JƐRƖMAAYA 4:22 - WƖA TENIŊ

²² La TƖƖNA sɩ, “Mɩ nɩaa yaara nɛ, ba bɩ mɩ jɩŋ. Ba ŋaa hambii chʋʋlʋ nɛ, ba bɩ wɩaa bʋbʋɔŋ jɩŋ. Ba kaasɛ wʋbɔŋŋɔɔ ŋaanɩŋ lɛ nɛ woruŋ, ama ba bɩ wʋzɔmʋŋ ŋaanɩŋ jɩŋ.”

JƐRƖMAAYA 4:22 ပူးပေါင်းရင်းမြစ်များ

WƖAA DƖ-SUOMUŊ 39:16

Ŋɩɩ nɛ ʋ joŋ gɛrɩ-la bil ʋ teeŋ ʋ bala kɔ.

2 SAMƲƐL 13:3

Dɩ Amɩnɔŋ fa kɛŋ nandɔŋ kʋbala baa yɩrɛ Jonadab. Ʋ ŋaa kuoro Devit naambie Sɩmɩa nanʋala nɛ. Jonadab sɩɩŋ fa waga nɛ woruŋ.

WƖA YƖƖLAA 36:3

Baa bʋl wʋbɔŋŋɔɔ nɛ aa nyɩsɛ nɩaa, a bɩra bɩ wʋjɩmɩŋ kɛnɛ dɩ baa ŋaa wʋzɔŋŋɔɔ.

WƖA YƖƖLAA 36:4

Dɩ ba nɛ paala pɩŋ ma, ba yie bɩbɩɩnɛ wʋbɔŋŋɔɔ nɛ, a joŋ ba nyuŋ kala hɛ wʋbɔmɔ-la ŋaanɩŋ lɛ, a bɩ wʋbɔŋŋɔɔ ŋaanɩŋ ka leŋ.

WƖA YƖƖLAA 53:4

Nɩbɔmɔ, ma-na bɩ wɩaa wuo gʋnnaa pɩ ma tɩtɩa koo? Ma vɩa dɩ ma chʋɔlɛmɛ nɛ, aŋ gɔllɔ kɛsɛ mɩ nɩaa liliŋ a nagɛ kʋdiilee.

WƖA YƖƖLAA 82:5

Ma bɩ wɩaa jɩŋ, a bɩ wɩaa bʋbʋɔŋ ma jɩŋ. Ma hɛ birimiŋ tʋɔŋ nɛ. Dʋnɩa gentine kala ka jigisi nɛ.

NAMAGABA 28:5

Nɩbɔŋŋɔɔ paala bɩ wʋtɩtɩɩ jɩŋ, ama nɩalɩŋ sɩɩ chɛ La Tɩɩna, ba-na jɩmʋ nɛ woruŋ.

AZAAYA 1:3

Nɛ-fere jɩŋ ʋ tɩɩna nɛ, kakumo ma jɩŋ lee-la ʋ tɩɩna sɩɩ pʋ kʋdiilee, ama Iziral tɩŋŋaa bɩ mɩ jɩŋ, mɩ nɩaa paala bɩ wɩaa bʋbʋɔŋ jɩŋ.”

AZAAYA 27:11

Dɩ tɩɩsɩ-la naakelee nɛ hɩla a boro tel, haalaa yie paa mʋ hɛ nyiniŋ nɛ. Nɩaa deemba bɩ wɩɩkala jɩŋ, ŋɩɩ nɛ tɩɩ Wɩa sɩ ŋaaba bɩ ba nenige fá ŋɩɩ a bɩ ba lɛ pɛ.

JƐRƖMAAYA 10:8

Ba kala ŋaa nɩaa sɩ chʋʋla arɩ nɩyaaraa nɛ. Daasɩŋ ba sɩ kaa ŋaa vʋɩyaa sɩ ŋaa kʋpɛɩba nɩɩ dagɛba wɩaa.

JƐRƖMAAYA 13:23

Kus tɩɩna jaŋ wuo kɛŋ ʋ yaraa bɩrɩmɛ koo kpeye jaŋ wuo kɛŋ ʋ yaraa sɩ ŋaa ŋmʋna ŋmʋna ŋɩɩ a bɩrɩmɛ? Ma ma saa bɩ jaŋ wuo ŋaa wʋzɔŋŋɔɔ, bɛɛ wɩaa wʋbɔŋŋɔɔ nɛ ma ŋaa mal.

JƐRƖMAAYA 2:8

Wɩɩsʋllɩ sɩpaalaaraa bɩ pɩɛsaa chɛmɛ, a bʋl, ‘Nɩɩ nɛ La TƖƖNA hɛ?’ Nɩalɩŋ sɩ maga dɩ ba dagɛ nɩaa wombii-la mɩ sɩ bile dɩ ba tuto, bɩ mɩ jɩŋ. Sɩpaalaaraa ma vɩa mɩ niiŋ nɛ. Mɩ wʋlaabʋllaa ma mɩɩra bʋbʋl wɩaa vene-la ba sɩɩ yɩrɛ Baal yɩrɩŋ lɛ, aa to vʋɩyaa sɩ ŋaa kʋpɛɩba.

