JƐRƖMAAYA 37:21 - WƖA TENIŊ

²¹ Ŋɩɩ nɛ kuoro Zedikaaya pa wombiiŋ dɩ ba joŋ Jɛrɩmaaya hɛ laalɩyuoro-la sɩɩ pɔ kuoro kaala lɛ, aŋ pʋpʋ boroboro-la ba sɩɩ yallɛ womporuŋ lɛ see dɩ ba kala dɛrɛ tabal-la lɛ. Ŋɩɩ nɛ Jɛrɩmaaya ka laalɩyuoro-la sɩɩ pɔ kuoro kaala-la tʋɔŋ.

JƐRƖMAAYA 37:21 ပူးပေါင်းရင်းမြစ်များ

2 KUOROO 25:3

Chɛŋ-nɛsɛ tʋɔŋ tapʋl nibi lɛ, losuŋ faasa jʋʋ tabal-la woruŋ, kʋdiilii kala tuo dɩ ba dii.

JOB 5:20

Dɩ losuŋ nɛ jʋa, ʋ jaŋ laaŋ ta dɩ ŋ sɩ́ sʋʋ. Dɩ laalɩŋ ma nɛ sie, ʋ jaŋ laaŋ ta dɩ ba sɩ́ŋ kpʋ.

WƖA YƖƖLAA 37:19

Dɩ wʋlɔrʋŋ nɛ jʋa, ba bɩ jaŋ na hɛɛŋ, dɩ kʋdiilee ma nɛ nyaa, ba-na jaŋ kɛŋ kɩaa yʋgɛ.

WƖA YƖƖLAA 37:3

Laa La Tɩɩna dii a ŋɩŋaa wʋzɔŋŋɔɔ a hɔŋ tintee-la lɛ. Dɩ ŋ nɛ ŋaa ŋɩɩ, ŋ jaŋ hɔŋ sɔm.

NAMAGABA 16:7

Dɩ nʋʋ wʋŋaalaa nɩɩ tɔrɛ La Tɩɩna tʋɔŋ, ʋ yie leŋ ʋ dɩ ʋ dʋndɔŋŋɔɔ kala ŋaa sɩma nɛ.

NAMAGABA 21:1

Kuoro tʋɔbɩɩnaa kala hɛ La Tɩɩna nɩsɩŋ lɛ nɛ. Ʋ yie kɛnʋ dagɛ wombii-la kala ʋ sɩ cho dɩ ʋ to, a nagɛ lɩɩŋ sɩɩ to lɩɩ-libe ŋɩɩ.

AZAAYA 33:16

Nɩdoho deeŋ nɛ jaŋ hɔŋ sɔm a nagɛ nɩa sɩ hɛ dɩɩ-duoŋ tʋɔŋ peeliŋ nyuŋ, wɩɩkala bɩ jaŋ walɩmʋ. Ʋ jaŋ na kʋdiilee bʋa na-kala lɛ, lɩɩŋ ma bɩ jaŋ nyaa ʋ teeŋ.

JƐRƖMAAYA 20:2

ʋ leŋ ba ŋmoo Wɩa wʋlaabʋlla Jɛrɩmaaya, aŋ kɛnʋ jɩla hɛ kuruŋ Bɛnjamɩŋ boi-baal-la sɩ kpagɛ La TƖƖNA dɩɩ-bal-la lɛ.

JƐRƖMAAYA 32:2

Bʋa-la lɛ, dɩ Babɩlɔŋ kuoro laalɩyuoroo kʋʋ yuo Jerusalɛm a gollu chu, ka ba kɛŋ Wɩa wʋlaabʋlla Jɛrɩmaaya ma tɔ hɛ laalɩyuoro-la sɩɩ pɔ kuoro kaala lɛ, Juda tinteeŋ kuoru dɩa lɛ.

JƐRƖMAAYA 32:8

La TƖƖNA sɩ bʋl ŋɩɩ, mɩ naambie Hanamɛl kɔ mɩ teeŋ, nɩalɩŋ sɩɩ pɔ leriŋ kaala-la tʋɔŋ a bʋl, “Laa mɩ ŋmaŋkaa-la sɩ hɛ Anatɔf lɛ Bɛnjamɩŋ tinteeŋ a yɔɔ. Ŋ nɛ kɛŋ wombiiŋ dɩ ŋ wuo bilu, yɔɔ dɩ ʋ ŋaa ŋ kʋŋ.” Ŋɩɩ nɛ mɩ jɩŋ arɩ La TƖƖNA nɛ bʋl wɩɩŋ deeŋ.

JƐRƖMAAYA 33:1

Jɛrɩmaaya fa ha sɩ hɛ nɩalɩŋ sɩɩ pɔ leriŋ kaala-la lɛ ba sɩ kɛnʋ tɔ hɛ, ŋɩɩ nɛ La TƖƖNA bʋl wɩaa pʋ lɩamɩŋ lɛ:

JƐRƖMAAYA 38:13

ba kɛŋ ŋmɛŋ-la lɛ a lɛrɛ lɩɩsʋ vil-la tʋɔŋ. Ʋ kʋ lɩɩ a hɛ nɩalɩŋ sɩɩ pɔ leriŋ kaala-la tʋɔŋ.

JƐRƖMAAYA 38:28

Ŋɩɩ nɛ Jɛrɩmaaya ha hɛ laalɩyuoro-la sɩɩ pɔ kuoro kaala-la tʋɔŋ, a mʋ yi bʋa-la lɛ ba sɩ yuo dii Jerusalɛm.

