JƐRƖMAAYA 38:6 - WƖA TENIŊ

⁶ Ŋɩɩ nɛ ba kɛŋ Jɛrɩmaaya, a joŋu hɛ kuoro nanʋala Malɩkɩja viliŋ lɛ. Vil-la fa hɛ nɩalɩŋ sɩɩ pɔ leriŋ kaala lɛ nɛ. Ba kɛŋ ŋmɛsɩŋ nɛ vɔɔ Jɛrɩmaaya a joŋu hɛ vil-la tʋɔŋ. Lɩɩŋ fa tuo vil-la lɛ, vʋchɔɔŋ dʋndʋŋa nɛ, ŋɩɩ nɛ Jɛrɩmaaya tuu mʋʋrɛ vʋchɔɔ-la lɛ.

JƐRƖMAAYA 38:6 ပူးပေါင်းရင်းမြစ်များ

WƖAA DƖ-SUOMUŊ 37:24

Ŋɩɩ nɛ ba joŋu a yuo hɛ vil-la tʋɔŋ. Lɩɩŋ koo kʋŋkala fa tuo vil-la tʋɔŋ.

WƖA YƖƖLAA 109:5

Ba joŋ wʋbɔŋŋɔɔ nɛ a tiŋ wʋzɔŋŋɔɔ chɩmɩŋ mɩ lɛ. Mɩ-na cho ba nɛ, ka ba bɛrɛmɛ.

WƖA YƖƖLAA 40:2

Ʋ lɛrɛ lɩɩsɛmɛ buotuo-luŋuŋ sɩɩ sɩɛrʋ lɛ nɛ, a kɛmmɛ lɩɩsɛ vʋchɔɔŋ lɛ a jɩla bil bʋŋ nyuŋ, mɩ chɩŋ kpaŋkpaŋ.

WƖA YƖƖLAA 69:2

Mɩ mʋʋra tuu vʋchɔɔŋ nɛ, mɩ naasɩŋ bɩ dɩ-chɩnɩɩ kɛnɛ. Mɩ tuu lɩɩŋ bʋbʋɔŋ nɛ, lɩɩŋ pɛllɛ yɩyagɛmɛ nɛ.

JƐRƖMAAYA 32:2

Bʋa-la lɛ, dɩ Babɩlɔŋ kuoro laalɩyuoroo kʋʋ yuo Jerusalɛm a gollu chu, ka ba kɛŋ Wɩa wʋlaabʋlla Jɛrɩmaaya ma tɔ hɛ laalɩyuoro-la sɩɩ pɔ kuoro kaala lɛ, Juda tinteeŋ kuoru dɩa lɛ.

JƐRƖMAAYA 36:26

aŋ mɩɩra bʋla pɩ kuoro nanʋala Jɛramɛɛl, Azɩrɩɛl nanʋala Sɛraaya arɩ Abɩdɛɛl nanʋala Sɛlɛmaaya dɩ ba kɛŋ Baruk sɩ ŋaa Wɩa teniŋ kerichi arɩ Wɩa wʋlaabʋlla Jɛrɩmaaya. Ama La TƖƖNA kɛmba faa nɛ.

JƐRƖMAAYA 37:16

Ba fa tɔ Jɛrɩmaaya nɩtɔɔrɛ dɩa sɩ hɛ tinteeŋ bʋbʋɔŋ nɛ, ʋ hɛ nɩmɛ a dieni.

JƐRƖMAAYA 37:21

Ŋɩɩ nɛ kuoro Zedikaaya pa wombiiŋ dɩ ba joŋ Jɛrɩmaaya hɛ laalɩyuoro-la sɩɩ pɔ kuoro kaala lɛ, aŋ pʋpʋ boroboro-la ba sɩɩ yallɛ womporuŋ lɛ see dɩ ba kala dɛrɛ tabal-la lɛ. Ŋɩɩ nɛ Jɛrɩmaaya ka laalɩyuoro-la sɩɩ pɔ kuoro kaala-la tʋɔŋ.

JƐRƖMAAYA 38:13

ba kɛŋ ŋmɛŋ-la lɛ a lɛrɛ lɩɩsʋ vil-la tʋɔŋ. Ʋ kʋ lɩɩ a hɛ nɩalɩŋ sɩɩ pɔ leriŋ kaala-la tʋɔŋ.

JƐRƖMAAYA 38:22

Ba jaŋ kɛsɛ haala-la kala sɩ hɛ Juda kuoro dɩa lɛ a kaa kʋ lɩɩ pa Babɩlɔŋ kuoro tɩntɩnnɩ-hɩasɩŋ. Haala-la jaŋ bʋla pɩŋ: ‘Ba nyɩsɩŋ nɛ a yuo diiŋ, ŋ nandɔsʋ-la lɛ ŋ sɩ joŋ ŋ yɩɛlaa hɛ. Ŋ naasɩŋ mʋʋra tuu vʋchɔɔŋ nɛ. Ŋ nandɔsʋ-la vɩaŋ ta nɛ.’

DANƖƐL 6:16

Kuoro pa wombiiŋ ba kɛŋ Danɩɛl kɔ a joŋu yuo hɛ naachigee dɩjʋʋlʋŋ. Ŋɩɩ nɛ kuoro bʋla pʋ, “Danɩɛl, a leŋ dɩ ŋ Wɩa-la ŋ sɩ tɩma pɩpa bʋa kala laaŋ ta.”

ZƐKARƖYA 9:11

Ama ma-na mɩ nɩaa, a tɩŋ nii-la sɩ hɛ mɩ dɩ ma pɛgɛ la kɛŋ chalɩŋ magɩlɛ wɩaa, mɩ jaŋ lɩɩsɛ ma nɩalɩŋ sɩ ŋaa dansarɩkaba buotuo-la sɩ bɩ lɩɩŋ kɛnɛ lɛ.

Tɩntɩŋŋaa 16:24

Ʋ nɩɩ ba niiŋ a kɛŋ Pɔɔl arɩ Saalas a kaa kiele jʋʋ sɩpaaŋ dɩa tʋɔŋ, a kɛŋ ba naasɩŋ balɩamɩŋ kala hɛ kuruŋ.

Hiburu TƖŊŊAA 10:36

Ʋ maga dɩ ma kɛŋ kenyiri a wuo ŋaa wɩalɩŋ Wɩa sɩɩ chɛ. Dɩ ma nɛ ŋaa ŋɩɩ, ma jaŋ na kɩalɩŋ ʋ sɩ sɩ ʋ jaŋ joŋo pɩma.