JƐRƖMAAYA 39:14 - WƖA TENIŊ

¹⁴ tɩŋ ba mʋ lɩɩsɛ Jɛrɩmaaya laalɩyuoro-la sɩɩ pɔ kuoro kaala-la tʋɔŋ. Ba joŋu pɩ Ahɩkam nanʋala Gedalia sɩ ŋaa Safaŋ nihiŋ dɩ ʋ kɛnʋ mɩɩra mʋ ʋ dɩa. Ŋɩɩ nɛ Jɛrɩmaaya ka Juda lɛ ʋ nɩaa tʋɔŋ.

JƐRƖMAAYA 39:14 ပူးပေါင်းရင်းမြစ်များ

2 KUOROO 22:12

Ŋɩɩ nɛ ʋ bʋla pɩ Hɩlɩkaaya sɩ ŋaa Wɩɩsʋllɩ sɩpaalaara arɩ Safaŋ nanʋala Ahɩkam arɩ Mɩkaaya nanʋala Akɩbɔ arɩ Safaŋ, nɩɩ-la sɩɩ ŋmʋnsɛ ba tenniŋ arɩ kuoro nanzɔɔ Asaaya,

2 KUOROO 22:14

Ŋɩɩ nɛ Hɩlɩkaaya sɩ ŋaa Wɩɩsʋllɩ sɩpaalaarʋ, Ahɩkam, Akɩbɔ, Safaŋ arɩ Asaaya mʋ haal kʋbala sɩ ŋaa Wɩa wʋlaabʋllʋ teeŋ baa yɩrɛ Hulida, dɩ ba chɛ na. Haal-la bala nɛ fa Salum, sɩ ŋaa Tɩkɩva nanʋala. Tɩkɩva ma nyɩmma nɛ fa Hahas. Salum nɛ faa beŋ gɛnnɩ-la ba sɩɩ bil Wɩa dɩɩ-balɩŋ lɛ. Hulida ma fa hɛ Jerusalɛm lɛ nɛ aa jʋʋ jechigi falɩɩ-la.

2 IZIRAL TƖŊŊAA NAABARƖŊ 34:20

Ŋɩɩ nɛ ʋ bʋla pɩ Hɩlɩkaaya arɩ Safaŋ nanʋala Ahɩkam, arɩ Mɩka nanʋala Abɩdɔŋ arɩ Safaŋ, nɩɩ-la sɩɩ ŋmʋnsɛ ba tenniŋ arɩ kuoro nanzɔɔ Asaaya,

WƖA YƖƖLAA 105:19

a kaa mʋ yi bʋa-la lɛ wɩɩ-la Josɛf fa sɩ bʋla arɩ ʋ jaŋ ŋaa, sɛnɛ sɩ kʋ ŋaa wʋtɩtɩɩ. Wɩɩ-la La Tɩɩna sɩ daga sɛnɛ kʋ ŋaa wʋtɩtɩɩ nɛ.

JƐRƖMAAYA 26:22

Kuoro Jehoyakim ha tɩŋ Ɛlɩnataŋ sɩ ŋaa Akɩbɔ nanʋala ʋ dɩ nɩaa dɔnsʋŋ ba mʋ Ijipiti tinteeŋ.

JƐRƖMAAYA 26:24

Safaŋ nanʋala Ahɩkam ma nɛ fa sii chɩŋ Jɛrɩmaaya harɩŋ, ŋɩɩ nɛ ba bɩ ʋ joŋo hɛ nɩalɩŋ nɩsɩŋ lɛ dɩ ba kpʋʋ.

JƐRƖMAAYA 32:2

Bʋa-la lɛ, dɩ Babɩlɔŋ kuoro laalɩyuoroo kʋʋ yuo Jerusalɛm a gollu chu, ka ba kɛŋ Wɩa wʋlaabʋlla Jɛrɩmaaya ma tɔ hɛ laalɩyuoro-la sɩɩ pɔ kuoro kaala lɛ, Juda tinteeŋ kuoru dɩa lɛ.

JƐRƖMAAYA 37:21

Ŋɩɩ nɛ kuoro Zedikaaya pa wombiiŋ dɩ ba joŋ Jɛrɩmaaya hɛ laalɩyuoro-la sɩɩ pɔ kuoro kaala lɛ, aŋ pʋpʋ boroboro-la ba sɩɩ yallɛ womporuŋ lɛ see dɩ ba kala dɛrɛ tabal-la lɛ. Ŋɩɩ nɛ Jɛrɩmaaya ka laalɩyuoro-la sɩɩ pɔ kuoro kaala-la tʋɔŋ.