JƐRƖMAAYA 38:6

Ŋɩɩ nɛ ba kɛŋ Jɛrɩmaaya, a joŋu hɛ kuoro nanʋala Malɩkɩja viliŋ lɛ. Vil-la fa hɛ nɩalɩŋ sɩɩ pɔ leriŋ kaala lɛ nɛ. Ba kɛŋ ŋmɛsɩŋ nɛ vɔɔ Jɛrɩmaaya a joŋu hɛ vil-la tʋɔŋ. Lɩɩŋ fa tuo vil-la lɛ, vʋchɔɔŋ dʋndʋŋa nɛ, ŋɩɩ nɛ Jɛrɩmaaya tuu mʋʋrɛ vʋchɔɔ-la lɛ.

JƐRƖMAAYA 38:9

“Kuoro, mɩ nɩhɩaŋ, baalaa deemba ŋaa wʋbɔŋ nɛ ba sɩ ŋaa wɩalɩŋ kala Wɩa wʋlaabʋlla Jɛrɩmaaya lɛ. Ba joŋu yuo hɛ viliŋ lɛ nɛ. Ʋ jaŋ sʋʋ arɩ losuŋ nɩmɛ dɩ boroboro nɛ kʋ tuo tabal-la lɛ.”

JƐRƖMAAYA 52:6

Chɛŋ-nɛsɛ tʋɔŋ tapʋl nibi chɛɛŋ, losuŋ faasa jʋʋ tabal-la woruŋ, kʋdiilii kala tuo dɩ ba dii.

JEMBIEE 5:10

La yaraa lɩma nɛ a nagɛ tabʋʋŋ losuŋ kɛnla la vɩvagɩlɛ.

Matiu 6:33

Ŋɩɩ wɩaa má laa sɩpaaŋ chɛ kɩalɩŋ sɩ hɛ Wɩa kuorii-la tʋɔŋ a chɛ ŋɩɩ ma sɩ jaŋ ŋaa a kɛŋ tʋɔpʋla ʋ sɩpaaŋ. Ʋ jaŋ joŋ kɩaa deemba kʋŋkala pɛ pɩma.

Tɩntɩŋŋaa 12:5

Pɩɩta fa sɩ hɛ nɩtɔɔrɩ dɩa lɛ ŋɩɩ, nɩalɩŋ sɩ laa Yesu wɩaa dii aa hilimi chʋɔlɛ Wɩa pʋpʋ arɩ sɩɩfɩɛsɩŋ.

Tɩntɩŋŋaa 24:27

Jɩsɩŋ balɩa sɩ kiele, baal kʋbala baa yɩrɛ Pɔkɔs Fɛsɩtɔs laa Fɛlɩs leriŋ a ŋaa nɩɩ-la sɩ chɩŋ kuoru-balɩŋ nyuŋ. Fɛlɩs faa chɛ dɩ Juu tɩŋŋaa chou, ŋɩɩ nɛ tɩɩ ʋ leŋ Pɔɔl ha hɛ bɩnɩŋ-dɩa lɛ.

Tɩntɩŋŋaa 28:16

La sɩ yi Rom, ba pɩ Pɔɔl wombiiŋ dɩ ʋ jʋjʋʋ ʋ dʋndʋŋa dɩa, ka ba ŋaa laalɩyuoru kʋbala bibenu.

Tɩntɩŋŋaa 28:30

Pɔɔl hɔŋ Rom lɛ jɩsɩŋ balɩa, a laa dɩa a jʋjʋʋ. Nʋʋ na-kala sɩ kɔ dɩ ʋ naʋ, ʋ yie kɛnʋ woruŋ nɛ.

Ɛfɛsɩs Nɩaa 4:1

Ba kɛŋ mɩ-na Pɔɔl tɔ dɩa a tɩŋ La Tɩɩna Yesu wɩaa nɛ. Ma nɩalɩŋ Wɩa sɩ yɩra, mɩɩ sʋlma dɩ ma leŋ dɩ ma wʋŋaalaa joŋ wombiiŋ arɩ Wɩa sɩɩ chɛ ŋɩɩ.

Ɛfɛsɩs Nɩaa 6:20

Mɩ sɩɩ bʋl Kirisito wʋzɔmɔ-la aa pɩ nɩaa ŋɩɩ, ŋɩɩ nɛ tɩɩ ba kɛmmɛ kaa hɛ chɔrʋmɔɔ. Má sʋl Wɩa pɩmɛ dɩ mɩ wuo bʋl Wɩa wɩaa arɩ nyuduoŋ, arɩ ŋɩɩ sɩ maga dɩ mɩ bʋl ŋɩɩ.

2 Timoti 1:8

Ŋɩɩ wɩaa dɩ ŋ nɛ bʋl La Tɩɩna Yesu wɩaa pɩpɩ nɩaa, sɩ́ leŋe dɩ hɩɩsɩŋ kɛnɩŋ a tɩŋ Yesu wɩaa. Bɩra sɩ́ leŋe dɩ hɩɩsɩŋ kɛnɩŋ mɩ ma wɩaa, a tɩŋ ba sɩ kɛmmɛ tɔ dɩa Kirisito wɩaa. Ama Wɩa doluŋ lɛ, sɛɩ dɩ la kala na hɛɛŋ a tɩŋ Yesu wʋzɔmɔ-la wɩaa.

2 Timoti 2:9

A tɩŋ Yesu wʋzɔmɔ-la wɩaa, mɩ na hɛɛŋ nɛ. Ba vɔɔmɛ arɩ chɔrʋmɔɔ nɛ, a nagɛ mɩ ŋaa nɩbɔŋ nɛ. Ama ba bɩ Wɩa niiŋ wɩaa-na vɔbɔ.