JƐRƖMAAYA 4:20 - WƖA TENIŊ

²⁰ Wʋlɔrʋnʋ-la lɩa aŋ ka pɩpɩ dɔŋɔ nɛ. Tintee-la kala pɩŋ jikpeeniŋ nɛ. Ba guu chei mɩ lɛŋŋɛɛ nɛ, a kɩɛsɛ ba patɩɩsamba kala muno muno.

JƐRƖMAAYA 4:20 ပူးပေါင်းရင်းမြစ်များ

WƖA YƖƖLAA 42:7

Ŋ lɩɩ-pel duoruŋ ŋmoo to mɩ nyuŋ bal a dɔmɔ nagɛ mʋgʋ-balɩŋ lɩɩŋ sɩɩ chuuri buotuo-luŋuŋ lɛ nɛ.

WƖA YƖƖLAA 72:19

Má dɛnnɛ ʋ yɩrɩ-balɩŋ a kaa mʋ wuu, a leŋ dɩ ʋ tʋla su dʋnɩa kala. Amɩɩ, Amɩɩ.

MOSIS KƐŊ IZIRAL TƖŊŊAA LƖƖ 33:5

bɛɛ wɩaa La TƖƖNA fa bʋla pɩ Mosis, “Bʋla pɩ Iziral tɩŋŋaa arɩ ba ŋaa nɩaa sɩ bɩ dagɩŋ ka nɩɩ nɛ, dɩ mɩ dɩ ba nɛ fa to dɔŋɔ mʋ, magɛ ŋ-la mɩ fa kpʋba. Lɛɛlɛ leŋ ba wuri kpɩɛra-la kala sɩ hɛ ba yaraa lɛ, ka dɩ mɩ na wɩɩ-la mɩ sɩ jaŋ ŋaa ba lɛ.”

AZAAYA 13:6

Má yel, bɛɛ wɩaa tapʋlɩɩ-la mɩ-na ma TƖƖNA doluŋ kala Tɩɩna sɩ jaŋ kɔ kpaga nɛ, mɩ jaŋ dii nɩaa sarɩya a chei leriŋ.

AZAAYA 15:5

Mɩ tʋɔŋ ka wɩɩ Mʋab wɩaa nɛ, ʋ nɩaa kala lɩɩ fá nɛ a mʋmʋ tasɩ-la ba sɩɩ yɩrɛ Zʋa arɩ Ɛgɩlaf Sɛlɩsɩya sɩ hɛ dɩ-bolii, dɩ ba laa ba mɩɩsɩŋ. Ba dɔnsʋŋ jɩla joŋ wombiiŋ nɛ a yele mʋmʋ taŋ-la ba sɩɩ yɩrɛ Luhif, ka dɔnsʋŋ ma joŋ wombii-la sɩɩ mʋ taŋ-la ba sɩɩ yɩrɛ Horonem a faasa yele mʋmʋ a tɩŋ ba sɩ chei ba tinteeŋ wɩaa.

AZAAYA 33:20

Má bee na Zaayɔŋ tabal-la lɛ la fa sɩɩ gbieli la gbielee, ma na Jerusalɛm, ʋ chaasa kɛŋ fɩɛlɩŋ nɛ. Ʋ ŋaa lɛbɩŋ nɛ, ba bɩ jaŋ wuo kaa churi. Ʋ daasɩŋ kʋŋ bɩ jaŋ churi, ʋ ŋmɛsɩ-la ma kʋŋ bɩ jaŋ kɔ dɩ ʋ kɛrɛ.

AZAAYA 47:9

Wɩaa deemba kala jaŋ guu ŋaa ŋ lɛ tapʋl bala. Ŋ biiriŋ jaŋ lɛl, ka dɩ ŋ pɛ nagɛ yo-haal ma, arɩ ŋ sɩ kɛŋ jɩma arɩ ŋ chichiribiŋ ma kala.

AZAAYA 54:2

Kɛŋ ŋ lɛbɩŋ jalla pɛ, a lɛrɛ ʋ patɩɩsamba arɩ ʋ ŋmɛsɩŋ ta ba lɩɩ harɩŋ, a leŋ dɩ ʋ daapɛ-biisiŋ kɛŋ doluŋ.

JƐRƖMAAYA 12:11

Ba jaŋ ŋaa dɩ ʋ lɩɩ, a hɩla pɩŋ hoi mɩ sɩpaaŋ. Tintee-la kala jaŋ pɩŋ kʋŋkʋlʋŋ bɛɛ wɩaa nʋʋkala tuo dɩ ʋ beŋ ʋ nyuŋ.

JƐRƖMAAYA 17:18

Leŋ dɩ nɩalɩŋ sɩ to naasɩŋ dɔgɩsɛmɛ dii hɩɩsɩŋ, ama lɩɩsɛ mɩ-na hɩɩsɩŋ lɛ. Leŋ dɩ fawʋllʋŋ kɛmba, ama lɩɩsɛ mɩ-na wɩalɩŋ sɩ kɛŋ fawʋllʋŋ lɛ. Leŋ dɩ wʋlɔrʋŋ kʋ jʋʋba. Cheiba naansɩɩŋ bʋlɩa.

JƐRƖMAAYA 4:21

Ɛɛ nɛ mɩɩ chɛ dɩ mɩ na laalɩŋ sɩ hoso, aŋ pɛ nɩɩ ba sɩɩ ŋmʋʋ banyile ma a diene magɛ?

