JƐRƖMAAYA 36:7 - WƖA TENIŊ

⁷ Kapo ba jaŋ kɔ La TƖƖNA sɩpaaŋ a sʋlʋ aŋ bɩrɩma lɩɩ ba wʋbɔŋŋɔɔ lɛ, bɛɛ wɩaa La TƖƖNA sɩ na baanɩŋ a bʋl wɩalɩŋ tɩgɛ nɩaa deemba lɛ bɩ bana kɛnɛ.”

JƐRƖMAAYA 36:7 ပူးပေါင်းရင်းမြစ်များ

2 KUOROO 22:13

“Má mʋ chɛ na La TƖƖNA teeŋ a mʋ tɩgɛ wɩalɩŋ sɩ hɛ teŋ-la tʋɔŋ a pɩ mɩ dɩ Juda nɩaa kala. La TƖƖNA chaasa na baanɩŋ nɛ la nyuŋ, a tɩŋ la naabalɩmaba sɩ bɩ wɩalɩŋ sɩ hɛ teŋ-la tʋɔŋ to, a bɩ wɩalɩŋ kala ba sɩ ŋmʋnsa a mʋ tɩgɛ la lɛ ŋaa.”

2 KUOROO 22:17

bɛɛ wɩaa ba vɩamɛ nɛ aŋ nyɩgɛ kʋsʋɔrʋsʋŋ pɩpɩ vesiŋ, a leŋ mɩ baanɩŋ sii tɔmɔ-la ba tɩtɩa sɩ mɛ lɛ. Mɩ baanɩŋ chaasa sii ba nyuŋ nɛ, ʋ bɩ jaŋ fɩɛlɛ.’

2 IZIRAL TƖŊŊAA NAABARƖŊ 34:21

“Má mʋ chɛ na La TƖƖNA teeŋ a mʋ tɩgɛ wɩalɩŋ sɩ hɛ teŋ-la tʋɔŋ a pɩ mɩ dɩ Iziral nɩkaanaa arɩ Juda nɩaa. La TƖƖNA chaasa na baanɩŋ nɛ la nyuŋ, a tɩŋ la naabalɩmaba sɩ bɩ ʋ niiŋ wɩaa to. Ba bɩ wɩalɩŋ kala ba sɩ ŋmʋnsa hɛ teŋ-la tʋɔŋ to.”

JƐRƖMAAYA 1:3

Ŋɩɩ harɩŋ, ʋ fa bɩra bʋl wɩaa a pʋ bʋa-la lɛ Josaaya nanʋala Jehoyakim sɩ dii Juda tinteeŋ kuoruŋ. Ʋ ha bʋl wɩaa pʋpʋ nɛ a mʋ yi Josaaya nanʋala Zedikaaya sɩ dii kuoruŋ ʋ jɩsɩŋ fii arɩ kʋbala chɛŋ-nɔŋ tʋɔŋ. Bʋa-la lɛ dɩ ba fa kɛsɛ Jerusalɛm nɩaa mʋ yoŋ-baga.

JƐRƖMAAYA 16:10

Dɩ ŋ nɛ bʋl wɩaa deemba kala pɩ nɩaa deemba dɩ ba pɩɛsɩŋ, ‘Bɛɛ nɛ tɩɩ La TƖƖNA bʋl wʋlɔrʋŋ deeŋ a tɩgɛ la lɛ? Wʋbɛɛ nɛ la chei? Wʋbɔŋ bɛɛ nɛ la ŋaa La TƖƖNA Wɩa lɛ?’

JƐRƖMAAYA 19:15

“Wɩɩ-la La TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: ‘Má jegile nɩɩ, mɩ jaŋ kɛŋ wʋlɔrʋnʋ-la mɩ sɩ daga a kʋ hɛ tabalɩŋ deeŋ arɩ tabiisi-la kala sɩ gollu lɛ, bɛɛ wɩaa ba kɛŋ nyuduoŋ nɛ a bɩ chɛ ba jegile nɩɩ mɩ niiŋ wɩaa.’ ”

JƐRƖMAAYA 21:5

Mɩ-na tɩtɩa nɛ jaŋ tɩɛnɛ mɩ naduoŋ a yuoŋ arɩ baanɩŋ. Mɩ baanɩŋ jaŋ chaasa sii woruŋ.

