JƐRƖMAAYA 34:16 - WƖA TENIŊ

¹⁶ Ama lɛɛlɛ ma bɩra mɩɩrɛ harɩŋ nɛ a chei mɩ yɩrɩŋ. Ma kʋŋkala bɩra mɩɩra kɛsɛ ma yoŋ-baala-la arɩ yoŋ-haala-la ma fa sɩ joŋo ta dɩ ba mʋ lee-kala ba sɩɩ chɛ nɛ. Ma fʋgɛba nɛ ba bɩra ŋaa ma yosi.

JƐRƖMAAYA 34:16 ပူးပေါင်းရင်းမြစ်များ

MOSIS KƐŊ IZIRAL TƖŊŊAA LƖƖ 20:7

Ma pɔ má sɩ́ mɩ yɩrɩŋ yɩrʋ pɛɩ. Mɩ-na ma TƖƖNA Wɩa jaŋ dɔgɩsɛ nɩɩ-la kala sɩ yɩrɛ mɩ yɩrɩŋ pɛɩ.

JƐRƖMAAYA 34:11

Ama ʋ ŋɩɩ harɩŋ, ba bɩra kɛŋ ba tʋɔbɩɩnaa bɩrɩmɛ, a kɛsɛ ba yosu-la ba fa sɩ joŋo ta ba bɩra ŋaa yosi.

ƐZƖKƖƐL 13:22

Ma nyɩɛ wɩaa a ŋaa tʋɔpʋl tɩmma-la mɩ sɩ bɩ chɛ mɩ leŋ dɩ ba tʋɔŋ chei, nandaasɩŋ yʋɔrɛ nɛ, aŋ leŋ nɩbɔŋŋɔɔ nyuŋ nyaasɛ dɩ ba sɩ bɩrɩma lɩɩ ba wʋbɔŋŋɔɔ lɛ a laa ba mɩɩsɩŋ.

ƐZƖKƖƐL 18:24

Ama dɩ tʋɔpʋl tɩɩna nɛ leŋ tʋɔpʋl wɩaa ŋaanɩŋ aŋ mɩɩra ŋɩŋaa wʋbɔŋŋɔɔ arɩ wɩalɩŋ mɩ sɩɩ kɩsʋ ka nɩbɔŋŋɔɔ ŋɩŋaa, ʋ jaŋ kɛŋ mɩɩsɩŋ? Aɩ, mɩ jaŋ yʋ tʋɔpʋl wɩalɩŋ kala ʋ sɩ ŋaa, a tɩŋ ʋ sɩ bɩ wʋtɩtɩɩ kɛnɛ arɩ mɩ aŋ ŋaa wʋbɔŋ wɩalɩŋ, ʋ jaŋ sʋʋ.

ƐZƖKƖƐL 20:39

Ma-na Iziral tɩmma, wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Má-na kʋŋkala mʋ a kpʋkpaarɛ ma tɔŋŋɔɔ. Ama mɩ bʋlaa pɩma, ʋ ŋɩɩ harɩŋ ma jaŋ to mɩ niiŋ, ma bɩra bɩ jaŋ joŋ kɩaa kpʋkpaarɛ vʋɩyaa a chei mɩ yɩrɩ-zɔŋ-la.

ƐZƖKƖƐL 3:20

Dɩ tʋɔpʋl tɩɩna nɛ suomo ŋɩŋaa wʋbɔŋŋɔɔ, dɩ mɩ joŋ wɩaa kɛrɛ ʋ wombiiŋ, dɩ ŋ nɛ bɩ ʋ dɩgɩlaa kpʋrɩsa dɩ ʋ bɩrɩma lɩɩ, ʋ jaŋ sʋʋ. Ʋ jaŋ sʋʋ a tɩŋ ʋ wʋbɔmɔ-la wɩaa, mɩ bɩ jaŋ liisi ʋ wʋzɔmɔ-la ʋ sɩ ŋaa wɩaa. Dɩ ʋ nɛ saa sʋba, mɩ jaŋ tɩŋ ʋ sʋʋŋ wɩaa a kɛŋ ŋ baŋŋaa lɛ.

ƐZƖKƖƐL 39:7

Mɩ jaŋ leŋ dɩ mɩ nɩaa Iziral tɩŋŋaa jɩŋ mɩ yɩrɩ-zɔŋ-la. Mɩ bɩra bɩ jaŋ leŋ dɩ ba chei mɩ yɩrɩ-zɔŋ-la. Ŋɩɩ nɛ tinteyee nɩaa jaŋ jɩŋ arɩ mɩ nɛ ba TƖƖNA sɩ ŋaa Iziral tɩŋŋaa Wɩa a bɩ disiniŋ kɛnɛ.

LEVI DOHO NƖAA 19:12

Ma pʋpɔ má sɩ́ wɩaa nyɩa aŋ ŋmɩɛsɛ mɩ yɩrɩŋ lɛ a chei mɩ yɩrɩŋ. Mɩ nɛ ma TƖƖNA.

MALAKAƖ 1:12

Ama ma sɩɩŋ jʋʋmɛ nɛ ma sɩ yie bʋl arɩ mɩ koru-la bɩ bʋbʋɔŋ kɛnɛ aŋ ŋaa Wɩɩsʋlʋŋ kʋdiile-la ma tɩtɩa sɩ bɩ chɛ a daŋ ʋ nyuŋ.

MALAKAƖ 1:7

Ma joŋ kʋdiile-la sɩ kɛŋ disiniŋ nɛ a ŋaa Wɩɩsʋlʋŋ mɩ koruŋ nyuŋ, aŋ pɩɛsɛ, ‘Bɛɛ kʋŋ sɩɩ-jʋʋ wɩɩ nɛ la ŋaa?’ Sɩɩ-jʋʋ wɩɩ-la ma sɩ ŋaa nɛ, ma sɩ joŋ kɩalɩŋ sɩ kɛŋ disiniŋ a daŋ mɩ koruŋ nyuŋ.

1 SAMƲƐL 15:11

“Mɩ tʋɔŋ kala nɛ cheye mɩ sɩ leŋe Sɔɔl dii kuoruŋ, bɛɛ wɩaa ʋ joŋ harɩŋ a yɩamɛ nɛ, a bɩ wɩalɩŋ mɩ sɩ daga ka to.” Wɩɩ-la walɩmɛ Samʋɛl woruŋ, ʋ bɛrɛ doŋ tɩtaŋɩŋ kala a sʋl La TƖƖNA.