JƐRƖMAAYA 4:27

Wɩɩ-la mɩ-na ma TƖƖNA sɩ bʋla nɛ ŋ-la: “Tintee-la kala jaŋ pɩŋ jikpeeŋ, ama, mɩ ta bɩ jaŋ chei ʋ kala gbelem gbelem.

JƐRƖMAAYA 4:6

Má hɛ duoso pɩ nɩaa dɩ ba fá mʋ Jerusalɛm. Má fá a laa ma tɩtɩa, má sɩ́ dienu. Mɩ kɛŋ wʋlɔrʋŋ nɛ lɩɩ wɩɩpɔsʋŋ nagʋa dɩɩrɩŋ kʋkɔ, ʋ ŋaa wʋlɔrʋ sɩ bɩ bana kɛnɛ.”

JƐRƖMAAYA 9:18

Leŋ dɩ ba ŋaa lɩma kɔ a kʋ yel hagɔgʋŋ pɩla, a mʋ yi bʋa-la lɛ la sɩaa sɩ jaŋ pɩpɛllɛ arɩ sɩlɩɩrɩŋ, dɩ la sɩaa kala ŋaa lɩɩ.

JEMBIEE 3:47

La dʋndɔŋŋɔɔ cheila nɛ, ka la jaŋ pɩŋ jikpeeŋ. La tuu buotuonuŋ nɛ, fawʋllʋŋ faasa jʋʋla.”

ƐZƖKƖƐL 14:21

Wɩɩ-la mɩ-na ma TƖƖNA Wɩɩjarɩbakɔ sɩɩ bʋl nɛ ŋ-la: Ʋ jaŋ ŋaa wʋlɔrʋ a pɩ Jerusalɛm nɩaa dɩ mɩ nɛ joŋ wɩaa deemba banɛsɛ dɔgɩsɛba: laalɩŋ, losuŋ, baga kɩaa arɩ nyanyal bɔŋŋɔɔ, dɩ ba kpʋ ʋ nɩaa arɩ ʋ pʋsʋŋ.

JOWƐL 1:15

Tapʋlɩɩ-la kpaga nɛ. La TƖƖNA tapʋlʋŋ kpaga nɛ, doluŋ kala Tɩɩna jaŋ chei leriŋ tapʋlɩɩ-la.

LEVI DOHO NƖAA 26:18

Dɩ wɩaa deemba kala nɛ ŋaa ma lɛ, ka ma ha bɩ jaŋ jegile nɩɩ mɩ teeŋ, mɩ jaŋ dɔgɩsɛma a magɛ ŋɩɩ naansɩɩŋ bʋlɩpɛ, a tɩŋ ma wʋbɔŋŋɔɔ wɩaa.

LEVI DOHO NƖAA 26:21

Dɩ ma nɛ ha vɩamɛ a bɩ jegile nɩɩ mɩ teeŋ, mɩ jaŋ joŋ wʋlɔrʋnʋ-la mɩ fa sɩ sɩ mɩ jaŋ joŋo hɛ ma lɛ a magɛ ŋɩɩ naansɩɩŋ bʋlɩpɛ a hɛ ma lɛ, a tɩŋ ma wʋbɔŋŋɔɔ wɩaa.

LEVI DOHO NƖAA 26:24

mɩ jaŋ leŋ dɩ ma na hɛɛŋ a kɩɩ ŋɩɩ naansɩɩŋ bʋlɩpɛ a tɩŋ ma wʋbɔmɔ-la wɩaa.

LEVI DOHO NƖAA 26:28

mɩ baanɩŋ jaŋ sii ma nyuŋ dɩ mɩ dɔgɩsɛ ma a kɩɩ ŋɩɩ naansɩɩŋ bʋlɩpɛ, a tɩŋ ma wʋbɔmɔ-la wɩaa.

HABAKU 3:7

Mɩ na dɩ fawʋllʋŋ kɛŋ Kusa nɩaa ba lɛŋŋɛɛ lɛ, Midiaŋ nɩaa ma chichel ba dɩjʋʋlʋŋ.

NAMBABA 16:21

“Má lɩɩ nɩalɩŋ tʋɔŋ ka dɩ mɩ dɛrɛba lɛɛlɛ.”

NAMBABA 16:45

“Má sʋrɩsa lɩɩ nɩalɩŋ tʋɔŋ, ka dɩ mɩ kpʋ ba kala lɛɛlɛ.” Ŋɩɩ nɛ ba tuu tele chu tinteeŋ.

Matiu 10:28

Ŋɩɩ nɛ Yesu bɩra bʋl, “Má sɩ́ nɩalɩŋ sɩ jaŋ wuo kpʋ ma yaraa fá, nɩaa deemba bɩ ma dɩma wuo kpʋ. Ama má fá Wɩa. Ʋ nɛ kɛŋ doluŋ dɩ ʋ wuo joŋ ma yaraa arɩ ma dɩnsɩŋ kala a hɛ Wɩa nyiniŋ tʋɔŋ. Mɩ bʋlaa pɩma, má fɩfáʋ.

2 Tɛsalonaaka Nɩaa 1:9

Wɩa jaŋ cheiba a kaa mʋ wuu. Ba bɩ jaŋ wuo mʋ La Tɩɩna Yesu teeŋ. Ba bɩra bɩ jaŋ wuo na ʋ tʋla arɩ ʋ doluŋ.