JƐRƖMAAYA 4:31 - WƖA TENIŊ

³¹ Mɩ nɩa dɩ baa ŋmoo niiŋ a nagɛ haala sɩɩ chɛ dɩ ʋ lʋl ʋ luoruŋ wʋwɩɩ nɛ, a huunoo nagɛ haala sɩɩ chɛ dɩ ʋ lʋl ʋ ha-toli bie. Zaayɔŋ nɩaa nɛ ŋmoo niiŋ ŋɩɩ a wiesee puri, a tɩɛnɛ nɩsaa a bʋl, “Ou, mɩ sʋba. Ba jommi hɛ nɩkpʋʋraa nɩsɩŋ lɛ nɛ.”

JƐRƖMAAYA 4:31 ပူးပေါင်းရင်းမြစ်များ

WƖAA DƖ-SUOMUŊ 27:46

Ŋɩɩ nɛ Rɩbɛka bʋla pɩ Aɩzɩk, “Mɩ mɩɩsɩŋ fɩɩ Hiti tɩŋŋaa toloo deemba Ɛsɔ sɩ jaa wʋŋaalaa lɛ nɛ. Dɩ Jekɔb nɛ jaa Hiti toloo doho sɩ hɛ la tinteeŋ deeŋ lɛ, dɩ ba nagɛ haalaa deemba, mɩ mɩɩsɩŋ bɩ bʋbʋɔ kɛnɛ.”

JOB 10:1

Mɩ sɩ hɛ mɩ mɩɩsɩŋ lɛ bɩra bɩ bʋbʋɔ kɛnɛ mɩ teeŋ, ŋɩɩ wɩaa, mɩ jaŋ ŋmɛŋ ŋɩɩ kala mɩ sɩɩ chɛ. Mɩ jaŋ bʋl tʋɔ-chee-la sɩ faasa kɛmmɛ wɩaa.

WƖA YƖƖLAA 120:5

Wɩaa jaŋ puumi dɩ mɩ nɛ hɛ Mɛsɛk lɛ, koo dɩ mɩ nɛ hɛ Keda nɩaa tʋɔŋ.

AZAAYA 1:15

Dɩ ma nɛ kɔ mɩ teeŋ a je nɩsaa sʋlmɛ, mɩ jaŋ joŋ mɩ harɩŋ a yɩama. Dɩ ma nɛ sʋlmɛ magɛ ŋɩɩ kala, mɩ bɩ jaŋ nɩɩ, bɛɛ wɩaa ma nɩsaa kala nɛ suo arɩ chalɩŋ.

AZAAYA 13:8

Fawʋllʋŋ jaŋ kɛmba, hɛɛŋ arɩ tʋɔ-cheeŋ jaŋ jʋʋba, ba hɛɛŋ jaŋ nagɛ haala sɩɩ chɛ ʋ lʋl, ʋ luoruŋ wʋwɩɩ ŋɩɩ. Ba jaŋ gɩgɩɛnɛ dɔŋɔ, dɩ ba sɩaa fɩɛsɛ a nagɛ nyiŋgeliŋ.

AZAAYA 21:3

Wɩɩ-la mɩ sɩ na arɩ wɩɩ-la mɩ sɩ nɩa leŋe fawʋllʋŋ kɛmmɛ nɛ, hɛɛŋ jʋʋmɛ nɛ, a nagɛ haala sɩɩ chɛ ʋ lʋl ʋ luoruŋ wʋwɩɩ ŋɩɩ.

AZAAYA 26:17

Ŋ-na La TƖƖNA ŋaa la yel nɛ woruŋ ŋ sɩpaaŋ, a nagɛ haala sɩɩ chɛ ʋ lʋl a na hɛɛŋ a ŋmuŋmoo niiŋ ŋɩɩ.

