JƐRƖMAAYA 36:2 - WƖA TENIŊ

² “Joŋ teniŋ a ŋmʋnsɛ wɩalɩŋ kala mɩ sɩ bʋla tɩgɛ Iziral arɩ Juda lɛ arɩ tinteye-la dɔnsʋŋ, a chɩŋ bʋa-la lɛ mɩ sɩ suomo a bʋl wɩaa pɩpɩŋ, bʋa-la lɛ Josaaya sɩ dii kuoruŋ a kaa kɔ lɛɛlɛ.

JƐRƖMAAYA 36:2 ပူးပေါင်းရင်းမြစ်များ

ƐZƖRA 6:2

Ba na teŋ kʋbala Ɛkɩbatana tabalɩŋ sɩ hɛ Midia tinteeŋ lɛ, dɩ ba ŋmʋnsɛ wɩaa deemba hɛ ʋ lɛ. Wɩalɩŋ nɛ ŋ-la:

JOB 31:35

Mɩ fa jaŋ cho dɩ nʋʋ jegile nɩɩ wɩalɩŋ mɩ sɩɩ bʋl. Mɩ ŋmɩɛsa arɩ wɩalɩŋ kala ŋaa wʋtɩtɩɩba nɛ. Mɩɩ gbɛrɛ nɛ dɩ La TƖƖNA doluŋ kala Tɩɩna bʋl wɩɩ-la ʋ sɩ kɛnɛ pɩmɛ. Mɩ fa jaŋ cho dɩ nɩalɩŋ sɩ joŋ cheeriŋ pɩpɩmɛ ŋmʋnsɛ wɩalɩŋ ba sɩ bɩɩna dɩ mɩ cheye a hɛ kʋŋ lɛ bil.

WƖA YƖƖLAA 40:7

Ŋɩɩ nɛ mɩ bʋl, “Namɛ, mɩ kɔ nɛ dɩ mɩ ŋaa wɩalɩŋ ba sɩ ŋmʋnsa bil ŋ teniŋ tʋɔŋ a tɩgɛ mɩ lɛ.

MOSIS KƐŊ IZIRAL TƖŊŊAA LƖƖ 17:14

Ŋɩɩ nɛ La TƖƖNA bʋla pɩ Mosis, “Ŋmʋnsɛ wɩɩŋ deeŋ hɛ teniŋ tʋɔŋ dɩ ʋ ŋaa wɩɩ ma sɩ jaŋ vɛnɛɛ liisi a leŋ dɩ Josua nɩɩʋ, arɩ mɩ jaŋ chei Amalɛk dɩ ʋ yɩrɩŋ lɛl dʋnɩa kala lɛ.”

AZAAYA 8:1

Ŋɩɩ nɛ La TƖƖNA bɩra bʋla pɩmɛ, “Joŋ teŋ-jalɩɩ a ŋmʋnsɛ wɩaa deemba hɛ: Maha-Salal-Hasɩ-Bas. (Ʋ bʋbʋɔŋ nɛ: Má yuo diiba a paa ba kɩaa viiri lɩma.)

JƐRƖMAAYA 1:10

Jɩnɩŋ, mɩ lɩɩsɩŋ nɛ a leŋ ŋ kɛŋ doluŋ tinteyee arɩ kuoroo tinteyee lɛ, dɩ ŋ wuo churiba a yigiba lo, dɩ ŋ wuo cheiba a yuo diiba, dɩ ŋ wuo saaba a leŋ dɩ ba chɩŋ.”

JƐRƖMAAYA 1:5

“Ka dɩ mɩ-na ŋaaŋ a hɛ ŋ naaŋ luoruŋ tʋɔŋ, mɩ jɩmɩŋ nɛ. Ka dɩ ba-na lʋlʋŋ, mɩ lɩɩsɩŋ nɛ a leŋ ŋ ŋaa mɩ wʋlaabʋllʋ a pɩ tinteyee nɩaa.”

JƐRƖMAAYA 1:9

Ŋɩɩ nɛ La TƖƖNA lɩɩsɛ ʋ nɩsɩŋ a digi mɩ niiŋ lɛ, aŋ bʋla pɩmɛ, “Lɛɛlɛ mɩ joŋ mɩ niiŋ wɩaa a hɛ ŋ niiŋ lɛ nɛ.

JƐRƖMAAYA 2:4

Iziral tɩmma, Jekɔb doho nɩaa, ma Iziral doho nyɩŋ-nɩaa kala, má jegile nɩɩ wɩɩ-la La TƖƖNA sɩɩ chɛ ʋ bʋl.

JƐRƖMAAYA 25:3

Jɩsɩŋ mara arɩ batori sɩ bala, a chɩŋ Amɔŋ nanʋala Josaaya sɩ dii Juda tinteeŋ kuoruŋ ʋ jɩsɩŋ fii arɩ batori lɛ a kaa kɔ jɩnɩŋ, La TƖƖNA bʋl wɩaa pɩmɛ nɛ. Mɩ ma laa bʋla pɩma bʋlɩa bʋlɩa, ama ma bɩ jegile nɩɩ.

