JƐRƖMAAYA 36:29 - WƖA TENIŊ

²⁹ Bʋla pɩ Juda tinteeŋ kuoro Jehoyakim, wɩɩ-la mɩ-na ma TƖƖNA sɩ bʋla nɛ ŋ-la: Ŋ nyɩgɛ teŋ-la nɛ aŋ bʋl, ‘Bɛɛ nɛ tɩɩ ŋ ŋmʋnsɛ arɩ Babɩlɔŋ kuoro jaŋ sɛnɛ kʋ chei tinteeŋ deeŋ a kpʋ ʋ nɩaa arɩ ʋ pʋsʋŋ kala?’

JƐRƖMAAYA 36:29 ပူးပေါင်းရင်းမြစ်များ

JƐRƖMAAYA 26:9

Bɛɛ nɛ tɩɩ ŋ bʋl wɩaa La TƖƖNA yɩrɩŋ lɛ, arɩ Wɩa dɩɩ-balɩŋ deeŋ jaŋ nagɛ Sɩlɔ, dɩ ba vɩa tabalɩŋ deeŋ ma ta dɩ ʋ pɩŋ hoi?” Ŋɩɩ nɛ nɩalɩŋ kala kʋ golli Jɛrɩmaaya La TƖƖNA dɩɩ-bal-la lɛ.

AZAAYA 30:10

Ba bʋla pɩ nɩalɩŋ sɩ yie na wɩaa arɩ duosoo tʋɔŋ, “Ma bɩra sɩ́ wɩaa na arɩ duosoo tʋɔŋ.” Ba bɩra bʋla pɩ Wɩa wʋlaabʋllaa ma, “Má sɩ́ la wɩɩ-la sɩ maga dɩ la ŋaa dagʋ, má bʋl wɩalɩŋ la sɩ cho nɛ a pɩpɩla, dɩ ba ŋaa wʋnyɩɛrɩ ma. Má leŋ dɩ la tuto wɩalɩŋ la sɩɩ chɛ.

JƐRƖMAAYA 32:3

Juda tinteeŋ kuoro Zedikaaya nɛ fa kɛnʋ tɔ hɛ lee-la, aŋ bʋl, “Bɛɛ nɛ tɩɩ ŋ bʋl ŋɩɩ? Ŋ sɩ sɩ, ‘Wɩɩ-la La TƖƖNA sɩ bʋla nɛ ŋ-la: Mɩɩ chɛ mɩ joŋ tabalɩŋ deeŋ a hɛ Babɩlɔŋ kuoro nɩsɩŋ lɛ dɩ ʋ yuo diiu.

AZAAYA 45:9

Wɩaa jaŋ jʋʋ nɩɩ-la sɩ kɛŋ ʋ ŋɩŋaara yuyuo yuosuŋ. Ŋ ŋaa chʋrʋŋ nɛ. Chʋrʋŋ jaŋ wuo pɩɛsɛ pupo-mɛɛrɛ arɩ, bɛɛ kʋŋ nɛ ʋ kɛnʋ ŋɩŋaa? Ŋ nɩsɩŋ tɩntɩmɩŋ jaŋ wuo bʋla pɩŋ arɩ ŋ bɩ wʋjɩmɩŋ kɛnɛɛ?

AZAAYA 29:21

a pɛ nɩalɩŋ sɩɩ chei nɩaa yɩrɩŋ lɛ, nɩalɩŋ sɩ pɔ dɩ ba sɩ́ wʋcheeree dɔgʋsʋ aŋ yie nyɩɛ wɩaa sarɩya dɩ-diiliŋ a pɔ dɩ nɩalɩŋ sɩ bɩ wɩɩ cheye sɩ́ kʋsɩŋŋaa laa.

JOB 15:24

Hɛɛŋ arɩ tʋɔ-cheeŋ leŋe fawʋllʋŋ kɛnʋ nɛ, a chaasa jʋʋ ʋ lɛ, a nagɛ kuoro sɩ nyɩgɩla dɩ ʋ mʋ yuo laalɩŋ,

MOSIS BƖRA WULLI WƖA WOMBIIŊ 29:19

Ma sɩ nɩɩ kalɩbɩŋ deeŋ, dɩ nʋʋ nɛ ha hɛ ma tʋɔŋ a bɩɩnɛ arɩ ʋ jaŋ ŋaa ʋ tɩtɩa tʋɔtɔrɛ wɩaa, ka dɩ wɩaa ha vɛŋ woruŋ a pʋ, ʋʋ nyɩsɛ ʋ tɩtɩa nɛ. Ʋ jaŋ lɛrɛ wʋlɔrʋnʋŋ kʋ hɛ ma lɛ dɩ ba chei ma nɩzɔŋŋɔɔ arɩ nɩbɔŋŋɔɔ kala.