AZAAYA 42:14

Wɩa sɩ, “Mɩ tɔrɛ mɩ niiŋ a dieni nɛ. Mɩ fa kɛŋ mɩ tɩtɩa nɛ a ŋaa fʋlʋlʋ, ama lɛɛlɛ bʋa-la yie nɛ dɩ mɩ bʋl wɩaa. Mɩɩ ŋmoo niiŋ a nagɛ haala sɩɩ chɛ ʋ lʋl ʋ luoruŋ wʋwɩɩ nɛ.

AZAAYA 6:5

Ŋɩɩ nɛ mɩ ŋmoo niiŋ a bʋl, “Wɩɩŋ jʋʋmɛ, mɩ sʋʋ dɛrɛ, bɛɛ wɩaa wɩalɩŋ sɩ to mɩ niiŋ lɩlɩɩ kɛŋ disiniŋ nɛ, nɩalɩŋ tʋɔŋ ma mɩ sɩ hɛ wʋbʋlaa kɛŋ disiniŋ nɛ, ka mɩ na La TƖƖNA doluŋ kala Tɩɩna sɩ ŋaa kuoro.”

JƐRƖMAAYA 10:19

Wɩaa puumi, mɩ sɩ bolimo wɩaa. Mɩ naawɩɩlɩŋ bɩ kʋfɩɛlɩɩ ŋaa, ka mɩ ha bʋl mɩ tɩtɩa lɛ, “Mɩ nyanyalɩŋ nɛ ŋ-la, ʋ maga dɩ mɩ nyalɩmɛ nɛ.”

JƐRƖMAAYA 13:21

Wʋbɛɛ nɛ ma jaŋ bʋl dɩ La TƖƖNA nɛ leŋe nɩalɩŋ ma sɩ joŋo arɩ ba dɩ ma niiŋ chaasa ŋaa kʋbala nɛ mɩɩra kɛŋ doluŋ ma nyuŋ? Hɛɛŋ bɩ jaŋ jʋʋma a nagɛ haala sɩɩ chɛ ʋ lʋl ʋ luoruŋ wʋwɩɩ ŋɩɩ?

JƐRƖMAAYA 14:18

Dɩ mɩ nɛ jɩl pɔkɔŋ nyuŋ, mɩ yie na nɩalɩŋ ba sɩ kpʋa laalɩŋ lɛ nɛ. Dɩ mɩ nɛ jʋʋ tabal-la tʋɔŋ ma, mɩ yie na nɩaa losuŋ sɩ kɛnɛ ba sʋʋ nɛ. Wɩa wʋlaabʋllaa arɩ Wɩɩsʋllɩ sɩpaalaaraa kala mʋ tintee-la ba sɩ bɩ jɩŋ nɛ.”

JƐRƖMAAYA 15:18

Bɛɛ nɛ tɩɩ mɩ hɛɛŋ bɩ dɛrɛ, mɩ naawɩɩlaa ma faasa verigi a bɩ fɩɛlɛ? Ŋ chɛ ŋ nyɩsɛmɛ a nagɛ fuoŋ sɩ yie hɩl wulumuŋ lɛ nɛ koo a nagɛ lɩɩ-bul-sɩɩŋ sɩ tɔ nɛɛ?

JƐRƖMAAYA 18:21

Ŋɩɩ wɩaa, La Tɩɩna, leŋ dɩ losuŋ kpʋ ba biiriŋ dɩ ba sʋʋ. Leŋ dɩ ba sʋʋ laalɩŋ lɛ, dɩ ba haalaa sɩ́ biiriŋ kɛŋ aŋ ŋaa yo-haalaa. Leŋ dɩ ba kpʋ ba baalaa arɩ bapʋɔsaa kala laalɩŋ lɛ.

JƐRƖMAAYA 22:23

Ma Jerusalɛm nɩalɩŋ sɩ hɔnɔ ta jɩa, aa jʋʋ Lɛbanɔŋ kuolo daasɩŋ dɩɩsɩŋ, dɩ hɛɛŋ nɛ jʋʋma, ma jaŋ huuni. Hɛɛ-la jaŋ nagɛ haala sɩɩ chɛ ʋ lʋl, ʋ luoruŋ wʋwɩɩ.”

