JƐRƖMAAYA 34:20 - WƖA TENIŊ

²⁰ mɩ jaŋ jomba hɛ ba dʋndɔŋŋɔɔ sɩɩ chɛ ba lɩɩsɛ ba mɩɩsɩŋ nɩsɩŋ lɛ. Ba kʋsʋʋnʋŋ jaŋ bɩrɩmɛ zaaraa arɩ baga kɩaa kʋdiilee.

JƐRƖMAAYA 34:20 ပူးပေါင်းရင်းမြစ်များ

1 KUOROO 14:11

Jerobuam naambiiri-la sɩ jaŋ sʋʋ jaŋ lɛ, vasɩŋ jaŋ dii ba kʋsʋʋnʋŋ, ka dɩ zaaraa ma dii nɩalɩŋ sɩ jaŋ sʋʋ gɩrɩŋ lɛ. La TƖƖNA nɛ bʋla.’

1 KUOROO 16:4

Baasa naambiiri-la sɩ jaŋ sʋʋ jaŋ lɛ, vasɩŋ nɛ jaŋ dii ba kʋsʋʋnʋŋ, ka dɩ zaaraa ma dii nɩalɩŋ sɩ jaŋ sʋʋ gɩrɩŋ lɛ.”

WƖA YƖƖLAA 79:2

Ba joŋ ŋ tɩntɩnnaa kʋsʋʋnʋŋ a pɩ duunuŋ nɛ. Nɩalɩŋ sɩ sɛɩ ŋ niiŋ yaraa bɩrɩmɛ gɩrɩŋ kɩalɩŋ sɩɩ dii nammɩa kʋdiilee.

JƐRƖMAAYA 11:21

Ŋɩɩ wɩaa wɩɩ-la La TƖƖNA sɩ bʋla a mʋ tɩgɛ Anatɔf baala-la sɩɩ chɛ dɩ ba kpʋmɛ lɛ nɛ ŋ-la: “Sɩ́ wɩaa bʋl La TƖƖNA yɩrɩŋ lɛ, dɩ ŋɩɩ dee la jaŋ kpʋŋ.

JƐRƖMAAYA 12:9

Mɩ nɩtɩɩlaa mɩɩra nagɛ kɩla nɛ mɩ lɛ, kɩllɩŋ dɔnsʋŋ gollu a chu a yuyuo. Mʋ yɩrɛ baga kɩaa kala hɛ dɔŋɔ, a kɛsɛba kɔ dɩ ba dii vɔgɛ.

JƐRƖMAAYA 16:4

“Nyanyal bɔŋŋɔɔ jaŋ kpʋba. Ba bɩ jaŋ hugiba koo a yel ba yoho. Ba jaŋ nagɛ nʋsʋrʋŋ a pɩŋ tinteeŋ. Ba jaŋ kpʋ dɔnsʋŋ laalɩŋ lɛ, dɩ losuŋ ma kɛŋ dɔnsʋŋ dɩ ba sʋʋ. Ba kʋsʋʋnʋŋ jaŋ bɩrɩmɛ zaaraa arɩ baga kɩaa kʋdiilee.”

JƐRƖMAAYA 19:7

Leriŋ deeŋ lɛ nɛ mɩ jaŋ chei Juda arɩ Jerusalɛm nɩaa wɩalɩŋ kala ba sɩ vʋʋra. Mɩ jaŋ leŋ dɩ ba dʋndɔŋŋɔɔ yuo diiba a kpʋba laalɩŋ lɛ, nɩalɩŋ sɩɩ chɛ ba lɩɩsɛ ba mɩɩsɩŋ. Mɩ jaŋ joŋ ba kʋsʋʋnʋŋ a pɩ zaaraa arɩ baga kɩaa.

JƐRƖMAAYA 21:7

La TƖƖNA sɩ, “Ŋɩɩ harɩŋ, mɩ jaŋ joŋ Juda kuoro Zedikaaya, ʋ tɩntɩnnɩ-hɩasɩŋ arɩ nɩalɩŋ sɩ hɛ tabalɩŋ deeŋ lɛ, nɩalɩŋ nyanyal-bɔŋ-la, laalɩŋ arɩ losuŋ sɩ bɩ kpʋa a hɛ Babɩlɔŋ kuoro Nebukadineza nɩsɩŋ lɛ, arɩ ba dʋndɔmɔ-la sɩɩ chɛ dɩ ba lɩɩsɛ ba mɩɩsɩŋ. Ʋ jaŋ kpʋba. Ʋ bɩ jaŋ fá ba nisusuŋ koo ba nenige, ʋ tʋɔŋ bɩ jaŋ wɩɩ ba lɛ.

JƐRƖMAAYA 22:25

Mɩ jaŋ joŋuŋ hɛ nɩalɩŋ sɩɩ chɛ ba lɩɩsɛ ŋ mɩɩsɩŋ nɩsɩŋ lɛ, nɩalɩŋ ŋ sɩɩ fá. Mɩ jaŋ joŋuŋ hɛ Babɩlɔŋ kuoro Nebukadineza arɩ ʋ nɩaa nɩsɩŋ lɛ.