1 Kɔrɩntɩ Nɩaa 10:22

Koo laa chɛ dɩ la ŋaa dɩ Wɩa baanɩŋ sii nɛ? Koo la bɩɩna la nɛ dolie kɩɩ Wɩa?

Tɩntɩŋŋaa 5:39

Ama dɩ Wɩa tɩntɩmɩɩ nɛ, ma bɩ jaŋ wuo cheyu. Dɩ ma nɩɩ chɛ dɩ ma cheyu, ma jaŋ na dɩ Wɩa nɛ ma paala yuyuo ŋɩɩ.”

Tɩntɩŋŋaa 5:28

“La bʋla pɩma arɩ sɩɩfɩɛsɩŋ: Má bɩra sɩ́ wɩɩkala dagʋ Yesu yɩrɩŋ lɛ. Ama ma bee na, ma kɛŋ wɩɩ-la kaa gaara cheŋ Jerusalɛm kala aa chɛ ma joŋ cheeriŋ pɩla a tɩŋ baala deeŋ sʋʋŋ wɩaa.”

JƐRƖMAAYA 28:8

Faafaa kala, Wɩa wʋlaabʋlla-la sɩ laa sɩpaaŋ kɔ mɩ dɩ ŋ lɛ, ba fa bʋla arɩ laalɩŋ, wʋlɔrʋŋ arɩ nyanyalɩɩ jaŋ jʋʋ tinteyee a yʋgɛ, a jʋʋ kuori-gentiŋ balaa ma a yʋgɛ.

JƐRƖMAAYA 21:10

La TƖƖNA bɩra sɩ, “Mɩ chaasa kɛŋ mɩ tʋɔŋ dɩ mɩ ŋaa wʋbɔŋ nɛ tabalɩŋ deeŋ lɛ, wʋzɔŋ dee. Mɩ jaŋ joŋu hɛ Babɩlɔŋ kuoro nɩsɩŋ lɛ, dɩ ʋ cheyu arɩ nyiniŋ.”

JOB 40:8

Ŋŋ chɛ ŋ dagɛ arɩ mɩ-na bɩ wʋtɩtɩɩ kɛnɛ, ŋ-na nɛ kɛŋ wʋtɩtɩɩ koo?

JOB 15:25

bɛɛ wɩaa ʋ pagɩsɛ Wɩa nɛ. Ʋ dagɛ ʋ tɩtɩa ŋɩɩ sɩ bɩ maga La TƖƖNA doluŋ kala Tɩɩna teeŋ nɛ,

JƐRƖMAAYA 25:9

mɩ jaŋ yɩrɛ nɩaa kala sɩ hɛ wɩɩpɔsʋŋ nagʋa arɩ mɩ tɩntɩnna Babɩlɔŋ kuoro Nebukadineza a hɛ dɔŋɔ, a kɛmba kʋ hɛ tinteeŋ deeŋ arɩ ʋ nɩaa arɩ tinteye-la kala sɩ gollu lɛ. Mɩ-na ma TƖƖNA nɛ bʋla. Mɩ jaŋ chei ba kala gbelem gbelem dɩ ba ŋaa mɔmɩa dɩ nɩaa sisieri ba lɛ, nɩaa jaŋ naba dɩ fawʋllʋŋ kɛmba dɩ ba hihirigi. Ba jaŋ pɩŋ jikpeeŋ a kaa mʋ wuu.

JƐRƖMAAYA 25:13

Mɩ jaŋ joŋ wɩalɩŋ kala mɩ sɩ bʋla tɩgɛ tintee-la lɛ a ŋaa ʋ lɛ. Wɩalɩŋ ba sɩ ŋmʋnsa hɛ teniŋ deeŋ tʋɔŋ arɩ wɩalɩŋ Jɛrɩmaaya sɩ bʋla mɩ doluŋ lɛ a tɩgɛ tinteye-la kala lɛ.

JƐRƖMAAYA 33:12

Wɩɩ-la La TƖƖNA, doluŋ kala Tɩɩna sɩ bʋla nɛ ŋ-la: “Leriŋ deeŋ sɩ pɩŋ hoi a bɩ nɩaa arɩ pʋsʋŋ kɛnɛ ʋ tasɩŋ kala lɛ, pʋsʋŋ dɩ-diilee jaŋ hɛ nɩmɛ, dɩ pie-daaraa kiri ba piesee mʋ dɩ ba pɩna wiesi.

JƐRƖMAAYA 36:23

Dɩ Jehudi nɛ karɩmɛ wɩalɩŋ sɩ hɛ teŋ-la tʋɔŋ naaderee batori koo banɛsɛ, kuoro yie kɛŋ sɩɩ-bie nɛ a keriba a joŋo hɛ nyiŋ-la sɩ hɛ pupoiŋ lɛ. Ʋ ŋaa ŋɩɩ nɛ a nyɩgɛ teŋ-la kala.