JƐRƖMAAYA 30:6

Pɩɛsa na: Baala jaŋ wuo lʋl biiriŋ? Bɛɛ nɛ saa tɩɩ mɩ na baduo na-kala dɩ ʋ paa nɩsaa vɔɔ ʋ kawule bʋbʋɔŋ a nagɛ haala sɩɩ chɛ ʋ lʋl, ʋ luoruŋ wʋwɩɩ ŋɩɩ, nʋʋkala nyal sɩaa?

JƐRƖMAAYA 45:2

“Wɩɩ-la La TƖƖNA, Iziral tɩŋŋaa Wɩa sɩ bʋla pɩ ŋ-na Baruk nɛ ŋ-la:

JƐRƖMAAYA 48:41

Ba jaŋ yuo dii tabala-la a laa ba dɩ-duoruŋ. Tapʋlɩɩ-la, Mʋab bayuoroo tʋɔŋ jaŋ wʋwɩɩ a nagɛ haala sɩɩ chɛ ʋ lʋl ʋ luoruŋ wʋwɩɩ ŋɩɩ.

JƐRƖMAAYA 49:22

Dʋndɔmɔ jaŋ kʋ tuu ba lɛ a nagɛ kachuuŋ a kɛŋ kɩŋkɛnsɩŋ jɛrɛ tɔ Bozira lɛ. Tapʋlɩɩ-la Ɛdɔm laalɩyuoroo bɔyɛ jaŋ joŋ a nagɛ haala sɩɩ chɛ dɩ ʋ lʋl ʋ bɔyɛ jujoŋ ŋɩɩ.

JƐRƖMAAYA 49:24

Damasɩkʋs pʋgʋma nɛ, ʋ mɩɩra dɩ ʋ fá nɛ. Fawʋllʋŋ kɛnʋ nɛ. Tʋɔ-cheeŋ arɩ hɛɛŋ jʋʋ-ʋ nɛ, a wʋwɩɩ ʋ lɛ a nagɛ haala sɩɩ chɛ ʋ lʋl ʋ luoruŋ wʋwɩɩ.

JƐRƖMAAYA 50:43

Babɩlɔŋ kuoro nɩɩ ba wɩaa nɛ, ʋ nɩsaa sʋʋ mɛrɛ. Hɛɛŋ jʋʋ-ʋ nɛ ʋ nɩna hɛɛŋ a nagɛ haala sɩɩ chɛ ʋ lʋl ʋ luoruŋ wʋwɩɩ.

JƐRƖMAAYA 6:2

Jerusalɛm zɔmɔ nɛ woruŋ, ama mɩ jaŋ cheyu.

JEMBIEE 1:17

Zaayɔŋ kɛŋ ʋ nɩsaa tɩɛnɛ nɛ a chɩchɛ dɩ ba pɛ ʋ lɛ, ama nʋʋ tuo dɩ ʋ nyagɛ ʋ bɔyɛ. La TƖƖNA bʋla tɩgɛ Iziral lɛ, arɩ tinteye-la sɩ kpagʋ jaŋ kʋ ŋaa ʋ dʋndɔmɔ. Jerusalɛm mɩɩra ŋaa disiŋ kʋŋ nɛ ba tʋɔŋ.

JEMBIEE 1:20

“La TƖƖNA, na ŋɩɩ mɩ tʋɔŋ sɩ faasa chei, hɛɛŋ chaasa jʋʋmɛ nɛ. Mɩ tʋɔbɩɩnaa wʋwalɩmɛmɛ, bɛɛ wɩaa mɩ vɩa ŋ niiŋ a mʋ kieli nɛ. Ba kpʋ mɩ nɩaa jeeŋ harɩŋ nɛ, dɩa tʋɔŋ-na paala nagɛ lɛlɛɛ-jaŋ nɛ.

