JƐRƖMAAYA 4:24 - WƖA TENIŊ

²⁴ Mɩ sɩ beŋ peelee, ba kala jigise nɛ. Dundolluŋ ma kala bibiegi.

JƐRƖMAAYA 4:24 ပူးပေါင်းရင်းမြစ်များ

1 KUOROO 19:11

La TƖƖNA sɩ, “Sii a lɩɩ chɩŋ peel-la nyuŋ mɩ sɩpaaŋ, bɛɛ wɩaa mɩ jaŋ kʋ to lee-la a bal.” Ŋɩɩ nɛ pel-duo bal kʋbala kʋ lu a yɛrɛ peele-la a kɛŋ tabɩaa pɩsa bal, ama La TƖƖNA fa tuo pel-la lɛ. Pel-la sɩ bala, tinteeŋ ma bɩra zigili, ama La TƖƖNA fa tuo tinteeŋ zigiline-la ma lɛ.

WƖA YƖƖLAA 18:7

Ŋ sɩ na baanɩŋ, tinteeŋ zigile nɛ, peelee ma jigisi a tuu kɛŋ ba gentisiŋ pɛ.

WƖA YƖƖLAA 77:18

Ka ba nɩɩ ŋ dɔmɔ pel-vinvilimiŋ tʋɔŋ, leriŋ lɩgɩsɛ a leŋ dʋnɩa kala pʋllɛ. Fawʋllʋŋ kɛŋ tinteeŋ ʋ zigili.

WƖA YƖƖLAA 97:4

Ʋ nyiniŋ lɩgɩsa su dʋnɩa kala nɛ, tinteeŋ nɩaa na a chichel.

MOSIS KƐŊ IZIRAL TƖŊŊAA LƖƖ 19:18

Peel-la ba sɩɩ yɩrɛ Sɩnaɩ kala tɔ arɩ nyʋɔsʋŋ, bɛɛ wɩaa La TƖƖNA kʋ tuu ʋ nyuŋ nɛ a nagɛ nyiniŋ, nyʋɔsʋŋ sii jɩjɩl wɩa-nyuŋ dugugu. Peel-la kala faasa zigili.

AZAAYA 13:13

Mɩ jaŋ leŋ dɩ wɩa-nyuŋ chel, dɩ tinteeŋ ma zigili, a sʋrɩsɛ ʋ dɩchɩnɩŋ tapʋlɩɩ-la mɩ-na ma TƖƖNA doluŋ kala Tɩɩna sɩ jaŋ dagɛma mɩ baaŋ-la mɩ sɩ faasa na.

AZAAYA 24:20

Tinteeŋ jaŋ begili a nagɛ nɩa sɩ bugo a gɩgɛrɛ. Ʋ jaŋ nagɛ lɛbɩŋ sɩ chɩna peliŋ kaa viisi, ʋ bɩ dɩ-bala wuo chɩŋ. Dʋnɩa nɩaa wʋcheelee jaŋ leŋ dɩ dʋnɩa tel, ʋ bɩra bɩ jaŋ wuo sii.

AZAAYA 5:25

Ŋɩɩ wɩaa La TƖƖNA na baanɩŋ nɛ ʋ nɩaa nyuŋ, a kɛŋ ʋ tɩtɩa hɛ dɔŋɔ dɩ ʋ kpʋ ʋ nɩaa. Peelee jaŋ jigisi dɩ nɩaa sʋʋ a yieni a nagɛ nʋsʋrʋŋ sɩ pɩŋ womporoo lɛ. Wɩaa deemba kala jaŋ ŋaa ka ʋ baanɩŋ ha bɩ jaŋ fɩɛlɛ, ʋ ha kɛŋ ʋ tɩtɩa hɛ dɔŋɔ nɛ dɩ ʋ dɔgɩsɛ ʋ nɩaa.

JƐRƖMAAYA 10:10

Ama La TƖƖNA nɛ ŋaa Wɩɩ-tɩtɩɩ. Ʋ nɛ Wɩa sɩ weye. Ʋ nɛ kuoru-bal-la sɩ hɛ nɩmɛ a kaa mʋ deeŋ deeŋ. Dɩ ʋ nɛ na baanɩŋ, tinteeŋ yie zigili nɛ. Dɩ ʋ baanɩŋ nɛ sie, tinteyee bɩ jaŋ wuo chɩŋ.

JƐRƖMAAYA 8:16

La nɩɩ la dʋndɔŋŋɔɔ janɩŋ sɩ ŋmʋʋ mɩɩsɩŋ a lɩɩ Daŋ tinteeŋ nɛ. Ba janɩ-la yele leŋe tintee-la kala zigili nɛ. Ba kɔ dɩ ba yuo dii la tinteeŋ nɛ a chei kʋŋkala sɩ hɛ ʋ lɛ, la tabal-la arɩ nɩalɩŋ kala sɩ hɛ nɩmɛ.”

JƐRƖMAAYA 9:10

Ŋɩɩ nɛ mɩ bʋl, “Mɩ jaŋ yele pɩ peelee aŋ ta jembiiŋ tɩgɛ ba pʋsʋŋ dɩ-diilee lɛ. Ba pɩna nɛ hoi, nʋʋkala bɩ nɩmɛ ka vɛŋ, ŋ bɩra bɩ nɛsɩŋ yele ka nɩɩ nɩmɛ. Diibiisiŋ kala file lɛl nɛ, bagɩlaa ma fá viiri.”

ƐZƖKƖƐL 38:20

Chenfilee, diibiisiŋ, bagɩlaa arɩ kɩalɩŋ kala sɩɩ vaamɛ tinteeŋ, a pɛ nuhuobiinee lɛ, ba kala jaŋ chichel mɩ sɩpaaŋ. Peelee jaŋ wuro chu dɩ bʋsʋŋ yɛrɛ dɩ jeyee ma kala tel.

MƖKA 1:4

Peelee jaŋ yʋɔlɛ ʋ naasɩŋ bʋbʋɔŋ, a nagɛ keliŋ sɩ kpagɛ nyiniŋ a ŋmɩɛrɛ. Fuo-naasɩŋ ma jaŋ pɩsɛ dɔŋɔ lɛ a nagɛ lɩɩŋ sɩ pɛllɛ lɩɩ dundolo nyuŋ tutuu.

HABAKU 3:10

Peelee naŋ nɛ, a chichel. Duonuŋ faasa nɩɩ, mʋgʋ-balaa huhuuri, lɩɩ-peliŋ sisii.

HABAKU 3:6

Dɩ ʋ nɛ chɩna, tinteeŋ yie zigili nɛ, dɩ ʋ nɛ beŋ tinteyee nɩaa, ba yie chichel nɛ. Peel-bɩnaa arɩ dundol-bɩnaa yie tel a yɛrɛ nɛ. Ʋ wombiee chɩna nɛ a kaa mʋ wuu.

Jɔɔŋ Wʋnaalaa 6:14

Ŋɩɩ nɛ wɩa-nyuŋ kala chuolo kʋ hɛ dɔŋɔ a nagɛ ba sɩ chuoli bɔsɔ ŋɩɩ. Peel-na kala arɩ lee-na kala lɩɩŋ sɩ gollo chu, ba kala sii ba leree.