JƐRƖMAAYA 39:8 - WƖA TENIŊ

⁸ Babɩlɔŋ tɩmma-la chol nyiniŋ hɛ kuoro dɩa lɛ arɩ nɩalɩŋ dɩɩsɩŋ aŋ ŋmoo Jerusalɛm jebiee lo.

JƐRƖMAAYA 39:8 ပူးပေါင်းရင်းမြစ်များ

2 KUOROO 25:8

Nebukadineza sɩ dii kuoruŋ, ʋ jɩsɩŋ fii arɩ nibi, chɛŋ nɔŋ, tapʋl-pɛɩ lɛ, ŋɩɩ nɛ Nebuzaradaŋ sɩ ŋaa laalɩyuoro-la sɩɩ pɔ kuoro nɩhɩaŋ, aŋ pɛ ŋaa ʋ tɩntɩnnɩ-hɩaŋ kɔ Jerusalɛm.

2 IZIRAL TƖŊŊAA NAABARƖŊ 36:19

Ŋɩɩ nɛ ba chol nyiniŋ hɛ Wɩa dɩɩ-bal-la lɛ aŋ ŋmoo jebii-la sɩ golli Jerusalɛm lo a nyɩgɛ kuoru dɩɩsɩ-la a chei kʋzɔŋ na-kala sɩ hɛ nɩmɛ.

NƐHƖMAAYA 1:3

Ŋɩɩ nɛ ba bʋla pɩmɛ, “Nɩalɩŋ sɩ bɩ sʋba yoŋ-baga lɛ mɩɩra kɔ tintee-la nɛ a chaasa hɛ wʋwalɩmaa arɩ hɩɩsɩŋ tʋɔŋ. Jebii-la sɩ golli Jerusalɛm kala nɛ ba ŋmoo lo a nyɩgɛ ʋ boi-baalaa kala.”

WƖA YƖƖLAA 79:7

Ba nɛ kpʋ ŋ nɩaa, Jekɔb doho nɩaa, aŋ leŋ ba tinteeŋ pɩŋ jikpeeŋ.

AZAAYA 5:9

La TƖƖNA doluŋ kala Tɩɩna nɛ bʋla pɩmɛ, “Wʋtɩtɩɩ, ma dɩɩ-balaa deemba jaŋ pɩŋ hoi, ma dɩɩ-zɔmɔ-la jaŋ pɩŋ jikpeeŋ.

JƐRƖMAAYA 17:27

Ama dɩ ma nɛ bɩ mɩ niiŋ to a joŋ chɛ-wiesii-la dɩ ʋ ŋaa tapʋl-zɔŋ, aŋ chʋŋ kɩaa to boi-baala-la kʋʋ jʋʋ Jerusalɛm chɛ-wiesii-la chɛɛŋ, ŋɩɩ-na mɩ jaŋ chol nyiniŋ nʋʋ sɩ bɩ jaŋ wuo dɩsɛ a hɛ Jerusalɛm boi-baala-la lɛ dɩ ʋ dii Jerusalɛm dɩɩ-duoruŋ kala.”

JƐRƖMAAYA 21:10

La TƖƖNA bɩra sɩ, “Mɩ chaasa kɛŋ mɩ tʋɔŋ dɩ mɩ ŋaa wʋbɔŋ nɛ tabalɩŋ deeŋ lɛ, wʋzɔŋ dee. Mɩ jaŋ joŋu hɛ Babɩlɔŋ kuoro nɩsɩŋ lɛ, dɩ ʋ cheyu arɩ nyiniŋ.”

JƐRƖMAAYA 32:29

Babɩlɔŋ tɩmma-la sɩɩ yuo tabalɩŋ deeŋ jaŋ kʋ jʋʋ joŋ nyiniŋ hɛʋ. Ba jaŋ nyɩgʋ dɩ ʋ dii tel, a pɛ dɩɩsɩ-la nɩaa sɩ kaa ŋaa wɩaa mɩ baanɩŋ sii lɛ. Dɩɩsɩ-la nyuŋ nɛ ba nyɩgɛ kʋsʋɔrʋsʋŋ pɩpɩ vene-la ba sɩɩ yɩrɛ Baal, aŋ pɛ ŋaa kʋnyʋalaa Wɩɩsʋlʋŋ ma aa pɩ vesiŋ.

JƐRƖMAAYA 34:2

Wɩɩ-la La TƖƖNA, Iziral tɩŋŋaa Wɩa sɩ bʋla nɛ ŋ-la: Mʋ Juda tinteeŋ kuoro Zedikaaya teeŋ a bʋla pʋ, “Wɩɩ-la mɩ-na ma TƖƖNA sɩ bʋla nɛ ŋ-la: Mɩɩ chɛ mɩ joŋ tabalɩŋ deeŋ a hɛ Babɩlɔŋ kuoro nɩsɩŋ lɛ nɛ dɩ ʋ nyɩgʋ.

JƐRƖMAAYA 34:22

Mɩ-na ma TƖƖNA nɛ bʋla, mɩ jaŋ pa wombiiŋ, a kɛmba mɩɩra kɔ tabalɩŋ deeŋ. Ba jaŋ yuo laaʋ a nyɩgʋ dɩ ʋ dii tel. Mɩ jaŋ leŋ dɩ Juda tasɩŋ chei a pɩŋ, dɩ nʋʋkala sɩ́ wuo hɔŋ nɩmɛ.”