JƐRƖMAAYA 25:5

Ba sɩ, “Má kʋŋkala bɩrɩma lɩɩ ma wombii-bɔmɔ-la ma sɩɩ to arɩ wʋbɔmɔ-la ma sɩɩ ŋaa lɛ. Dɩ ma nɛ ŋaa ŋɩɩ, ma jaŋ wuo hɔŋ tintee-la lɛ La TƖƖNA sɩ joŋo pɩ ma dɩ ma naabalɩmaba a kaa mʋ wuu.

JƐRƖMAAYA 26:3

Kapo ba jaŋ jegile nɩɩ, dɩ ba kʋŋkala bɩrɩma lɩɩ ba wʋbɔŋŋɔɔ ŋaanɩŋ lɛ. Dɩ ba nɛ ŋaa ŋɩɩ, mɩ jaŋ kɛŋ mɩ tʋɔbɩɩnaa bɩrɩmɛ. Mɩ bɩra bɩ jaŋ kɛŋ wʋlɔrʋŋ kʋ hɛ ba lɛ, wʋlɔrʋ-la mɩ fa sɩ bɩɩna dɩ mɩ kaa kʋ hɛ ba lɛ a tɩŋ wʋbɔmɔ-la ba sɩ ŋaa wɩaa.

JƐRƖMAAYA 36:3

Kapo Juda nɩaa nɛ nɩɩ wʋlɔrʋnʋ-la mɩ sɩɩ bɩɩnʋ dɩ mɩ joŋo hɛ ba lɛ, ba jaŋ bɩrɩma lɩɩ ba wʋbɔŋŋɔɔ lɛ. Dɩ ba nɛ ŋaa ŋɩɩ, mɩ jaŋ joŋ ba wʋbɔŋŋɔɔ arɩ ba wʋcheelee a chɛba.”

JƐRƖMAAYA 37:20

Kuoro, mɩ nɩhɩaŋ, mɩɩ sʋlʋŋ jegile nɩɩ. Leŋ dɩ mɩ bʋl wɩɩ-la mɩ sɩ kɛnɛ: Bɩra sɩ́ mɩ kaa mɩɩra mʋ Jonataŋ sɩ ŋaa teŋ ŋmʋnsʋra dɩa, dɩ ŋ ŋaa ŋɩɩ, mɩ jaŋ sʋʋ nɩmɛ.”

JƐRƖMAAYA 4:4

Má joŋ ma tɩtɩa hɛ mɩ-na ma TƖƖNA nɩsɩŋ lɛ. Má Juda arɩ Jerusalɛm nɩaa, má pʋllɛ ma tʋɔŋ, dɩ ŋɩɩ dee, mɩ baanɩŋ jaŋ sii ma nyuŋ a nagɛ nyiniŋ a diima a tɩŋ wʋbɔmɔ-la ma sɩ ŋaa wɩaa. Dɩ nyiŋ-la nɩɩ diima, nʋʋkala bɩ jaŋ wuo dɩsʋ.

JƐRƖMAAYA 42:2

kala mʋ Wɩa wʋlaabʋlla Jɛrɩmaaya teeŋ a bʋla pʋ, “Laa sʋlʋŋ, jegile nɩɩ wɩɩ-la la sɩ kɛnɛ, a sʋl ŋ TƖƖNA Wɩa a pɩ la nɩkaanaa deemba. Ŋ tɩtɩa sɩɩŋ na la nɛ lɛɛlɛ, la fa yʋga nɛ woruŋ, ama lɛɛlɛ la baŋmɛnɛ nɛ ka.

