JƐRƖMAAYA 38:17 - WƖA TENIŊ

¹⁷ Ŋɩɩ nɛ Jɛrɩmaaya bʋla pɩ Zedikaaya, “Wɩɩ-la La TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: Dɩ ŋ nɛ joŋ ŋ tɩtɩa hɛ Babɩlɔŋ kuoro tɩntɩnna-la nɩsɩŋ lɛ, ŋ jaŋ laa ŋ mɩɩsɩŋ, ba bɩ jaŋ nyɩgɛ tabalɩŋ deeŋ ma, ŋ dɩ ŋ dɩa nɩaa jaŋ kɛŋ mɩɩsɩŋ.

JƐRƖMAAYA 38:17 ပူးပေါင်းရင်းမြစ်များ

WƖAA DƖ-SUOMUŊ 12:13

Bʋl ŋ ŋaa mɩ dɩhaal nɛ. Dɩ ŋ nɛ bʋl ŋɩɩ, ba jaŋ kɛmmɛ woruŋ a tɩŋ ŋ wɩaa, ba bɩ jaŋ kpʋmɛ.”

2 KUOROO 24:12

Ŋɩɩ nɛ Juda tinteeŋ kuoro Jehoyachiŋ, ʋ naaŋ, ʋ tɩntɩnnaa, ʋ laalɩyuori-hɩasɩŋ arɩ ʋ tɩntɩnnɩ-hɩasɩŋ, sɛɩ pɩ Babɩlɔŋ kuoro. Nebukadineza sɩ dii kuoruŋ ʋ jɩsɩŋ chori lɛ nɛ ʋ kɛŋ Jehoyachiŋ ʋ ŋaa dansarɩka.

2 KUOROO 25:27

Ba fa sɩ kɛŋ Juda tinteeŋ kuoro Jehoyachiŋ tɔ bɩnɩŋ dɩa Babɩlɔŋ lɛ, ʋ jɩsɩŋ mara arɩ fii arɩ balɩpɛ lɛ, ŋɩɩ nɛ baal kʋbala baa yɩrɛ Evil-Merodak kʋ dii Babɩlɔŋ tinteeŋ kuoruŋ, a leŋ ba lɩɩsɛ Jehoyachiŋ bɩnɩŋ dɩa lɛ chɛŋ fii arɩ balɩa tapʋlaa mara arɩ balɩpɛ chɛɛŋ.

1 IZIRAL TƖŊŊAA NAABARƖŊ 17:24

dɩ ŋ yɩrɩŋ yɩrɛ a kaa mʋ wuu. Ŋɩɩ nɛ nɩaa jaŋ bʋl, ‘La TƖƖNA doluŋ kala Tɩɩna nɛ Iziral Wɩa.’ Ŋ jaŋ leŋ dɩ mɩ-na ŋ tɩntɩnna Devit dɩa chaasa chɩŋ.

ƐZƖRA 9:4

Ŋɩɩ nɛ nɩalɩŋ kala sɩɩ fá Wɩa kɔ mɩ teeŋ, a tɩŋ wʋbɔŋ-la nɩalɩŋ sɩ lɩɩ yoŋ-baga kɔ sɩ ŋaa wɩaa. Ka mɩ hɔŋ a kala vɔgɛ arɩ tʋɔ-cheeŋ a mʋ yi bʋa-la lɛ ba sɩɩ ŋaa dɩdaanɩŋ Wɩɩsʋlʋŋ.

JOB 23:13

Ama dɩ Wɩa nɛ chɩna dɩ ʋ ŋaa wɩɩ, nʋʋkala bɩ ʋ wuo kaa bɩrɩmɛ. Ʋ yie ŋaa wɩɩ-la kala ʋ sɩɩ chɛ nɛ.

WƖA YƖƖLAA 80:14

Wɩa, doluŋ kala Tɩɩna, mɩɩra kɔ la teeŋ. Ŋ hɛ ŋ jaŋ lɛ nɛ, gʋra bee na wɩɩ-la sɩ ŋaa tɩa-la lɛ.

WƖA YƖƖLAA 80:7

Wɩa doluŋ kala Tɩɩna, kɛnla mɩɩra kɔ, a suri ŋ sɩaa pɩla dɩ la na wiese.

JƐRƖMAAYA 27:12

Wɩɩŋ deeŋ tɩtɩa nɛ mɩ-na Jɛrɩmaaya fa bʋla pɩ Juda tinteeŋ kuoro Zedikaaya. Mɩ sɩ, “Joŋ ŋ tɩtɩa hɛ Babɩlɔŋ kuoro nɩsɩŋ lɛ a tɩma pɩ ʋ dɩ ʋ nɩaa, ŋɩɩ nɛ ŋ jaŋ kɛŋ mɩɩsɩŋ.

