JƐRƖMAAYA 34:17 - WƖA TENIŊ

¹⁷ Ŋɩɩ wɩaa, wɩɩ-la mɩ-na ma TƖƖNA sɩ bʋla nɛ ŋ-la: Ma bɩ mɩ niiŋ to, ma bɩ ma dɔnsʋŋ tɩŋŋaa sɩ ŋaa ma yosuŋ joŋo ta. Ŋɩɩ wɩaa mɩ-na jaŋ jomma ta: Mɩ jaŋ leŋ dɩ laalɩŋ, losuŋ arɩ nyanyal-bɔmʋŋ kpʋma. Mɩ jaŋ leŋ dɩ ma nagɛ kʋŋ sɩɩ sʋɔrʋ kuori-gentisiŋ kala sɩ hɛ dʋnɩa lɛ teeŋ.

JƐRƖMAAYA 34:17 ပူးပေါင်းရင်းမြစ်များ

ƐSƖTA 7:10

Lɩma lɩma dɩ ba kɛŋ Hamaŋ a lieŋu jebii-la ʋ sɩ saa dɩ ʋ lieŋi Modikaaya lɛ, ka kuoro baanɩŋ na fɩɛlɛ.”

JƐRƖMAAYA 15:2

Dɩ ba nɛ pɩɛsɩŋ, ‘Nɩɩ nɛ la jaŋ mʋ?’ bʋla pɩba, Wɩɩ-la mɩ-na ma TƖƖNA sɩ bʋla nɛ ŋ-la: ‘Nɩalɩŋ nyanyal bɔŋŋɔɔ sɩ jaŋ kpʋ, ba jaŋ kpʋ. Nɩalɩŋ sɩ jaŋ sʋʋ laalɩŋ lɛ, ba jaŋ sʋʋ. Nɩalɩŋ losuŋ sɩ jaŋ kɛŋ dɩ ba sʋʋ, ba jaŋ sʋʋ. Nɩalɩŋ ma ba sɩ jaŋ kɛsɛ mʋ yoŋ-baga, ba jaŋ kɛsɛ mʋ.’

JƐRƖMAAYA 15:4

Mɩ jaŋ ŋaa dɩ ba nagɛ kʋŋ sɩɩ sʋɔrʋ dʋnɩa kuoroo kala teeŋ, a tɩŋ wɩalɩŋ Hezikaaya nanʋala Manasɛ sɩ dii Juda tinteeŋ kuoruŋ a ŋaa Jerusalɛm lɛ wɩaa.

JƐRƖMAAYA 21:7

La TƖƖNA sɩ, “Ŋɩɩ harɩŋ, mɩ jaŋ joŋ Juda kuoro Zedikaaya, ʋ tɩntɩnnɩ-hɩasɩŋ arɩ nɩalɩŋ sɩ hɛ tabalɩŋ deeŋ lɛ, nɩalɩŋ nyanyal-bɔŋ-la, laalɩŋ arɩ losuŋ sɩ bɩ kpʋa a hɛ Babɩlɔŋ kuoro Nebukadineza nɩsɩŋ lɛ, arɩ ba dʋndɔmɔ-la sɩɩ chɛ dɩ ba lɩɩsɛ ba mɩɩsɩŋ. Ʋ jaŋ kpʋba. Ʋ bɩ jaŋ fá ba nisusuŋ koo ba nenige, ʋ tʋɔŋ bɩ jaŋ wɩɩ ba lɛ.

JƐRƖMAAYA 29:17

Wʋtɩtɩɩ, wɩɩ-la La TƖƖNA doluŋ kala Tɩɩna sɩ bʋla nɛ ŋ-la: “Mɩ jaŋ joŋ laalɩŋ, losuŋ arɩ nyanyalɩɩ a hɛ nɩaa deemba lɛ, aŋ leŋ dɩ ba nagɛ tutogi-nambɩlaa sɩ cheye, a lɔrɛ a bɩ ba dii kɛnɛ.

JƐRƖMAAYA 29:18

Mɩ jaŋ joŋ laalɩŋ, losuŋ arɩ nyanyal-bɔmʋŋ a kire to ba harɩŋ. Mɩ jaŋ leŋ dɩ ba kɛŋ nyɛsɩŋ dʋnɩa kuori-gentisiŋ nɩaa kala teeŋ, dɩ nɩaa kɛŋ ba yɩrɩŋ ŋmɩɛsa hɩhɛ dɔŋɔ lɛ. Nɩaa jaŋ naba dɩ fawʋllʋŋ kɛmba dɩ ba hihirigi. Tinteye-la kala lɛ mɩ sɩ kiriba hɛ, nɩaa jaŋ sisieri ba lɛ a mʋmɔmba.

JƐRƖMAAYA 32:24

Bee na ŋɩɩ ba sɩ saa vaŋkumba dɩ ba yuo dii tabal-la. A tɩŋ laalɩŋ, losuŋ arɩ nyanyalɩŋ wɩaa, tabal-la jaŋ jʋʋ Babɩlɔŋ tɩmma-la sɩɩ yuou nɩsɩŋ. Wɩɩ-la ŋ sɩ bʋla sɛnɛ ŋaa nɛ, ʋ nɛ ŋ nɩna ŋɩɩ lɛɛlɛ.

