JƐRƖMAAYA 4:19 - WƖA TENIŊ

¹⁹ Mɩɩ na hɛɛŋ nɛ, hɛɛŋ kɛmmɛ nɛ mɩ mɩmɩlɩmɛ. Mɩ tʋɔŋ kala nɛ cheye. Mɩ bɔyɛ ka joŋ nɛ, mɩ bɩ mɩ niiŋ wuo tɔrɛ. Mɩ nɩɩ banyile ba sɩ ŋmʋa nɛ. Mɩ nɩɩ laalɩyuori goŋ-la ma ba sɩ ŋaa nɛ.

JƐRƖMAAYA 4:19 ပူးပေါင်းရင်းမြစ်များ

WƖAA DƖ-SUOMUŊ 49:6

Mɩ bɩ jaŋ joŋ mɩ nɩsɩŋ hɛ ba wʋlʋara vʋʋraa lɛ, bɛɛ wɩaa ba yie na baanɩŋ a kpʋkpʋ nɩaa aŋ pɛ bubolimi nɩaa pʋsʋŋ ba tʋɔtɔrʋŋ lɛ.

2 KUOROO 4:19

Bile ŋmoo niiŋ a bʋla pɩ ʋ nyɩmma, “Mɩ nyuŋ nɩɩ wɩɩ, mɩ nyuŋ nɩɩ wɩɩ.” Ʋ nyɩmma bʋla pɩ ʋ tɩntɩnnaa dɔŋɔ, “Kɛnʋ kaa mʋ pɩ ʋ naaŋ.”

2 KUOROO 8:11

Ŋɩɩ nɛ Elaasa beŋ Hazɛɛl ŋɩɩ jim, hɩɩsɩŋ kɛŋ Hazɛɛl. Ŋɩɩ nɛ Elaasa suomo yiyel.

WƖA YƖƖLAA 103:1

Mɩɩ dɛnnɛ La Tɩɩna nɛ, mɩ kɛŋ mɩ tʋɔŋ kala nɛ, a dɩdɛnnɛ ʋ yɩrɩ zɔmʋŋ.

WƖA YƖƖLAA 116:7

Mɩ jaŋ bɩra ta jɩa, bɛɛ wɩaa La Tɩɩna kɛmmɛ woruŋ nɛ.

WƖA YƖƖLAA 119:136

Dɩ nɩaa nɛ vɩa dɩ ba to wombii-la ŋ sɩ bile dɩ la tuto, ŋɩɩ yie leŋ mɩ yel nɛ, mɩ sɩaa kala fo sɩlɩɩrɩŋ.

WƖA YƖƖLAA 119:53

Dɩ mɩ nɛ na nɩbɔŋŋɔɔ dɩ baa chei ŋ wombii-la ŋ sɩ bile dɩ la tuto, mɩ baanɩŋ yie chaasaa sii nɛ.

WƖA YƖƖLAA 146:1

Má dɛnnɛ La Tɩɩna. Mɩ dɩma, dɛnnɛ La Tɩɩna.

WƖA YƖƖLAA 16:2

Mɩ bʋla pɩ La Tɩɩna, “Ŋ nɛ mɩ Tɩɩna, kʋzɔmɔ-la kala mɩ sɩ kɛnɛ, ŋ nɛ pɩmɛ.”

AZAAYA 15:5

Mɩ tʋɔŋ ka wɩɩ Mʋab wɩaa nɛ, ʋ nɩaa kala lɩɩ fá nɛ a mʋmʋ tasɩ-la ba sɩɩ yɩrɛ Zʋa arɩ Ɛgɩlaf Sɛlɩsɩya sɩ hɛ dɩ-bolii, dɩ ba laa ba mɩɩsɩŋ. Ba dɔnsʋŋ jɩla joŋ wombiiŋ nɛ a yele mʋmʋ taŋ-la ba sɩɩ yɩrɛ Luhif, ka dɔnsʋŋ ma joŋ wombii-la sɩɩ mʋ taŋ-la ba sɩɩ yɩrɛ Horonem a faasa yele mʋmʋ a tɩŋ ba sɩ chei ba tinteeŋ wɩaa.

AZAAYA 16:11

Mɩ tʋɔŋ cheye nɛ woruŋ mɩ yiyel a tɩŋ Mʋab tinteeŋ arɩ taŋ-la ba sɩɩ yɩrɛ Kii Harɛsɛf wɩaa.

