JƐRƖMAAYA 38:19 - WƖA TENIŊ

¹⁹ Kuoro Zedikaaya bʋla pɩ Jɛrɩmaaya, “Fawʋllʋŋ kɛmmɛ nɛ a tɩŋ Juu tɩmma-la sɩ mʋ Babɩlɔŋ tɩmma-la teeŋ wɩaa. Babɩlɔŋ tɩmma-la jaŋ wuo jommi hɛ ba nɩsɩŋ lɛ dɩ ba chaasa dɔgɩsɛmɛ.”

JƐRƖMAAYA 38:19 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 30:10

Nɩalɩŋ ba sɩ tɩma kɛŋ tɩndaarɩɩ-la mʋ tasɩ-la kala sɩ hɛ Efirem arɩ Manasɛ tinteeŋ lɛ, a kɛŋ ŋɩɩ mʋ yi Zebuluŋ tinteeŋ. Ama nɩaa sisieri ba lɛ a mʋmɔmba.

NƐHƖMAAYA 4:1

Baal kʋbala ba sɩɩ yɩrɛ Sambalat sɩ nɩa dɩ la wasa paa jebii-la a sɩsaa nɛ, ʋ baanɩŋ chaasa sii woruŋ, ʋ sisieri la-na Juu tɩŋŋaa lɛ

JOB 31:34

Mɩ yie bɩ wɩalɩŋ nɩaa sɩ jaŋ bʋl a mʋ tɩgɛ mɩ lɛ ka fá, koo a tɩŋ ŋɩɩ wɩaa a tɔrɛ mɩ niiŋ aŋ gʋrɛ dɩa lɛ.

NAMAGABA 29:25

Dɩ nʋʋ nɩɩ fá nuhuobiinee, ŋɩɩ ŋaa bɛrɛ́ nɛ ʋ lɛ, ama nɩɩ-la sɩ laa La Tɩɩna dii, wɩɩkala bɩ jaŋ jʋʋ ʋ lɛ.

AZAAYA 57:11

Kʋbɛɛ nɛ ma fɩfá, a bɩ wʋtɩtɩɩ kɛnɛ mɩ teeŋ, a bɩ mɩ wɩaa ka liisi? Mɩ sɩ tɔrɛ mɩ niiŋ a dieni kɩŋkɛŋ wɩaa nɛ tɩɩ ma bɩ mɩ ka fá koo?

JƐRƖMAAYA 20:7

La TƖƖNA, ŋ nyɩsɛmɛ nɛ, mɩ sɛɩ. Ŋ dolie kɩɩmɛ nɛ, a yuo diimi. Nɩaa ka sieri mɩ lɛ nɛ tapʋlɩɩ kala, nʋʋkala mʋmɔŋ mɩ lɛ.

JƐRƖMAAYA 38:22

Ba jaŋ kɛsɛ haala-la kala sɩ hɛ Juda kuoro dɩa lɛ a kaa kʋ lɩɩ pa Babɩlɔŋ kuoro tɩntɩnnɩ-hɩasɩŋ. Haala-la jaŋ bʋla pɩŋ: ‘Ba nyɩsɩŋ nɛ a yuo diiŋ, ŋ nandɔsʋ-la lɛ ŋ sɩ joŋ ŋ yɩɛlaa hɛ. Ŋ naasɩŋ mʋʋra tuu vʋchɔɔŋ nɛ. Ŋ nandɔsʋ-la vɩaŋ ta nɛ.’

JƐRƖMAAYA 38:5

Ŋɩɩ nɛ kuoro Zedikaaya bʋl, “Ʋ hɛ ma nɩsɩŋ lɛ nɛ, mɩ bɩ jaŋ wuo bʋl ma sɩ́ ʋ wɩɩkala ŋaa.”

JƐRƖMAAYA 39:9

Ŋɩɩ nɛ Nebuzaradaŋ sɩ ŋaa laalɩyuoro-la sɩɩ pɔ Babɩlɔŋ kuoro nɩhɩaŋ kɛsɛ nɩalɩŋ sɩ ka tabal-la lɛ a kaa mʋ yoŋ-baga Babɩlɔŋ lɛ, a pɛ nɩalɩŋ sɩ kɛŋ ba tɩtɩa mʋ pʋ, arɩ nɩalɩŋ dɔnsʋŋ sɩ ka.

Jɔɔŋ 12:42

Arɩ ŋɩɩ ma kala Juu tɩŋŋaa kʋhɩasɩŋ yʋga a laa Yesu wɩaa dii, ama a tɩŋ Farisii tɩŋŋaa wɩaa fawʋllʋŋ fa kɛmba. Ba bɩ wuo chaasa bʋl arɩ ba laa ʋ wɩaa dii, dɩ ŋɩɩ dee, ba fa jaŋ kiriba Wɩɩchʋɔlɛ dɩa lɛ.

SƖPAALAARAA 9:54

Ŋɩɩ nɛ Abɩmɛlɛk guu yɩrɛ laalɩyuoru-la sɩɩ kori ʋ laalɩyuori kɩaa, a bʋla pʋ, “Lɩɩsɛ ŋ tokobiiŋ a kpʋmɛ, dɩ nɩaa sɩ́ bʋl arɩ haala nɛ kpʋmɛ.” Ŋɩɩ nɛ laalɩyuoru-la lɩɩsɛ tokobiiŋ tɔɔ Abɩmɛlɛk ʋ sʋʋ.

1 SAMƲƐL 15:24

Ŋɩɩ nɛ Sɔɔl bʋla pɩ Samʋɛl, “Mɩ ŋaa wʋbɔŋ nɛ. Mɩ vɩa La TƖƖNA niiŋ nɛ, a bɩ wɩalɩŋ ŋ sɩ daga ma to. Mɩ nɩaa sɩɩŋ nɛ mɩ fá, a ŋaa wɩɩ-la ba sɩɩ chɛ.

1 SAMƲƐL 31:4

Ŋɩɩ nɛ Sɔɔl bʋla pɩ nɩɩ-la sɩ kori ʋ laalɩyuori kɩaa, “Lɩɩsɛ ŋ tokobiiŋ a tɔɔmɛ kpʋ, ŋɩɩ dee disiŋ tɩŋŋaa deemba jaŋ kʋ kpʋmɛ a tʋʋsɛ mɩ joŋŋoo.” Ama fawʋllʋŋ fa kɛŋ nɩɩ-la sɩ kori ʋ laalɩyuori kɩaa nɛ, ʋ bɩ wuo ŋaa ŋɩɩ. Ŋɩɩ nɛ Sɔɔl lɩɩsɛ ʋ tɩtɩa tokobiiŋ a pɛ, a tel ʋ nyuŋ a kpʋ ʋ tɩtɩa.