JEMBIEE 2:21

Hambiisiŋ arɩ nɩhɩasɩŋ pɩna hɛ dɔŋɔ kʋŋkɔlʋŋ lɛ womporunuŋ nyuŋ. Dʋndɔŋŋɔɔ kpʋ mɩ bapʋɔsaa arɩ mɩ hatoloo bil nɛ. Tapʋlɩɩ-la ŋ sɩ na baanɩŋ nɛ ŋ kpʋba a bɩ ba nenige fá.

HOSIA 13:13

Ʋ jaŋ na hɛɛŋ a nagɛ haala luoruŋ sɩɩ wɩɩ ʋ nɩna hɛɛŋ ŋɩɩ, Ʋ nagɛ bie ba sɩɩ chɛ ba lʋl nɛ, bʋa-la sɩ yie dɩ ba lʋlʋ, ʋ bɩ lʋla leriŋ kɔ.

MƖKA 4:10

Zaayɔŋ nɩaa, maa na hɛɛŋ a nagɛ haala sɩɩ chɛ dɩ ʋ lʋl ʋ luoruŋ wʋwɩɩ ŋɩɩ nɛ. Ʋ lɛɛlɛ maga dɩ ma lɩɩ tabal-la lɛ nɛ a mʋ ŋmoo buguŋ pɔkɔŋ nyuŋ. Ma jaŋ mʋ Babɩlɔŋ, nɩmɛ nɛ mɩ jaŋ laama ta. Mɩ-na ma TƖƖNA jaŋ laama ta ma dʋndɔŋŋɔɔ nɩsɩŋ lɛ.

MƖKA 4:9

Bɛɛ nɛ tɩɩ ma faasaa ŋmoo niiŋ, ma bɩ kuoro kɛnɛɛ? Nɩɩ-la sɩɩ dagɛma lɛlɛ nɛ, ka ma nɩna hɛɛŋ a nagɛ haala sɩɩ chɛ dɩ ʋ lʋl ʋ luoru wʋwɩɩ?

MƖKA 7:1

Mɩ tʋɔŋ kala nɛ cheye. Mɩ nagɛ nʋʋ ba sɩ tɔrɛ girep nɛnɛɛ tafaaŋ, ka mɩ mʋ kukuuni tɩɩnɛnɛɛ baga-la lɛ nɛ. Girep nɛŋ kala tuo dɩ mɩ dii, tutogi-nambɩl-folluŋ ma mɩ sɩɩ hɩɛnʋ kʋŋkala tuo.

Matiu 21:5

Ʋ fa sɩ, “Má bʋla pɩ Zaayɔŋ nɩaa dɩ ba bee na, dɩ ba kuoro nɩɩ kɔ ba teeŋ. Ʋ kɛŋ ʋ tɩtɩa muuri nɛ a jɩl kakumo a sagɛ kaku-pɔrʋŋ nyuŋ.”

1 Kɔrɩntɩ Nɩaa 9:16

Mɩ bɩ wombii kɛnɛ dɩ mɩ bigisi mɩ tɩtɩa lɛ a tɩŋ mɩ sɩɩ bʋl Wɩa wʋzɔmɔ-la wɩaa. Ba tɩmmɛ nɛ dɩ mɩ bʋlba. Ʋ jaŋ lɔrɔ pɩmɛ dɩ mɩ nɛ bɩ Wɩa wʋzɔmɔ-la ka bʋl.

1 Tɛsalonaaka Nɩaa 5:3

Bʋa-la lɛ nɩaa sɩ jaŋ bɩɩnɛ arɩ leriŋ fɩɛla nɛ wɩɩkala tuo, cheeriŋ jaŋ guu jʋʋba. Nʋʋkala bɩ jaŋ wuo fá lɛl. Ʋ jaŋ nagɛ arɩ haala sɩ kɛŋ luoruŋ, ʋ luoruŋ sii a wʋwɩɩ ʋ lɛ dɩ ʋ lʋl.