JƐRƖMAAYA 37:7 - WƖA TENIŊ

⁷ “Wɩɩ-la mɩ-na ma TƖƖNA, Iziral tɩŋŋaa Wɩa sɩ bʋla nɛ ŋ-la: Bʋla pɩ Juda tinteeŋ kuoro, nɩɩ-la sɩ tɩmɩŋ dɩ ŋ kʋ chɛ na wɩaa mɩ teeŋ, Ijipiti tinteeŋ kuoro laalɩyuoro-la sɩ kʋ lɩɩ dɩ ba pɛ ŋ lɛ, ba jaŋ mɩɩra mʋ ba tɩtɩa tinteeŋ Ijipiti.

JƐRƖMAAYA 37:7 ပူးပေါင်းရင်းမြစ်များ

2 KUOROO 22:18

Má mʋ bʋla pɩ Juda tinteeŋ kuoro Josaaya, nɩɩ-la sɩ tɩmma dɩ ma kʋ chɛ na wɩaa La TƖƖNA teeŋ, ‘Wɩɩ-la La TƖƖNA Iziral tɩŋŋaa Wɩa sɩ bʋla a mʋ tɩgɛ wɩalɩŋ ŋ sɩ nɩa lɛ nɛ ŋ-la:

2 KUOROO 24:7

Ŋɩɩ nɛ Ijipiti tinteeŋ kuoro Neko arɩ ʋ laalɩyuoroo bɩra bɩ ba tinteeŋ lɛ lɩa dɩ ʋ yuo Juda tinteeŋ nɩaa, bɛɛ wɩaa Babɩlɔŋ kuoro fa laa Ijipiti tinteeŋ kala nɛ, a chɩŋ fuo-la ba sɩɩ yɩrɛ Yufireti a kaa mʋ yi Ijipiti tinteeŋ wɩɩpɔsʋŋ nagʋa bʋa.

NAMAGABA 21:30

Ŋ cho ŋ kɛŋ wʋjɩmɩŋ koo ŋ jɩŋ wɩaa sɩaa koo a bɩbɩɩnɛ wɩaa woruŋ ɛɛ kala, ŋɩɩ bɩ jaŋ wuo leŋ dɩ ŋ chɩŋ La Tɩɩna sɩpaaŋ.

AZAAYA 30:7

Ijipiti tintee-la sɩ bɩ nyʋʋrɩɩ kala kɛnɛ a bɩ ma lɛ wuo pɛ. Mɩ-na kɛnʋ yɩyɩrɛ Rahab lɩɩŋ tʋɔŋ kʋbɔŋ-la sɩ bɩ wɩɩ wuo ŋaa nɛ.”

AZAAYA 36:6

Ijipiti tinteeŋ kuoro lɛ nɛ ma joŋ ma yɩɛlaa daŋ. Ʋ saa nagɛ mɔrʋŋ nɩa sɩ joŋo a kaa ŋaa dantɩga a vɩvɛŋ nɛ. Ʋ jaŋ bori a tʋrɛ ma nɩsaa lɛ a pɩrɛma. Ŋɩɩ nɛ ʋ nagɛ nɩalɩŋ kala sɩ joŋ ba yɩɛlaa daŋ ʋ lɛ.

JƐRƖMAAYA 2:18

Lɛɛlɛ, wʋbɛɛ nɛ ma bɩɩnɛ ma jaŋ na dɩ ma nɛ mʋ Ijipiti tinteeŋ a nyʋa fuo-la ba sɩɩ yɩrɛ Naayɩl lɩɩŋ? Koo dɩ ma nɛ mʋ Asiiria tinteeŋ a nyʋa fuo-la ba sɩɩ yɩrɛ Yufireti lɩɩŋ?

JƐRƖMAAYA 2:36

Bɛɛ nɛ tɩɩ ma bɩ dɩ-bala chɩna aŋ kɛŋ ma wʋŋaalaa bɩbɩrɩmɛ ŋɩɩ? Asiiria tɩŋŋaa fa sɩ leŋe ma dii hɩɩsɩŋ ŋɩɩ, ŋɩɩ tɩtɩa nɛ Ijipiti tɩŋŋaa ma jaŋ leŋ dɩ ma dii hɩɩsɩŋ.

JƐRƖMAAYA 2:37

Ma jaŋ paa ma nɩsaa chʋŋ ma nyuŋ lɛ a lɩɩ tinteeŋ lɛ, bɛɛ wɩaa mɩ-na ma TƖƖNA vɩa nɩalɩŋ lɛ ma sɩ joŋ ma yɩɛlaa hɛ nɛ. Ba bɩ jaŋ pɛ ma lɛ.”

