JƐRƖMAAYA 4:28 - WƖA TENIŊ

²⁸ Dʋnɩa nɩaa jaŋ yel, dɩ wɩa-nyuŋ ma biri lim, bɛɛ wɩaa, wɩɩ-la mɩ sɩ bʋla, mɩ bɩ jaŋ kɛŋ mɩ tʋɔbɩɩnaa bɩrɩmɛ. Mɩ kɛŋ tʋɔŋ dɩ mɩ ŋaa nɛ, mɩ bɩ jaŋ mɩɩrɛ harɩŋ.”

JƐRƖMAAYA 4:28 ပူးပေါင်းရင်းမြစ်များ

AZAAYA 24:4

Tinteeŋ kala jaŋ hɩl a yɛrɛ, dʋnɩa kala sɛnɛ jaŋ hɩl a yɛrɛ. Nɩbala-la kala sɩ hɛ nɩmɛ jaŋ ŋaa nenigi tɩmma.

AZAAYA 34:4

Wɩɩpɔsʋŋ arɩ chɛnɛ arɩ chɛnwʋlaa kala jaŋ nyɩɩgɛ wɩa-nyuŋ. Wɩa-nyuŋ kala jaŋ kʋʋra kʋ hɛ dɔŋɔ lɛ a nagɛ ba sɩ kɛŋ teniŋ a chuoli. Chɛnwʋlaa ma jaŋ tuu titel a nagɛ bɩmbaaga pɩpaarɩŋ sɩ hɩla a yuyuori koo tutogo nɛnɛɛ sɩ yuoro.

AZAAYA 5:30

Tapʋlɩɩ-la huuro jaŋ huuri nɩaa nyuŋ a nagɛ mʋga sɩɩ huuru, dɩ nʋʋ nɛ beŋ tintee-la, ʋ jaŋ na leriŋ kala bire dɩ tʋɔ-cheeŋ hɛ nɩmɛ. Duoŋ-bɩlɩmbaanaa jaŋ leŋ dɩ pʋlʋmʋŋ bɩrɩmɛ birimiŋ.

AZAAYA 50:3

Mɩ jaŋ wuo leŋ dɩ wɩa-nyuŋ biri a nagɛ tʋɔ-chei gɛrɩŋ ba sɩ yie laalɛ a yiyel yoho.”

JƐRƖMAAYA 12:11

Ba jaŋ ŋaa dɩ ʋ lɩɩ, a hɩla pɩŋ hoi mɩ sɩpaaŋ. Tintee-la kala jaŋ pɩŋ kʋŋkʋlʋŋ bɛɛ wɩaa nʋʋkala tuo dɩ ʋ beŋ ʋ nyuŋ.

JƐRƖMAAYA 12:4

Ɛɛ nɛ la tinteeŋ chɛ dɩ ʋ hɩla diene magɛ, dɩ yaŋ-la sɩ hɛ ʋ lee-kala hɩl? Nɩalɩŋ sɩ hɛ tintee-la lɛ sɩ bɔmɔ wɩaa nɛ tɩɩ pʋsʋŋ, baga kɩaa arɩ zaaraa kala sʋʋ. Ama nɩalɩŋ sɩ, “Ʋ bɩ wɩalɩŋ la sɩɩ ŋaa ka na.”

JƐRƖMAAYA 14:2

“Juda tinteeŋ nɩaa ka yel nɛ, ʋ tabalaa nɩaa ma bɩbal nɩsɩŋ. Baa yel tintee-la wɩaa nɛ, a yele lɩlɩɩ Jerusalɛm lɛ.

JƐRƖMAAYA 23:10

Tintee-la kala nɛ suo arɩ hachɔrʋmɔɔ, bɛɛ wɩaa ŋmɩaŋ dii nɩalɩŋ nɛ, tintee-la kala hɩl. Yaŋ-la sɩ hɛ tintee-hɩlɩŋ lɛ kala nɛ hɩla. Wɩa wʋlaabʋlla-la ka to nɩbɔŋ wombiee nɛ, a dɩdagɛ ba doluŋ ŋɩɩ sɩ bɩ maga.