JƐRƖMAAYA 37:10

Dɩ ma nɛ fa paala yuo dii Babɩlɔŋ tɩŋŋaa laalɩyuoroo kala sɩɩ yuoma ma, aŋ ka ba nɩalɩŋ sɩ bolimo dʋndʋŋa ma ba lɛŋŋɛɛ lɛ, ba jaŋ wuo kʋ lɩɩ a nyɩgɛ tabalɩŋ deeŋ dɩ ʋ dii tel.”

JƐRƖMAAYA 38:18

Ama dɩ ŋ nɛ bɩ ŋ tɩtɩa joŋo hɛ ba nɩsɩŋ lɛ, La Tɩɩna jaŋ joŋ tabalɩŋ deeŋ hɛ Babɩlɔŋ nɩaa nɩsɩŋ lɛ dɩ ba nyɩgʋ dɩ ʋ dii tel. Ŋ ma tɩtɩa bɩ jaŋ fori ba nɩsɩŋ lɛ.”

JƐRƖMAAYA 5:10

Má gɔllɛ ʋ girep tɩɩsɩŋ bagɩsɩŋ a cheiba, ama má sɩ́ ba kala chei gbelem gbelem. Má keri ba naakelee ta, bɛɛ wɩaa nɩaa deemba bɩ mɩ-na ma TƖƖNA nɩaa ŋaa.

JƐRƖMAAYA 7:20

Ŋɩɩ wɩaa, wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Mɩ na baanɩŋ ba nyuŋ kɩŋkɛŋ nɛ, mɩ jaŋ joŋ mɩ baaŋ-la sɩ faasa sii fɩɩsɛ Juda nɩaa lɛ, ba pʋsʋŋ arɩ ba tɩɩsɩŋ arɩ ba kʋpɛrɛɛ lɛ. Mɩ baaŋ-la jaŋ nagɛ nyiŋ-la sɩ bɩ dɩsɛ a diiba.

JEMBIEE 1:10

Jerusalɛm dʋndɔmɔ kɛŋ ʋ dʋa kala laa nɛ. Ʋ na dɩ tinteye-la nɩaa sɩɩ kpaarɛ vʋɩyaa jʋʋ Wɩa dɩɩ-bal-la sɩ hɛ ʋ lɛ tʋɔŋ, nɩalɩŋ fa sɩɩ kɩsɛ dɩ ba jʋʋ lee-la ŋ nɩaa sɩɩ hilimu.

JEMBIEE 2:2

La TƖƖNA bɩ ba nenige fá aŋ chei lere-la kala Iziral tɩŋŋaa sɩɩ jʋʋ. Ʋ sɩ na baanɩŋ, ʋ yigi ʋ yigi Juda nɩaa dɩ-duoruŋ lo nɛ. Ʋ kɛŋ ba tinteeŋ arɩ ba sɩpaalaaraa muuri nɛ, a leŋ ba dii hɩɩsɩŋ.

JEMBIEE 2:7

La TƖƖNA vɩa ʋ koruŋ ta nɛ a leŋ ʋ dɩɩ-balɩŋ ma ta. Ʋ joŋ Jerusalɛm kɛrɩsɩŋ hɛ ʋ dʋndɔŋŋɔɔ nɩsɩŋ lɛ nɛ ba yige lo, aŋ jʋʋ ŋɩŋaa laalɩyuori diiri goŋ La TƖƖNA dɩɩ-balɩŋ tʋɔŋ a nagɛ gbiele tapʋlʋŋ.

ƐZƖKƖƐL 16:41

Ba jaŋ nyɩgɛ ŋ dɩɩsɩŋ aŋ dɔgʋsʋŋ, ka dɩ haalaa yʋgɛ a bibeŋ. Mɩ jaŋ leŋ dɩ ŋ hachɔrʋŋ wɩalɩŋ dɛrɛ, ŋ bɩra bɩ jaŋ titiŋ ŋ hɩɩlaba-la.

ƐZƖKƖƐL 23:47

Nɩ-daŋ-la jaŋ yagɛba arɩ tabɩaa a kpʋba arɩ ba tokobiee, ba jaŋ kpʋ ba hambolibiisiŋ arɩ ba hantolibiisiŋ kala aŋ nyɩgɛ ba dɩɩsɩŋ.

ƐZƖKƖƐL 33:21

La fa sɩ hɛ yoŋ-baga lɛ jɩ-fii arɩ balɩa tʋɔŋ chɛŋ-fii tapʋl-nɔŋ chɛɛŋ, baal kʋbala sɩ foro lɩɩ Jerusalɛm lɛ kɔ mɩ teeŋ a bʋla pɩmɛ, “Tabal-la tele nɛ.”

AMƆS 2:5

Mɩ jaŋ joŋ nyiniŋ hɛ Juda lɛ dɩ ʋ dii Jerusalɛm dɩɩ-duoruŋ.”

MƖKA 3:12

A tɩŋ ma wɩaa, ba jaŋ pɛrɛ Zaayɔŋ a nagɛ baga. Jerusalɛm jaŋ pɩŋ jikpeeŋ a nagɛ pupuluŋ. Wɩa dɩɩ-bal-la sɩ chɩŋ dundolo-la nyuŋ jaŋ lugi a nagɛ duuŋ.