JƐRƖMAAYA 38:4 - WƖA TENIŊ

⁴ Ŋɩɩ nɛ tɩntɩnnɩ-hɩasɩ-la bʋla pɩ kuoro, “Baala deeŋ maga la kpʋʋ nɛ. Ʋ leŋe laalɩyuoro-la sɩ ka tabalɩŋ deeŋ lɛ nandaasɩŋ yʋyʋɔrɛ nɛ a pɛ nɩalɩŋ kala lɛ a tɩŋ wɩalɩŋ ʋ sɩ bʋla pɩpɩba. Baala deeŋ bɩ nɩaa deemba woruŋ ka chɛ, ʋʋ chɛ ʋ cheiba nɛ.”

JƐRƖMAAYA 38:4 ပူးပေါင်းရင်းမြစ်များ

1 KUOROO 21:20

Ahab na Ɩlaaja a bʋl, “Mɩ nɛ ŋ kɛŋ ŋ-la mɩ dʋndɔŋ.” Ɩlaaja bʋl, “Oo mɩ kɛnɩŋ nɛ, a tɩŋ ŋ sɩ ŋaa wʋbɔmɔ-la La TƖƖNA sɩɩŋ lɛ.

2 IZIRAL TƖŊŊAA NAABARƖŊ 24:21

Ŋɩɩ nɛ ba vʋʋra sii chɩŋ ʋ lɛ, kuoro pa wombiiŋ ba yagʋ arɩ tabɩaa a kpʋ La TƖƖNA dɩɩ-bal-la kaala lɛ.

ƐZƖRA 4:12

Kuoro, laa chɛ ŋ jɩŋ arɩ Juu tɩmma-la sɩ lɩɩ ŋ teeŋ a kɔ Jerusalɛm wasaa saa tabal-la nɩaa sɩ ŋaa nɩbɔmɔ aa vɩa kuoroo niiŋ nɛ. Ba wasaa saa jebie-la nɛ arɩ ba gentisiŋ.

NƐHƖMAAYA 6:9

Ba kala faa nɛrɩgɛ dɩ ba fugisila nɛ, dɩ la nandaasɩŋ yʋɔrɛ tɩntɩmɩɩ-la lɛ, dɩ la sɩ́ wuo dɛrɛ. Ama mɩ sʋl Wɩa a bʋl, “Wɩa, pɩmɛ doluŋ.”

MOSIS KƐŊ IZIRAL TƖŊŊAA LƖƖ 5:4

Ŋɩɩ nɛ Ijipiti tinteeŋ kuoro pɩɛsɛ Mosis arɩ Arɔŋ, “Bɛɛ nɛ tɩɩ maa chɛ dɩ nɩalɩŋ leŋ ba tɩntɩŋŋaa? Má mɩɩra mʋ ma tɩntɩŋŋaa.”

JƐRƖMAAYA 11:21

Ŋɩɩ wɩaa wɩɩ-la La TƖƖNA sɩ bʋla a mʋ tɩgɛ Anatɔf baala-la sɩɩ chɛ dɩ ba kpʋmɛ lɛ nɛ ŋ-la: “Sɩ́ wɩaa bʋl La TƖƖNA yɩrɩŋ lɛ, dɩ ŋɩɩ dee la jaŋ kpʋŋ.

JƐRƖMAAYA 18:23

La TƖƖNA, ŋ jɩŋ ŋɩɩ kala ba sɩ vʋʋra dɩ ba kpʋmɛ nɛ. Sɩ́ ba wʋbɔŋŋɔɔ joŋo chɛba, sɩ́ ŋ sɩaa lɩɩsɛ ba wʋbɔŋŋɔɔ lɛ. Leŋ dɩ ba tele bilimi ŋ sɩpaaŋ. Na baanɩŋ a dɔgɩsɛba.

JƐRƖMAAYA 26:11

Ŋɩɩ nɛ Wɩɩsʋllɩ sɩpaalaaraa arɩ Wɩa wʋlaabʋlla-la bʋla pɩ tɩntɩnnɩ-hɩasɩ-la arɩ nɩalɩŋ kala, “Baala deeŋ maga dɩ la kpʋʋ nɛ, bɛɛ wɩaa ʋ bʋl wɩalɩŋ sɩ bɩ zɔŋ nɛ a tɩgɛ tabalɩŋ deeŋ lɛ. Ma tɩtɩa dɩgɩlaa nɩɩ wɩalɩŋ nɛ.”

JƐRƖMAAYA 29:7

Má chɩchɛ dɩ wɩaa vɛŋ woruŋ tabal-la lɛ mɩ sɩ kɛmma mʋ yoŋ-baga ma hɛ. Má sʋl mɩ-na ma TƖƖNA pʋ, bɛɛ wɩaa, dɩ wɩaa nɛ vɛŋ woruŋ taŋ-la lɛ, wɩaa jaŋ vɛŋ woruŋ a pɩ ma ma.”