JƐRƖMAAYA 23:20

Mɩ-na ma TƖƖNA baanɩŋ bɩ jaŋ kɔ dɩ ʋ fɩɛla, see dɩ mɩ ŋaa wɩɩ-la sɩ hɛ mɩ tʋɔŋ lɛ a dɛrɛ. Tapʋlaa baŋmɛnɛ harɩŋ, ba jaŋ jɩŋ wɩɩ-la sɩaa kala woruŋ.

JƐRƖMAAYA 30:24

La TƖƖNA baaŋ-la sɩ jaŋ chaasa sii bɩ fɩɛlɛ, see dɩ ʋ ŋaa wɩɩ-la kala sɩ hɛ ʋ tʋɔŋ lɛ. Tapʋlaa baŋmɛnɛ harɩŋ, ma jaŋ jɩŋ wɩɩŋ deeŋ bʋbʋɔŋ.

JƐRƖMAAYA 51:12

Má kɛŋ tuuta je dɩ ba mʋ ŋmoo kɛrɛ-la sɩ golli Babɩlɔŋ a lo. Má leŋ dɩ laalɩyuoro-la sɩɩ pɔ leriŋ faasa yʋgɛ, a chɩŋ ba dɩchɩnaa a bibeŋ. Má leŋ dɩ laalɩyuoro faa a pɔ. La TƖƖNA jaŋ ŋaa wɩalɩŋ ʋ sɩɩ chɛ ʋ ŋaa, wɩalɩŋ ʋ sɩ daga arɩ ʋ jaŋ ŋaa Babɩlɔŋ nɩaa lɛ.

JƐRƖMAAYA 7:16

Jɛrɩmaaya, sɩ́ mɩ sʋla pɩ nɩaa deemba. Sɩ́ ba naasɩŋ lɛ chɩna sʋl Wɩɩsʋlɩɩ kala, dɩ ŋ nɛ sʋla ma, mɩ bɩ jaŋ jegile nɩɩ ŋ teeŋ.

JEMBIEE 2:17

La TƖƖNA ŋaa wɩɩ-la ʋ sɩ bɩɩna dɩ ʋ ŋaa nɛ. Ʋ leŋe wɩɩ-la ʋ sɩ bʋla kʋ ŋaa nɛ, wɩɩ-la ʋ sɩ bʋla faafaa kala. Ʋ cheyiŋ nɛ Jerusalɛm a bɩ ŋ nɩaa nenige fá. Ʋ leŋe ŋ nɩaa dʋndɔŋŋɔɔ jʋɔsɛ ma nyuŋ nɛ. Ʋ leŋe ba laa doluŋ nɛ.

ƐZƖKƖƐL 24:14

Mɩ-na ma TƖƖNA nɛ bʋla. Bʋa-la yie nɛ dɩ mɩ ŋaa wɩaa. Mɩ bɩ jaŋ leŋ, mɩ bɩ jaŋ fá nʋʋ nenige, koo a kɛŋ mɩ tʋɔbɩɩnaa bɩrɩmɛ. Mɩ jaŋ dɔgʋsʋŋ a tɩŋ ŋɩɩ ŋ mɛlɛ arɩ ŋ wʋŋaalaa sɩ naga. Mɩ-na ma TƖƖNA Wɩɩjarɩbakɔ nɛ bʋla.”

HOSIA 13:14

Mɩ time laaba dɩ sʋʋŋ sɩ́ ba wuoo? Mɩ laaba ta sʋʋŋ nɩsɩŋ lɛ? Sʋʋŋ, nɩɩ nɛ ŋ huoŋ hɛ? Lɛlɛɛ-jaŋ, nɩɩ nɛ ŋ huo-la sɩɩ chei nɩaa hɛ? Mɩ bɩ jaŋ fá ba nenige.

HOSIA 4:3

Ŋɩɩ wɩaa nɛ tɩɩ tintee-la nɩaa yel, a kala jɩjagɛ. Baga kɩaa arɩ diibiisiŋ sɩɩ zaarɛ wɩa-nyuŋ arɩ chenfille-la kala sɩ hɛ mʋgʋ-balɩŋ tʋɔŋ ma sʋsʋʋ.