AZAAYA 21:3

Wɩɩ-la mɩ sɩ na arɩ wɩɩ-la mɩ sɩ nɩa leŋe fawʋllʋŋ kɛmmɛ nɛ, hɛɛŋ jʋʋmɛ nɛ, a nagɛ haala sɩɩ chɛ ʋ lʋl ʋ luoruŋ wʋwɩɩ ŋɩɩ.

AZAAYA 21:4

Mɩ nyuŋ kala wʋwɩɩ, fawʋllʋŋ ma kɛmmɛ mɩ kala chichel. Dɩdaanɩŋ ma mɩ sɩ bɩɩna ʋ jaŋ kpɩa, ʋ nɛ mɩɩra lɔrɔ pɩmɛ.

AZAAYA 22:4

Ŋɩɩ nɛ mɩ bʋl, “Má mʋ aŋ lemmi, dɩ mɩ chaasa yel. Má sɩ́ mɩ bɔyɛ nyagʋ a mʋ tɩgɛ mɩ nɩalɩŋ ba sɩ kpʋa wɩaa.”

JƐRƖMAAYA 13:17

Ama dɩ ma nɛ bɩ jegile nɩɩ, mɩ jaŋ lʋara yel a tɩŋ ma babii-ballɩŋ wɩaa. Mɩ jaŋ chaasa yel woruŋ, dɩ mɩ sɩaa pɩpɛllɛ sɩlɩɩrɩŋ, bɛɛ wɩaa ba jaŋ yuo kɛsɛ La TƖƖNA nɩaa kaa viiri.

JƐRƖMAAYA 20:9

Ama dɩ mɩ nɛ sɩ, “Mɩ bɩ jaŋ yɩrɛ ʋ yɩrɩŋ koo a bʋl wɩaa ʋ yɩrɩŋ lɛ,” ʋ niiŋ wɩaa sɩ hɛ mɩ tʋɔŋ lɛ yie nagɛ nyiniŋ a nyɩnyɩgɛmɛ. Mɩ lɔlɔ nɛ arɩ wɩalɩŋ sɩ hɛ mɩ tʋɔŋ lɛ. Wʋtɩtɩɩ, mɩ bɩ jaŋ wuo.

JƐRƖMAAYA 23:9

A mʋ tɩgɛ Wɩa wʋlaabʋlla-la lɛ, mɩ tʋɔŋ kala chaasa vʋgʋmɛ nɛ, mɩ yaraa kala chichel. Mɩ nagɛ nɩa sɩ nyʋa sɩnɩŋ nɛ, nɩa sɩ nyʋa sɩnɩŋ a chaasa bugi, a tɩŋ La TƖƖNA arɩ ʋ niiŋ wɩaa sɩ bɩ disiniŋ kɛnɛ wɩaa.

JƐRƖMAAYA 4:21

Ɛɛ nɛ mɩɩ chɛ dɩ mɩ na laalɩŋ sɩ hoso, aŋ pɛ nɩɩ ba sɩɩ ŋmʋʋ banyile ma a diene magɛ?

JƐRƖMAAYA 4:5

Má heele bʋla pɩ Juda arɩ Jerusalɛm nɩaa, má ŋmʋʋ banyile tintee-la kala lɛ. Má faasa kpɩa a bʋl, ‘Má kʋ hɛ dɔŋɔ. Má leŋ la fá mʋ tabala-la ba sɩ saa kɛrɩsɩŋ golli.’

JƐRƖMAAYA 42:14

aŋ bʋl, ‘Aɩ, la jaŋ mʋ hɔŋ Ijipiti tinteeŋ lɛ, lee-la la sɩ bɩ jaŋ na laalɩŋ koo a nɩɩ laalɩyuori goŋ koo dɩ losuŋ kɛnla.’

JƐRƖMAAYA 49:2

Ama tapʋlaa ka kɔ nɛ, dɩ mɩ ŋaa laalɩyuori goŋ ma Mʋab tɩŋŋaa tabalɩŋ Raba nyuŋ. Ʋ jaŋ bɩrɩmɛ jikpeeŋ, ka dɩ ba nyɩgɛ tabiisi-la kala sɩ gollu. Ŋɩɩ nɛ Iziral tɩŋŋaa ma jaŋ kiri nɩalɩŋ fa sɩ kiriba ta, mɩ-na ma TƖƖNA nɛ bʋla.

