʋɩyaa dɩ-kpaarɩŋ, ba pɛ didii ba vʋɩyaa kʋdiilee aŋ kpʋkpaarɛ ba vesi-la.

1 SAMƲƐL 11:1

Bʋa kʋbala lɛ, Amɔŋ kuoru-balɩŋ ba sɩɩ yɩrɛ Nahas kɛŋ ʋ laalɩyuoroo mʋ golli taŋ-la ba sɩɩ yɩrɛ Jabɛs sɩ hɛ Gɩlɩad tinteeŋ lɛ a chu, dɩ ba yuou. Ŋɩɩ nɛ Jabɛs tɩŋŋaa baalaa kala bʋla pʋ, “Leŋ dɩ la hɛ niiŋ pɩ dɔŋɔ, ka dɩ la sɛɩ dɩ ŋ bibenla.”

1 SAMƲƐL 12:12

Ama ma sɩ na dɩ Amɔŋ tɩŋŋaa kuoro Nahas ka chɛ ʋ yuoma, ma vɩa ma TƖƖNA Wɩa sɩ paala ŋaa ma kuoro nɛ, aŋ bʋla pɩmɛ, ‘Laa chɛ kuoro nɛ dɩ ʋ bibeŋ la.’