JƐRƖMAAYA 4:29 - WƖA TENIŊ

²⁹ Dɩ ja-jɩllaa arɩ to-yuoroo nɛ kpɩa, taŋ kala nɩaa yie giŋ nɛ a fá lɩlɛl. Dɔnsʋŋ jʋʋ tɩɩ-lugunuŋ tʋɔŋ, ka dɔnsʋŋ ma fá jɩla jʋʋ bʋ-gɩraa tʋɔŋ. Ba yie fá vɩa tasɩ-la kala nɛ, nʋʋkala tuo ba lɛ.

JƐRƖMAAYA 4:29 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 33:11

Ŋɩɩ nɛ La TƖƖNA leŋ Asiiria laalɩyuori-hɩasɩŋ kʋ yuo Juda tinteeŋ, a kɛŋ Manasɛ a joŋ nenii-pɩrɩŋ hɛ ʋ mɩɩsɩŋ lɛ aŋ vɔbʋ arɩ kɔlɩɩŋ chɔrʋmɔɔ a kɛnʋ kaa mʋ Babɩlɔŋ tinteeŋ.

AZAAYA 30:17

Ma nɩaa bʋɩ jaŋ na ba nɩbala a fá. Ba nɩaa banɔŋ jaŋ leŋ dɩ ma fá aŋ ka ma nɩaa baŋmɛnɛ, a nagɛ jɔnjɔŋ sɩ chɩŋ peeliŋ nyuŋ.”

AZAAYA 6:12

Mɩ-na ba TƖƖNA jaŋ kɛŋ ba kala kaa mʋ dɩ-bolii ka ba tinteeŋ pɩŋ pɛɩ.

JƐRƖMAAYA 16:16

Ama lɛɛlɛ, mɩ-na ma TƖƖNA jaŋ tɩma yɩrɛ nɩ-daŋ dɩ ba kʋ kɛsɛ nɩaa deemba a nagɛ chenfil-kpʋʋra sɩɩ kɛsɛ chenfilee. Ʋ ŋɩɩ harɩŋ lɛ, mɩ jaŋ tɩma yɩrɛ nambagɩlaa ma a yʋgɛ, dɩ ba kʋ bagɩla kɛsɛba peelee arɩ dundolluŋ nyuŋ arɩ bʋ-pɛgɩsɩŋ lɛ.

JƐRƖMAAYA 4:7

Naachigiŋ sii ʋ dɩpɩnɩŋ nɛ a kʋ lɩɩ. Kʋ-la sɩɩ chei tinteyee sie nɛ. Ʋ lɩɩ ʋ leriŋ nɛ a kɔ dɩ ʋ chei ma tinteeŋ. Ma tasɩŋ jaŋ pɩŋ jikpeeniŋ, nɩaa jaŋ tuo ba lɛ.

JƐRƖMAAYA 52:7

Ŋɩɩ nɛ Babɩlɔŋ laalɩyuoro-la ŋmoo taŋ-la kɛrɛ lo. Zedikaaya arɩ ʋ laalɩyuoroo sii tɩtaŋɩŋ a fá to boi-baal-la sɩ hɛ kɛrɩsɩŋ balɩa pɛgɛ a kpagɛ kuoro ŋmaŋkaaŋ a lɩɩ, arɩ ba dʋndɔŋŋɔɔ fa sɩ golli tabal-la ma kala. Ba fá to Jɔdaŋ fuo-la dɩɩrɩŋ a mʋ.

JƐRƖMAAYA 6:23

Ba nyɩgɩla nɛ a kori tosuŋ arɩ ba tiŋŋee, ba ŋaa laalɩyuori tʋɔhɛɩ tɩmma nɛ, a bɩ nɩaa nenige ka fá. Ba sɩ jɩl ba janɩŋ, ba dɔmɔ nagɛ mʋgʋ-balɩŋ sɩɩ huuru nɛ. Ba ŋaa nɩaa sɩ nyɩgɩla dɩ ba yuo laalɩŋ nɛ a kɔ dɩ ba yuo ŋ-na Jerusalɛm.”

AMƆS 9:1

Mɩ-na Amɔs na La Tɩɩna arɩ duosoo tʋɔŋ dɩ ʋ chɩŋ Wɩɩsʋllɩ koruŋ sɛmɛ, aŋ bʋl, “Faasa ŋmoo Wɩa dɩɩ-bal-la jebiee nyuŋ-gbaŋa lɛ dɩ ba gentisiŋ jigisi a giri tele tɔ nɩalɩŋ sɩ hɛ tʋɔŋ. Nɩalɩŋ sɩ ka, mɩ jaŋ kpʋba laalɩŋ lɛ. Ba kʋbala ma bɩ jaŋ fá. Nʋʋkala bɩ jaŋ fori.

Luuk 23:30

Bʋa-la lɛ nɛ nɩaa jaŋ bʋl, ‘Peelee, má tele tɔla, dundolluŋ, má tɔla.’

1 SAMƲƐL 13:6

Ba sɩɩ yuo laalɩŋ, Iziral tɩŋŋaa na dɩ ba tɔ ba laalɩyuoroo hɛ nɛ, leriŋ lɩma pɩba, ba dɔnsʋŋ jʋʋ faa bʋ-bʋɔsʋŋ lɛ, tɩɩ-lugunuŋ tʋɔŋ, bʋ-pɛgɩsɩŋ lɛ, buotuonuŋ tʋɔŋ, arɩ vilee tʋɔŋ.