JƐRƖMAAYA 34:22 - WƖA TENIŊ

²² Mɩ-na ma TƖƖNA nɛ bʋla, mɩ jaŋ pa wombiiŋ, a kɛmba mɩɩra kɔ tabalɩŋ deeŋ. Ba jaŋ yuo laaʋ a nyɩgʋ dɩ ʋ dii tel. Mɩ jaŋ leŋ dɩ Juda tasɩŋ chei a pɩŋ, dɩ nʋʋkala sɩ́ wuo hɔŋ nɩmɛ.”

JƐRƖMAAYA 34:22 ပူးပေါင်းရင်းမြစ်များ

2 SAMƲƐL 16:11

Ŋɩɩ nɛ Devit bɩra bʋla pɩ Abɩsaɩ arɩ ʋ tɩntɩnnɩ-hɩasɩŋ kala, “Mɩ tɩtɩa bii-lʋlʋŋ nɩɩ walɩmɛ dɩ ʋ kpʋmɛ. Bɛɛ nɛ jaŋ tɩɩ Bɛnjamɩŋ doho nɩa deeŋ-na bɩ jaŋ chɩchɛ dɩ ʋ kpʋmɛ? Má leŋu dɩ ʋ tʋʋsɛmɛ ŋɩɩ kala ʋ sɩɩ chɛ. La TƖƖNA nɛ sɩ ʋ tʋʋsɛmɛ.

2 KUOROO 25:6

Ba kɛnʋ kaa mʋ taŋ-la ba sɩɩ yɩrɛ Rɩbɩla, Nebukadineza diiu sarɩya, a joŋ cheeriŋ pʋ.

2 KUOROO 25:9

Ʋ sɩ kɔ, ʋ nyɩgɛ Wɩa dɩɩ-bal-la, kuoru dɩa arɩ Jerusalɛm dɩɩsɩŋ kala. Dɩɩ-nyuŋ kala sɩ hɛ nɩmɛ nɛ ʋ nyɩgɛ.

2 IZIRAL TƖŊŊAA NAABARƖŊ 36:17

Ŋɩɩ nɛ ʋ lɛrɛ Babɩlɔŋ kuoro kʋ hɛ ba lɛ, ʋ kpʋ ba baalaa arɩ haalaa, hambiisiŋ arɩ nɩhɩasɩŋ kala, a kpʋ ba bapʋɔsaa ma sɩ paala hɛ Wɩa dɩɩ-bal-la lɛ. Wɩa fa joŋ ba kala hɛ Nebukadineza nɩsɩŋ lɛ nɛ.

AZAAYA 13:3

Mɩ hɛ mɩ laalɩyuoro-la sɩ jɩŋ laalɩ-yuonuŋ nɛ, mɩ yɩrɛ nɩalɩŋ sɩɩ jʋɔsɛ mɩ doluŋ lɛ nɛ, dɩ ba mʋ yuo nɩalɩŋ nyuŋ mɩ sɩ na baanɩŋ.

AZAAYA 24:12

Tabal-la pɩŋ jikpeeŋ nɛ, ba ŋmoo ʋ boi-baalaa kala nɛ bori muno muno.

AZAAYA 37:26

Sanakɛrɩb, ŋ bɩ wɩalɩŋ mɩ-na La TƖƖNA sɩ bɩɩna bil faafaa kala dɩ mɩ ŋaa nɩa? Lɛɛlɛ mɩ ŋaaba nɛ. Mɩ nɛ pɩŋ doluŋ ŋ kaa kɛŋ tasɩ-la kala ba sɩ saa kɛrɩsɩŋ golli bɩrɩmɛ ba nagɛ tabɩaa sɩ daŋ dɔŋɔ lɛ.

AZAAYA 6:11

Ŋɩɩ nɛ mɩ pɩɛsɛ, “La TƖƖNA ɛɛ nɛ ŋɩɩ jaŋ diene magɛ?” Ʋ bʋl, “See dɩ ba tabalaa cheye a pɩŋ jikpeeŋ, dɩ nɩaa tuo ba lɛ dɩ ba dɩɩsɩŋ kala wuoli, dɩ ba bagɩsɩŋ ma kala pɩŋ kʋŋkʋlʋŋ.

AZAAYA 64:10

Ŋ tasɩ-la kala sɩ bɩ disiniŋ kɛnɛ nagɛ tintee-hɩlɩŋ nɛ. Jerusalɛm paala nagɛ jikpeeŋ nɛ, Zaayɔŋ pɩŋ hoi.

