JƐRƖMAAYA 4:27 - WƖA TENIŊ

²⁷ Wɩɩ-la mɩ-na ma TƖƖNA sɩ bʋla nɛ ŋ-la: “Tintee-la kala jaŋ pɩŋ jikpeeŋ, ama, mɩ ta bɩ jaŋ chei ʋ kala gbelem gbelem.

JƐRƖMAAYA 4:27 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 36:21

Tintee-la fa pɩŋ pɛɩ nɛ a wiesi jɩsɩ-la kala ba sɩ bɩ leŋe ʋ wiesi. Ʋ pɩŋ ŋɩɩ nɛ a mʋ yi jɩsɩŋ mahɩŋ batori arɩ fii, a leŋ wɩɩ-la La TƖƖNA wʋlaabʋlla Jɛrɩmaaya fa sɩ bʋla kʋ ŋaa wʋtɩtɩɩ.

NƐHƖMAAYA 9:31

Ama a tɩŋ ŋ sɩɩ fá nɩaa nenige kɩŋkɛŋ wɩaa, ŋ bɩ ba cheye koo a vɩaba ta, bɛɛ wɩaa ŋ ŋaa Wɩa sɩ kɛŋ zile nɛ a fɩfá nɩaa nisusuŋ.

AZAAYA 17:6

Ama nɩaa mʋa ha jaŋ ka Iziral lɛ, a nagɛ ba sɩ tɔrɛ olif nɛnɛɛ aŋ ka nɛnɛɛ balɩa koo batori ha ka tɩa-la nyu-gbaŋa lɛ. Banɛsɛ koo banɔŋ ma ka naakelee lɛ. La TƖƖNA Iziral tɩŋŋaa Wɩa nɛ bʋla.

AZAAYA 24:1

Ma-na bibeŋ, La TƖƖNA jaŋ chei tinteeŋ kala, a ŋmoo nɩaa kala pɩsɛ a leŋ dɩ tinteeŋ pɩŋ jikpeeŋ a ŋaa hoi.

JƐRƖMAAYA 18:16

Ba tinteeŋ jaŋ pɩŋ pɛɩ, dɩ nɩaa mʋmɔŋ ʋ lɛ a kaa mʋ wuu. Ʋ wɩaa jaŋ kperi nʋʋkala sɩ to nɩmɛ a bɩbal, dɩ ba vivigisi nyuŋ.

JƐRƖMAAYA 25:11

Tintee-la kala jaŋ pɩŋ jikpeeŋ a ŋaa hoi. Ma dɩ tinteye-la nɩaa jaŋ tɩma pɩ Babɩlɔŋ kuoro jɩsɩŋ mahɩŋ batori arɩ fii.

JƐRƖMAAYA 30:11

Mɩ hɛ ma teeŋ nɛ, mɩ jaŋ laama ta. Mɩ-na ma TƖƖNA nɛ bʋla. Mɩ jaŋ chei tinteye-la kala lɛ mɩ sɩ kɛmma pɩsa hɛ, ama mɩ bɩ jaŋ chei ma-na gbelem gbelem. Mɩ jaŋ kɛmma tʋra kɩɩ arɩ wʋtɩtɩɩ. Mɩ bɩ jaŋ leŋ dɩ ma mʋ pɛɩ, mɩ jaŋ dɔgɩsɛma mʋa.”

JƐRƖMAAYA 4:20

Wʋlɔrʋnʋ-la lɩa aŋ ka pɩpɩ dɔŋɔ nɛ. Tintee-la kala pɩŋ jikpeeniŋ nɛ. Ba guu chei mɩ lɛŋŋɛɛ nɛ, a kɩɛsɛ ba patɩɩsamba kala muno muno.

JƐRƖMAAYA 4:7

Naachigiŋ sii ʋ dɩpɩnɩŋ nɛ a kʋ lɩɩ. Kʋ-la sɩɩ chei tinteyee sie nɛ. Ʋ lɩɩ ʋ leriŋ nɛ a kɔ dɩ ʋ chei ma tinteeŋ. Ma tasɩŋ jaŋ pɩŋ jikpeeniŋ, nɩaa jaŋ tuo ba lɛ.

JƐRƖMAAYA 44:6

Ŋɩɩ wɩaa, mɩ chaasa na baanɩŋ ba nyuŋ, a chei Juda tasɩŋ arɩ Jerusalɛm womporunuŋ, a leŋ ba cheye pɩŋ hoi arɩ ŋɩɩ ba sɩ naga jɩnɩmba.

JƐRƖMAAYA 46:28

Mɩ tɩntɩnna Jekɔb, sɩ́ fawʋllʋŋ fá bɛɛ wɩaa mɩ hɛ ŋ teeŋ nɛ, mɩ-na ma TƖƖNA nɛ bʋla. Mɩ jaŋ chei tinteye-la kala mɩ sɩ kɛmma pɩsa hɛ gbelem gbelem, ama, mɩ bɩ jaŋ chei ma kala gbelem gbelem. Mɩ jaŋ lɛrɛ ma dɩgɩlɩŋ arɩ wʋtɩtɩɩ. Mɩ bɩ jaŋ lemma ta pɛɩ.”