JƐRƖMAAYA 38:13

ba kɛŋ ŋmɛŋ-la lɛ a lɛrɛ lɩɩsʋ vil-la tʋɔŋ. Ʋ kʋ lɩɩ a hɛ nɩalɩŋ sɩɩ pɔ leriŋ kaala-la tʋɔŋ.

JƐRƖMAAYA 38:28

Ŋɩɩ nɛ Jɛrɩmaaya ha hɛ laalɩyuoro-la sɩɩ pɔ kuoro kaala-la tʋɔŋ, a mʋ yi bʋa-la lɛ ba sɩ yuo dii Jerusalɛm.

JƐRƖMAAYA 39:13

Ŋɩɩ nɛ Nebuzaradaŋ sɩ ŋaa laalɩyuoro-la sɩɩ pɔ kuoro nɩhɩaŋ, arɩ Nebusazɩbaŋ sɩ ŋaa tɩntɩnnaa nɩhɩaŋ, arɩ Nɛgal-Sarɛza ma sɩ ŋaa tɩntɩnnɩ-hɩaŋ arɩ Babɩlɔŋ tɩntɩnnɩ-hɩasɩ-la dɔnsʋŋ kala

JƐRƖMAAYA 39:15

Bʋa-la lɛ Jɛrɩmaaya fa sɩ hɛ laalɩyuoro-la sɩɩ pɔ kuoro kaala-la lɛ, La TƖƖNA bʋl wɩaa pʋ. Ʋ sɩ,

JƐRƖMAAYA 40:1

Nebuzaradaŋ sɩ ŋaa laalɩyuoro-la sɩɩ pɔ kuoro kʋhɩaŋ sɩ lɩɩsɛ Jɛrɩmaaya ta Rama lɛ ŋɩɩ harɩŋ, La TƖƖNA bʋl wɩaa a pɩ Jɛrɩmaaya. Ʋ na Jɛrɩmaaya dɩ ba kɛŋ chɔrʋmɔɔ nɛ a vɔbʋ a pɛ Jerusalɛm arɩ Juda nɩalɩŋ ba sɩ yuo kɛsɛ tʋɔŋ a kaa mʋ yoŋ-baga Babɩlɔŋ lɛ.

JƐRƖMAAYA 40:5

Ama Jɛrɩmaaya sɩ bɩrɩma dɩ ʋ mʋ, Nebuzaradaŋ bɩra bʋl, “Mʋ Ahɩkam nanʋala Gedalia sɩ ŋaa Safaŋ nihiŋ teeŋ, ʋ nɛ Babɩlɔŋ kuoro lɩɩsɛ dɩ ʋ bibeŋ Juda tasɩŋ a hɛ ʋ teeŋ ŋ nɩaa tʋɔŋ, koo ŋ mʋ lee-kala ŋ sɩ cho.” Ŋɩɩ nɛ laalɩyuoro-la sɩɩ pɔ kuoro nɩhɩaŋ-la pʋ kʋdiilee arɩ kɩaa dɔnsʋŋ aŋ leŋ ʋ mʋ.

JƐRƖMAAYA 40:6

Ŋɩɩ nɛ Jɛrɩmaaya mʋ Ahɩkam nanʋala Gedalia teeŋ Mɩzɩpa lɛ a hɛ ʋ teeŋ a guoli ʋ nɩalɩŋ sɩ ka tʋɔŋ.

JƐRƖMAAYA 40:7

Juda laalɩyuori-hɩasɩ-la kala arɩ ba nɩaa sɩ hɛ gɩrɩŋ lɛ sɩ nɩa dɩ Babɩlɔŋ kuoro lɩɩsɛ Ahɩkam nanʋala Gedalia ʋ ŋaa tintee-la kʋhɩaŋ a bibeŋ baala-la arɩ haala-la arɩ hambiisi-la sɩ ŋaa summoo tintee-la lɛ, nɩalɩŋ ba sɩ bɩ kɛsɛ mʋ yoŋ-baga Babɩlɔŋ lɛ,

JƐRƖMAAYA 41:1

Chɛŋ-pɛɩ lɛ nɛ Nɛtanɩa nanʋala Ɩsɩmɛl sɩ ŋaa Ɛlɩsama ma nihiŋ a ŋaa kuoro doho nʋʋ, aŋ ŋaa kuoro tɩntɩnnɩ-hɩasɩŋ dɔŋɔ ma sii kɛsɛ baalaa fii ba kɔ Ahɩkam nanʋala Gedalia teeŋ Mɩzɩpa lɛ. Ba kala hɔŋ a didii kɩaa.