JƐRƖMAAYA 4:16 - WƖA TENIŊ

¹⁶ Má bʋl wɩɩŋ deeŋ pɩ tinteyee nɩaa, má heele bʋla pɩ Jerusalɛm nɩaa. Laalɩyuoroo sɩ golli tasɩŋ chu a yuyuo nɛ lɩɩ tintee bolii a kʋkɔ, a ŋɩŋaa laalɩyuori goŋ dɩ ba yuo Juda tabalaa.

JƐRƖMAAYA 4:16 ပူးပေါင်းရင်းမြစ်များ

AZAAYA 34:1

Má kɔ, ma tinteyee nɩaa kala a jegili, nʋʋkala jegile nɩɩ. Má leŋ dɩ kʋŋ na-kala sɩ hɛ dʋnɩa lɛ nɩɩ.

AZAAYA 39:3

Ŋɩɩ nɛ Azaaya, Wɩa wʋlaabʋllʋ-la kɔ kuoro Hezikaaya teeŋ a pɩɛsʋ, “Nɩɩ nɛ nɩalɩŋ sɩ kɔ ŋ teeŋ lɩɩ? Wʋbɛɛ nɛ ba kʋ bʋl?” Ŋɩɩ nɛ Hezikaaya sɩ, “Ba lɩɩ dɩ-bolii nɛ, Babɩlɔŋ nɛ ba lɩɩ.”

JƐRƖMAAYA 1:15

Mɩɩ chɛ mɩ yɩrɛ wɩɩpɔsʋŋ nagʋa dɩɩrɩŋ tinteeŋ nɩaa nɛ. Ba kuoroo jaŋ kɔ a bil ba kuoru kpasɩnɩŋ Jerusalɛm boi-baalaa niiŋ. Ba jaŋ golli ma kɛrɛsɩŋ chu a yuo Juda tasɩŋ kala. Mɩ-na ma TƖƖNA nɛ bʋla.

JƐRƖMAAYA 16:6

Nɩbalaa arɩ nɩbiisiŋ kala jaŋ sʋʋ tinteeŋ deeŋ lɛ. Ba bɩ jaŋ hugiba koo a yel ba yosuŋ. Nʋʋkala bɩ jaŋ tɩŋ ba wɩaa a kpɛrɛ ʋ tɩtɩa koo a fʋŋ ʋ nyuŋ.

JƐRƖMAAYA 2:15

Ma dʋndɔŋŋɔɔ ŋaa goŋ nɛ ma nyuŋ a nagɛ naachigee sɩ yele, ba chei ma tinteeŋ nɛ. Ma tasɩŋ kala nɛ nyiniŋ dii, ba lɩɩ vɩa ta.

JƐRƖMAAYA 31:10

Tinteyee nɩaa, má jegile nɩɩ mɩ-na ma TƖƖNA wɩaa. Má heele bʋlba a pɩ nɩalɩŋ sɩ hɔŋ mʋgʋ-balɩŋ niiŋ dɩ-bolii. Mɩ-na nɛ kɛŋ Iziral tɩŋŋaa pɩsɛ, mɩ saa jaŋ bɩra kɛmba kʋ hɛ dɔŋɔ. Mɩ jaŋ beŋ mɩ nɩaa nyuŋ a nagɛ pie-daara sɩɩ beŋ ʋ piesee ŋɩɩ.”

JƐRƖMAAYA 39:1

Ŋ-la nɛ ba to a yuo dii Jerusalɛm: Zedikaaya sɩ dii Juda tinteeŋ kuoruŋ, ʋ jɩsɩŋ nibi tʋɔŋ chɛŋ fii lɛ nɛ, Babɩlɔŋ kuoro Nebukadineza arɩ ʋ laalɩyuoroo kala sii mʋ yuo Jerusalɛm a gollu chu.

JƐRƖMAAYA 4:17

Ba kʋ golli Jerusalɛm ma chu a nagɛ nɩaa sɩ chɩna pɔ baga nɛ, bɛɛ wɩaa ʋ nɩaa vɩa La TƖƖNA nɛ. La Tɩɩna nɛ bʋla.

JƐRƖMAAYA 5:15

La TƖƖNA bɩra sɩ, “Ou, Iziral tɩmma, Mɩ kɛŋ tintee dɔŋ nɩaa nɛ a lɩɩ dɩ-bolii a kʋkɔ dɩ mɩ hɛ ma lɛ. Tintee-la nɩaa hɛ nɩmɛ faafaa kala nɛ a kɛŋ doluŋ woruŋ. Ma bɩ ba yikoro jɩŋ. Ma bɩ ba wʋbʋlʋŋ ma ka nɩɩ.