JƐRƖMAAYA 21:1

La TƖƖNA bʋl wɩaa a pɩ Jɛrɩmaaya, bʋa-la lɛ kuoro Zedikaaya sɩ leŋe Malɩkɩja nanʋala Pasɩhɔ arɩ Maasɛya nanʋala Zefanaaya sɩ ŋaa Wɩɩsʋllɩ sɩpaalaara kɔ ʋ teeŋ. Ba sɩ,

JƐRƖMAAYA 21:2

“Chɛ na wɩaa La TƖƖNA teeŋ a pɩla, bɛɛ wɩaa Babɩlɔŋ kuoro Nebukadineza ka yuola nɛ. Kapo La TƖƖNA jaŋ ŋaa wʋkpuŋkpere pɩla arɩ ʋ fa sɩɩ ŋaa ŋɩɩ, dɩ ʋ mʋ aŋ ka la.”

JƐRƖMAAYA 37:3

Ama kuoro Zedikaaya mɩɩra tɩŋ Sɛlɛmaaya nanʋala Jehukal arɩ Maasɛya nanʋala Zefanaaya sɩ ŋaa Wɩɩsʋllɩ sɩpaalaara dɩ ba kɛŋ tɩndaarɩŋ deeŋ mʋ pɩ Jɛrɩmaaya: “Laa sʋlʋŋ, sʋl La TƖƖNA Wɩa pɩla.”

JƐRƖMAAYA 37:5

Ijipiti tinteeŋ kuoro laalɩyuoroo kala fa lɩɩ Ijipiti tinteeŋ lɛ nɛ. Babɩlɔŋ tɩmma-la sɩ mʋʋ yuo Jerusalɛm a gollo chu sɩ nɩɩ ba wɩaa, ba leŋ Jerusalɛm aŋ mɩɩrɛ.

JƐRƖMAAYA 37:6

Ŋɩɩ nɛ La TƖƖNA bʋl wɩaa pɩ ʋ wʋlaabʋlla Jɛrɩmaaya. Ʋ sɩ,

JEMBIEE 1:7

Tapʋlɩa-la wɩaa sɩ jʋʋba ba gɔllɔ bɩbaarɛ, Jerusalɛm nɩaa liise yi ba dʋa-la kala wɩaa nɛ, kɩalɩŋ ba sɩ kɛnɛ faafaa-la. Ʋ nɩaa sɩ jʋʋ ba dʋndɔŋŋɔɔ nɩsɩŋ, nʋʋ tuo dɩ ʋ pɛ ba lɛ. Ʋ dʋndɔŋŋɔɔ benu nɛ aŋ mɔŋ ʋ sɩ cheye lɛ.

JEMBIEE 4:17

La bee chɩchɛ nʋʋ nɛ dɩ ʋ kʋ pɛ la lɛ a lɔl, La sɩ sagɛ dɩɩ-leŋee nyuŋ a bee chɩchɛ tintee-la nɩaa dɩ ba pɛ la lɛ, ba bɩ jaŋ wuo laala ta.

ƐZƖKƖƐL 17:17

Dɩ Ijipiti tinteeŋ kuoro arɩ ʋ laalɩyuori-duoru-la arɩ ʋ nɩ-daŋ-la nɛ pɛ Juda tinteeŋ kuoro lɛ a yuo laalɩŋ ma, ba bɩ jaŋ wuo ŋaa wɩɩkala dɩ Babɩlɔŋ tɩŋŋaa nɛ saa vaŋkumba dɩ ba to ba lɛ a jʋʋ kpʋ ba nɩ-daŋ-la sɩ hɛ Jerusalɛm lɛ.

ƐZƖKƖƐL 29:16

Ijipiti tinteeŋ bɩra bɩ jaŋ ŋaa lee Iziral tɩŋŋaa sɩ jaŋ joŋ ba yɩɛlaa hɛ. Ama ba jaŋ liliisi wʋbɔmɔ-la ba sɩ ŋaa, ba sɩ kɛŋ ba tɩtɩa mʋ mɛrɛ Ijipiti tɩŋŋaa lɛ dɩ ba pɛ ba lɛ. Ŋɩɩ nɛ Iziral tɩŋŋaa jaŋ jɩŋ arɩ mɩ nɛ ba TƖƖNA Wɩɩjarɩbakɔ.”

ƐZƖKƖƐL 30:22

Ŋɩɩ wɩaa, wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Mɩ chɩŋ Ijipiti tinteeŋ kuoro lɛ nɛ. Mɩ jaŋ bori ʋ nɩsaa, ʋ na-zɔŋ-la arɩ ʋ na-borii-la kala, dɩ tokobii-la lɩɩ ʋ nɩsɩŋ lɛ foro tel.