JƐRƖMAAYA 36:6 - WƖA TENIŊ

⁶ Ŋɩɩ wɩaa, mʋ La TƖƖNA dɩɩ-bal-la tapʋlɩɩ-la ba sɩɩ vɔɔ niiŋ, a karɩmɛ La TƖƖNA niiŋ wɩalɩŋ mɩ sɩ bʋla ŋ ŋmʋnsɛ. Karɩmɛba a pɩ Juda nɩalɩŋ kala sɩ lɩɩ ba tasɩŋ kɔ.

JƐRƖMAAYA 36:6 ပူးပေါင်းရင်းမြစ်များ

JƐRƖMAAYA 18:11

Lɛɛlɛ bʋla pɩ Juda nɩaa arɩ ba nɩalɩŋ dɔnsʋŋ sɩ hɛ Jerusalɛm lɛ, ‘Wɩɩ-la mɩ-na ma TƖƖNA sɩ bʋla nɛ ŋ-la: Má bee na, mɩɩ bɩɩnɛ wɩɩ nɛ dɩ mɩ ŋaa ma lɛ. Wʋlɔrʋ nɛ mɩɩ bɩɩnɛ dɩ mɩ joŋo dɔgɩsɛma. Ŋɩɩ wɩaa má kʋŋkala bɩrɩma lɩɩ ma wʋbɔŋŋɔɔ lɛ. Ma bɩrɩmɛ ma mɛlɛ arɩ ma wʋŋaalaa.’

JƐRƖMAAYA 19:14

Ŋɩɩ nɛ Jɛrɩmaaya mɩɩra lɩɩ Tɔfɛf kɔ lee-la La TƖƖNA sɩ kɛnʋ mʋ dɩ ʋ bʋl wɩaa ʋ doluŋ lɛ, a kʋ chɩŋ La TƖƖNA dɩɩ-balɩŋ kaala tʋɔŋ a bʋla pɩ nɩalɩŋ kala,

JƐRƖMAAYA 22:2

‘Juda kuoro, jegile nɩɩ wɩɩ-la mɩ-na ma TƖƖNA sɩ bʋla. Ŋ nɛ nɩɩ-la sɩ hɔŋ Devit kuoru kpasa nyuŋ, ŋ dɩ ŋ tɩntɩnnɩ-hɩasɩŋ arɩ ŋ nɩaa sɩ yie kʋ to boi-baalaa deemba a jʋjʋʋ,

JƐRƖMAAYA 26:2

Wɩɩ-la La TƖƖNA sɩ bʋla nɛ ŋ-la: “Mʋ chɩŋ mɩ dɩɩ-bal-la kaala lɛ a bʋl wɩaa pɩ nɩalɩŋ kala sɩ hɛ Juda tasɩŋ lɛ a yie kɔ mɩ dɩɩ-bal-la a dɩdɛnnɛmɛ. Bʋl wɩalɩŋ kala mɩ sɩ bʋla pɩŋ a pɩba, sɩ́ wɩɩkala gɛllɛ ta.

JƐRƖMAAYA 36:2

“Joŋ teniŋ a ŋmʋnsɛ wɩalɩŋ kala mɩ sɩ bʋla tɩgɛ Iziral arɩ Juda lɛ arɩ tinteye-la dɔnsʋŋ, a chɩŋ bʋa-la lɛ mɩ sɩ suomo a bʋl wɩaa pɩpɩŋ, bʋa-la lɛ Josaaya sɩ dii kuoruŋ a kaa kɔ lɛɛlɛ.

JƐRƖMAAYA 36:4

Ŋɩɩ nɛ Jɛrɩmaaya yɩrɛ Neria nanʋala Baruk, a bʋbʋl wɩalɩŋ kala La TƖƖNA sɩ bʋla pʋ, ka Baruk ŋmʋnsa hɩhɛ teniŋ lɛ.

JƐRƖMAAYA 7:2

“Chɩŋ mɩ-na ma TƖƖNA dɩɩ-balɩŋ boi-baalɩŋ niiŋ aŋ heele bʋl wɩɩŋ deeŋ. Ma-na Juda tɩmma-la kala sɩ to boi-baalaa deemba a kʋ chʋchʋɔlɛ La TƖƖNA, má jegile nɩɩ wɩɩ-la La Tɩɩna sɩ bʋla.

ZƐKARƖYA 8:19

Wɩɩ-la La TƖƖNA doluŋ kala Tɩɩna sɩ bʋla nɛ ŋ-la: “Ma sɩ yie vɔɔ niiŋ chɛŋ-nɛsɛ, chɛŋ-nɔŋ, chɛŋ-pɛɩ arɩ chɛŋ-fii lɛ ŋɩɩ, ba jaŋ ŋaa jʋɔsa tapʋlɩa arɩ tʋɔtɔrɛ gbielee a pɩ ma Juda nɩaa. Ŋɩɩ wɩaa má cho wʋtɩtɩɩ, a hɔŋ arɩ fɩɛlɩŋ.”

Tɩntɩŋŋaa 27:9

La hɔŋ nɩmɛ a dieni, Juu tɩŋŋaa tapʋl-bal-la ba sɩ yie pɩɩsɛ ba disiniŋ ta kʋ kieli. Bʋa-la lɛ lɩɩŋ duoruŋ yie hɛɩ nɛ. Ŋɩɩ nɛ Pɔɔl bʋl wɩɩŋ deeŋ chagɩlɛba a bʋl,