JƐRƖMAAYA 2:15

Ma dʋndɔŋŋɔɔ ŋaa goŋ nɛ ma nyuŋ a nagɛ naachigee sɩ yele, ba chei ma tinteeŋ nɛ. Ma tasɩŋ kala nɛ nyiniŋ dii, ba lɩɩ vɩa ta.

JƐRƖMAAYA 32:29

Babɩlɔŋ tɩmma-la sɩɩ yuo tabalɩŋ deeŋ jaŋ kʋ jʋʋ joŋ nyiniŋ hɛʋ. Ba jaŋ nyɩgʋ dɩ ʋ dii tel, a pɛ dɩɩsɩ-la nɩaa sɩ kaa ŋaa wɩaa mɩ baanɩŋ sii lɛ. Dɩɩsɩ-la nyuŋ nɛ ba nyɩgɛ kʋsʋɔrʋsʋŋ pɩpɩ vene-la ba sɩɩ yɩrɛ Baal, aŋ pɛ ŋaa kʋnyʋalaa Wɩɩsʋlʋŋ ma aa pɩ vesiŋ.

JƐRƖMAAYA 33:10

Wɩɩ-la La TƖƖNA sɩ bʋla nɛ ŋ-la: “Ma bʋla a mʋ tɩgɛ leriŋ deeŋ lɛ, ‘Ʋ pɩŋ hoi nɛ, nɩaa arɩ pʋsʋŋ tuo.’ Arɩ ŋɩɩ kala, Juda tasɩŋ arɩ Jerusalɛm womporunu-la sɩ pɩŋ pɛɩ ŋɩɩ, nɩaa koo pʋsʋŋ tuo ba lɛ, nɩaa jaŋ bɩra nɩɩ

JƐRƖMAAYA 34:2

Wɩɩ-la La TƖƖNA, Iziral tɩŋŋaa Wɩa sɩ bʋla nɛ ŋ-la: Mʋ Juda tinteeŋ kuoro Zedikaaya teeŋ a bʋla pʋ, “Wɩɩ-la mɩ-na ma TƖƖNA sɩ bʋla nɛ ŋ-la: Mɩɩ chɛ mɩ joŋ tabalɩŋ deeŋ a hɛ Babɩlɔŋ kuoro nɩsɩŋ lɛ nɛ dɩ ʋ nyɩgʋ.

JƐRƖMAAYA 38:23

Ba jaŋ kɛsɛ ŋ haalaa arɩ ŋ biiriŋ kala a kaa kʋ lɩɩ pɩ Babɩlɔŋ tɩmma-la. Ŋ ma tɩtɩa bɩ jaŋ fori ba nɩsɩŋ lɛ. Ama Babɩlɔŋ kuoro jaŋ yuo kɛnɩŋ, ka dɩ ba nyɩgɛ tabalɩŋ deeŋ dɩ ʋ dii tel.”

JƐRƖMAAYA 39:8

Babɩlɔŋ tɩmma-la chol nyiniŋ hɛ kuoro dɩa lɛ arɩ nɩalɩŋ dɩɩsɩŋ aŋ ŋmoo Jerusalɛm jebiee lo.

JƐRƖMAAYA 4:7

Naachigiŋ sii ʋ dɩpɩnɩŋ nɛ a kʋ lɩɩ. Kʋ-la sɩɩ chei tinteyee sie nɛ. Ʋ lɩɩ ʋ leriŋ nɛ a kɔ dɩ ʋ chei ma tinteeŋ. Ma tasɩŋ jaŋ pɩŋ jikpeeniŋ, nɩaa jaŋ tuo ba lɛ.

JƐRƖMAAYA 44:22

La TƖƖNA sɩ kʋ magɛ ŋɩɩ a bɩra bɩ ma wʋbɔŋŋɔɔ arɩ ma wʋkɩsɩa-la lɛ wuo nyalɩmɛ, ʋ leŋe ma tinteeŋ pɩŋ hoi nɛ, nʋʋkala tuo nɩmɛ arɩ ʋ sɩ nagɛ ŋɩɩ jɩnɩmba, nɩaa kɛŋ ʋ yɩrɩŋ ŋmɩɛsa hɩhɛ nɩaa lɛ.

JƐRƖMAAYA 50:13

A tɩŋ mɩ-na ma TƖƖNA sɩ na baanɩŋ wɩaa, nʋʋkala bɩ jaŋ hɛ ʋ lɛ. Ama ʋ kala jaŋ pɩŋ jikpeeŋ. Nɩalɩŋ kala sɩ to Babɩlɔŋ bɩbal, ʋ wɩaa jaŋ kperiba a tɩŋ ŋɩɩ ba sɩ cheyu.