JƐRƖMAAYA 38:16

Ŋɩɩ nɛ kuoro Zedikaaya lʋara ŋmɩɛsa pɩ Jɛrɩmaaya: “Mɩ ŋmɩɛsɛ La TƖƖNA sɩ weye, Nɩɩ-la sɩɩ pɩla wiese, mɩ bɩ jaŋ kpʋŋ koo a joŋuŋ hɛ nɩalɩŋ sɩɩ chɛ ba lɩɩsɛ ŋ mɩɩsɩŋ nɩsɩŋ lɛ.”

JƐRƖMAAYA 38:25

Dɩ tɩntɩnnɩ-hɩasɩ-la nɛ nɩa arɩ mɩ dɩ ŋ bʋl wɩaa nɛ, a kɔ ŋ teeŋ a bʋl, ‘Bʋl wɩalɩŋ ŋ sɩ bʋla pɩ kuoro a pɩla arɩ wɩalɩŋ kuoro ma sɩ bʋla pɩŋ. Pʋpɔ ŋ sɩ́ kaa faala, dɩ ŋɩɩ dee la jaŋ kpʋŋ,’

JƐRƖMAAYA 43:3

Neria nanʋala Baruk nɛ yigiŋ hɛ la lɛ dɩ ŋ jonla hɛ Babɩlɔŋ tɩŋŋaa nɩsɩŋ lɛ, dɩ ba kpʋla koo a kɛnla mʋ yoŋ-baga Babɩlɔŋ lɛ.”

ƐZƖKƖƐL 22:27

Tɩntɩnnɩ-hɩasɩ-la sɩ hɛ ʋ lɛ nagɛ guŋgurusuŋ sɩ kpʋ pʋsʋŋ a kaa pʋɔsa didii nɛ. Ba gɔllɔ kpʋkpʋ nɩaa nɛ, a leŋ chalɩŋ jaasɛ aŋ gɩrɩma lɩlaa nɩaa dʋa.

AMƆS 7:10

Ŋɩɩ nɛ Wɩɩsʋllɩ sɩpaalaara sɩ hɛ Bɛtɛl lɛ baa yɩrɛ Amazɩa, tɩŋ ba mʋ bʋla pɩ Iziral tinteeŋ kuoro ba sɩɩ yɩrɛ Jerobuam, “Amɔs ka chei ŋ yɩrɩŋ nɛ Iziral nɩaa tʋɔŋ. Ʋ niiŋ wʋbʋlaa jaŋ chei la tinteeŋ.

Luuk 23:2

Nɩmɛ nɛ ba suomo dɩdagɛ wɩalɩŋ ʋ sɩ cheye, “La kɛŋ baala deeŋ dɩ ʋ nyɩsɛ la nɩaa dɩ ba vɩa la wombii-la la sɩɩ to, aŋ bʋl dɩ ba sɩ́ lampoo ma time pɩ Rom tinteeŋ kuoru-balɩŋ. Ʋ bɩra bʋla a tɩgɛ ʋ tɩtɩa lɛ dɩ ʋ nɛ ŋaa Kirisito, Nɩɩ-la Wɩa sɩ lɩɩsa, aŋ bʋl dɩ ʋ ŋaa kuoru ma nɛ.”

Tɩntɩŋŋaa 16:20

Ba kɛmba kaa mʋ ba Rom kʋhɩasɩŋ teeŋ, a bʋla pɩba, “Nɩaa deemba ŋaa Juu tɩŋŋaa nɛ aŋ kɛŋ wɩaa vʋvʋgɩmɛ la tabalɩŋ tʋɔŋ.

Tɩntɩŋŋaa 17:6

Ama ba bɩ ba na, ŋɩɩ nɛ ba kɛŋ Jaasɩŋ arɩ nɩalɩŋ dɔnsʋŋ sɩ laa Yesu wɩaa dii a lɛrɛba lɩɩ ba taŋ kʋhɩasɩŋ teeŋ, aŋ ŋɩŋaa goŋ a bʋl, “Nɩaa deemba chei lee-kala nɛ aŋ lɛɛlɛ kɔ la jaŋ.

Tɩntɩŋŋaa 24:5

La na dɩ baala deeŋ ŋaa wʋhɛɛrʋ nɛ. Juu tɩŋŋaa sɩ hɛ dʋnɩa sɛmɛ-na kala lɛ, ʋ yie mʋ lee-la a ŋaa taawɛɩ. Ʋ nɛ ŋaa Nazarɛt nɩaa Wɩɩ-chʋɔlaa kʋhɩaŋ ma.

Tɩntɩŋŋaa 28:22

Ama la jɩma arɩ lee-na kala nɩaa yie bʋbʋl wʋbɔŋŋɔɔ a mʋ tɩgɛ Wɩɩchʋɔlɛ wombii-la ŋ sɩɩ to lɛ nɛ. Ŋɩɩ nɛ tɩɩ la chɩchɛ dɩ la nɩɩ wɩalɩŋ ŋ sɩ laa dii.”