JƐRƖMAAYA 38:21 - WƖA TENIŊ

²¹ Ama dɩ ŋ nɛ vɩa dɩ ŋ joŋ ŋ tɩtɩa hɛ ba nɩsɩŋ lɛ, wɩɩ-la La TƖƖNA sɩ kaa dagɛmɛ nɛ ŋ-la:

JƐRƖMAAYA 38:21 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 36:12

Ʋ fa ŋaa wʋbɔŋŋɔɔ nɛ ʋ TƖƖNA Wɩa teeŋ, a bɩ ʋ tɩtɩa kaa tuu tinteeŋ a jegile nɩɩ La TƖƖNA wɩalɩŋ ʋ wʋlaabʋlla Jɛrɩmaaya sɩ bʋla.

JOB 23:13

Ama dɩ Wɩa nɛ chɩna dɩ ʋ ŋaa wɩɩ, nʋʋkala bɩ ʋ wuo kaa bɩrɩmɛ. Ʋ yie ŋaa wɩɩ-la kala ʋ sɩɩ chɛ nɛ.

JOB 34:33

Ŋ sɩ vɩa wɩɩ-la Wɩa sɩɩ chɛ dɩ ŋ ŋaa, ɛɛ nɛ ŋ-na saa chɩchɛ dɩ ʋ ŋaa wɩɩ-la ŋ sɩɩ chɛ a pɩŋ? Ŋ nɛ maga ŋŋ jɩŋ wɩɩ-la pɩ ŋ tɩtɩa, mɩ-na dee. Bʋl wɩɩ-la ŋ sɩ jɩma pɩmɛ.

MOSIS KƐŊ IZIRAL TƖŊŊAA LƖƖ 16:28

Ŋɩɩ nɛ La TƖƖNA pɩɛsɛ Mosis, “Ɛɛ nɛ maa chɛ dɩ ma diene magɛ aŋ-na to wombie-la mɩ sɩ bile pɩma arɩ wɩalɩŋ mɩ sɩ dagɛma dɩ ma to?

JƐRƖMAAYA 26:15

Ma ta jɩŋ, dɩ ma nɛ kpʋmɛ, nʋʋ sɩ bɩ wɩɩ cheye chalɩŋ nɛ jaasɛ ŋɩɩ, a lɔgɛ wɩaa hɛ ma tɩtɩa arɩ tabalɩŋ deeŋ arɩ nʋʋkala sɩ hɛ ʋ lɛ. Wʋtɩtɩɩ, La TƖƖNA nɛ tɩmmɛ dɩ mɩ kʋ bʋl wɩaa deemba kala dɩ ma nɩɩ.”

JƐRƖMAAYA 38:20

Ŋɩɩ nɛ Jɛrɩmaaya bʋl, “Ba bɩ jaŋ joŋuŋ hɛ ba nɩsɩŋ lɛ, sɛɩ La TƖƖNA niiŋ a ŋaa wɩɩ-la mɩ sɩ bʋla pɩŋ. Dɩ ŋ nɛ ŋaa ŋɩɩ, wɩaa jaŋ vɛŋ woruŋ a pɩŋ, dɩ ŋ laa ŋ mɩɩsɩŋ.

JƐRƖMAAYA 38:22

Ba jaŋ kɛsɛ haala-la kala sɩ hɛ Juda kuoro dɩa lɛ a kaa kʋ lɩɩ pa Babɩlɔŋ kuoro tɩntɩnnɩ-hɩasɩŋ. Haala-la jaŋ bʋla pɩŋ: ‘Ba nyɩsɩŋ nɛ a yuo diiŋ, ŋ nandɔsʋ-la lɛ ŋ sɩ joŋ ŋ yɩɛlaa hɛ. Ŋ naasɩŋ mʋʋra tuu vʋchɔɔŋ nɛ. Ŋ nandɔsʋ-la vɩaŋ ta nɛ.’

JƐRƖMAAYA 5:3

La TƖƖNA, wʋtɩtɩɩ dee ŋ chɩchɛ dɩ ŋ naa? Ŋ ŋmooba nɛ, ama ʋ bɩ ba lɛ wɩa. Ŋ wʋrɩgɛba nɛ, ama ba bɩ ŋ dagɩŋ sɛyɛ. Ba leŋe ba nyuŋ dol nɛ a kɩɩ tabɩɩŋ, aŋ vɩa dɩ ba bɩrɩma lɩɩ ba wʋbɔŋŋɔɔ ŋaanɩŋ lɛ.

ƐZƖKƖƐL 2:7

Dɩ ba jegile nɩɩ koo ba bɩ jegile nɩɩ, ʋ maga ŋ bʋl mɩ wɩaa a pɩba nɛ.

NAMBABA 24:13

arɩ sɛlɩmɛ arɩ hɔpʋla nɛ paala su ŋ kuoru dɩa ŋ joŋo pɩmɛ ma, mɩ bɩ jaŋ wuo bʋl wʋzɔŋ koo wʋbɔŋ kala a lɩɩ wɩɩ-la La TƖƖNA sɩ bʋla harɩŋ.

Tɩntɩŋŋaa 18:6

Ŋɩɩ nɛ Juu tɩmma-la lɩɩ Pɔɔl harɩŋ aŋ tʋʋsʋ. Ba sɩ ŋaa ŋɩɩ, ʋ kpesi ʋ gɛnnɩŋ kʋŋkɔlʋŋ hɛ ba lɛ aŋ bʋla pɩba, “Ma wʋbɔŋŋɔɔ jaŋ nyʋa ma nyuŋ lɛ. Mɩ wɩɩ dee. A lɩɩ jɩnɩŋ mɩ jaŋ mʋ a bʋl Wɩa wɩaa pɩ nɩalɩŋ sɩ bɩ Juu tɩŋŋaa ŋaa.”

Hiburu TƖŊŊAA 12:25

Má jegile nɩɩ wɩalɩŋ Yesu sɩɩ bʋl. Má sɩ́ ba vɩa arɩ Iziral tɩŋŋaa sɩ vɩa wɩalɩŋ Mosis fa sɩ bʋla pɩba, Wɩa dɔgɩsɛba ŋɩɩ. Ŋɩɩ wɩaa, dɩ la nɛ vɩa wɩalɩŋ Yesu Kirisito sɩ bʋla, Wɩa jaŋ dɔgɩsɛla a kɩɩ ŋɩɩ ʋ sɩ dɔgɩsɛ Iziral tɩŋŋaa.