JEMBIEE 4:11

La TƖƖNA chaasa na baanɩŋ nɛ, ʋ baanɩŋ chaasa sii nɛ ʋ pɔsɛ. Ʋ fuuni nyiniŋ hɛ Zaayɔŋ lɛ nɛ, ʋ joŋ ʋ kala kɔlɩmɛ a tuu yi gentine.

ƐZƖKƖƐL 12:3

Ŋɩɩ wɩaa, nuhuobiiŋ, leŋ dɩ ba naŋ ka dɩ ŋ paa ŋ kɩaa wɩɩhɛyɛ a lɩɩ mʋmʋ yoŋ-baga. Lɩɩ lee-la ŋ sɩ hɛ a lɩɩ mʋ lee dɔŋ. Ba ŋaa nɩa sɩ vɩa mɩ niiŋ nɛ, kapo ba jaŋ jɩŋ wɩɩ-la ŋ sɩɩ ŋaa bʋbʋɔŋ.

ƐZƖKƖƐL 13:13

Ŋɩɩ wɩaa wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Mɩ jaŋ faasa na baanɩŋ a leŋ dɩ pel-duoŋ lu dɩ duonuŋ lɔgɔ jaasɛ, dɩ duoŋ-tabɩaa tele yagɛ jee-la lo.

ƐZƖKƖƐL 20:33

Mɩ-na ma TƖƖNA Wɩɩjarɩbakɔ ŋmɩɛsa: Mɩ jaŋ na baanɩŋ a bemma arɩ mɩ dol-balɩŋ.

ƐZƖKƖƐL 22:20

Ŋ jɩŋ ba sɩ joŋ hɔɔ-pʋla, hɔɔ-fɩaŋ, hɔɔ-duoŋ, fanɩ arɩ hɔɔ-la ba sɩ kaa ŋaa kɔŋkɔŋ a hɛ nyiniŋ lɛ ba ŋmɩɛrɛ ŋɩɩ, ŋɩɩ tɩtɩa nɛ mɩ jaŋ na baanɩŋ a kɛmma kʋ hɛ dɔŋɔ Jerusalɛm lɛ, a fuuni nyiniŋ hɛ ma lɛ dɩ ma ŋmɩɛrɛ.

ƐZƖKƖƐL 5:13

Ŋɩɩ nɛ mɩ baanɩŋ jaŋ fɩɛlɛ, baaŋ-la mɩ sɩ faasa na ŋ nyuŋ ka dɩ mɩ yaraa pɛ dɔŋɔ lɛ. Dɩ mɩ nɛ ŋaa wɩaa deemba kala ŋ lɛ, ŋɩɩ nɛ ŋ jaŋ jɩŋ arɩ mɩ-na ŋ TƖƖNA yaraa nɛ biere, mɩ bʋl wɩaa deemba.

ƐZƖKƖƐL 8:18

Ŋɩɩ wɩaa, mɩ jaŋ dagɛba arɩ baanɩŋ, mɩ bɩ jaŋ fá ba nenige koo a lemba. Ba jaŋ faasa suri ba yikoro a sʋsʋlmɛ, ama mɩ bɩ jaŋ jegili ba teeŋ.”

DANƖƐL 9:13

Wʋlɔrʋnʋ-la kala sɩ hɛ ŋ wombiiŋ teŋ-la Mosis sɩ ŋmʋnsa bil dɩ la tuto lɛ, ŋaa la lɛ nɛ ka la ha vɩa dɩ la bɩrɩma lɩɩ la wʋbɔŋŋɔɔ lɛ, a ŋaa wɩalɩŋ ŋ-na La TƖƖNA Wɩa sɩ cho a to ŋ wʋtɩtɩɩ-la.

DANƖƐL 9:18

Wɩa, kpil dɩgɩlɩŋ a jegile nɩɩ, suri ŋ sɩaa a na ŋ tabalɩŋ sɩ kɛŋ ŋ yɩrɩŋ sɩ pɩŋ jikpeeŋ. La bɩ tʋɔpʋl tɩmma nɛ ŋaa a sʋsʋlʋŋ, ama a tɩŋ ŋ sɩɩ fá nɩaa nenige kɩŋkɛŋ wɩaa nɛ.

