JƐRƖMAAYA 37:15 - WƖA TENIŊ

¹⁵ Ba na baanɩŋ Jɛrɩmaaya nyuŋ a ŋmobu aŋ kɛnʋ tɔ dɩa Jonataŋ sɩ ŋaa teŋ ŋmʋnsʋra dɩa lɛ. Ba fa kɛŋ ʋ dɩa-la bɩrɩmɛ nɩtɔɔrɛ dɩa nɛ.

JƐRƖMAAYA 37:15 ပူးပေါင်းရင်းမြစ်များ

WƖAA DƖ-SUOMUŊ 39:20

Ŋɩɩ nɛ Josɛf kʋhɩaŋ kɛnʋ mʋ tɔ kuoroo nɩtɔɔrɩ dɩa lɛ ʋ hɛ nɩmɛ.

2 IZIRAL TƖŊŊAA NAABARƖŊ 16:10

Asa sɩ nɩɩ wɩɩŋ deeŋ, ʋ baanɩŋ chaasa sii woruŋ, ʋ kɛŋ Hanani Wɩa sɩɩ-naarʋ-la tɔ dɩa. Bʋa-la tɩtɩa lɛ Asa fa chaasa dɔgɩsɛ ʋ nɩalɩŋ dɔnsʋŋ ma nɛ woruŋ.

2 IZIRAL TƖŊŊAA NAABARƖŊ 18:26

Má bʋla pɩba arɩ ba laaʋ tɔ bɩnɩŋ dɩa a pʋpʋ boroboro mʋa mʋa arɩ lɩɩŋ dʋndʋŋ a mʋ yi bʋa-la lɛ mɩ sɩ jaŋ mɩɩra kɔ arɩ yarɩfɩɛlaa.”

JƐRƖMAAYA 18:23

La TƖƖNA, ŋ jɩŋ ŋɩɩ kala ba sɩ vʋʋra dɩ ba kpʋmɛ nɛ. Sɩ́ ba wʋbɔŋŋɔɔ joŋo chɛba, sɩ́ ŋ sɩaa lɩɩsɛ ba wʋbɔŋŋɔɔ lɛ. Leŋ dɩ ba tele bilimi ŋ sɩpaaŋ. Na baanɩŋ a dɔgɩsɛba.

JƐRƖMAAYA 26:16

Ŋɩɩ nɛ tɩntɩnnɩ-hɩasɩ-la arɩ nɩalɩŋ kala bʋla pɩ Wɩɩsʋllɩ sɩpaalaaraa arɩ Wɩa wʋlaabʋlla-la, “Ma bɩ maga dɩ ma kpʋ baala deeŋ. Ʋ bʋl wɩaa La TƖƖNA Wɩa yɩrɩŋ lɛ nɛ a pɩla.”

JƐRƖMAAYA 32:2

Bʋa-la lɛ, dɩ Babɩlɔŋ kuoro laalɩyuoroo kʋʋ yuo Jerusalɛm a gollu chu, ka ba kɛŋ Wɩa wʋlaabʋlla Jɛrɩmaaya ma tɔ hɛ laalɩyuoro-la sɩɩ pɔ kuoro kaala lɛ, Juda tinteeŋ kuoru dɩa lɛ.

JƐRƖMAAYA 37:20

Kuoro, mɩ nɩhɩaŋ, mɩɩ sʋlʋŋ jegile nɩɩ. Leŋ dɩ mɩ bʋl wɩɩ-la mɩ sɩ kɛnɛ: Bɩra sɩ́ mɩ kaa mɩɩra mʋ Jonataŋ sɩ ŋaa teŋ ŋmʋnsʋra dɩa, dɩ ŋ ŋaa ŋɩɩ, mɩ jaŋ sʋʋ nɩmɛ.”

JƐRƖMAAYA 37:4

Bʋa deeŋ lɛ dɩ ba ha bɩ Jɛrɩmaaya kaa tɔ bɩnɩŋ dɩa, ʋ fa jaŋ wuo gʋgɔllɛ nɩalɩŋ tʋɔŋ ŋɩɩ kala ʋ sɩɩ chɛ.

