JƐRƖMAAYA 38:2 - WƖA TENIŊ

² “Wɩɩ-la La TƖƖNA sɩ bʋla nɛ ŋ-la: ‘Nʋʋ na-kala sɩ jaŋ hɔŋ tabalɩŋ deeŋ lɛ, laalɩŋ, losuŋ koo nyanyalɩɩ nɛ jaŋ kpʋʋ. Ama nɩɩ-la kala sɩ jaŋ kɛŋ ʋ tɩtɩa mʋ pɛ Babɩlɔŋ nɩaa tʋɔŋ, ʋ jaŋ kɛŋ mɩɩsɩŋ. Ʋ jaŋ laa ʋ mɩɩsɩŋ, ʋ bɩ jaŋ sʋʋ.’

JƐRƖMAAYA 38:2 ပူးပေါင်းရင်းမြစ်များ

JƐRƖMAAYA 21:4

‘Wɩɩ-la La TƖƖNA, Iziral tɩŋŋaa Wɩa sɩ bʋla nɛ ŋ-la: Mɩ jaŋ kɛŋ bayuori kɩalɩŋ sɩ hɛ ŋ nɩsɩŋ lɛ a mɩɩra gʋra chaasɛ ŋ tɩtɩa, kɩalɩŋ ŋ sɩ kaa yuyuo Babɩlɔŋ kuoro arɩ Babɩlɔŋ nɩalɩŋ sɩ hɛ kɛrɩsɩ-la sɩ golluŋ harɩŋ a yuyuoŋ. Mɩ jaŋ kɛŋ nɩalɩŋ kala kʋ jʋʋ hɛ dɔŋɔ tabalɩŋ deeŋ tʋɔŋ.

JƐRƖMAAYA 24:8

Ama a nagɛ tutogi-nambɩlɩa-la sɩ cheye, a lɔrɛ ŋɩɩ a bɩ ba dii kɛnɛ, mɩ-na ma TƖƖNA sɩ: Ŋɩɩ tɩtɩa nɛ mɩ jaŋ joŋo ŋaa Juda kuoro Zedikaaya lɛ, ʋ tɩntɩnnɩ-hɩasɩŋ arɩ nɩalɩŋ sɩ bɩ sʋba a lɩɩ Jerusalɛm lɛ, dɩ ba hɛ tinteeŋ deeŋ lɛ koo dɩ ba mʋ hɛ Ijipiti tinteeŋ lɛ nɛ.

JƐRƖMAAYA 27:11

Ama dɩ tintee kala nɩaa nɛ jaŋ joŋ ba tɩtɩa hɛ Babɩlɔŋ kuoro nɩsɩŋ lɛ a tɩma pʋpʋ, mɩ jaŋ leŋ dɩ tintee-la nɩaa hɔŋ ba tɩtɩa tinteeŋ lɛ a pɩpɛrɛ nɩmɛ. Mɩ-na ma TƖƖNA nɛ bʋla.’ ”

JƐRƖMAAYA 27:13

Bɛɛ nɛ tɩɩ ŋ dɩ ŋ nɩaa chɩchɛ dɩ laalɩŋ, losuŋ arɩ nyanyal-bɔmʋŋ kpʋma? Wɩalɩŋ La TƖƖNA sɩ bʋla tɩgɛ tintee-la na-kala sɩ vɩa dɩ ʋ tɩma pɩ Babɩlɔŋ kuoro nɛ ŋɩɩ.

JƐRƖMAAYA 29:16

Ama wɩɩ-la La TƖƖNA sɩ bʋla tɩgɛ kuoru-la sɩ hɔŋ Devit kuoru kpasa lɛ, arɩ nɩalɩŋ kala sɩ hɛ tabalɩŋ deeŋ lɛ, ma tinteeŋ nɩalɩŋ sɩ bɩ yoŋ-baga mʋa:

JƐRƖMAAYA 29:18

Mɩ jaŋ joŋ laalɩŋ, losuŋ arɩ nyanyal-bɔmʋŋ a kire to ba harɩŋ. Mɩ jaŋ leŋ dɩ ba kɛŋ nyɛsɩŋ dʋnɩa kuori-gentisiŋ nɩaa kala teeŋ, dɩ nɩaa kɛŋ ba yɩrɩŋ ŋmɩɛsa hɩhɛ dɔŋɔ lɛ. Nɩaa jaŋ naba dɩ fawʋllʋŋ kɛmba dɩ ba hihirigi. Tinteye-la kala lɛ mɩ sɩ kiriba hɛ, nɩaa jaŋ sisieri ba lɛ a mʋmɔmba.