JƐRƖMAAYA 32:25

Ŋ sɩ jaŋ joŋ tabal-la a hɛ Babɩlɔŋ tɩŋŋaa nɩsɩŋ lɛ ma, ŋ-na La TƖƖNA Wɩɩjarɩbakɔ ha bʋla pɩmɛ, ‘Joŋ warɩpʋla a yɔɔ tintee-la, aŋ leŋ dɩ nɩaa ŋaa pɛ-naaraa.’ ”

JƐRƖMAAYA 32:36

Ma bʋlaa tɩgɛ tabalɩŋ deeŋ lɛ, ‘Laalɩŋ, losuŋ arɩ nyanyalɩɩ jaŋ leŋ dɩ taŋ deeŋ jʋʋ Babɩlɔŋ kuoro nɩsɩŋ,’ ama wɩɩ-la mɩ-na ma TƖƖNA, Iziral tɩŋŋaa Wɩa sɩ bʋla nɛ ŋ-la:

JƐRƖMAAYA 34:8

Kuoro Zedikaaya arɩ nɩalɩŋ kala sɩ hɛ Jerusalɛm lɛ bil niiŋ arɩ ba jaŋ joŋ yosuŋ ta, ŋɩɩ harɩŋ La TƖƖNA bʋl wɩaa pɩ Jɛrɩmaaya.

JƐRƖMAAYA 38:2

“Wɩɩ-la La TƖƖNA sɩ bʋla nɛ ŋ-la: ‘Nʋʋ na-kala sɩ jaŋ hɔŋ tabalɩŋ deeŋ lɛ, laalɩŋ, losuŋ koo nyanyalɩɩ nɛ jaŋ kpʋʋ. Ama nɩɩ-la kala sɩ jaŋ kɛŋ ʋ tɩtɩa mʋ pɛ Babɩlɔŋ nɩaa tʋɔŋ, ʋ jaŋ kɛŋ mɩɩsɩŋ. Ʋ jaŋ laa ʋ mɩɩsɩŋ, ʋ bɩ jaŋ sʋʋ.’

JEMBIEE 1:8

Jerusalɛm nɩaa ŋaa wʋbɔŋŋɔɔ kɩŋkɛŋ nɛ, ŋɩɩ leŋ ʋ kɛŋ disiniŋ. Nɩalɩŋ kala fa sɩɩ zilu mɩɩra kɛnʋ gbigbesi nɛ, bɛɛ wɩaa ba na ʋ bʋbʋɔŋ kala nɛ. Ʋ tɩtɩa hʋʋnɛ aŋ gʋrɛ nyuŋ.

DANƖƐL 6:24

Kuoro ŋaa ba kɛsɛ nɩalɩŋ sɩ nyɩɛ wɩaa pɩ Danɩɛl, a kɛsɛ ba haalaa arɩ ba biiriŋ kala kɔ a jomba yuo hɛ naachigee dɩ-jʋʋlɩɩ-la lɛ. Ba paala bɩ tinteeŋ tele, ka naachige-la fɩla jɩlba a kɛmba pʋɔsɛ a chamba, a yɛrɛ ba haŋgbelee kala.

Matiu 7:2

Wɩa jaŋ dii ma sarɩya arɩ ŋɩɩ tɩtɩa ma sɩɩ ŋaa ma dɔnsʋŋ tɩŋŋaa lɛ. Ŋɩɩ ma sɩ joŋo to ma dɔnsʋŋ tɩŋŋaa lɛ, ŋɩɩ tɩtɩa nɛ Wɩa ma jaŋ joŋo to ma lɛ.

Galiisia Nɩaa 6:7

Má sɩ́ ma tɩtɩa nyɩsʋ. Nʋʋkala bɩ Wɩa wuo mɔŋ. Kʋ-la ŋ sɩ duo, ʋ tɩtɩa nɛ ŋ jaŋ kʋŋ.

MOSIS BƖRA WULLI WƖA WOMBIIŊ 19:19

ʋ maga dɩ ba joŋ wɩɩ-la ba fa sɩ jaŋ joŋo ŋaa ʋ naambile lɛ, a ŋaa ʋ lɛ. Ʋ maga dɩ má giri wʋbɔŋ-la ta nɛ ma tʋɔŋ.

MOSIS BƖRA WULLI WƖA WOMBIIŊ 28:25

La TƖƖNA jaŋ leŋ dɩ ma dʋndɔŋŋɔɔ yuo diima. Ma jaŋ to dɩ-bala a mʋ dɩ ma yuoba, ama ba jaŋ kirima dɩ ma fá pɩsɛ a chɩchɛ dɩ ma laa ma tɩtɩa. Dʋnɩa nɩaa kala jaŋ na wɩɩ-la sɩ ŋaa ma lɛ dɩ fawʋllʋŋ faasa kɛmba.

MOSIS BƖRA WULLI WƖA WOMBIIŊ 28:64

La TƖƖNA jaŋ kɛmma pɩsa hɛ dʋnɩa tinteyee kala lɛ. Nɩmɛ nɛ ma jaŋ kpaarɛ vesiŋ ba sɩ kɛŋ daaŋ arɩ tabɩaa a ŋaa, vesi-la ma dɩ ma naabalɩmaba sɩ bɩ jɩŋ.

Jeems 2:13

Dɩ nʋʋ nɛ bɩ nɩaa nenige ka fá, Wɩa ma bɩ jaŋ fá tɩɩna nenige bʋa-la lɛ ʋ sɩ jaŋ didii nɩaa sarɩya. Ama nɩɩ-la sɩ fá nɩaa nenige bɩ jaŋ fá wɩɩkala sarɩya-la chɛ-diiliŋ.

Jɔɔŋ Wʋnaalaa 16:6

Dʋnɩa nɩaa kpʋ ŋ nɩaa arɩ ŋ wʋlaabʋllaa nɛ. Ba sɩ ŋaa ŋɩɩ nɛ tɩɩ ŋ ŋaa chalɩŋ pɩba dɩ ba nyʋa. Ʋ maga dɩ ba nyʋa nɛ.”