JƐRƖMAAYA 38:26

bʋla pɩba, ‘Mɩ faa sʋl kuoro nɛ dɩ ʋ bɩra sɩ́ mɩ kaa mɩɩra mʋ Jonataŋ dɩa-la dɩ mɩ sʋʋ nɩmɛ.’ ”

JƐRƖMAAYA 38:6

Ŋɩɩ nɛ ba kɛŋ Jɛrɩmaaya, a joŋu hɛ kuoro nanʋala Malɩkɩja viliŋ lɛ. Vil-la fa hɛ nɩalɩŋ sɩɩ pɔ leriŋ kaala lɛ nɛ. Ba kɛŋ ŋmɛsɩŋ nɛ vɔɔ Jɛrɩmaaya a joŋu hɛ vil-la tʋɔŋ. Lɩɩŋ fa tuo vil-la lɛ, vʋchɔɔŋ dʋndʋŋa nɛ, ŋɩɩ nɛ Jɛrɩmaaya tuu mʋʋrɛ vʋchɔɔ-la lɛ.

JƐRƖMAAYA 39:15

Bʋa-la lɛ Jɛrɩmaaya fa sɩ hɛ laalɩyuoro-la sɩɩ pɔ kuoro kaala-la lɛ, La TƖƖNA bʋl wɩaa pʋ. Ʋ sɩ,

Matiu 21:35

Ba kɛŋ dɔŋɔ a ŋmobu, a kpʋ dɔŋɔ, a yagɛ dɔŋɔ arɩ tabɩaa a kpʋʋ.

Matiu 23:34

Ŋɩɩ wɩaa, mɩ jaŋ bɩra tɩŋ Wɩa wʋlaabʋllaa arɩ wʋjɩnnaa arɩ kerichiba. Ma jaŋ kpʋ ba dɔnsʋŋ aŋ kɛŋ dɔnsʋŋ kpaasa mɛrɛ daagɛsɛ nyuŋ, a vɩɩrɛ dɔnsʋŋ ma ma Wɩɩchʋɔlɛ dɩɩsɩŋ lɛ, a to naasɩŋ dɔgɩsɛ dɔnsʋŋ ma tasɩŋ dɔnsʋŋ lɛ.

Luuk 22:64

Ba vɔɔ ʋ sɩaa tɔ a ŋmobu aŋ pɩɛsʋ, “Dagɛ nɩɩ-la sɩ ŋmobuŋ.”

Jɔɔŋ 18:22

Yesu sɩ bʋl wɩɩŋ deeŋ, tɩntɩnna-la dɔŋɔ fallɛ ʋ chaŋkpaŋɩŋ lɛ aŋ pɩɛsɛ, “Ŋ-la nɛ magɛ dɩ ŋ bʋl wɩaa Wɩɩsʋllɩ sɩpaalaaraa kʋhɩaŋ teeŋ?”

Tɩntɩŋŋaa 5:18

Ba kɛsɛ Yesu nanzɔɔba-la kaa mʋ tɔ dɩa, lee-la ba sɩɩ tɔ ba nɩaa.

Tɩntɩŋŋaa 5:28

“La bʋla pɩma arɩ sɩɩfɩɛsɩŋ: Má bɩra sɩ́ wɩɩkala dagʋ Yesu yɩrɩŋ lɛ. Ama ma bee na, ma kɛŋ wɩɩ-la kaa gaara cheŋ Jerusalɛm kala aa chɛ ma joŋ cheeriŋ pɩla a tɩŋ baala deeŋ sʋʋŋ wɩaa.”

Tɩntɩŋŋaa 5:40

Ŋɩɩ nɛ ba jegile nɩɩ ʋ niiŋ. Ba yɩrɛ Yesu nanzɔɔba-la ba kʋ jʋʋ, a ŋaa ba vɩɩrɛba, aŋ bʋla pɩba dɩ ba bɩra sɩ́ wɩaa bʋl Yesu yɩrɩŋ lɛ, aŋ leŋ ba viiri.

Jɔɔŋ Wʋnaalaa 2:10

Má sɩ́ leŋe dɩ fawʋllʋŋ kɛmma a mʋ tɩgɛ hɛɛ kala ma sɩ jaŋ na lɛ. Mɩ bʋlaa pɩma, Sɩtaanɩ jaŋ magɩsɛ ma dɔnsʋŋ a leŋ dɩ ba kɛmma tɔ bɩnɩŋ dɩa. Ma jaŋ na hɛɛŋ a yi tapʋlaa fii. Dɩ ba nɩɩ chɛ dɩ ba kpʋma ma, ma-na ha chɩŋ wɩalɩŋ ma sɩ laa dii lɛ. Dɩ ma nɛ ŋaa ŋɩɩ, mɩ jaŋ joŋ mɩɩ-zɔmʋŋ pɩma Wɩa-jaŋ lɛ.