JƐRƖMAAYA 50:22

Laalɩyuori goŋ nɛ hɛ tinteeŋ lɛ, leriŋ nɛ ba chei a faasa ŋɩŋaa goŋ.

JƐRƖMAAYA 6:24

La nɩɩ la dʋndɔmɔ-la wɩaa nɛ, ŋɩɩ leŋ la nandaasɩŋ yʋɔrɛ. Hɛɛŋ chaasa jʋʋla nɛ, a nagɛ haala sɩɩ chɛ dɩ ʋ lʋl ʋ luoruŋ wʋwɩɩ.

JƐRƖMAAYA 8:18

Jɛrɩmaaya bʋl, “Mɩ tʋɔŋ cheye yʋgɛ nɛ, nʋʋ bɩ mɩ bɔyɛ wuo nyagɛ, mɩ daagaa chaasa viisi nɛ.

JƐRƖMAAYA 8:21

Mɩ tʋɔŋ faasa chei nɛ a tɩŋ mɩ nɩaa tʋɔŋ sɩ cheye wɩaa. Mɩ yel, aŋ tuo bibeŋ.

JƐRƖMAAYA 9:1

Mɩ fa cho dɩ mɩ nyuŋ nagɛ lɩɩ-bul-sɩɩŋ nɛ dɩ mɩ sɩaa ma fa bubul sɩlɩɩrɩŋ. Mɩ fa jaŋ yel tɩtaŋɩŋ arɩ wɩɩhɛyɛ kala a tɩŋ ba sɩ kpʋ mɩ nɩaa wɩaa.

JƐRƖMAAYA 9:10

Ŋɩɩ nɛ mɩ bʋl, “Mɩ jaŋ yele pɩ peelee aŋ ta jembiiŋ tɩgɛ ba pʋsʋŋ dɩ-diilee lɛ. Ba pɩna nɛ hoi, nʋʋkala bɩ nɩmɛ ka vɛŋ, ŋ bɩra bɩ nɛsɩŋ yele ka nɩɩ nɩmɛ. Diibiisiŋ kala file lɛl nɛ, bagɩlaa ma fá viiri.”

JEMBIEE 1:16

Ŋɩɩ nɛ tɩɩ mɩ yel, mɩ sɩaa kala pɩpɛllɛ sɩlɩɩrɩŋ. Nʋʋkala bɩ kpaga dɩ ʋ nyagɛ mɩ bɔyɛ, nʋʋ ma tuo dɩ ʋ ŋaa dɩ mɩ tʋɔŋ pɩŋ dɩ-bala. Mɩ biiriŋ bɩra bɩ kʋŋ kɛnɛ, bɛɛ wɩaa mɩ dʋndɔŋŋɔɔ yuo diiba nɛ.”

JEMBIEE 1:20

“La TƖƖNA, na ŋɩɩ mɩ tʋɔŋ sɩ faasa chei, hɛɛŋ chaasa jʋʋmɛ nɛ. Mɩ tʋɔbɩɩnaa wʋwalɩmɛmɛ, bɛɛ wɩaa mɩ vɩa ŋ niiŋ a mʋ kieli nɛ. Ba kpʋ mɩ nɩaa jeeŋ harɩŋ nɛ, dɩa tʋɔŋ-na paala nagɛ lɛlɛɛ-jaŋ nɛ.

JEMBIEE 2:11

Mɩ yele, mɩ sɩaa bɩra bɩ na, mɩ tʋɔŋ kala chei. Mɩ kala nɛ bɛsɩmɛ arɩ tʋɔ-cheeŋ a tɩŋ ba sɩ chei mɩ nɩaa wɩaa. Hambiisiŋ arɩ bii-mulluŋ yiege nɛ a pɩŋ tabal-la womporunuŋ lɛ.

DANƖƐL 4:19

Ŋɩɩ nɛ Danɩɛl (ba sɩ kaa yɩrɛ Bɛlɩtɛsaza) tʋɔŋ faasa chei a dieni mʋa. Ʋ tʋɔbɩɩnaa leŋ fawʋllʋŋ kɛnʋ. Kuoro bʋl, “Bɛlɩtɛsaza, sɩ́ leŋe dɩ duoso-la koo ʋ bʋbʋɔŋ leŋ dɩ fawʋllʋŋ kɛnɩŋ.” Bɛlɩtɛsaza ma bʋl, “Mɩ nɩhɩaŋ, mɩ fa cho dɩ duoso-la ŋaa nɩalɩŋ sɩ bɛrɩŋ wɩɩ nɛ, dɩ wɩɩ-la duoso-la sɩɩ dagʋ ma ŋaa ŋ dʋndɔŋŋɔɔ lɛ.

