JƐRƖMAAYA 37:1 - WƖA TENIŊ

¹ Babɩlɔŋ kuoro Nebukadineza nɛ leŋe Josaaya nanʋala Zedikaaya dii Juda tinteeŋ kuoruŋ. Jehoyakim nanʋala Jehoyachiŋ nyuŋ nɛ ʋ laa dii kuorii-la.

JƐRƖMAAYA 37:1 ပူးပေါင်းရင်းမြစ်များ

2 KUOROO 24:12

Ŋɩɩ nɛ Juda tinteeŋ kuoro Jehoyachiŋ, ʋ naaŋ, ʋ tɩntɩnnaa, ʋ laalɩyuori-hɩasɩŋ arɩ ʋ tɩntɩnnɩ-hɩasɩŋ, sɛɩ pɩ Babɩlɔŋ kuoro. Nebukadineza sɩ dii kuoruŋ ʋ jɩsɩŋ chori lɛ nɛ ʋ kɛŋ Jehoyachiŋ ʋ ŋaa dansarɩka.

2 KUOROO 24:17

Ŋɩɩ nɛ Babɩlɔŋ kuoro leŋ Jehoyachiŋ nyɩmma kʋbie ba sɩɩ yɩrɛ Mataanɩa dii kuoruŋ ʋ nyuŋ lɛ, aŋ kɛŋ ʋ yɩrɩŋ bɩrɩmɛ a yɩyɩrʋ Zedikaaya.

JƐRƖMAAYA 21:1

La TƖƖNA bʋl wɩaa a pɩ Jɛrɩmaaya, bʋa-la lɛ kuoro Zedikaaya sɩ leŋe Malɩkɩja nanʋala Pasɩhɔ arɩ Maasɛya nanʋala Zefanaaya sɩ ŋaa Wɩɩsʋllɩ sɩpaalaara kɔ ʋ teeŋ. Ba sɩ,

JƐRƖMAAYA 22:24

La TƖƖNA sɩ, “Mɩ nɛ sɩ weye wɩaa, dɩ ŋ-na Juda kuoro Jehoyachiŋ sɩ ŋaa Jehoyakim nanʋala nɛ fa paala nagɛ kuori nenii-pɩrɩŋ a hɛ mɩ nadiiŋ nɩsɩŋ lɛ ma, mɩ fa ha jaŋ lɩɩsɩŋ ta.

JƐRƖMAAYA 22:28

Mɩ bʋl: Jehoyakim mɩɩra nagɛ pupoiŋ sɩ yɛrɛ ba joŋo yuo ta nɛ. Ʋ mɩɩra nagɛ kʋŋ nʋʋkala sɩ bɩ chɛ nɛ. Bɛɛ nɛ tɩɩ ba kiri ʋ dɩ ʋ biiriŋ kala ta, ba mʋ hɛ tintee ba sɩ bɩ jɩŋ lɛ?

JƐRƖMAAYA 24:1

Babɩlɔŋ kuoro Nebukadineza sɩ kɛŋ Juda kuoro Jehoyachiŋ sɩ ŋaa Jehoyakim nanʋala arɩ Juda tinteeŋ tɩntɩnnɩ-hɩasɩŋ, nɩalɩŋ sɩ jɩŋ nɩsɩŋ tɩntɩŋŋaa arɩ libire lɩɩ Jerusalɛm lɛ a kaa mʋ yoŋ-baga Babɩlɔŋ tinteeŋ lɛ, ʋ ŋɩɩ harɩŋ lɛ nɛ La TƖƖNA dagɛmɛ tutogi-nambɩlaa sinsiŋ balɩa sɩ chɩŋ La TƖƖNA dɩɩ-bal-la sɩpaaŋ.

JƐRƖMAAYA 34:2

Wɩɩ-la La TƖƖNA, Iziral tɩŋŋaa Wɩa sɩ bʋla nɛ ŋ-la: Mʋ Juda tinteeŋ kuoro Zedikaaya teeŋ a bʋla pʋ, “Wɩɩ-la mɩ-na ma TƖƖNA sɩ bʋla nɛ ŋ-la: Mɩɩ chɛ mɩ joŋ tabalɩŋ deeŋ a hɛ Babɩlɔŋ kuoro nɩsɩŋ lɛ nɛ dɩ ʋ nyɩgʋ.

JƐRƖMAAYA 52:31

Ba fa sɩ kɛŋ Juda tinteeŋ kuoro Jehoyachiŋ tɔ bɩnɩŋ dɩa Babɩlɔŋ lɛ, ʋ jɩsɩŋ mara arɩ fii arɩ balɩpɛ lɛ, ŋɩɩ nɛ baal kʋbala baa yɩrɛ Nɩbɔmʋŋ-Merodak kʋ dii Babɩlɔŋ tinteeŋ kuoruŋ, a leŋ ba lɩɩsɛ Juda kuoro Jehoyachiŋ, chɛŋ fii arɩ balɩa tapʋlaa mara arɩ banɔŋ chɛɛŋ.