JƐRƖMAAYA 4:17 - WƖA TENIŊ

¹⁷ Ba kʋ golli Jerusalɛm ma chu a nagɛ nɩaa sɩ chɩna pɔ baga nɛ, bɛɛ wɩaa ʋ nɩaa vɩa La TƖƖNA nɛ. La Tɩɩna nɛ bʋla.

JƐRƖMAAYA 4:17 ပူးပေါင်းရင်းမြစ်များ

NƐHƖMAAYA 9:26

Ama ba vɩa ŋ niiŋ nɛ a lɩɩ ŋ harɩŋ, a joŋ harɩŋ yɩa ŋ wombiiŋ ŋ sɩ bile dɩ ba tuto. Ba kpʋ ŋ wʋlaabʋllaa nɛ, nɩalɩŋ sɩ bʋl wɩaa kpʋrɩsɛ ba dɩgɩlaa dɩ ba mɩɩra kʋ toŋ. Ba chaasa tʋʋsɛ ŋ joŋoo nɛ.

NƐHƖMAAYA 9:30

Jɩ-daŋ nɛ ŋ kɛŋ kenyiri arɩ ba. Ŋ Dɩma to ŋ wʋlaabʋllaa lɛ nɛ a bʋl wɩaa chagɩlɛba. Ama ba bɩ jegile nɩɩ, ŋɩɩ nɛ ŋ jomba hɛ tintee-wogusuŋ nɩaa nɩsɩŋ lɛ.

AZAAYA 1:8

Jerusalɛm dʋndʋŋa nɛ ka a nagɛ lɛbɩŋ sɩ chɩŋ tɩɩnɛnɛɛ baga lɛ, a nagɛ lɛbɩŋ sɩ chɩŋ kaŋkɩɛsɩŋ baga lɛ, a nagɛ taŋ dʋndɔŋŋɔɔ sɩ gollo chu.

AZAAYA 30:9

Ba ŋaa nɩa sɩ vɩa wɩalɩŋ La TƖƖNA sɩ daga nɛ. Ba ŋaa wʋnyɩɛraa nɛ. Ba bɩ chɛ dɩ ba jegile nɩɩ wɩalɩŋ ʋ sɩɩ dagɛba.

JƐRƖMAAYA 5:23

Ama nɩaa deemba kɛŋ nyuduoŋ nɛ, a bɩ dagɩŋ ka nɩɩ. Ba fa vɩamɛ nɛ a joŋ harɩŋ yɩamɛ.

JƐRƖMAAYA 52:4

Ʋ sɩ dii kuoruŋ ʋ jɩsɩŋ nibi, chɛŋ fii, tapʋl fii lɛ Babɩlɔŋ kuoro Nebukadineza sii kɛsɛ ʋ laalɩyuoroo kala ba kʋ yuo Jerusalɛm. Ba fa ŋmoo buguŋ tabal-la harɩŋ nɛ aŋ saa vaŋkumba a golli tabal-la kɛrɛ ba sɩ jaŋ to jʋʋ tabal-la tʋɔŋ.

JEMBIEE 1:18

La TƖƖNA ŋaa tʋɔpʋl Tɩɩna nɛ, ka mɩ pɛ vɩa wɩalɩŋ ʋ sɩ daga. Nʋʋkala jegili mɩ teeŋ, má bee na hɛɛ-la mɩ sɩɩ na. Mɩ bapʋɔsaa arɩ mɩ hatoloo kala nɛ ba kɛsɛ mʋ yoŋ-baga.

JEMBIEE 1:8

Jerusalɛm nɩaa ŋaa wʋbɔŋŋɔɔ kɩŋkɛŋ nɛ, ŋɩɩ leŋ ʋ kɛŋ disiniŋ. Nɩalɩŋ kala fa sɩɩ zilu mɩɩra kɛnʋ gbigbesi nɛ, bɛɛ wɩaa ba na ʋ bʋbʋɔŋ kala nɛ. Ʋ tɩtɩa hʋʋnɛ aŋ gʋrɛ nyuŋ.

MOSIS BƖRA WULLI WƖA WOMBIIŊ 9:24

Mɩ sɩ jɩmma faafaa kala, ma paala bɩ La TƖƖNA niiŋ wɩaa ka nɩɩ.