JƐRƖMAAYA 27:17

Má sɩ́ ba teeŋ jegilu. Má tɩma pɩ Babɩlɔŋ kuoro, ŋɩɩ nɛ ma jaŋ kɛŋ mɩɩsɩŋ. Bɛɛ nɛ tɩɩ tabalɩŋ deeŋ jaŋ pɩŋ ji-kpee?

JƐRƖMAAYA 27:8

Dɩ tinteeŋ koo kuoru-gentine kala nɛ vɩa dɩ ʋ tɩma pɩ Babɩlɔŋ kuoro Nebukadineza koo a bɩ ba tɩtɩa joŋo hɛ ʋ nɩsɩŋ lɛ, mɩ jaŋ joŋ laalɩŋ, losuŋ arɩ nyanyal-bɔmʋŋ dɔgɩsɛ tintee-la nɩaa, aŋ to ʋ lɛ a kpʋ ba kala. Mɩ-na ma TƖƖNA nɛ bʋla.

JƐRƖMAAYA 38:2

“Wɩɩ-la La TƖƖNA sɩ bʋla nɛ ŋ-la: ‘Nʋʋ na-kala sɩ jaŋ hɔŋ tabalɩŋ deeŋ lɛ, laalɩŋ, losuŋ koo nyanyalɩɩ nɛ jaŋ kpʋʋ. Ama nɩɩ-la kala sɩ jaŋ kɛŋ ʋ tɩtɩa mʋ pɛ Babɩlɔŋ nɩaa tʋɔŋ, ʋ jaŋ kɛŋ mɩɩsɩŋ. Ʋ jaŋ laa ʋ mɩɩsɩŋ, ʋ bɩ jaŋ sʋʋ.’

JƐRƖMAAYA 39:3

Ŋɩɩ nɛ Babɩlɔŋ kuoro tɩntɩnnɩ-hɩasɩ-la hɔŋ tʋtʋɔbaanɩŋ boi-baal-la lɛ. Ba yɩraa nɛ ŋ-la: Nɛgal-Sarɛza a lɩɩ Samɩga, Nebo-Sasɛkɩm, ʋ ŋaa ʋ tɩntɩnnaa nɩhɩaŋ nɛ, Nɛgal-Sarɛza, ʋ ma ŋaa tɩntɩnnɩ-hɩaŋ nɛ a saa pɛ Babɩlɔŋ kuoro tɩntɩnnɩ-hɩasɩ-la dɔnsʋŋ lɛ.

JƐRƖMAAYA 40:9

Ŋɩɩ nɛ Ahɩkam nanʋala Gedalia sɩ ŋaa Safaŋ nihiŋ, ŋmɩɛsa pɩ ba dɩ ba nɩaa a bʋl, “Má sɩ́ leŋe dɩ fawʋllʋŋ kɛmma ma sɩ jaŋ tɩma pɩ Babɩlɔŋ nɩaa. Má hɔŋ tintee-la lɛ a to Babɩlɔŋ kuoro niiŋ, wɩaa jaŋ vɛŋ woruŋ pɩma.

JƐRƖMAAYA 44:7

Lɛɛlɛ, wɩɩ-la mɩ-na ma TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: Bɛɛ nɛ tɩɩ ma lɛrɛ wʋlɔrʋŋ deeŋ sɩ bɩ bana kɛnɛ hɛ ma tɩtɩa lɛ? Maa chɛ dɩ ma chei baalaa arɩ haalaa, hambiisiŋ arɩ bii-mulluŋ dɩ ma doho nʋʋ bɩra sɩ́ ka nɛɛ?

ƐZƖKƖƐL 8:4

Nɩmɛ nɛ mɩ na Iziral tɩŋŋaa Wɩa tʋla, a nagɛ kʋ-la mɩ fa sɩ na a nagɛ duosoo tʋɔŋ dɩ mɩ hɛ Keba fuo-la leriŋ.

AMƆS 5:27

Ŋɩɩ wɩaa ma jaŋ pɛ paa ma vesi-la dɩ mɩ nɛ kɛmma mʋmʋ yoŋ-baga a kieli tabal-la ba sɩɩ yɩrɛ Damasɩkʋs,” La Tɩɩna nɛ bʋla, ʋ yɩrɩŋ nɛ Wɩa doluŋ kala Tɩɩna.