JƐRƖMAAYA 4:30 - WƖA TENIŊ

³⁰ Ŋ-na Jerusalɛm, ŋ nagɛ nʋʋ ba sɩ chei ʋ kala nɛ, bɛɛ kʋŋ nɛ ŋ ŋɩŋaa? Bɛɛ nɛ tɩɩ ŋ laalɛ gɛrɩ-fɩɛsɩŋ, a hɛ sɛlɩmɛ kpɩɛraa? Bɛɛ nɛ tɩɩ ŋ tuuri ŋ sɩaa ŋŋgbensi? Ŋ magɩla kpɩɛrɛ ŋ tɩtɩa pɛɩ nɛ. Ŋ hɩɩlaba mɩɩsɩŋ fɩɩŋ nɛ. Baa chɛ ba lɩɩsɛ ŋ mɩɩsɩŋ nɛ.

JƐRƖMAAYA 4:30 ပူးပေါင်းရင်းမြစ်များ

2 KUOROO 9:30

Ŋɩɩ nɛ Jehu mʋ Jɛzɩrɛl. Jɛzɛbɛl sɩ nɩɩ ʋ wɩaa, ʋ ŋaa kɩaa taa ʋ sɩɩ-pʋnaa aŋ vɔɔ ʋ nyuŋ, aŋ to tokoro a nyinyilimi.

NAMAGABA 6:25

Sɩ́ ʋ zɔmʋŋ beŋ a hɩɛnʋ, sɩ́ leŋe dɩ ʋ kɛŋ ʋ sɩaa nyɩsa kɛnɩŋ.

NAMAGABA 7:10

Ŋɩɩ nɛ haal-la kʋ lɩɩ dɩ ʋ chemu, a laalɛ kɩaa a nagɛ hachɔrʋŋ a kɛŋ ʋ tʋɔŋ lɛ dɩ ʋ ŋaa wʋbɔŋ.

AZAAYA 10:3

Wʋbɛɛ nɛ ma jaŋ ŋaa tapʋlɩɩ-la mɩ-na ma TƖƖNA sɩ jaŋ kɛŋ wʋlɔrʋnʋŋ lɩɩ dɩ-bolii a kɔ dɩ ʋ dɔgɩsɛma? Kʋbɛɛ teeŋ nɛ ma jaŋ fá mʋ dɩ ʋ pɛ ma lɛ? Nɩɩ nɛ ma jaŋ joŋ ma dʋa-la bil?

AZAAYA 20:6

Dɩ tapʋlɩɩ-la nɛ yie, nɩalɩŋ kala sɩ hɔŋ Mediterenia mʋga-la niiŋ jaŋ bʋl, ‘Má na wɩɩ-la sɩ ŋaa nɩalɩŋ lɛ la sɩ joŋ la yɩɛlaa hɛ dɩ ba laala ta Asiiria kuoro nɩsɩŋ lɛ. Nɩɩ nɛ la bɩra jaŋ to a fori?’ ”

AZAAYA 33:14

Wʋbɔŋ ŋaara-la sɩ hɛ Zaayɔŋ lɛ, fawʋllʋŋ jʋʋba nɛ. Nɩalɩŋ sɩ bɩ Wɩa ka to ka chel nɛ aŋ pɩpɩɛsɛ, “La kʋbɛɛ nɛ jaŋ wuo hɛ nyiniŋ sɩɩ dii tʋɔŋ? La kʋbɛɛ nɛ jaŋ wuo hɛ nyiŋ-la sɩɩ dii a bɩ dɩsɛ tʋɔŋ aŋ kɛŋ mɩɩsɩŋ?”

JƐRƖMAAYA 13:21

Wʋbɛɛ nɛ ma jaŋ bʋl dɩ La TƖƖNA nɛ leŋe nɩalɩŋ ma sɩ joŋo arɩ ba dɩ ma niiŋ chaasa ŋaa kʋbala nɛ mɩɩra kɛŋ doluŋ ma nyuŋ? Hɛɛŋ bɩ jaŋ jʋʋma a nagɛ haala sɩɩ chɛ ʋ lʋl ʋ luoruŋ wʋwɩɩ ŋɩɩ?

JƐRƖMAAYA 22:23

Ma Jerusalɛm nɩalɩŋ sɩ hɔnɔ ta jɩa, aa jʋʋ Lɛbanɔŋ kuolo daasɩŋ dɩɩsɩŋ, dɩ hɛɛŋ nɛ jʋʋma, ma jaŋ huuni. Hɛɛ-la jaŋ nagɛ haala sɩɩ chɛ ʋ lʋl, ʋ luoruŋ wʋwɩɩ.”

JƐRƖMAAYA 30:14

Ma sɩŋŋaa kala yʋ ma wɩaa nɛ, ba bɩ ma wɩaa chɩla. Mɩ ŋmooma a nagɛ ma dʋndɔmɔ sɩ jaŋ ŋmooma ŋɩɩ nɛ, a dɔgɩsɛma a nagɛ tʋɔhɛɛ tɩɩna sɩ jaŋ ŋaama ŋɩɩ, bɛɛ wɩaa ma cheeriŋ chaasa yʋgɛ nɛ, ma wʋbɔŋŋɔɔ ma faasa yʋgɛ.