JƐRƖMAAYA 5:6

Ŋɩɩ wɩaa, naachigiŋ jaŋ lɩɩ duuŋ tʋɔŋ a kʋ kpʋba. Guŋguro jaŋ lɩɩ tintee-hɩlɩŋ a kʋ kɛmba pʋɔsɛ. Kpeye jaŋ faa kpagɛ ba tasɩŋ a gbɛrɛba, dɩ nʋʋkala nɛ kʋ lɩɩ, ʋ jaŋ kɛnʋ pʋɔsɛ. Ba chaasa vɩa La TƖƖNA nɛ, wɩalɩŋ ba sɩ ŋaa chei yʋga nɛ.

JƐRƖMAAYA 50:2

“Heele bʋl tinteyee tʋɔŋ, kɛŋ jɔnjɔŋ je a heele bʋlʋ, sɩ́ wɩɩkala joŋo faa, ama bʋl, ‘Ba jaŋ yuo dii Babɩlɔŋ. Ba jaŋ hɛ vene-la ba sɩɩ yɩrɛ Bɛl hɩɩsɩŋ, fawʋllʋŋ jaŋ faasa jʋʋ vene-la ba sɩɩ yɩrɛ Maduk. Ʋ kɩalɩŋ ba sɩ mɛ kala jaŋ dii hɩɩsɩŋ dɩ fawʋllʋŋ faasa kɛŋ ba tɔŋŋɔɔ.’

JƐRƖMAAYA 6:18

Ŋɩɩ wɩaa tinteyee nɩaa, má jegile nɩɩ, máa beŋ, a na wɩɩ-la mɩ sɩ jaŋ ŋaa mɩ nɩaa lɛ.

JƐRƖMAAYA 6:19

Tinteeŋ nɩaa, má jegile nɩɩ. Mɩ kɛŋ wʋlɔrʋ nɛ a kʋkɔ dɩ mɩ hɛ nɩaa deemba lɛ, a tɩŋ ba wʋŋaalaa wɩaa. Ba bɩ jegile nɩɩ mɩ niiŋ wɩaa, aŋ vɩa mɩ wombie-la mɩ sɩ bile dɩ ba tuto.

JƐRƖMAAYA 6:22

Wɩɩ-la La TƖƖNA sɩ bʋla nɛ ŋ-la: “Má bee na laalɩyuoroo nɛ lɩɩ wɩɩpɔsʋŋ nagʋa dɩɩrɩŋ tinteeŋ kʋkɔ. Tintee-la nɩaa sɩ faasa kɛŋ doluŋ nɛ ba koso kʋkɔ ba hɛ ma lɛ, ba lɩɩ dɩ-bolii kʋkɔ.

JƐRƖMAAYA 6:23

Ba nyɩgɩla nɛ a kori tosuŋ arɩ ba tiŋŋee, ba ŋaa laalɩyuori tʋɔhɛɩ tɩmma nɛ, a bɩ nɩaa nenige ka fá. Ba sɩ jɩl ba janɩŋ, ba dɔmɔ nagɛ mʋgʋ-balɩŋ sɩɩ huuru nɛ. Ba ŋaa nɩaa sɩ nyɩgɩla dɩ ba yuo laalɩŋ nɛ a kɔ dɩ ba yuo ŋ-na Jerusalɛm.”

JƐRƖMAAYA 8:19

Jegile nɩɩ mɩ nɩaa nii-ŋmobo tintee-bolii-la lɛ. La TƖƖNA tuo Zaayɔŋ lɛɛ? Ʋ kuoru-balɩŋ bɩra tuoo?” La TƖƖNA pɩɛsɛ “Bɛɛ nɛ tɩɩ ba kɛŋ kɩalɩŋ ba sɩ mɛ ŋaa mɩ baanɩŋ sii, ba vʋɩ-pɛɩba-la ba sɩ kaa lɩɩ tawogusuŋ?”

ƐZƖKƖƐL 21:22

To-hɛŋ-la sɩ hɛ ʋ nadiiŋ nɩsɩŋ lɛ nɛ ʋ jaŋ kaa tɔnsɔ lɩɩsɛ Jerusalɛm. Ŋɩɩ nɛ ba jaŋ ŋaa laalɩyuori goŋ, a pa wombiiŋ dɩ ba kpʋ nɩaa, a ŋaa doloo ma ba sɩ jaŋ kaa ŋmoo boi-baalaa lo, aŋ saa lusuŋ-chol-sɩaa a tɩgɛ jebii-la lɛ, a paa kɩaa bil dɩ ba sii je dɩ ba chɩŋ ba lɛ aŋ bibeŋ taŋ-la kala.