JƐRƖMAAYA 4:14 - WƖA TENIŊ

¹⁴ Jerusalɛm nɩaa, má chɛsɛ wʋbɔmɔ-la sɩ hɛ ma tʋɔŋ lɛ ta, ka dɩ La TƖƖNA laama ta. Ɛɛ nɛ maa chɛ dɩ ma laa wʋbɔŋŋɔɔ hɛ ma tʋɔŋ lɛ a diene magɛ?

JƐRƖMAAYA 4:14 ပူးပေါင်းရင်းမြစ်များ

WƖA YƖƖLAA 119:113

Mɩ bɛrɛ nɩalɩŋ sɩ kɛŋ tʋɔsaa balɩa nɛ, ama mɩ cho wombii-la ŋ sɩ bile dɩ la tuto nɛ.

WƖA YƖƖLAA 51:2

Chɛsɛ mɩ wʋbɔŋŋɔɔ kala ta, aŋ sɩ́ leŋe dɩ mɩ kɛŋ disiniŋ.

WƖA YƖƖLAA 66:18

Dɩ mɩ nɛ fa kɛŋ tʋɔbɩɩŋ bɔŋŋɔɔ, ʋ bɩ jaŋ laa mɩ sʋla.

NAMAGABA 1:22

“Nɩyaaraa, ɛɛ nɛ maa chɛ dɩ ma yaara diene magɛ? Ɛɛ nɛ maa chɛ dɩ ma sieri wʋjɩmɩŋ lɛ a diene magɛ? Ɛɛ nɛ maa chɛ dɩ ma bɛrɛ wʋjɩmɩŋ a diene magɛ?

AZAAYA 55:7

Nɩbɔŋŋɔɔ, má leŋ wʋbɔmɔ-la ma sɩɩ ŋaa, aŋ bɩrɩmɛ ma tʋɔbɩɩnaa. Má mɩɩra kɔ ma TƖƖNA Wɩa teeŋ, ʋ jaŋ fá ma nenige aŋ joŋ ma wʋbɔŋŋɔɔ chɛma lɩma.

JƐRƖMAAYA 13:27

a tɩŋ ma wʋchɔrʋmɔɔ arɩ ma sɩaa wʋchoolie-la ma sɩ hiine chɛ, arɩ hɩɩsɩ wɩalɩŋ ma sɩ ŋaa lɛ. Mɩ na wʋkɩsɩa-la ma sɩɩ ŋaa nɛ dundolluŋ arɩ bagɩsɩŋ lɛ. Jerusalɛm tɩmma, wɩɩŋ puuma. Ɛɛ nɛ maa chɛ dɩ ma kɛŋ disiniŋ a diene magɛ?”

JƐRƖMAAYA 17:1

La Tɩɩna sɩ, “Hɔɔŋ nɛ ba kaa ŋmʋnsɛ Juda wʋbɔmʋŋ. Hɔɔ-chʋlachʋla-bie nɛ ba kaa tuuri. Ba ŋmʋnsɛ wɩalɩŋ hɛ ba tʋɔŋ lɛ nɛ arɩ ba vʋɩ-kpaarɛ korunuŋ nyilliŋ lɛ.

JƐRƖMAAYA 18:11

Lɛɛlɛ bʋla pɩ Juda nɩaa arɩ ba nɩalɩŋ dɔnsʋŋ sɩ hɛ Jerusalɛm lɛ, ‘Wɩɩ-la mɩ-na ma TƖƖNA sɩ bʋla nɛ ŋ-la: Má bee na, mɩɩ bɩɩnɛ wɩɩ nɛ dɩ mɩ ŋaa ma lɛ. Wʋlɔrʋ nɛ mɩɩ bɩɩnɛ dɩ mɩ joŋo dɔgɩsɛma. Ŋɩɩ wɩaa má kʋŋkala bɩrɩma lɩɩ ma wʋbɔŋŋɔɔ lɛ. Ma bɩrɩmɛ ma mɛlɛ arɩ ma wʋŋaalaa.’

JƐRƖMAAYA 2:22

Dɩ ma nɛ paala kɛŋ sɛhɩyɛ arɩ chɛnfɛnnɛɛ yʋgɛ a fo ma tɩtɩa ma, mɩ haa na ma cheeriŋ sɩ hɛ ma lɛ nɛ. Mɩ-na ma TƖƖNA Wɩɩjarɩbakɔ nɛ bʋla.