JƐRƖMAAYA 5:31

Mɩ wʋlaabʋllaa sɩ nyɩɛ wɩaa arɩ baa bʋl wɩaa Wɩa doluŋ lɛ nɛ. Ka Wɩɩsʋllɩ sɩpaalaaraa ma mɩɩra ŋɩŋaa wɩaa ba tɩtɩaba doluŋ lɛ. Mɩ nɩaa ma cho ŋɩɩ ba sɩɩ ŋaa. Ama wʋbɛɛ nɛ ma jaŋ ŋaa wɩaa deemba dɩdɛrɩŋ?”

JEMBIEE 1:19

Mɩ yɩrɛ mɩ sɩŋŋaa, ka ba vɩa dɩ ba pɛ mɩ lɛ. Mɩ Wɩɩsʋllɩ sɩpaalaaraa arɩ mɩ nɩhɩasɩŋ, sʋba nɛ tabal-la lɛ bʋa-la lɛ ba sɩ gɔllɔɔ chɛ kʋdiilee dɩ ba dii a kɛŋ mɩɩsɩŋ.

JEMBIEE 1:2

Ʋ chaasa yel nɛ tɩtaŋɩŋ, ʋ chaŋkpaŋŋaa kala ŋaa sɩlɩɩrɩŋ. Ʋ hɩɩlaa kala tʋɔŋ nʋʋkala tuo dɩ ʋ nyagɛ ʋ bɔyɛ. Ʋ tanlɔsʋŋ kala joŋu yallɛ nɛ, ba mɩɩra ŋaa ʋ dʋndɔmɔ nɛ.

JEMBIEE 4:17

La bee chɩchɛ nʋʋ nɛ dɩ ʋ kʋ pɛ la lɛ a lɔl, La sɩ sagɛ dɩɩ-leŋee nyuŋ a bee chɩchɛ tintee-la nɩaa dɩ ba pɛ la lɛ, ba bɩ jaŋ wuo laala ta.

ƐZƖKƖƐL 28:13

Ŋ fa hɛ Ɛdɩŋ lɛ nɛ, mɩ-na Wɩa ŋmaŋkaa-la lɛ. Ŋ faa laalɛ tabɩɩ-zɔŋ dosunu-la ba sɩ kaa ŋaa yaraa kpɩɛraa nɛ. Ba yɩraa nɛ rubi, topas arɩ ɛmɛral, kirisola, ɔnɩs, jasɩpa, safɩya, takʋa arɩ bɛrɛl. Ŋ fa kɛŋ sɛlɩmɛ kpɩɛraa nɛ. Bʋa-la lɛ mɩ sɩ ŋaaŋ, kɩaa deemba kala hɛ dɔŋɔ lɛ nɛ a gbɛrɩŋ.

ƐZƖKƖƐL 28:9

Dɩ ba nɛ kɔ dɩ ba kpʋŋ, ŋ jaŋ wuo bʋl dɩ ŋ ŋaa wɩa nɛ nɩalɩŋ sɩɩ kpʋŋ sɩpaaŋ? Ŋ jaŋ ŋaa nuhuobiiŋ nɩalɩŋ sɩɩ kpʋŋ nɩsɩŋ lɛ, ŋ bɩ jaŋ ŋaa wɩa.

OBADAAYA 1:7

Ŋ sɩŋŋaa jaŋ kiriŋ ta ŋ tinteeŋ lɛ, ŋ nandɔnsʋŋ jaŋ nyɩsɩŋ a yuo diiŋ, ŋ dɩ nɩalɩŋ sɩ gbaara didii kɩaa jaŋ dɩdaa dɩ ba kɛnɩŋ, ama ŋ bɩ jaŋ jɩŋ.”

Hiburu TƖŊŊAA 2:3

Ŋɩɩ wɩaa dɩ la nɛ vɩa wʋbalɩŋ deeŋ Wɩa sɩ ŋaa dɩ ʋ laala ta, ɛɛ nɛ la jaŋ ŋaa a fori? La Tɩɩna Yesu nɛ laa sɩpaaŋ bʋl wɩɩ-la, nɩalɩŋ ma sɩ nɩɩ wɩɩ-la bʋla pɩla arɩ wʋtɩtɩɩ nɛ.

Jɔɔŋ Wʋnaalaa 17:13

Kuoroo deemba kala tʋɔbɩɩnaa ŋaa kʋbala nɛ, ba jaŋ joŋ dol-la ba sɩ kaa bibeŋ nɩaa a pɩ baga kʋ-la.

Jɔɔŋ Wʋnaalaa 17:2

Dʋnɩa kuoroo arɩ dʋnɩa nɩaa kala kɛnʋ ŋaa wʋlɩɩlɩŋ a kala bugi, a nagɛ ba sɩ nyʋa sɩ-duoŋ.”

Jɔɔŋ Wʋnaalaa 17:4

Haal-la fa laalɛ gɛrɩ-fɩaŋ arɩ gɛrɩ-vachalɩŋ, a hɛ sɛlɩmɛ kpɩɛraa arɩ tabɩɩ-tʋlaa a pɛ bʋ-sɩaa lɛ. Ʋ fa kori sɛlɩmɛ nyʋnyʋala nɛ. Wʋtɔɔnʋ arɩ wʋlɩɩlɩ-la ʋ sɩɩ ŋaa su nyʋnyʋala-la,