JƐRƖMAAYA 36:31 - WƖA TENIŊ

³¹ Mɩ jaŋ dɔgɩsɛ ʋ dɩ ʋ biiriŋ arɩ ʋ tɩntɩnnaa a tɩŋ ba wʋbɔŋŋɔɔ wɩaa. Mɩ jaŋ kɛŋ wʋlɔrʋnʋ-la wɩaa mɩ sɩ bʋla tɩgɛ ba lɛ kaa kʋ hɛ ba dɩ nɩalɩŋ kala sɩ hɛ Jerusalɛm arɩ Juda lɛ, bɛɛ wɩaa ba bɩ jegile nɩɩ mɩ teeŋ.”

JƐRƖMAAYA 36:31 ပူးပေါင်းရင်းမြစ်များ

WƖA YƖƖLAA 94:23

Ʋ jaŋ joŋ ba wʋbɔŋŋɔɔ a gʋra dɔgɩsɛba, a cheiba a tɩŋ ba wʋbɔmɔ-la wɩaa. La Tɩɩna Wɩa jaŋ cheiba.

NAMAGABA 29:1

Dɩ ŋ nyuŋ nɛ dolie, dɩ ba tʋrʋŋ tʋrʋŋ lɔl, ŋ jaŋ kʋʋ jɩŋ dɩ ba guu chei ŋ kala. Wɩɩkala tuo sɩ jaŋ laaŋ ta.

JƐRƖMAAYA 11:8

Ama ba bɩ jegile nɩɩ, aŋ vɩa dɩ ba tomi, ba mɩɩra to ba nyuduoŋ arɩ tʋɔbɩɩŋ bɔŋŋɔɔ harɩŋ nɛ. Ŋɩɩ nɛ mɩ joŋ ŋmɩaŋ-la kala sɩ hɛ nii-la sɩ hɛ mɩ dɩ ba pɛgɛ a hɛ ba lɛ. Nii-la mɩ fa sɩ sɩ ba to ka ba bɩ to.’ ”

JƐRƖMAAYA 17:18

Leŋ dɩ nɩalɩŋ sɩ to naasɩŋ dɔgɩsɛmɛ dii hɩɩsɩŋ, ama lɩɩsɛ mɩ-na hɩɩsɩŋ lɛ. Leŋ dɩ fawʋllʋŋ kɛmba, ama lɩɩsɛ mɩ-na wɩalɩŋ sɩ kɛŋ fawʋllʋŋ lɛ. Leŋ dɩ wʋlɔrʋŋ kʋ jʋʋba. Cheiba naansɩɩŋ bʋlɩa.

JƐRƖMAAYA 19:15

“Wɩɩ-la La TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: ‘Má jegile nɩɩ, mɩ jaŋ kɛŋ wʋlɔrʋnʋ-la mɩ sɩ daga a kʋ hɛ tabalɩŋ deeŋ arɩ tabiisi-la kala sɩ gollu lɛ, bɛɛ wɩaa ba kɛŋ nyuduoŋ nɛ a bɩ chɛ ba jegile nɩɩ mɩ niiŋ wɩaa.’ ”

JƐRƖMAAYA 23:34

Dɩ mɩ wʋlaabʋllʋ koo nʋʋ sɩ kpʋ pʋsʋŋ pɩpɩmɛ koo nʋʋ dɔŋ nɛ sɩ, ‘Wɩɩ-la La TƖƖNA sɩ bʋla nɛ ŋ-la: Mɩ jaŋ dɔgɩsɛ nɩɩ-la arɩ ʋ dɩa nɩaa kala.

JƐRƖMAAYA 29:32

wɩɩ-la mɩ-na ma TƖƖNA sɩ bʋla nɛ ŋ-la: Mɩ jaŋ dɔgɩsɛ Sɛmaaya sɩ lɩɩ Nehelam arɩ ʋ doho nɩaa kala. Ʋ nɩaa kʋŋkala bɩ jaŋ ka nɩaa deemba tʋɔŋ. Ʋ bɩ jaŋ kɔ dɩ ʋ na wʋzɔmɔ-la mɩ sɩ jaŋ ŋaa pɩ mɩ nɩaa, bɛɛ wɩaa ʋ dagɛ nɩaa a leŋ ba vɩa mɩ niiŋ nɛ. Mɩ-na ma TƖƖNA nɛ bʋla.’ ”

JƐRƖMAAYA 35:17

Ŋɩɩ wɩaa, wɩɩ-la mɩ-na ma TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: Má jegile nɩɩ, mɩ jaŋ kɛŋ wʋlɔrʋnʋ-la kala wɩaa mɩ sɩ bʋla a kaa kʋ hɛ Juda arɩ nɩalɩŋ kala sɩ hɛ Jerusalɛm lɛ. Mɩ bʋl wɩaa pɩba nɛ, ama ba bɩ jegile nɩɩ. Mɩ yɩrɛba nɛ, ama ba bɩ sɛyɛ.”

JƐRƖMAAYA 52:2

Ʋ fa ŋaa wʋbɔŋŋɔɔ nɛ La TƖƖNA teeŋ, arɩ Jehoyakim fa sɩ ŋaa ŋɩɩ.

ƐZƖKƖƐL 7:8

Ʋ bɩ jaŋ dieni, mɩ jaŋ faasa na baanɩŋ ma nyuŋ. Mɩ jaŋ dii ma sarɩya a dɔgɩsɛma a mʋ tɩgɛ ma wʋŋaalaa arɩ wʋkɩsɩa-la kala ma sɩ ŋaa lɛ.

ƐZƖKƖƐL 7:9

Mɩ bɩ jaŋ fá ma nenige koo a lemma. Mɩ jaŋ dɔgɩsɛma a tiŋ ma wʋŋaalaa arɩ wʋkɩsɩa-la ma sɩ ŋaa chɩmɩŋ. Ŋɩɩ nɛ ma jaŋ jɩŋ arɩ mɩ-na ma TƖƖNA nɛ dɔgɩsɛma.

LEVI DOHO NƖAA 26:14

La TƖƖNA bɩra sɩ, “Dɩ ma nɛ bɩ jaŋ jegile mɩ teeŋ a to wɩalɩŋ mɩ sɩ daga,

Matiu 23:37

Ma Jerusalɛm nɩaa, ma kpʋ Wɩa wʋlaabʋllaa nɛ, a joŋ tabɩaa yagɛ tɩndaara-la Wɩa sɩ tɩma dɩ ba kɔ ma teeŋ. Naansɩɩŋ yʋga nɛ mɩ fa cho dɩ mɩ chu tɔ ma nɩaa kala arɩ jimiŋ sɩ yie chu tɔ ʋ biiriŋ ŋɩɩ, ka ma bɩ sɛyɛ.