JƐRƖMAAYA 30:2

“Wɩɩ-la mɩ-na ma TƖƖNA, Iziral tɩŋŋaa Wɩa sɩ bʋla nɛ: Ŋmʋnsɛ wɩalɩŋ kala mɩ sɩ bʋla pɩŋ a hɛ teniŋ lɛ.

JƐRƖMAAYA 36:14

tɩntɩnnɩ-hɩasɩ-la kala tɩŋ Nɛtanɩa nanʋala Jehudi, sɩ ŋaa Sɛlɛmaaya nihiŋ a ŋaa Kus ma nihi-lɩɛrɛ dɩ ba bʋla pɩ Baruk, “Kɛŋ teŋ-la ŋ sɩ karɩma pɩ nɩalɩŋ kaa kɔ.” Ŋɩɩ nɛ Neria nanʋala Baruk kori teŋ-la a kaa mʋ ba teeŋ.

JƐRƖMAAYA 36:18

Baruk bʋl, “Oo, ʋ nɛ bʋl wɩaa deemba kala mɩ kɛŋ pensi daaŋ ŋmʋnsɛba a hɛ teniŋ lɛ.”

JƐRƖMAAYA 36:23

Dɩ Jehudi nɛ karɩmɛ wɩalɩŋ sɩ hɛ teŋ-la tʋɔŋ naaderee batori koo banɛsɛ, kuoro yie kɛŋ sɩɩ-bie nɛ a keriba a joŋo hɛ nyiŋ-la sɩ hɛ pupoiŋ lɛ. Ʋ ŋaa ŋɩɩ nɛ a nyɩgɛ teŋ-la kala.

JƐRƖMAAYA 36:29

Bʋla pɩ Juda tinteeŋ kuoro Jehoyakim, wɩɩ-la mɩ-na ma TƖƖNA sɩ bʋla nɛ ŋ-la: Ŋ nyɩgɛ teŋ-la nɛ aŋ bʋl, ‘Bɛɛ nɛ tɩɩ ŋ ŋmʋnsɛ arɩ Babɩlɔŋ kuoro jaŋ sɛnɛ kʋ chei tinteeŋ deeŋ a kpʋ ʋ nɩaa arɩ ʋ pʋsʋŋ kala?’

JƐRƖMAAYA 36:6

Ŋɩɩ wɩaa, mʋ La TƖƖNA dɩɩ-bal-la tapʋlɩɩ-la ba sɩɩ vɔɔ niiŋ, a karɩmɛ La TƖƖNA niiŋ wɩalɩŋ mɩ sɩ bʋla ŋ ŋmʋnsɛ. Karɩmɛba a pɩ Juda nɩalɩŋ kala sɩ lɩɩ ba tasɩŋ kɔ.

JƐRƖMAAYA 45:1

Josaaya nanʋala Jehoyakim sɩ dii Juda tinteeŋ kuoruŋ, ʋ jɩsɩŋ banɛsɛ lɛ nɛ Wɩa wʋlaabʋlla Jɛrɩmaaya bʋl wɩaa pɩ Neria nanʋala Baruk. Jɛrɩmaaya sɩ bʋl wɩalɩŋ ka Baruk ŋmʋnsa hɛ teniŋ lɛ ʋ ŋɩɩ harɩŋ, ʋ bʋl:

JƐRƖMAAYA 51:60

Jɛrɩmaaya fa ŋmʋnsɛ wʋlɔrʋnʋ-la kala sɩ jaŋ ŋaa Babɩlɔŋ lɛ a hɛ teniŋ tʋɔŋ nɛ, wɩalɩŋ kala ba sɩ ŋmʋnsa tɩgɛ Babɩlɔŋ lɛ.

ƐZƖKƖƐL 2:9

Ŋɩɩ nɛ mɩ beŋ a na nɩa nɩsɩŋ tɩɛna a chaasɛmɛ. Nɩsɩ-la tʋɔŋ teniŋ hɛ nɩmɛ,

HOSIA 8:12

Mɩ ŋmʋnsɛ mɩ wombie-la mɩ sɩ bile dɩ ba tuto wɩaa yʋgɛ nɛ a pɩba, ama ba mɩɩra jomba a nagɛ ba ha bɩ ba na aŋ ka.

MOSIS BƖRA WULLI WƖA WOMBIIŊ 31:24

Ŋɩɩ nɛ Mosis ŋmʋnsɛ Wɩa wombie-la kala a hɛ teniŋ lɛ.

Hiburu TƖŊŊAA 10:7

Ŋɩɩ nɛ mɩ bʋl, ‘Mɩ Tɩɩna Wɩa, mɩ kɔ nɛ dɩ mɩ ŋaa wɩalɩŋ sɩɩ tɔrɛ ŋ tʋɔŋ. Mɩ kɔ nɛ dɩ mɩ ŋaa wɩalɩŋ ba sɩ ŋmʋnsa bil ŋ teniŋ tʋɔŋ a tɩgɛ mɩ lɛ.’ ”