JƐRƖMAAYA 4:21

Ɛɛ nɛ mɩɩ chɛ dɩ mɩ na laalɩŋ sɩ hoso, aŋ pɛ nɩɩ ba sɩɩ ŋmʋʋ banyile ma a diene magɛ?

JƐRƖMAAYA 5:21

Ma ŋaa nɩyaara nɛ a chʋʋlɛ, má nɩɩ wɩɩŋ deeŋ, ma kɛŋ sɩaa nɛ aŋ bɩ na, a kɛŋ dɩgɩlaa ma aŋ bɩ nɩɩ.”

JƐRƖMAAYA 5:4

Mɩ fa bʋl mɩ tʋɔŋ lɛ: Nɩaa deemba ŋaa summo nɛ, ba ŋaa nɩyaara nɛ. Ba bɩ La Tɩɩna wombiiŋ jɩŋ. Ba bɩ wɩalɩŋ ba Wɩa sɩɩ chɛ jɩŋ.

JƐRƖMAAYA 9:2

Mɩ fa cho dɩ mɩ kɛŋ lee nɛ tintee-hɩlɩŋ lɛ nʋhʋɔraa sɩ jaŋ kʋ jʋjʋʋ, dɩ mɩ lɩɩ mɩ nɩaa tʋɔŋ a fá mʋ hɛ nɩmɛ, a kagɛ ba lɛ. Ba kala ka ŋaa wʋchɔrʋmɔɔ nɛ. Ba ŋaa nɩ-daŋ nɛ, ba bɩ wʋtɩtɩɩ kɛnɛ Wɩa teeŋ.”

JƐRƖMAAYA 9:3

Ŋɩɩ nɛ La TƖƖNA bʋl, “Ba kɛŋ ba tɩtɩa nɛ a nagɛ toŋ ba sɩ lɛrɛ hɛ, baa chɛ dɩ ba nyɩɛ wɩaa nɛ. Ba wʋtɩtɩɩ dee bɩ leŋe ba kɛŋ doluŋ tintee-la lɛ. Ba wʋbɔŋŋɔɔ ŋaanɩŋ lɩa aŋ ka pɩpɩ dɔŋɔ nɛ. Ba bɩ mɩ kaa tɩtɩŋ.

JƐRƖMAAYA 9:5

Nandɔŋɔ yie nyɩsɛ ʋ nandɔŋɔ. Ba kʋŋkala bɩ wʋtɩtɩɩ ka bʋl. Ba niiree mal wʋnyɩɛrɩŋ nɛ. Baa lɔl ba tɩtɩa nɛ wʋbɔŋŋɔɔ ŋaanɩŋ lɛ.

ƐZƖKƖƐL 16:30

Mɩ-na ma TƖƖNA Wɩɩjarɩbakɔ nɛ bʋla: Ŋ tʋɔŋ nyaa ɛɛ nɛ, ŋ ŋaa wɩaa deemba a nagɛ hachɔrʋŋ sɩ bɩ hɩɩsɩŋ ka fá.

HOSIA 4:1

Iziral tɩmma, má nɩɩ wɩɩ-la La TƖƖNA sɩ bʋla, La TƖƖNA kɛŋ wɩɩ nɛ a kʋkɔ dɩ ʋ hɛ ma nɩalɩŋ sɩ hɛ tintee-la lɛ. Ʋ sɩ, “Ma bɩ wʋtɩtɩɩ kɛnɛ, a bɩ dɔŋɔ cho. Tintee-la lɛ, ma bɩ jɩŋ arɩ mɩ nɛ Wɩa.

HOSIA 4:6

Wɩaa jaŋ chei mɩ nɩaa a tɩŋ ba sɩ bɩ mɩ jɩŋ. Ma sɩ vɩa dɩ ma jɩmmɛ ŋɩɩ, mɩ ma vɩama nɛ arɩ ma ŋaa Wɩɩsʋllɩ sɩpaalaaraa. Ma sɩ vɩa mɩ wombii-la mɩ sɩ bile dɩ ma tuto ŋɩɩ, mɩ ma jaŋ vɩa ma biiriŋ.

HOSIA 5:4

Ba wʋŋaalaa bɩ jaŋ sɛɩ dɩ ba mɩɩra mʋ ba Wɩa teeŋ. Wʋlɩɩlɩŋ ŋaanɩŋ sɩ hɛ ba nyuŋ lɛ leŋe ba bɩ ba TƖƖNA jɩŋ.