HOSIA 5:15

Ŋɩɩ lɛ nɛ mɩ jaŋ mɩɩra mʋ mɩ dɩjʋʋlʋŋ a kaa mʋ yi bʋa-la lɛ ba sɩ jaŋ sɛɩ dɩ ba cheye nɛ, a bee chɩchɛmɛ. Hɛɛŋ nɛ jʋʋba, ba jaŋ chaasa bee chɩchɛmɛ.”

JOWƐL 2:12

La TƖƖNA sɩ, “Lɛɛlɛ, má mɩɩra kɔ mɩ teeŋ arɩ ma tʋɔŋ kala, a vɔɔ niiŋ aŋ pɛ faasa yiyel.”

JOWƐL 2:13

Má leŋ dɩ ma tʋɔŋ nɛ chei aŋ sɩ́ ma gɛnnɩŋ nɛ kɩɛsʋ. Má mɩɩra kɔ ma TƖƖNA Wɩa teeŋ, ʋ nɛ kɛŋ zile, a fɩfá nɩaa nenige. Ʋ baanɩŋ bɩ lɩma lɩma ka sii, aŋ cho nɩaa ma woruŋ. Ʋ yie kɛŋ ʋ tɩtɩa hɛ dɔŋɔ dɩ ʋ joŋ wɩaa chɛla nɛ bʋa na-kala a bɩ chɛ ʋ dɔgɩsɛla.

JONA 3:8

Ama má leŋ dɩ nʋʋkala laalɛ tʋɔ-chei gɛnnɩŋ, aŋ paa dɔnsʋŋ vɔɔ pʋsʋŋ a chaasa sʋl Wɩa woruŋ a leŋ yuosuŋ arɩ wʋbɔŋŋɔɔ ŋaanɩŋ.

ZƐKARƖYA 1:4

Má sɩ́ ma naabalɩmaba nagʋ, ba nɛ mɩ wʋlaabʋlla-la laa sɩpaaŋ kʋ bʋla pa ŋɩɩ: Wɩɩ-la mɩ-na ma TƖƖNA doluŋ kala Tɩɩna sɩ bʋla nɛ: ‘Má bɩrɩma lɩɩ ma wombii-bɔŋŋɔɔ arɩ wʋbɔmɔ-la ma sɩɩ ŋaa lɛ.’ Ama ba bɩ jegile nɩɩ mɩ teeŋ koo a kaa tɩŋ. Mɩ-na ma TƖƖNA nɛ bʋla.

MOSIS BƖRA WULLI WƖA WOMBIIŊ 31:16

aŋ bɩra bʋla pɩ Mosis, “Ŋ jaŋ sʋʋ a mʋ ŋ nyɩmmaba teeŋ. Ŋ sʋʋŋ harɩŋ lɛ, nɩaa deemba jaŋ vɩamɛ aŋ suomo ŋɩŋaa wʋlɩɩlɩŋ, aa kpaarɛ vesiŋ tintee-la ba sɩɩ mʋ lɛ, a chei nii-la mɩ sɩ bile mɩ dɩ ba pɛgɛ.

MOSIS BƖRA WULLI WƖA WOMBIIŊ 31:17

Dɩ ŋɩɩ nɛ kʋ ŋaa, mɩ baanɩŋ jaŋ sii ba nyuŋ dɩ mɩ vɩaba, a joŋ harɩŋ yɩaba dɩ ba chei. Wʋlɔrʋnʋŋ arɩ wʋwalɩmaa jaŋ jʋʋba. Bʋa-la lɛ ba jaŋ bʋl, ‘La Wɩa sɩ tuo la teeŋ nɛ tɩɩ wʋlɔrʋnʋŋ deemba kala ŋɩŋaa la lɛ ŋɩɩ.’