JOWƐL 1:10

Bagɩsɩŋ kala cheye nɛ, tinteeŋ kala hɩl. Mɩaa kala nɛ cheye, girep nɛnɛɛ sɩ-falɩŋ ma dɛrɛ, nʋʋŋ ma lɛl.

ZƐKARƖYA 8:14

Wɩɩ-la La TƖƖNA doluŋ kala bɩra sɩ bʋla nɛ ŋ-la: “A nagɛ mɩ fa sɩ kɛŋ mɩ tɩtɩa hɛ dɔŋɔ dɩ mɩ kɛŋ wʋlɔrʋŋ kʋ hɛ ma lɛ ŋɩɩ, a sɩ́ ma nenige fá a tɩŋ ma nyɩmmaba fa sɩ leŋe mɩ baanɩŋ sii wɩaa,

NAMBABA 23:19

Wɩa bɩ nuhuobiinee naga a nyɩnyɩɛ wɩaa koo a kɛŋ ʋ tʋɔbɩɩnaa a bɩbɩrɩmɛ. Dɩ ʋ nɛ bʋl wɩɩ, ʋ yie sɛnɛ ŋaa wɩɩ-la nɛ, dɩ ʋ nɛ hɛ niiŋ arɩ ʋ jaŋ ŋaa wɩɩ ma, ʋ yie sɛnɛ ŋaa nɛ.

Matiu 27:45

Wɩa kʋ magɛ nyu-gbaŋa, leriŋ kala biri lim a mʋ yi dɩdaanɩŋ kerifi batori.

Maak 15:33

Wɩa sɩ kʋ magɛ nyu-gbaŋa, leriŋ kala biri lim a mʋ yi dɩdaanɩŋ kerifi batori.

Luuk 23:44

Wɩa sɩ kʋ magɛ nyu-gbaŋa, leriŋ kala biri lim a mʋ yi dɩdaanɩŋ, ka leriŋ bɩra pʋllɛ.

Ɛfɛsɩs Nɩaa 1:11

Wɩa tʋɔtɔrʋŋ arɩ ʋ chɛnɩŋ lɛ nɛ ʋ yie ŋaa wɩɩkala. Ʋ to Kirisito lɛ nɛ a lɩɩsɛla a leŋ la ŋaa ʋ nɩaa, arɩ ŋɩɩ ʋ sɩ bɩɩna bil faafaa kala.

Ɛfɛsɩs Nɩaa 1:9

Ʋ tʋɔtɔrʋŋ lɛ nɛ ʋ leŋ la jɩŋ ʋ wɩalɩŋ kala fa sɩ faa, wɩalɩŋ ʋ sɩɩ chɛ dɩ ʋ to Kirisito lɛ a ŋaa pɩla.

Hiburu TƖŊŊAA 7:21

Ama La Tɩɩna Wɩa sɩ lɩɩsɛ Yesu, ʋ ŋmɩɛsa nɛ a bʋl, “Mɩ bɩ jaŋ kɛŋ mɩ niiŋ bɩrɩmɛ. Ʋ bɩra bʋla, ‘Ŋ nɛ ŋaa Wɩɩsʋllɩ sɩpaalaara a kaa mʋ wuu.’ ”

Jɔɔŋ Wʋnaalaa 6:12

Pie-bie-la sɩ kɛŋ kelli-la ba sɩ kaa mɛrɛ teŋ-la dʋmʋŋ tɩɩna kaa lɛrɛ, mɩ bee na dɩ tinteeŋ faasa zigili. Ŋɩɩ nɛ wɩɩpɔsʋŋ kala biri lim a nagɛ chɛŋ-birimiŋ, chɛŋ-pʋla ma fɩɛsɛ a nagɛ chalɩŋ.

1 SAMƲƐL 15:29

Wɩa nɛ ŋaa Iziral tɩŋŋaa tʋla, ʋ bɩ wɩaa ka nyɩɛ koo aa bɩrɩmɛ ʋ tʋɔbɩɩnaa. Ʋ bɩ nuhuobiiŋ ŋaa, a kɛŋ ʋ tʋɔbɩɩnaa bɩbɩrɩmɛ.”