JƐRƖMAAYA 34:17

Ŋɩɩ wɩaa, wɩɩ-la mɩ-na ma TƖƖNA sɩ bʋla nɛ ŋ-la: Ma bɩ mɩ niiŋ to, ma bɩ ma dɔnsʋŋ tɩŋŋaa sɩ ŋaa ma yosuŋ joŋo ta. Ŋɩɩ wɩaa mɩ-na jaŋ jomma ta: Mɩ jaŋ leŋ dɩ laalɩŋ, losuŋ arɩ nyanyal-bɔmʋŋ kpʋma. Mɩ jaŋ leŋ dɩ ma nagɛ kʋŋ sɩɩ sʋɔrʋ kuori-gentisiŋ kala sɩ hɛ dʋnɩa lɛ teeŋ.

JƐRƖMAAYA 39:18

Mɩ jaŋ laaŋ ta. Ŋ bɩ jaŋ sʋʋ laalɩŋ lɛ, ŋ jaŋ fori a laa ŋ mɩɩsɩŋ, bɛɛ wɩaa ŋ laamɛ dii nɛ. Mɩ-na ŋ TƖƖNA nɛ bʋla.’ ”

JƐRƖMAAYA 42:17

Wʋtɩtɩɩ, nɩalɩŋ kala sɩ ŋaa siri dɩ ba mʋ Ijipiti tinteeŋ a hɔŋ nɩmɛ, laalɩŋ, losuŋ arɩ nyanyalɩɩ jaŋ kpʋba. Ba kʋŋkala bɩ jaŋ kɛŋ mɩɩsɩŋ koo a fori wʋlɔrʋ-la mɩ sɩ jaŋ kaa kʋ hɛ ba lɛ.’

JƐRƖMAAYA 42:22

Ŋɩɩ wɩaa lɛɛlɛ, ma jɩŋ wɩɩŋ deeŋ lɛ: Ma dɔnsʋŋ jaŋ sʋʋ laalɩŋ lɛ, losuŋ arɩ nyanyalɩŋ ma jaŋ kpʋ dɔnsʋŋ, tintee-la ma sɩɩ chɛ ma mʋ hɔŋ lɛ.”

JƐRƖMAAYA 44:13

Mɩ jaŋ kɛŋ laalɩŋ, losuŋ arɩ nyanyal-bɔmʋŋ a dɔgɩsɛ nɩalɩŋ sɩ hɛ Ijipiti lɛ, a nagɛ mɩ sɩ dɔgɩsɛ Jerusalɛm nɩaa ŋɩɩ.

JƐRƖMAAYA 45:5

Ʋ saa maga dɩ ŋ chɛ wʋbalaa a pɩ ŋ tɩtɩa nɛɛ? Sɩ́ ba chɛ, bɛɛ wɩaa mɩ jaŋ kɛŋ wʋlɔrʋŋ a kʋ hɛ nɩaa kala lɛ. Mɩ-na ma TƖƖNA nɛ bʋla. Ama lee na-kala ŋ sɩ jaŋ mʋ, mɩ jaŋ leŋ dɩ ŋ fori a laa ŋ mɩɩsɩŋ.’ ”

ƐZƖKƖƐL 14:21

Wɩɩ-la mɩ-na ma TƖƖNA Wɩɩjarɩbakɔ sɩɩ bʋl nɛ ŋ-la: Ʋ jaŋ ŋaa wʋlɔrʋ a pɩ Jerusalɛm nɩaa dɩ mɩ nɛ joŋ wɩaa deemba banɛsɛ dɔgɩsɛba: laalɩŋ, losuŋ, baga kɩaa arɩ nyanyal bɔŋŋɔɔ, dɩ ba kpʋ ʋ nɩaa arɩ ʋ pʋsʋŋ.

ƐZƖKƖƐL 6:11

La TƖƖNA Wɩɩjarɩbakɔ bɩra sɩ, “Porisi ŋ nɩsaa, a yagɛ ŋ naasɩŋ, aŋ yel ‘Ou’ a tɩŋ wʋbɔmɔ-la arɩ wʋkɩsɩa-la Iziral tɩŋŋaa sɩ ŋaa wɩaa. Ba dɔnsʋŋ jaŋ sʋʋ laalɩŋ lɛ, ka dɩ losuŋ arɩ nyanyal bɔŋŋɔɔ ma kpʋ ba dɔnsʋŋ.

ƐZƖKƖƐL 7:15

Laalɩŋ jaŋ kpʋ nɩalɩŋ sɩ hɛ jeeŋ harɩŋ, ka dɩ losuŋ arɩ nyanyal bɔŋŋɔɔ ma kpʋ nɩalɩŋ sɩ hɛ jaŋ lɛ.