AMƆS 3:10

Ba paala bɩ wɩaa ba bʋa lɛ ŋaanɩŋ jɩŋ. Yuosuŋ nɛ ba yuo a gurigo laa nɩaa kɩaa a su ba dɩɩ-duoruŋ.

MƖKA 2:1

Wɩɩŋ puu nɩalɩŋ sɩɩ vʋʋrɛ nɩbɔŋ wɩaa, nɩalɩŋ sɩ yie pɩna bɩɩnɛ wʋbɔŋŋɔɔ a sii folo kɛmba tɩŋ, a tɩŋ ba sɩ kɛŋ doluŋ dɩ ba ŋaa wɩalɩŋ.

MƖKA 7:3

Nʋʋkala kaasɛ wʋbɔŋŋɔɔ ŋaanɩŋ lɛ nɛ, sɩpaalaaraa chɩchɛ kʋmɔlɩɩba. Sarɩya diiree lɩlaa kpalaa, nɩalɩŋ dɩchɩnɩŋ sɩ yuŋŋie ŋɩŋaa wɩalɩŋ ba sɩ cho, ba kala vʋʋra hɩhɛ dɔŋɔ.

Luuk 16:8

Ŋɩɩ nɛ kɩaa tɩɩna-la bɛsɛ sɩŋgɩrɩŋ tɩɩna-la lɛ arɩ ʋ ŋaa kukeri nɛ arɩ wʋjɩmɩɩ-la ʋ sɩ kɛnɛ a ŋaa wʋbɔŋ-la.” Ŋɩɩ nɛ Yesu bɩra bʋl, “Bee na nɩalɩŋ sɩ cho dʋnɩa kɩaa kɩŋkɛŋ sɩ kɛŋ wʋjɩmɩŋ ŋɩɩ a pɩpɛ dɔŋɔ lɛ a kɩɩ nɩalɩŋ sɩɩ to Wɩa.”

Jɔɔŋ 16:3

Ba jaŋ ŋaa wɩaa deemba kala a tɩŋ ba sɩ́ bɩ mɩ Nyɩmma jɩŋ, a bɩ mɩ ma jɩŋ.

Rom Tɩŋŋaa 1:22

Ba bɩɩna ba kɛŋ wʋjɩmɩŋ nɛ, ama ba yaara nɛ.

Rom Tɩŋŋaa 1:28

Nɩaa deemba bɩ chɛ dɩ ba jɩŋ Wɩa. Ŋɩɩ nɛ tɩɩ Wɩa lemba ta ba tuto ba tʋɔbɩɩŋ bɔmɔ-la harɩŋ a ŋɩŋaa wɩalɩŋ sɩ bɩ maga dɩ baa ŋaa.

Rom Tɩŋŋaa 16:19

Nʋʋkala nɛ nɩɩ ŋɩɩ ma sɩɩ to Wɩa niiŋ wɩaa ŋɩɩ. Ʋ ŋɩɩ ŋaa mɩ tʋɔtɔrʋ nɛ, mɩɩ jʋɔsɛ ma wɩaa. Ama mɩɩ chɛ dɩ ma kɛŋ wʋjɩmɩŋ nɛ wɩalɩŋ sɩ zɔmɔ lɛ, aŋ ŋaa nɩyaara wʋbɔŋŋɔɔ ŋaanɩŋ lɛ.

Rom Tɩŋŋaa 3:11

Nʋʋkala tuo a jɩŋ Wɩa wɩalɩŋ bʋbʋɔŋ, nʋʋkala ma bɩ Wɩa bee chɩchɛ.

1 Kɔrɩntɩ Nɩaa 14:20

Mɩ naambiiriŋ, má sɩ́ wɩaa bɩɩnʋ a nagɛ hambiisiŋ sɩɩ bɩɩnɛ ŋɩɩ. Ma wʋŋaalaa lɛ, má nagɛ bii-mulluŋ sɩ bɩ wʋbɔŋŋɔɔ jɩŋ, ama má bɩbɩɩnɛ wɩaa a nagɛ kʋhɩasɩŋ sɩɩ bɩɩnɛ ŋɩɩ.

MOSIS BƖRA WULLI WƖA WOMBIIŊ 32:28

Iziral tɩŋŋaa ŋaa tintee nɩaa nyuŋ sɩ bɩ tɩŋ nɛ, ba bɩ wʋjɩmɩŋ kɛnɛ.

MOSIS BƖRA WULLI WƖA WOMBIIŊ 32:6

Ma nɩyaaraa deemba sɩ bɩ wɩɩkala jɩŋ, ŋ-la nɛ maga dɩ ma joŋo ŋaa La TƖƖNA lɛɛ? Ʋ dee ma nyɩmmaa? Ʋ dee bɩ ma ta, a leŋ ma ŋaa nɩaa?