JƐRƖMAAYA 38:16

Ŋɩɩ nɛ kuoro Zedikaaya lʋara ŋmɩɛsa pɩ Jɛrɩmaaya: “Mɩ ŋmɩɛsɛ La TƖƖNA sɩ weye, Nɩɩ-la sɩɩ pɩla wiese, mɩ bɩ jaŋ kpʋŋ koo a joŋuŋ hɛ nɩalɩŋ sɩɩ chɛ ba lɩɩsɛ ŋ mɩɩsɩŋ nɩsɩŋ lɛ.”

JƐRƖMAAYA 39:6

Rɩbɩla lɛ, Babɩlɔŋ kuoro leŋ ba kpʋ Zedikaaya hambolibiisiŋ ʋ sɩɩŋ lɛ, a kpʋ Juda nɩbalaa ma kala.

JƐRƖMAAYA 4:30

Ŋ-na Jerusalɛm, ŋ nagɛ nʋʋ ba sɩ chei ʋ kala nɛ, bɛɛ kʋŋ nɛ ŋ ŋɩŋaa? Bɛɛ nɛ tɩɩ ŋ laalɛ gɛrɩ-fɩɛsɩŋ, a hɛ sɛlɩmɛ kpɩɛraa? Bɛɛ nɛ tɩɩ ŋ tuuri ŋ sɩaa ŋŋgbensi? Ŋ magɩla kpɩɛrɛ ŋ tɩtɩa pɛɩ nɛ. Ŋ hɩɩlaba mɩɩsɩŋ fɩɩŋ nɛ. Baa chɛ ba lɩɩsɛ ŋ mɩɩsɩŋ nɛ.

JƐRƖMAAYA 44:30

Wɩɩ-la La TƖƖNA sɩ bʋla nɛ ŋ-la: “Mɩ jaŋ joŋ Ijipiti kuoro Hɔfɩra a hɛ ʋ dʋndɔmɔ-la sɩɩ chɛ ba lɩɩsɛ ʋ mɩɩsɩŋ nɩsɩŋ lɛ, a nagɛ ŋɩɩ mɩ sɩ joŋ Juda kuoro Zedikaaya hɛ Babɩlɔŋ kuoro Nebukadineza nɩsɩŋ lɛ, ʋ dʋndɔŋ-la fa sɩɩ chɛ ʋ lɩɩsɛ ʋ mɩɩsɩŋ.”

JƐRƖMAAYA 49:37

Mɩ jaŋ leŋ dɩ fawʋllʋŋ kɛŋ Ɛlam nɩaa ba dʋndɔŋŋɔɔ sɩpaaŋ, nɩalɩŋ sɩɩ chɛ ba lɩɩsɛ ba mɩɩsɩŋ. Mɩ jaŋ chaasa na baanɩŋ a kɛŋ wʋlɔrʋŋ kʋ hɛ ba lɛ. Mɩ jaŋ joŋ laalɩŋ kire to ba harɩŋ, see dɩ mɩ dɛrɛ ba kala. Mɩ-na ma TƖƖNA nɛ bʋla.

JƐRƖMAAYA 7:33

Juda nɩaa kʋsʋʋnʋŋ jaŋ bɩrɩmɛ zaaraa arɩ baga kɩaa kʋdiilee. Nʋʋkala jaŋ tuo dɩ ʋ kiriba ta.

ƐZƖKƖƐL 23:28

Wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Mɩ jaŋ joŋuŋ hɛ nɩalɩŋ ŋ sɩ bɛrɛ nɩsɩŋ lɛ, nɩalɩŋ ŋ mɩɩsɩŋ sɩ fɩa ŋ mɩɩrɛ ba harɩŋ.

ƐZƖKƖƐL 29:5

Mɩ jaŋ joŋ ŋ dɩ chenfile-la kala ta tintee-hɩlɩŋ lɛ. Ma jaŋ pɩŋ pɔkɔŋ nyuŋ, nʋʋkala bɩ jaŋ paama. Mɩ jaŋ jomma pɩ baga kɩaa arɩ zaaraa dɩ ba dii.

ƐZƖKƖƐL 32:4

Mɩ jaŋ joŋuŋ yuo ta dɩ ŋ pɩŋ tintee-jaala lɛ. Mɩ jaŋ leŋ dɩ zaaraa arɩ baga kɩaa kala diiŋ.

MOSIS BƖRA WULLI WƖA WOMBIIŊ 28:26

Ma jaŋ sʋʋ dɩ zaaraa arɩ baga kɩaa didii ma kʋsʋʋnʋŋ, ka nʋʋkala jaŋ tuo dɩ ʋ kiriba.

1 SAMƲƐL 17:44

aŋ bʋl, “Kɔ daha dɩ mɩ kɛnɩŋ pʋɔsa pɩ zaaraa arɩ baga kɩaa dɩ ba dii.”

1 SAMƲƐL 17:46

Jɩnɩŋ La TƖƖNA jaŋ joŋuŋ hɛ mɩ nɩsɩŋ lɛ, mɩ jaŋ kpʋŋ a keri ŋ nyuŋ. Jɩnɩŋ mɩ jaŋ joŋ Fɩlɩsɩtɩa tɩŋŋaa laalɩyuoroo deemba kʋsʋʋnʋŋ a pɩ zaaraa arɩ baga kɩaa dɩ ba dii. Ŋɩɩ nɛ dʋnɩa nɩaa kala jaŋ jɩŋ dɩ Iziral Wɩa nɛ kɛŋ doluŋ.