DANƖƐL 7:15

Mɩ-na Danɩɛl sɩ duoso na wɩalɩŋ, ba chaasa walɩmɛmɛ nɛ woruŋ.

DANƖƐL 7:28

Wɩɩ-la dɩdɛrɩŋ nɛ ŋ-la. Mɩ-na Danɩɛl tʋɔbɩɩnaa walɩmɛmɛ nɛ woruŋ, mɩ sɩaa biri, ka mɩ joŋ wɩɩ-la hɛ mɩ tʋɔŋ lɛ.

DANƖƐL 8:27

Wɩɩŋ deeŋ harɩŋ, mɩ-na Danɩɛl bɛsɩmɛ nɛ a pɩŋ nyanyalaa a yi tapʋlɩa. Ŋɩɩ nɛ mɩ bɩra sii a tɩtɩŋ kuoro tɩntɩŋŋaa. Wɩalɩŋ mɩ sɩ na a nagɛ duosoo tʋɔŋ fa kperimi nɛ. Mɩ fa bɩ ba bʋbʋɔŋ jɩŋ.

AMƆS 3:6

Ba jaŋ wuo ŋmʋʋ laalɩŋ banyile taŋ lɛ ka fawʋllʋŋ bɩ nɩaa ka kɛŋ? Wʋlɔrʋŋ jaŋ wuo ŋaa taŋ lɛ, dɩ mɩ-na ma Tɩɩna dee bɩ kaa kɔ?

HABAKU 3:16

Mɩ nɩɩ wɩaa deemba kala nɛ a chichel, mɩ niipinee ŋmuŋmoo dɔŋɔ, mɩ yaraa kala sʋʋ, mɩ naasɩŋ chichel. Ama mɩ jaŋ dii kenyiri aŋ gbɛrɛ tapʋlɩɩ-la wʋbɔŋŋɔɔ sɩ jaŋ jʋʋ tinteye-la sɩ kʋ tɔla hɩhɛ.

NAMBABA 10:9

Dɩ ma nɛ hɛ ma tinteeŋ lɛ dɩ laalɩŋ sii ma dɩ ma dʋndɔmɔ-la sɩɩ fʋgɛma pɛgɛ, má faasa ŋmʋʋ banyilli-la, mɩ-na ma TƖƖNA Wɩa jaŋ nɩɩ a laama ta ma dʋndɔŋŋɔɔ nɩsɩŋ lɛ.

Rom Tɩŋŋaa 10:1

Mɩ naambiiriŋ, mɩ tʋɔŋ lɛ mɩ faasa cho dɩ Wɩa laa Juu tɩŋŋaa ta nɛ. Mɩ yie chʋɔlɛ Wɩa pɩpɩba arɩ sɩɩfɩɛsɩŋ nɛ.

1 Kɔrɩntɩ Nɩaa 14:8

Dɩ ba nɩɩ du pampam tʋa, dɩ ba nɛ bɩ ʋ dunuŋ duo, nʋʋkala bɩ jaŋ wuo jɩŋ arɩ wɩɩ nɛ ŋaa ba yɩyɩrɛ nɩaa.

Galiisia Nɩaa 4:19

Mɩ bii chooloo, ma wɩaa ka wɩɩmɛ nɛ woruŋ, a nagɛ haala sɩɩ chɛ dɩ ʋ lʋl ʋ luoruŋ wʋwɩɩ ŋɩɩ. Ma wɩaa jaŋ wɩwɩɩmɛ ŋɩɩ halɩɩ, see dɩ ma bɩrɩma a nagɛ Kirisito sɩ nagɛ ŋɩɩ.

SƖPAALAARAA 5:21

Fuo-jɩna-la ba sɩɩ yɩrɛ Kɩsɔŋ, pɛllɛ paa Sɩsɛra nɩaa viiri nɛ. Mɩ jaŋ vɛŋ, a vɛŋ arɩ doluŋ.