JƐRƖMAAYA 52:13

Ʋ sɩ kɔ, ʋ nyɩgɛ Wɩa dɩɩ-bal-la, kuoru dɩa arɩ Jerusalɛm dɩɩsɩŋ kala. Dɩɩ-nyuŋ kala sɩ hɛ nɩmɛ nɛ ʋ nyɩgɛ.

JƐRƖMAAYA 52:7

Ŋɩɩ nɛ Babɩlɔŋ laalɩyuoro-la ŋmoo taŋ-la kɛrɛ lo. Zedikaaya arɩ ʋ laalɩyuoroo sii tɩtaŋɩŋ a fá to boi-baal-la sɩ hɛ kɛrɩsɩŋ balɩa pɛgɛ a kpagɛ kuoro ŋmaŋkaaŋ a lɩɩ, arɩ ba dʋndɔŋŋɔɔ fa sɩ golli tabal-la ma kala. Ba fá to Jɔdaŋ fuo-la dɩɩrɩŋ a mʋ.

JƐRƖMAAYA 9:11

La TƖƖNA sɩ, “Mɩ jaŋ leŋ dɩ Jerusalɛm pɩŋ jikpeeŋ, a ŋaa jolluŋ dɩjʋʋlʋŋ. Mɩ jaŋ leŋ dɩ Juda tasɩŋ pɩŋ hoi, dɩ nʋʋkala sɩ́ wuo hɔŋ lee-la.”

JEMBIEE 1:1

Bee na Jerusalɛm tabal-la sɩ pɩŋ jikpeeŋ ŋɩɩ, taŋ-la nɩaa fa sɩ suo, ʋ mɩɩra nagɛ yo-haal nɛ. Ʋ fa ŋaa ta-zɔŋ nɛ tinteyee tʋɔŋ. Tinteyee tʋɔŋ, ʋ nɛ fa yʋga, ʋ nɛ lɛɛlɛ bɩrɩmɛ yoŋ ŋɩɩ.

ƐZƖKƖƐL 13:22

Ma nyɩɛ wɩaa a ŋaa tʋɔpʋl tɩmma-la mɩ sɩ bɩ chɛ mɩ leŋ dɩ ba tʋɔŋ chei, nandaasɩŋ yʋɔrɛ nɛ, aŋ leŋ nɩbɔŋŋɔɔ nyuŋ nyaasɛ dɩ ba sɩ bɩrɩma lɩɩ ba wʋbɔŋŋɔɔ lɛ a laa ba mɩɩsɩŋ.

AMƆS 3:6

Ba jaŋ wuo ŋmʋʋ laalɩŋ banyile taŋ lɛ ka fawʋllʋŋ bɩ nɩaa ka kɛŋ? Wʋlɔrʋŋ jaŋ wuo ŋaa taŋ lɛ, dɩ mɩ-na ma Tɩɩna dee bɩ kaa kɔ?

MƖKA 7:13

Dʋnɩa sɛmɛ-la sɩ ka jaŋ pɩŋ hoi a tɩŋ wʋbɔmɔ-la nɩalɩŋ sɩ hɛ ʋ lɛ sɩɩ ŋaa wɩaa.

ZƐKARƖYA 1:12

Ŋɩɩ nɛ La TƖƖNA tɩndaarʋ-la bʋl, “La TƖƖNA doluŋ kala Tɩɩna, ɛɛ nɛ ŋŋ chɛ ŋ vɩa Jerusalɛm nɩaa arɩ Juda tasɩŋ nenige fanɩŋ a diene magɛ, nɩalɩŋ nyuŋ ŋ sɩ na baanɩŋ jɩsɩŋ mahɩŋ batori arɩ fii?”

ZƐKARƖYA 7:14

Mɩ leŋe pel-duo nɛ kɛmba pɩsa hɛ tinteyee lɛ, ba ŋaa nʋhʋɔra. Tintee-la fa pɩŋ hoi nɛ, nʋʋkala bɩ nɩmɛ ka mʋ koo a lɩɩ nɩmɛ kʋkɔ. Wɩalɩŋ ba sɩ ŋaa a leŋ tintee-zɔŋ-la pɩŋ hoi nɛ ŋɩɩ.”

Matiu 22:7

Ŋɩɩ nɛ kuoru-la na baanɩŋ a ta ʋ laalɩyuoroo, ba mʋ kpʋ nɩalɩŋ sɩ kpʋ ʋ dɩa tɩntɩnna-la aŋ nyɩgɛ ba tabalɩŋ kala.