JƐRƖMAAYA 5:10

Má gɔllɛ ʋ girep tɩɩsɩŋ bagɩsɩŋ a cheiba, ama má sɩ́ ba kala chei gbelem gbelem. Má keri ba naakelee ta, bɛɛ wɩaa nɩaa deemba bɩ mɩ-na ma TƖƖNA nɩaa ŋaa.

JƐRƖMAAYA 5:18

La TƖƖNA sɩ, “Tapʋlɩa-la lɛ, mɩ bɩ jaŋ kpʋ ma kala.

JƐRƖMAAYA 7:34

Mɩ jaŋ leŋ dɩ tʋɔtɔrɛ goŋ-la ha-falaa arɩ ba balaba sɩɩ ŋaa dɛrɛ Juda tasɩŋ arɩ Jerusalɛm womporunuŋ lɛ, bɛɛ wɩaa ba tinteeŋ jaŋ pɩŋ hoi.”

JƐRƖMAAYA 9:11

La TƖƖNA sɩ, “Mɩ jaŋ leŋ dɩ Jerusalɛm pɩŋ jikpeeŋ, a ŋaa jolluŋ dɩjʋʋlʋŋ. Mɩ jaŋ leŋ dɩ Juda tasɩŋ pɩŋ hoi, dɩ nʋʋkala sɩ́ wuo hɔŋ lee-la.”

JEMBIEE 2:7

La TƖƖNA vɩa ʋ koruŋ ta nɛ a leŋ ʋ dɩɩ-balɩŋ ma ta. Ʋ joŋ Jerusalɛm kɛrɩsɩŋ hɛ ʋ dʋndɔŋŋɔɔ nɩsɩŋ lɛ nɛ ba yige lo, aŋ jʋʋ ŋɩŋaa laalɩyuori diiri goŋ La TƖƖNA dɩɩ-balɩŋ tʋɔŋ a nagɛ gbiele tapʋlʋŋ.

ƐZƖKƖƐL 11:13

Mɩ fa ha sɩɩ bʋl wɩaa Wɩa doluŋ lɛ ŋɩɩ, Bɛnaaya nanʋala Pɛlatɩa tele sʋʋ. Ŋɩɩ nɛ mɩ tele kɛŋ mɩ sɩaa chu tinteeŋ, aŋ ŋmoo niiŋ bogi bogi a pɩɛsɛ, “La TƖƖNA Wɩɩjarɩbakɔ, ŋ jaŋ kpʋ Iziral tɩŋŋaa nɩkaanaa kalaa?”

ƐZƖKƖƐL 20:17

Ama mɩ fa ha fá ba nenige nɛ a bɩ ba cheye koo a kpʋba tintee-hɩlɩɩ-la lɛ.

ƐZƖKƖƐL 33:28

Mɩ jaŋ leŋ dɩ ma tinteeŋ kala pɩŋ jikpeeŋ a ŋaa hoi. Dol-la ma sɩ kaa bibigisi ma tɩtɩa lɛ jaŋ dɛrɛ. Iziral peelee ma jaŋ pɩŋ hoi, nʋʋkala bɩra bɩ jaŋ to ba nyuŋ bal.

ƐZƖKƖƐL 6:14

Mɩ jaŋ lɩɩsɛ nɩsɩŋ liesi ba tinteeŋ lee na-kala ba sɩ hɛ a cheyu dɩ ʋ pɩŋ hoi a chɩŋ tintee-hɩlɩɩ-la lɛ a kaa mʋ yi lee-la ba sɩɩ yɩrɛ Dibila. Ŋɩɩ nɛ ba jaŋ jɩŋ arɩ mɩ nɛ ba TƖƖNA.”

LEVI DOHO NƖAA 26:31

Mɩ jaŋ leŋ dɩ ma tasɩŋ pɩŋ jikpeeniŋ aŋ chei ma vʋɩyaa dɩ-kpaaraa, ma kʋnyɩgaa Wɩɩsʋlʋŋ sʋɔra bɩra bɩ jaŋ sɩma pɩmɛ.

LEVI DOHO NƖAA 26:44

Arɩ ŋɩɩ kala, dɩ ba nɛ hɛ ba dʋndɔŋŋɔɔ tinteeŋ lɛ, mɩ bɩ jaŋ vɩaba ta koo a bɛrɛba a cheiba, dɩ ŋɩɩ leŋ nii-la sɩ hɛ mɩ dɩ ba pɛgɛ chei. Mɩ nɛ ba TƖƖNA Wɩa.

ZEFANAAYA 1:18

Tapʋlɩɩ-la mɩ-na ba TƖƖNA sɩ jaŋ na baanɩŋ, ba warɩpʋla koo ba sɛlɩmɛ bɩ jaŋ wuo laaba ta. Mɩ yarɩ-bieri baanɩŋ jaŋ nagɛ nyiniŋ a joŋ dʋnɩa kala dii, bɛɛ wɩaa mɩ jaŋ leŋ dɩ nʋʋkala sɩ hɛ dʋnɩa lɛ guu sʋʋ.”