JƐRƖMAAYA 6:19

Tinteeŋ nɩaa, má jegile nɩɩ. Mɩ kɛŋ wʋlɔrʋ nɛ a kʋkɔ dɩ mɩ hɛ nɩaa deemba lɛ, a tɩŋ ba wʋŋaalaa wɩaa. Ba bɩ jegile nɩɩ mɩ niiŋ wɩaa, aŋ vɩa mɩ wombie-la mɩ sɩ bile dɩ ba tuto.

ƐZƖKƖƐL 18:31

Má lɩɩsɛ ma tɩtɩa wʋbɔmɔ-la ma sɩɩ ŋaa lɛ, aŋ ka dɩ mɩ pɩma tʋɔ-falɩŋ arɩ dɩŋ-falɩŋ. Bɛɛ nɛ tɩɩ ma Iziral tɩŋŋaa cho dɩ ma sʋba?

ZƐKARƖYA 8:17

Má sɩ́ wʋbɔŋ bɩɩnʋ a mʋʋ tɩgɛ ma dɔŋɔ tɩɩna lɛ, a sɩ́ wɩaa nyɩɛ aŋ ŋmɩŋmɩɛsɛ. Mɩ bɛrɛ wɩaa deemba kala nɛ. Mɩ-na ma TƖƖNA nɛ bʋla.”

Matiu 12:33

Ŋɩɩ nɛ Yesu bɩra bʋl, “Dɩ ŋ nɩɩ chɛ tɩa nɛŋ nɛŋ-zɔŋŋɔɔ, see dɩ ŋ kɛŋ tɩa-la sɩ kɛŋ yarɩfɩɛlaa. Dɩ ŋ nɛ kɛŋ tɩa-la sɩ bɩ yarɩfɩɛlaa kɛnɛ, see dɩ ʋ nɩnɛŋ nɛŋ-lɔrʋnʋŋ. Tɩa nɛnɛɛ nɛ yie dagɛ tɩa-la doho ʋ sɩ ŋaa.

Luuk 11:39

Ŋɩɩ nɛ La Tɩɩna Yesu bʋla pʋ, “Ma-na Farisii tɩŋŋaa, ma yie chɛsɛ ma gbansɩŋ arɩ ma nyʋnyʋalʋsʋŋ harɩŋ woruŋ dɩ ba zɔŋ aŋ bɩ ba tʋɔŋ ka tiisi, ka ba tʋɔŋ kala birisi. Ma nagɛ nyʋnyʋalʋsʋŋ arɩ gbansɩŋ deemba nɛ. Ma yaraa nɛ zɔmɔ, ama ma tʋɔŋ lɛ ma kɛŋ yarɩ-bieriŋ arɩ tʋɔbɔmʋŋ.

Jɔɔŋ 13:9

Ŋɩɩ nɛ Pɩɩta bɩra bʋl, “Mɩ Tɩɩna, dɩ ŋɩɩ-na nɛ, sɩ́ mɩ naasɩŋ dʋndʋŋa sɔŋ, sɔŋ mɩ nyuŋ arɩ mɩ nɩsaa ma.”

Tɩntɩŋŋaa 8:22

Bɩrɩma lɩɩ wʋbɔmʋŋ deeŋ lɛ, aŋ sʋl La Tɩɩna Wɩa dɩ ʋ joŋ ŋ tʋɔbɩɩnaa deemba ŋ sɩ kɛnɛ ŋ tʋɔŋ lɛ a chɛŋ.

Rom Tɩŋŋaa 1:21

Ba jɩma Wɩa hɛ nɩmɛ nɛ, ama ba bɩ ʋ ka zil arɩ ʋ ŋaa Wɩa. Ba bɩ ʋ ka lɔllɛ. Ba tʋɔbɩɩnaa kala bɩrɩma nɛ ba ŋɩŋaa wʋlɩɩlɩŋ. Ba tʋɔbɩɩŋ lɔrʋnʋ-la kɛmba kaa mʋ hɛ birimiŋ tʋɔŋ.

1 Kɔrɩntɩ Nɩaa 3:20

Wɩa teniŋ sɛmɛ dɔŋɔ ma ba ŋmʋnsa arɩ wʋjɩnnaa tʋɔbɩɩnaa kala ŋaa pɛɩ nɛ.

Jeems 4:8

Má sʋrɩsa mʋ kpagɛ Wɩa, ʋ ma jaŋ kʋ kpagɛma. Má sɔŋ ma nɩsaa lɩɩsɛ wʋbɔŋŋɔɔ ŋaanɩŋ lɛ, a pʋllɛ ma tʋɔŋ, a bɩra sɩ́ tʋɔbɩɩŋ lɔrʋnʋŋ bɩɩnʋ, bɛɛ wɩaa ma kɛŋ tʋɔbɩɩnaa balɩa balɩa nɛ.