JƐRƖMAAYA 39:4 - WƖA TENIŊ

⁴ Juda tinteeŋ kuoro Zedikaaya arɩ laalɩyuoro-la kala sɩ naba, ba fá lɩɩ tabal-la lɛ tɩtaŋɩŋ. Ba to wombii-la sɩ hɛ kuoro gaarɩŋ lɛ nɛ a mʋ to boi-baal-la sɩ hɛ jebie-la balɩa pɛgɛ a to Araba dɩɩrɩŋ a mʋ.

JƐRƖMAAYA 39:4 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 32:5

Ŋɩɩ nɛ Hezikaaya faasa tɩŋ woruŋ a wasa saa jebii-la lere-la kala sɩ tele, a saa jebii-duduosuŋ ʋ nyuŋ. Ʋ bɩra saa kɛrɛ dɔŋɔ ma a golli kʋ-la ba sɩ laa sɩpaaŋ saa, a leŋ Devit tabal-la sɛmɛ-la ba sɩ dɩŋa aŋ saa chaasa kɛŋ doluŋ. Ʋ fa bɩra leŋe ba ŋaa bayuori kɩaa ma yʋgɛ nɛ, a pɛ hɔɔtaalɩ-la laalɩyuoroo sɩ kaa kɛrɛɛ laa bayuori hɛŋŋɛɛ lɛ.

AZAAYA 22:11

Ma lu vil-balɩŋ nɛ kɛrɩsɩŋ balɩa pɛgɛ dɩ lɩɩ-la sɩ pɛllɛ lɩɩ fuo bɩnɩɩ-la kʋʋ jʋʋ, ama ma bɩ Wɩa nɛ sɩ bil fuo-la niiŋ to, ma paala bɩ ʋ nɛ sɩ bɩɩnɛ wɩɩŋ deeŋ faafaa kala kaa tɩŋ.

AZAAYA 22:3

Ma sɩpaalaaraa kala hɛ dɔŋɔ nɛ a lɩɩ fá dɩ ma laa ma mɩɩsɩŋ, ama nɩaa bɩ to-hɛŋ kala yuo aŋ kɛsɛma. Ma nɩalɩŋ kala ba sɩ kɛsɛ, ma paala suomo fɩfá nɛ dɩ ma dʋndɔŋŋɔɔ ha hɛ dɩ-bolii.

AZAAYA 29:2

Ama arɩ ŋɩɩ kala mɩ jaŋ leŋ dɩ wʋlɔrʋŋ jʋʋ Jerusalɛm dɩ ʋ tʋɔŋ chei dɩ ʋ ŋmoo niiŋ. Ʋ jaŋ nagɛ Wɩɩsʋllɩ koruŋ chalɩŋ sɩ tɔ.

JƐRƖMAAYA 32:4

Juda tinteeŋ kuoro Zedikaaya bɩ jaŋ fori Babɩlɔŋ tɩŋŋaa nɩsɩŋ lɛ. Ʋ jaŋ sɛnɛ jʋʋ Babɩlɔŋ kuoro nɩsɩŋ, ʋ dɩ ʋ jaŋ joŋ sɩaa chaasa dɔŋɔ aŋ bʋbʋl wɩaa. Ʋ jaŋ naʋ arɩ ʋ tɩtɩa sɩɩŋ.

JƐRƖMAAYA 32:5

Ʋ jaŋ kɛŋ Zedikaaya mʋ Babɩlɔŋ tinteeŋ, dɩ ʋ hɛ nɩmɛ a mʋ yi bʋa-la lɛ mɩ sɩ dɔgʋsʋ woruŋ. Dɩ ma nɛ yuo Babɩlɔŋ tɩŋŋaa, ma bɩ jaŋ wuo yuo diiba.’ ” Mɩ-na ma TƖƖNA nɛ bʋla.

ƐZƖKƖƐL 12:12

Jerusalɛm sɩpaalaara jaŋ paa ʋ kɩaa baasɛ a lɩɩ sɩɩ-dɩsaa, ba jaŋ ta jeeŋ luro pʋ dɩ ʋ to nɩmɛ lɩɩ. Ʋ jaŋ tɔ ʋ sɩaa dɩ ʋ sɩ́ tintee-la lɛ ʋ sɩɩ lɩɩ na.

ƐZƖKƖƐL 12:4

Kɛŋ kɩalɩŋ ŋ sɩ paa dɩ ŋ kaa mʋ yoŋ-baga kʋ lɩɩ dɩ-jalɩŋ wɩɩhɛyɛ ka dɩ ba bibeniŋ. Leŋ dɩ ba naŋ dɩdaanɩŋ ka dɩ ŋ lɩɩ a nagɛ nɩaa sɩɩ mʋ yoŋ-baga.

LEVI DOHO NƖAA 26:17

Mɩ jaŋ vɩama ta a leŋ dɩ ma dʋndɔŋŋɔɔ yuo diima. Nɩalɩŋ sɩ bɛrɛma nɛ jaŋ bemma. Ma jaŋ fá, ka nʋʋ bɩ maa kiri.

LEVI DOHO NƖAA 26:36

Ma nɩalɩŋ kala sɩ ka a hɛ ma dʋndɔŋŋɔɔ tinteyee lɛ, mɩ jaŋ joŋ fawʋllʋŋ hɛ ma lɛ, dɩ wʋbie kala nɛ ŋaa, dɩ ma bɔɩsɩŋ joŋ. Ma jaŋ fá a foro titel a nagɛ laalɩŋ sɩɩ kiri nɩaa, ka nʋʋkala bɩ maa kiri.

AMƆS 2:14

Dɩ ma nɛ kɛŋ naaduoruŋ, ma bɩ jaŋ wuo fá lɛl. Dɩ ma kɛŋ doluŋ ma, ʋ jaŋ dɛrɛ, laalɩyuoru ma bɩ ʋ mɩɩsɩŋ wuo yuo laa.

MOSIS BƖRA WULLI WƖA WOMBIIŊ 28:25

La TƖƖNA jaŋ leŋ dɩ ma dʋndɔŋŋɔɔ yuo diima. Ma jaŋ to dɩ-bala a mʋ dɩ ma yuoba, ama ba jaŋ kirima dɩ ma fá pɩsɛ a chɩchɛ dɩ ma laa ma tɩtɩa. Dʋnɩa nɩaa kala jaŋ na wɩɩ-la sɩ ŋaa ma lɛ dɩ fawʋllʋŋ faasa kɛmba.